لقاء كارثي
(لقاء كارثي) 30/31
لقاء كارثي
أميره أسامه
صاحبة البطل الواحد
~° البارت الثاني و الثلاثون°~
……………..
في منزل سلمي.
وصلت ايه علي البيت و دخلت لقت حسان.
ايه…اهلا اهلا ده ايه النور ده كله
حسان…..اهلاااا اذيك ايه اخبارك ايه
ايه…انا الحمد لله بخير والله اهلا بالقمر بتاعنا عامله ايه
هنا….ببراءه ابتسمت الحمد لله
ايه….وحشتيني
هنا….وحضرتك
ايه….حضرتك لا بقولك ايه انا عارفه انك كيوت بس انا مليش في حضرتك والكلام ده
حسان….بضحكه جميله سبيها في حالها بقي
ايه….بهمس وهي بتضحك بنتك متربيه اوي مش كده يعني
ضحكوا كلهم قربت من احمد سلمت عليه وباسته و سلمت علي تامر
أحمد….خلصتي خلاض شغلك
ايه…اه كله تمام الحمد لله
احمد….طيب يلا من غير مطرود انتي واختك خدو هنا تلعب معاكم جوه و سيبونا نتكلم شويه
ايه….بس كده عيوني هنا تيجي معانا يلا نفرجك علي الاوض بتاعتنا
هنا…..اوك انا عايزه العب مع الكلاب
سلمي….تعالي يلا هناخدهم معانا جوه لو محتاجين حاجه نادوا علينا
احمد….ماشي يا حبيبتي
خدت سلمت هنا هي و ايه و خرجوا وسابوهم يتكلموا.
بعد ما خرجوا فضلوا ساكتين ثواني و بعدين احمد بص لحسان و ابتسم بهدوء
احمد…..هااااا قولي بقي يا حسان
حسان….بإبتسامه بسيطه وتوتر حاول يخفيه أسألني حضرتك و قولي حابب تعرف ايه وانا هجاوبك
احمد…..كل حاجه عنك و عشان نبقي بنتكلم بكل وضوح انا عارف انت هنا ليه و انت عارف انا قاعد معاك ليه سلمي حكيتلي كل حاجه يعني من اول السفريه لحد مانت قاعد قدامي الوقت
تامر كان قاعد ساكت و مبتسم بهدوء
حسان…..تمام بص يا عمي حضرتك حابب اننا نتكلم بوضوح و بصراحه دي الطريقه اللي بفضلها و اللي بتقصر مسافات كتير يعني الواضح من كلام حضرتك انك عرفت كل حاجه عني من سلمي بس خليني اقولك باختصار تاني انا اسمي محمد حسان عندي 41 سنه كنت متجوز و انفصلت من اكتر من اربع سنين عندي بنت هنا والدتها اتجوزت بعد ما انفصلنا بفتره و هي الوقت منتظره بنوته جديده تبقي اخت لبنتي علاقتي بأم بنتي و زوجها علاقه بفضل الله كويسه جداً و مثاليه إلي حد كبير مفيش بينا اي مشاكل او ضغائن بالعكس يمكن علاقتنا بعد الانفصال بقت افضل كتير اوي عن الاول هنا الحمد لله عايشه حياه هاديه و جميله بعمل كل حاجه تطلع في ايدي عشان مخليهاش تحس ان عندها نقص و احتياج عايشه بيني و بين مامتها بس هي مقيمه عند مامتها بشكل اكبر لان دراستها و كل حاجه خاصه بيها مامتها المسؤوله عنها لان انا بشتغل و طبعاً مستحيل اسيبها لوحدها والاهم من كل ده انا واقعي الاطفال في السن ده في احتياج اكبر للأم مش للأب
احمد….بهدوء اكيد
حسان….. بتيجي عندي في الاجازه بتاعت شغلي بنقضي يومين مع بعض و طول الاسبوع بروحلها يوم ويوم اطمن عليها بس مش بطلع هي بتنزلي بقعد نتمشي شويه اشوفها لو محتاجه حاجه و بعدين برجعها احياناً كل فتره بعيده ممكن اطلع مره لو زوج مامتها موجود وده بيبقي لو في اي حاجه حابين نتناقش فيها بخصوص هنا و بس
بالنسبه لشغلي انا و الشباب في بينا شراكه كبيره يعني متشاركين في معرض سيارات كبير و بأمر الله الفرع التاني ليه هيكون قريب كمان عندنا شراكه مع صحابنا حضرتك شوفتهم امبارح عشري وفضل هنا عندهم اكتر من فرع كافيهات خاص بيهم و دي اول مره بنشارك معاهم في اول كافيه مع بعض مساحته اكبر بكتير من الكافيهات بتاعتهم و في كام مشروع تاني متأجل بس لما نفتتح المعرض و الكافيه
عندي شقتي في الرحاب و بس بالنسبه لاهلي امي و ابويا ربنا يديهم الصحه عايشين عندي اخوات بنت و لد متجوزين و بس و باختصار شديد انا موجود هنا انهارده عشان يعني نتعرف اكتر علي بعض و اكيد يشرفني اني اطلب ايد سلمي من حضرتك و طبعاً إذا حضرتك وافقت الزياره دي زي ما قولت مجرد تعارف بس اكيد الزباره الجايه هيكون معايا اهلي عشان تتعرفوا اكتر وبس
احمد….بإبتسامه إذا حضرتي وافقت اممممم طيب فرضاً موافقتش يا حسان
حسان…ابتسم بهدوء اممممم اكيد الرفض ليه اسباب و جايز لو قولتها هنتناقش فيها اكيد و اكيد لازم نوصل لحل
احمد….بضحكه هاديه اكيد النقاش بيحل ازمات كتير بس افرض يعني ان اسبابي قاطعه هتعمل ايه هتقنع يعني مثلاً انا الوقت قولتلك الاسباب و انت اتناقشت فيها معايا واقنعتني و وافقت طيب لو حصل العكس و قولتلك اسبابي و مأقنعتنيش و رفضت هتعمل ايه
بصلوا حسان بهدوء و سكت ثواني
ابتسم تامر و بص للارض و هو بيهز راسه و احمد كمان كان مبتسم و باصص عليه بتركيز عايز يعرف رد فعلوا.
رفع حسان راسه و بص لاحمد في عينه و ابتسم
حسان…..بص يا عمي انا معنديش رد حالياً لسؤالك لسبب بسيط انا لا عرفت اسبابك و لا حضرتك رفضت لسه بس كل اللي اقدر اقوله اني لما قررت ادخل من الباب ده عشان احط ايدي في ايدك و اطلب منك سلمي كنت مقتنع بقراري ده و الاهم اني مستحيل استسلم بعد ما دخلت من الباب يعني لو حضرتك رفضت انا مش هاخد بعضي وامشي واقول خلاص كل شئ قسمه ونصيب لاني لو عملت كده و استسلمت لرفض حضرتك اتأكد اني مكنتش واثق في قراري ده من الاول
احمد…..بابتسامه ايه هتتجوزها غصب عني يعني
حسان….بضحكه جميله العفو مستحيل عندك مساحه ترفض بدل المره مليون لا هستسلم ولا همنعك ترفض بس هفضل وراك لحد ما توافق بص يا عمي لما اتكلمت مع سلمي في كذا نقطه تخص القاعده دي طبعاً اتكلمنا عن رأيك في موضوع فرق السن بينا و رأيك في موضوع جوازي وانفاصلي و بنتي قالتلي افرض بابا رفض هتعمل ايه
اول حاجه قولتهالها انا مش حابب اخوض حرب و ده مش عشان سلمي متستاهلش الحرب دي بالعكس بس انا عايز لما سلمي تكون في حياتي حياتنا تبقي هاديه من غير حروب او مشاكل حابب ان عيلتي تبقي عيلتها و عيلتها تبقي عيلتي انا داخل البيت ده عشان يبقي في نسب و موده ورحمه مش عشان نعادي بعض فا لو حابب ترفض بدل المره مليون مش هقدر امنعك بس كمان اكيد حضرتك مش هتمنعني اني افضل احاول اقنعك
احمد….بإبتسامه طيب جميل انا عايز اسألك سؤال لو اتقدم لهنا عريس في كل مواصافاتك دي يعني فرق السن كان متجوز و انفصل و عنده بنت هترفض ولا هتوافق و قبل ما ترد خد وقتك و جاوب بكل صراحه
حسان…..طيب تمام بس انا مش محتاج اخد وقت عشان ارد لاني بإختصار مش مكانك ولا اقدر احكم علي قرارك واقول صح او غلط لاسباب كتير اوي اول سبب فيهم مع احترامي الشديد لحضرتك في بيني و بينك فرق سن يعني طريقه تفكيري غير طريقه تفكيرك لما اوصل لسن حضرتك مقدرش احكم علي قراري و اقولك اني هوافق ولا حتي اني ارفض لان جيل هنا مختلف عن جيل سلمي و عن جيلي و عن جيل حضرتك جايز فرق الجيل بينا كلنا ميخلنيش اخضع لجيلها و اوافق وافضل متمسك برأي الاب اللي عارف مصلحة بنته اكتر و جايز عقليتي تختلف و اشوف ان جيلي راحت عليه و مش من حقي اعترض و كفايه بس اني انصحها لو شايف حاجه غلط
كمان ابقي كداب لو رديت علي حضرتك الوقت في سؤالك ده لان انا اب لطفله عمري ما اعترضت علي اي حاجه تفرحها سواء خروجه او سفريه او دراسة حاجه معينه او لعبه رياضيه حابه تلعبها بس جايز لما اشوفها كبيره قدامي و عروسه اعترض علي حاجه تخص حياتها الشخصيه و مشاعرها لو شايف انها غلط بس انا مقدرش احكم علي رايي بعد كام سنه انا بنتي لسه طفله و انا مش مكانك اللي انت بتحس بيه حالياً مع سلمي مستحيل يكون نفس اللي بحس بيه مع هنا
احمد….بس انت اب لبنت زيي
حسان….بس اب لطفله انا ممكن الوقت ارد عليك بقلبي او بالرد اللي حالياً جوايا و اقولك اني مستحيل اقف قدام سعادتها و ادام هي مبسوطه و مقتنعه يبقي مش هرفض بس وقتها جايز حضرتك متقتنعش و تشوف اني بقولك كده عشان بس عايزك توافق و ابينلك قد ايه انا اب عمره ما يقف قدام سعادة بنته بس وقتها كمان هظلمك لاني حكمت علي مشاعر اب شايف حياه بنته من وجهة نظره و يمكن كمان ترد عليا تقولي انت غلط لانك مش في نفس موقفي و وقتها هيبقي معاك حق عشان كده انا محبتش ارد عليك بقلبي انا رديت عليك بعقلي و العقل بيقول اني مقولش رأيي في موقف انا لسه معيشتش فيه و لا جربت شعوره
احمد…..بابتسامه جميله حلو يعني انا الوقت لو قولتلك اني مش موافق هتقدر شعوري كا اب
بصلوا حسان بتوتر بسيط و ابتسم بهدوء.
حسان….اكيد و زي ما قولت لحضرتك دي بنتك و حقك ترفض و تشوف الموضوع من وجهة نظرك بس حقي كمان اني احاول لحد ما اقدر اقنعك يعني ارفض لو حابب بس لازم تعرف اني مش هستسلم
احمد…طيب و مش هتستسلم ليه بقي
حسان……لاني مقتنع بقراري لاني بحب سلمي و اتمني ان هي تكون شريكة حياتي
ابتسم تامر وبص لابوه بهدوء
احمد….بإبتسامه ده انت مصمم بقي
حسان….بضحكه جميله قولتلك مستعد اخوض عشانها حروب بس اتأكد ان لو حضرتك رفضت حربي معاك مش هتبقي عدائيه خالص هتبقي حرب اقناع
ضحك احمد ضحكه جميله و هو بيهز راسه شمال ويمين و بعدين بصلوا
احمد…..شوف يا حسان لو علي فرق السن بينك و بين سلمي حلو ان الراجل يكون اكبر و انا مس معترض علي الفرق ده خالص
حسان…..بابتسامه حلو وادي اول سبب خلصنا منه
احمد….ولا حتي معترض انك كنت متجوز وانفصلت و عندك بنت
حسان…..بسعاده حلو جداً طيب الرفض ليه ؟
احمد….بإبتسامه جميله مين قال اني رفضت
بصلوا حسان بإبتسامه صدمه
حسان…..نعم اااا يعني حضرتك موافق
احمد…بضحكه جميله هو و تامر بص يا حسان كونك انك اب و كنت متجوز و انفصلت دي مش حاجه تعيبك ابداً يمكن اعتراضي الوحيد واللي قولتله لسلمي هو علاقتك بأم بنتك و عشان اوضحلك اكتر انا مش معترض ان علاقتكم نستمره بالعكس انا احترمتك فوق ما تتخيل من كلام سلمي و من كلامك الوقت انك بتحافظ علي علاقتكم تفصل طيبه عشان خاطر بنتك
حسان….حلو طيب ايه وجه الاعتراض الوقت
احمد…..بنتي يا حسان باختصار مش واثق اوي في مشاعرها تجاه النقطه دي يعني خليني افهمك اكتر سلمي ست في النهايه و اكيد الست مهما كانت واثقه بتغير و جايز الغيره دي تبقي نقطه خلاف بينكم وقتها هبقي معاها و مش معاها هبقي معاها في مشاعرها لان دي حاجه غصب عنها لو بتحبك هتغير عليك و مش هبقي معاها لان هي هتبقي بتدمر حياتها علي حاجه مش موجوده بإختصار انا اب و خايف يمكن هي قالتلي لا مش هغير و انا فاهمه بس هي مأقنعتنيش عارف ليه ؟
حسان….بإبتسامه ليه؟
احمد….لانها معملتش زيك انا لما سألتك يا حسان هتعمل ايه لو انت مكاني قولتلي انا مش مكانك و مقدرش احكم علي حاجه سابقه وقتها و لا عيشت فيها و بصراحه ردك دخل مزاجي و قدرت باختصار افهم عقليتك من سؤال بس سلمي جاوبت علي سؤالي برد سابق اوانه بكتير يعني كنت اتمني تعمل زيك و تقولي مش عارفه او لما ابقي في الموقف ارد بس البنت او الست عموماً ردها ديماً جاهز من غير ما تحسب لكل حاجه حساب
حسان….بضحكه جميله طيب جايز تكون ردت رد هي مقتنعه بيه ومس هتغير
احمد….بابتسامه هنضحك علي بعض انت كنت راجل متجوز واكيد عارف يعني ايه الست تغير و خليني اقولهالك بصراجه اكتر مش خايف سلمي تغير عليك من بنتك نفسها اصل هما عقلهم صغير خد بالك و مهما حبت بنتك جايز يجي عليها وقت و تغير من اهتمامك ببنتك و قتها انت هتعمل ايه؟
حسان…..بضحكه هاديه طيب خليني بقي انا المرادي اسبق الاحداث و اوقلك مستحيل تحصل لسبب واحد
احمد…..بابتسامه ايوووووه انا عايز ردك انت بقي كا راجل في الموضوع ده
حسان…..بالظبط انا هرد عليك كا راجل لان من وجهة نظري المتواضعه ان موضزع الغيره و الحجات المتعلقه بمشاعر الست اللي ببتحكم فيها الراجل سلمي زيها زي اي بنت او ست عندها مشاعر غيره بس امته تكون غيره مرضيه تدمر و امته تكون غيره بسيطه و امته ميبقاش في غيره اصلا دي.متعلقه بينا احنا كا رجاله يعني باختصار يوم ما الست تغير و تحس ان في حاجه مضيقاها بتبقي بسبب الراجل و انا عن نفسي هثبت لحضرتك ده بطريقه عمليه اكتر لما سلمي تبقي معايا هتشزف بعينها علاقتي بام بنتي و جوزها عامله ازاي و هي من نفسها و من الشعور اللي انا هوصله ليها مش هتغير كمان علاقتي ببنتي سلمي مستحيل تغير منها او تحس اني مقصر معاها بالعكس انا هيبقي عندي بنتين واحده كبيره وواحده صغيره عمري ما هفرق بينهم ابداً و عمري ما هخلي سلمي تحس بأي فرق في المعامله تخلي شعور الغيره يتولد جواها باختصار سلمي مستحيل تغير من اي ست لان هي هتكون الست الوحيده في حياتي و مستحيل تغير من علاقتي ببنتي لاني هيبقي عندي بدل البنت اتنين
ابتسم احمد بهدوء و فضل باصص ثواني ليه بصلوا حسان و ابتسم بهدوء و استني رده علي كلامه
احمد….القاعده دي مكنتش مجهز اسئله او استجوابات ولا حتي كنت مستني اشوف مين الشخص اللي بنتي اتعلقت بيه ده لاني بثق فيها لابعد حد.ممكن تتخيله و عارف ان اختيارها و قراراتها صح و مكانش في بالي غير سؤالين امتحنك فيهم لاني زي ما قولتلك مكانش عندي اي سبب للرفض نجحت في اول سؤال لما قولتلي انك مستحيل تقول رأيك في موقف انت متحطتش فيه و نجحت في تاني سؤال لما قولتلي ان هيبقي عندك بدل البنت اتنين و طلعت فاهم ان الست دماغها دماغ طفله قدام جوزها او الراجل اللي في حياتها و عشان كده انا معنديش اسباب لرفض يا حسان
حسان….بإبتسامه صدمه بسيطه يعني حضرتك موافق
احمد….بضحكه جميله موافق و سلمي كان معاها حق انت فيك مني كتير
تامر ضحك علي منظر حسان
تامر….مبروك يا ابو نسب
حسان….بابتسامه جميله الله يبارك فيك يا تامر عقبالك قام تامر باسه و ضمه و بعدين راح حسان ضم احمد بسعاده و رجع قعد تاني
ااااا طبعاً زي ما قولت لحضرتك في البدايه دي كانت مجرد قاعده تعارف مبدأي بس اكيد الزياره الجايه هيبقي معايا اهلي و هيحصل اتفاق
ونقرأ فاتحه يعني كده
تامر…..بضحكه جميله انت مستعجل تاخدها مننا ولا ايه
حسان….بابتسامه هو في الحقيقه انا مستعجل بس اكيد مش هاخدها منكم و بصراحه يعني يعني اكيد مستعجل انا عن نفسي جاهز لاجوازوفي اي وقت يعني لا لسه بدري ولا عندي جيش ولا بكون نفسي انا مش صغير اوي يعني و اكيد جاهز و بالنسبه لسلمي هي كمان مخلصه دراستها و بتشتغل يعني خلاص هي كمان جاهزه انها تكون زوجه
احمد….انا معنديش اي مانع موضوع الجواز ده بتاعكم انتوا بس انا عايز بقي اتكلم معاك كلمتين من اب و اتمني تفهمني كويس
حسان….أتفضل انا سامعك
احمد…..بص يا حسان انا لا هقولك عايز كذا ولا كذا ولا كذا و لا حتي هقولك الكلمتين بتوع اي اب اللي هو انا بشتري راجل و مش عايز لبنتي غير راجل يصونها و ميزعلهاش لان زي ما بيقولوا سماهم علي وجوههم و انا راجل بهم و اقدر اميز الشخص اللي قدامي و اعرف اذا كان راجل و قد المسؤوليه و هيحافظ علي بنتي ولا لا انا عايز اقولك حاجه تانيه خالص و بما انك اب اكيد هتفهمني
حسان….اتفضل يا عمي
احمد…..البنت يا حسان اول ما بتتولد و بتبقي طفله سندها الوحيد هو ابوها ولما بتكبر شويه لو ليها اخ سندها بيبقي ابوها واخوها و لما بتبقي شابه علي وش جواز سندها بيبقي جوزها بس خليني اقولهالك بكل واقعيه يمكن ابوها و اخوها بيفضلوا سندها مع جوزها و هما الثلاثه بالنسبه ليها بيبقوا الامان بالنسبالها بس لو جينا نبص عليها بنظره واقعيه اكتر الست سندها الاكبر هو جوزها اللي بيكمل باقي عمره معاها الاب و الاخ يا حسان البنت مش بتختارهم سواء بقي سند ليها او مش سند هما مش اختيارها لكن الزوج و شريك العمر ده اختيارها يعني هي اللي بتختار سندها اللي هتسند علي ضهره طول العمر و بما ان بنتي اختارتك سند و ضهر ليها طلبي الوحيد منك يا حسان اوعي اوعي تخذلها اوعي تميل و توقعها هي اختارتك بكامل قواها العقليه و الراجل الجدع اللي لما الست تختاره دوناً عن كل رجالة العالم يبقي قد الاختيار ده يكون سند وضهر طول العمر عشان كده عايزك تكون مقدر اختيار سلمي ليك كا سند و ضهر ليها من بعدي حتي لو انا عايش و اخوها ربنا يبارك في عمره عايش تكون انت اول واهم سند فاهمني يا حسان
حسان…..بإبتسامه تأثر اكيد فاهمك و طبعاً ربنا يديك طولة العمر حضرتك وتامر و يخليكوا ليها بس اوعدك مع الوقت هتتأكد اني سلمي هتكون في عيني وقلبي و هبقي ليها سند و ضهر وامان و عمري ما هخذلها علي اختيارها ليا
احمد….بإبتسامه طيب ايه بقي مش تروح تنادي لاختك
تامر….بس كده عيوني
قام تامر وراح نادي لسلمي جات معاه هي و ايه و هي مكسوفه و طبعاً فهمت من ملامح تامر ان كل حاجه تمام
سلمي….بهدوء دخلت وابتسمت بإحراج ايوه يا بابا
احمد….بإبتسامه مبروك مقدماً يا عروسه
ابتسمت سلمي بإحراج و مسكت ابه ايدها بسعاده
ايه….مبروك يا حسان
حسان….بسعاده الله يبارك فيكي يا ايه عقبالك يارب بص لسلمي بهدوء
نظرتها ليه كانت كلها سعاده
احمد….تعالي اقعدي يا سلمي
راحت سلمي بهدوء قعدت جنبه
احمد….احنا اتكلمنا في كل حاجه وانا قولت لحسان اني موافق و ان شاء الله اللي جاي خير كله خير مبروك يا بنتي
ابتسمت سلمي بتأثر و حضنت احمد بقوه
سلمي….الله يبارك فيك يا حبيبي
قعدوا شويه اتكلموا في تفاصيل بسيطه سلمي كانت ساكته و مكسوفه اوي بس هتموت من الفرحه و كل شويه تسرق نظره هي و حسان لبعض.
بعد وقت بسيط قام حسان عشان يمشي
حسان….ان شاء الله هاخد من حضرتك معاد تاني لما اتكلم مع ابويا بأمر الله و هبلغ حضرتك
احمد….تنوروا اي وقت و ربنا يتمملكم بخير يارب
حسان….اللهم امين ااااا هي فين هنا
ايه….قاعده بتلعب جوه مع الكلاب و اللعب بتاعتي انا وسلمي
حسان….بابتسامه بوظت الدنيا ولا لسه
ايه….لا والله انت ظالمها هي بتلعب عادي و مبسوطه
حسان….طيب ممكن تناديها بقي
ايه….طيب لحظه واحده
راحت ايه جابتها في ايدها وجات
احمد….ايه يا هنا حبيتي الكلاب
هنا….بإبتسامه اوي حلوين و كنت بلعب انا وايه و سلمي باللعب
حسان….طيب ممكن بقي نسلم عشان هنمشي
هنا…..ليه هنمشي خلينا شويه
حسان….بابتسامه مس هينفع يا قلبي احنا اتفقنا هنقعد شويه و هنمشي
هنا…..عشان خاطري يا بابي
احمد…بابتسامه ايه رأيك تقعدي معانا ديماً
هنا….بسعاده موافقه
حسان….ايه ده بسرعه كده و تسيبي بابي خلاص بقي ليكي صحاب
هنا…..لا حضرتك صاحبي بردوا بس انا عايزه افضل معاهم مممن يا جدو
ايه…..يا عمري انا
احمد….طبعاً يا حبيه قلب جدو
سلمي….بأبتسامه طيب ايه رأيك تسيبها تبات معانا انهارده
حسان….بابتسامه لا تبات ايه مش هينفع
هنا…..عشان خاطري يا بابي خليني
حسان….هنااا
ايه…..خليها يا حسان معانا انهارده و بكره هبقي اخدها معابا المحل لتاعي تقعد تلعب براحتها مع الكلاب و القطط و ابقي عدي خدها اي وقت
حسان….بضحك مش هينفع والله هي اصلا مش متعوده تلات بره هتجننكم و مش بعيد بليل تقولكم عايزه اروح
هنا…..مش هعمل شقاوه و مش هقول عارزه اروح
احمد…..اهي قالتلك مش هتقول و لو قالت هنجيبهالك
سلمي…بإبتسامه خليها انهارده بس
حسان….بإبتسامه إحراج صدقيني مش هينفع
هنا….طيب ليه يا بابي
حسان….هنا ممكن نسمع الكلام
بصتلوا هنا بزعل
سلمي….شايف زعلتها ازاي
احمد…متقلقش عليها هتبات مع البنات
حسان…..لا هو انا مش قلقان والاه بس يعني كل الحكايه ان زي ما قولت هنا عمرها ما باتت بره و بعدين لازم مامتها تكون عارفه و موافقه و هنا عارفه كده كويس مينفعش نفضل في مكان من غير ما مامي تعرف صح يا هنا
هنا….صح بس ممكن نقولها
حسان….تمام يبقي المره الجايه نقولها و نستأذنها بص لسلمي بهدوء لما بتسافر بيها او بتاخدها في اي مكان او حتي لو هتبات عن قرايبها بتتصل بيا و بتستأذني الاول اذا كنت موافق او لأ و مستحيل تسافر بيها اي مكان قبل ما تستأذن و اكيد انا كمان مينفعش اسيبها قبل ما هي تعرف و توافق
احمد….بإبتسامه صح انت صح في النهايه هي بنتها و متعرفناش هنا هنسمع كلام بابي المرادي و المره الجايه لو مامي وافقت تيجي و تقعدي و تلعبي زي ما انتي عايزه اتفقنا
هنا…..اوك
سلمي….متقلقيش الكلاب معانا مش هيمشوا لما تيجي اي وقت هتلعبي معاهم اوك يا هنا
هنا…اوك
حسان….طيب نسلم بقي عشان نمشي
احمد….تعالي يلا
راحت هنا وهي زعلانه شويه سلمت علي احمد ضمها و قعد يقولها كلام في ودنها ضحكها وبعدين سلمت عليهم كلهم و استأذنوا و مشيوا.
احمد قعد وهو مبتسم
تامر….ايه يا حاج شايفك مبسوط
سلمي…ايه رأيك يا بابا
احمد….رأيي في ايه ما انا وافقت خلاص
سلمي….بابتسامه عارفه بس اقصد رأيك في هو عموماً
احمد….محترم و متربي و عجبني اوي اخر موقف ده احترامه لام بنته حاجه جميله و لاحظت بعني كا اب انه مش قابل لسه ان بنته تبات في النهايه البيت في رجاله و هو لسه ميعرفناش اوي جدع و راجل
ابتسمت سلمي بسعاده و بصت لايه غمزتلها و كملوا قعدتهم مع بعض.
…………..
عند نعيمه وصل فضل تحت البيت و اتصل عليها تنزل دقيقتين بالظبط و نزلت لمحها جايه من مدخل البيت و هي علي وشها ابتسامه جميله قربت منه و وقفت قدام الباب
فضل……بأبتسامه اركبي
فتحت و ركبت بسرعه
نعيمه…..ايه مالك
فضل…..ايه مالي
نعيمه…بتبصلي كده ليه
فضل…اصل مش فاهم انا في ايه بالظبط.
نعيمه…..الله وحشتني
فضل…..و اديني جيتلك اهو
نعيمه…..كان عندك شغل كتير صح
فضل…..اه و قريب هترفد بسببك انا سايب شغل متلتل علي دماغي قد كده
نعيمه…..يا سلام يعني انا اللي عطلتك تقصد طب جيت ليه
فضل…..بضحكه جميله جيت افهم في ايه و مالك انهارده
نعيمه…..مالي ان شاء الله
فضل….مش مظبوطه يا نعيمه
نعيمه….بضحك انا مش مظبوطه
فضل…..بطريقه مضحكه وشقيه اه مش مظبوطه شويه رايحه لاخواتي لا لا مش راحه اصلي مش قادره طب بتقولي ليه برخم عليك شويه فضل وحشتني فضل بحبك فضل عايزه اشوفك خيررررررر الهرمونات مالها ؟
نعيمه….بضحكه عاليه انا بعمل كده
قفل بسرعه الشباك و هو بيبرقلها بعينه
فضل……يخربيتتتتت ضحكتك وطي صوتك
نعيمه…..انت اللي بتضحكني و علي فكره بقي انت قليل الادب هرمونات ايه كل ده عشان قولتلك عايزه اشوفك
فضل…..لا يعني بس حاسس انك مش مظبوطه كده
نعيمه…..طب تصدق بالله انا غلطانه اني عبرتك
لفت عشان تفتح و تنزل قفل بسرعه اللوك
فضل…..رايح فين يا وحش
نعيمه….بإبتسامه أفتح الباب
فضل……اهدي يا بطل
نعيمه…..بضحكه عاليه احترم نفسك
فضل….بغيظ مسك دراعها و دين الله لو ضحكتك دي ما اتظبطت لا هظبطك
نعيمه…..طيب متضحكنيش
فضل….طب اقعدي و خليكي عاقله
نعيمه…..لا انا عايزه انزل لو سمحت
فضل…..وده من ايه ان شاء الله
نعيمه….هو كده انا كنت عايزه اشوفك و شوفتك خلاص
فضل….اه مصلحتك خلصت يعني انا اجيلك من زايد و حضرتك تقولي خلاص شوفتك تصدقي بالله انا راجل وسخ اني سمعت كلامك
ضحكت و بسرعه حطت ايدها علي بوئها رفع حاجبه بغضب
نعيمه…..طب اعمل ايه انت اللي بتضحكني
فضل…..هتغابي عليكي بجد
نعيمه….بابتسامه انت اللي بتضحكني طيب
بص قدامه و ولع سيجاره
نعيمه…..بدلع فضل فضل
بصلها بطرف عينه و هو بياخد نفس ورجع بص قدامه
ابتسمت و رفعت ايدها مسكت رقبته مال بسرعه علي جنب و بعد شويه
فضل…..بااااس
ضحكت نعيمه ورفعت ايدها تاني
فضل….الله
نعيمه بضحك سكتت شويه و مسكت رقبته تاني مسك ايدها بسرعه اتخضت و ضحكت حط ايده علي بوئها بسرعه و قرب منها
فضل….خيرررررر مبنسمعش الكلام ليه ضحكتك دي هتزعلي مني بسببها
نعيمه….بإبتسامه ابعد
فضل….مش باعد
نعيمه….بطل رخامه و ابعد احسن حد.يشوفنا وانت مقرب كده
فضل…..وبالنسبه لصوت ضحكتك دي عادي.
سابها و هو باصصلها بغضب ابتسمت و قعدت مردبه و بعدين رجعت بصتلوا بطرف عينها وهي بترفع كفها
ابتسم غصب عنه و مسك كف ايدها ضغط عليه
فضل…..لا ما هو انا لازم اعرف مالك
نعيمه….بضحكه مكتومه مالي.
فضل…..مش علي بعضك في حاجه مش مظبوطه
نعيمه….واحشني بس
فضل…..لا يا شيخه
نعيمه….مش مصدقني
فضل….لا مصدقك بس مقلق منك يا وحش انهارده
نعيمه….بضحك لا والله خلاص انا بهزر معاك و برخم عليك
فضل…..وماله طيب قوليلي عايزه تروحي فين
نعيمه…..و لا اي مكان انت هتمشي عشان شغلك و انا هطلع عشان ارتاح لاني خلصانه
فضل….سيبك من شغلي شوفي عايزه ترزحي فين و نروح او حتي نروح نقعد في اي مكان شويه
نعيمه…..لا يا حبيبي والله انا مش عايزه اروح في اي مكان انت بس كنت واحشني والله وبعدين انا كنت بتكلم معاك بهزار معرفش انك مجنون و هتسمع كلامي و تيجي
فضل….طب كلام جد بقي كنت واحشك و لا كان في سبب تاني
نعيمه….هو مش كفايه انك تكون واحشني
فضل…..لا يا حبيبي كفايه طبعاً و انتي عارفه انك اي وقت هتقوليلي محتجالك هكون عندك بس يعني قولت لا يكون في حاجه كنتي عايزه تقوليها و رجعتي في كلامك
نعيمه….لا والله ابداً انا بس حسيت اني زهقانه و كنت عايزه اشوفك لما كلمتك قولتها بهزار و انا عارفه انك مشغول و متوقعتش انك تيجي و بس.
فضل…..بإبتسامه ماشي يا ستي طيب ايه رأيك نروح نشرب حاجه و بعدين ارجعك
نعيمه….مش عايزه اخليك تتأخر علي شغلك
فضل…..لا يا ستي هنقعد شويه و بعدين هروح اوك
نعيمه….بإبتسامه اوك
دور فضل العربيه و طلع بيها.
…………….
في منزل نادين علي الساعه تسعه و نص اتصل خال نادين عليها و بمجرد ما ردت عسال كمان اتصل و كانت انتظار
نادين…..الووو ايوه يا خالو
جمال…..ايوه يا حبيبتي اخبارك ايه
نادين…الحمد لله بخير
جمال….كنتي نايمه ولا ايه؟
نادين….لا لا صاحيه
جمال….طيب عموماً انا مش هطول معاكي بصي بقي يا ستي انا روحت سألت علي الاستاذ ميدو زي ما اتفقنا
نادين…..بتوتر اااا اه و ايه اللي حصل؟
جمال…..روحت علي عنوان بيته بالظبط و هناك في قهوه شبابي كده قدام البيت تقريباً او جنبه المهم دخلت و قعدت و الشاب اللي ببقدم الطلبات سألته قولتلوا متعرفش هنا و احد اسمه محمد عسال و شهرته ميدو لاقيته بيقولي طبعاً و شاورلي علي البيت قالي مش انت تقصد ميدو اللي ساكن في البيت اللي هناك قولتلوا اه قالي طبعاً اعرفوا قولت بس كويس طلع مشهور المهم يعني خدت و اديت معاه في الكلام و جيبت الحوار من ناحية الشغل زي ما قولتلك
نادين….بتوتر ايوه هات من الاخر يا خالو قالك ايه
جمال….بضحك مستعجله اوي اطمني يا ستي سمعته سبقاه و شكر فيه شكر لا في قبله و لا بعده قالي محترم و امين و ابن ناس و قالي كمان علي ابن خالته انهم شباب محترمه و فضلت اسرسب منه الكلام و دخلنا في عيلته و حياته المهم يعني طلع شاب محترم و من كلام الولد انه محبوب جداً ومعروف و الكل يشهد ليه ان مفيش في اخلاقه و كرمه و طيبته
نادين….بسعاده بجد يا خالو
جمال….اه والله بصراحه كلامه طمني اوي و شكلوا فعلاً محترم و جدع
نادين…..بابتسامه طيب الوقت المفروض اعمل ايه
جمال….ولا اي حاجه تعرفيه انك فتحتي الموضوع معايا واني موافق مبدأياً اقابله هتاخدي منه معاد و تبلغيني بيه و الباقي عليا بس كده
نادين….انت احسن خال في الدنيا دي كلها
جمال…..حبيبة قلبي ربنا يسعدك و يفرجني بيكي عن قريب و ان شاء الله يكون عوض ليكي يا نادين
نادين….بإبتسامه يارب ربنا يخليك ليا يا خالو
جمال….ويخليكي ليا يا حبيبتي يلا روحي شوفي كنتي بتعملي ايه و لما تعرفيه و تاخدي منه معاد ابقي كلميني
نادين….حاضر يا حبيبي تصبح علي خير
جمال….وانتي من اهل الخير
قفلت نادين و هي طايره من السعاده و مسكت الموبايل تتصل عليه عشان اتصل عليها مرتين اول ما رن كنسل ثواني بسيطه و اتصل بيها ڤديو كول.
اول ما فتحت كان في ايده سيجاره و مضيق عينه شويه
عسال…. اتصلت عليكي مرتين
نادين….اه كنت بتكلم قفلت و كلمتك
عسال….كنتي بتتكلمي مع مين؟
نادين…اااا احم مع خالو
عسال….نادييييين
نادين….في ايه انت مش مصدقني ولا ايه
عسال….لا يا قلبي مصدقك بس يعني بطمن احسن تكوني مخبيه عني حاجه
نادين….بنظره زعل هو انت هتفضل شايلها و اي وقت هتلاقيني بتكلم هتشك فيا
عسال….لا استني متخلنيش اتعصب بجد شك ايه يا نادين انتي فهمتي غلط ليه؟؟ كل الحكايه ان من ساعت اللي حصل ده و انا لسه قلقان عليكي خايف يكون حد بيكلمك او بيهددك تاني و انتي تخبي عليا و تفكري اني لو عرفت هعمل مشكله
نادين…..طيب خلاص تمام انا فهمت غلط عموما قولتلك كنت بكلم خالو
عسال….طيب بلاش التكشيره دي مش بحب اشوفها
بصتلوا نادين بزعل و بعدين بعدت عينها
عسال….بابتسامه حبيبي
نادين….مفيش حاجه خلاص والله
عسال…..انا خايف عليكي و الله يا حبيبي و خايف تخبي عني بس احسن يحصل مشكله
نادين….وانا قولتلك ان لو في اي حاجه حصلت تاني هقولك اكيد
عسال….ماشي و انا مصدقك متزعليش بقي انا اسف يا عمري لو فهمتيني غلط
نادين….بهدوء ماشي
عسال….طيب بحبك
نادين….بابتسامه بسيطه وانا بحبك
عسال….طيب قوليلي بقي خالك عايز ايه
نادين….يعني مفيس بس كنا بنتكلم وااااااا
عسال….بإبتسامه ايه قولتيلوا
نادين بهدوء ابتسمت وهزت راسها
عسال….بسعاده ده بجد
نادين….بجد
عسال….قولتيلو ايه
نادين…..اااا لا يعني اكيد مش هقولك قولت ايه بس عرفتوا انك عايز تشوفوا
عسال….طيب قالك ايه؟
نادين….قالي موافق و قالي عرفيه و خدي منه معاد و بلغيني
عسال….يبقي اقرب معاد طبعاً
نادين….لا استني و بطل جنان انت ناسي اننا المفروض نبقي جنب ايمي و رشيد الفتره دي
عسال….لا مش ناسي يا روحي بس دي هتبقي مقابلة تعارف عاديه هنتكلم و نتعرف و بعدين نتفق علي معاد نقرأ الفاتحه و نحدد معاد كتب الكتاب و ده هيبقي بعد ايمي و رشيد
نادين….طيب اللي تشوفوا
عسال…..طيب ابقي عرفيه لو بعد بكره مناسب ليه يبقي تمام
نادين….كده علي طول
عسال….احمد ربنا اني مقولتش بكره قولت اسيب للراجل يوم يستعد
نادين….بإبتسامه ماشي
عسال….طب ايه مش هتعرفيني قولتيلو ايه
نادين…..بتوتر و إحراج لا مش هقولك
عسال….بنظره تجنن ماشي يا ستي طيب قوليلي بقي شوفتي الهدايا من غيري
نادين….لا مستنياك اكيد
عسال….طيب يلا فرجيني
نادين…..هو البوكس تقيل شويه مش عارفه انت حاطت في ايه هاخدك معايا و نروح نفتحه في مكانه
عسال….طيب خلي البوكس للاخر فرجيني ريهام و ماما جابولك ايه
نادين….بضحكه جميله و انت مالك بقي بهديتهم متدخلش فينا
عسال…..بصدمه ضحك لا اسمعي انا كده هغير خدي بالك بقيتوا صحاب بجد ولا ايه؟
نادين….اه بقينا صحاب بس مش مهم يلا هفرجك
عسال….بغيظ ماشي فرجيني
نادين….ده الورد اكيد شوفتوا
عسال….اه شوفتوا ده بتاع ريهام كمان
نادين….يعني عارف اهو الهديه ايه
عسال….والله العظيم ما اعرف انا مشوفتش غير الورد عشان ده جبناه و احنا جايين
نادين…..ماشي استني افتح الهديه دي مكتوب عليها ريهام و دي مش مكتوب
عسال…..اكيد التانيه بتاعت حنون افتحي بتاعت ريهام خليني اشوف جيبالك ايه.
فتحت نادين هديه نادين كان فيها زجاجه برفيوم ديور
نادين…بإبتسامه هي عرفت ازاي اني بحب البرفيوم ده
عسال….و الله ما اعرف ده ذوقها اكيد هي مسألتنيش
نادين….بجد حلوه اوي
عسال….وريني حنون جابتلك ايه
نادين….لحظه
كانت علبه صغيره و متغلفه بطريقه شيك فتحتها و ظهر علبة دهب رفعت حاجبها بهدوء و بعدين فتحت العلبه لقت فيها سلسله دهب فيها علبه بتتفتح و بيتحط فيها صور ومن بره قبل ما تتفتح مطبوع عليها أيه الكرسي مكتوبه بخط عربي و حواليها فصوص شكلها شيك اوي
ابتسمت نادين و فضلت ساكته
عسال….بابتسامه ايه هي جيبالك ايه
ابتسمت نادين و رفعت السلسله علي كفها و هي مبتسمه حطت ايدها علي وشها بإحراج
عسال…..اوباااااا لا حنون ذوقها حلو مفيش كلام بس هي بتتفتح
نادين…بهدوء شالت ايدها من علي عينها و ابتسمت اه بيتحط فيها صورتين واحده شمال و واحده يمين بجد حلوه اوي اوي و بجد كتير يعني
عسال….بإبتسامه تجنن مفيش حاجه كتير عليكي يا عمري
نادين….انا بجد مش عارفه اقول ايه يعني انا اتوترت بجد
عسال….ليه بس يا عمري المهم تكون عجبتك
نادين….تجنن اوي بجد وشكلها اكيد احلي في الحقيقه الكاميرا ظلماها خالص
عسال….خلاص هشوفها عليكي اكيد
نادين…اكيد
عسال….يلا بقب سيبك من الهدايا دي و روحي علي هديتي انا
نادين….طيب تعالي معايا
عسال….يلا بينا بقولك ايه كلتي ولا لا
نادين…..انا انهارده حاسه اني شبعانه و واكله و مش قادره بجد معنديش نفس للاكل مبسوطه و مش حاسه اني جعانه
عسال….هتفتحب البوكس و بعدين هتاكلي عشان العلاج اكيد لسه مخلصش
نادين….انا خدته خلاص بس حاضر هبقي اكل
عسال….نادين انا بجد مش بهزر ياريت نبطل اهمال شويه و اهتمي بأكلك
نادين….حاضر والله هاكل بس لما اتفرج علي البوكس
عسال…..يلا طيب
فتحت البوكس كان مليان فلين ملون وقع شويه منهم اول ما فتحت ابتسمت بصدمه و خبطت علي راسها
عسال….بضحك وقعتيه شاطره
نادين….انت عارف يا ميدو لو فكرت في مره تجيبلي اي حاجه و البتاع ده كان جوه هعمل فيك ايه
عسال….بضحك ايه مش بتحبيه
نادين….بيبهدل الدنيا احط ايدي ازاي انا الوقت
عسال….بابتسامه مش كتير والله اول ما تحطي ايدك في البوكس هتلاقيي الحاجه
نادين….انت اصلا ازاي شيلت البوكس ده كله كبير و تقيل خالص
عسال…..بس اللي فيه هيعجبك اوي يلا طلعي
حطت نادين ايدها و بمجرد ما حطت مسكت حاجه البوكس كان مليان علي اخره
طلعت مج علي شكل ميكي ماوس بصت بصدمه و بصتلوا هي مبسوطه
ابتسم و هو بياخد نفس و فضل باصصلها حطت ايدها تاني طلعت مج تاني علي شكل توم طلعت واحد غيره علي شكل نحله فضلت تطلع و ترص جنب بعض و هي مبسوطه زي الاطفال طلعت چيري و طلعو سندريلا و طلعت بومه شكلها يجنن و طلعت مج عليه روچ و ميك اب
و طلعت تويتي و فضلت تضحك بسعاده كان في كمان مارد وشوشني و شلبي و كان وطلعها مج علي شكل قلب وواحد تاني علي شكل شفايف و واحد تانب علي شكل روبونزل و ليها شعر طويل مجسم ومج علي شكل بابلز و مج تاني عليه حبات قهوه و شكل بار الشيكولاته تقريباً جايبلها مجموعه كامله مجسمه لديزني و كل ما تطلع تلاقي في وسط المجات شيكولاتات كتير
البوكس خلص بصت علي المجات كانوا حوالي 20 مج مختلف و يجننوا حطت ايدها الاتنين علي خدها و هي مبتسمه و بصتلوا
عسال…..ايه عجبوكي ؟
نادين….انت ازاي عرفت اني بحب المجات و ايه كل ده
عسال….يعني انا قولت رجعنا التربيزه و السمك سلامه علق الكوفي بار بتاعك قولت نرجع المجات بقي
بصتلوا نادين شويه بأبتسامه تأثر و حس عسال ان عينها دمعت و فضلت ساكته شويه
عسال….حبيبي ايه مالك
نادين….مفيش
عسال…..لا بجد مالك
نادين…..رفعت كتفها زي الاطفال و مسجت دموعها بسرعه والله مفيش مبسوطه بس
عسال….بابتسامه قرب شويه من الموبايل طيب مبسوطه و فهمتها الدموع دي ليه بقي؟
نادين….بابتسامه بسيطه والله مفيش بس اتبسط بيهم مش اكتر
عسال…..يعني كل ده عشان اتبسطتي امال لو زعلتي يا عبيطه هتعملي فيا ايه
نادين….بضحكه جميله من بين دموعها مش هعمل حاجه ميدو انا مش عارفه اقولك ايه بجد علي كل حاجه حلوه بتعملها معايا
عسال…..انا معملتش حاجه يا حبيبي دي كلها حجات بسيطه
نادين….يمكن بالنسبالك بسيطه بس هي مهمه اوي بالنسبالي
عسال…..طيب ممكن اعرف ليه بتعيطي
نادين…..والله مبسوطه مش مضايقه و يمكن اللي مخليني مبسوطه اوي انك ديماً بتعمل الحاجه اللي بتفرق معايا بتهتم بتفاصيل حتي لو انت شايفها بسيطه او تافهه فا هي بالنسبالي كبيره اوي
عسال……اي حاجه بالنسبالك مهمه عمري ما اشوفها تافهه او بسيطه يا حبيبي بس انا بجد معملتش اي حاجه كل الحكايه اني عايز اشوف ضحكتك ديماً
نادين…..بجد حلوين اوي
عسال…عجبوكي
نادين….يجننوا
عسال….بابتسامه طيب اكتر واحد عجبك ايه
نادين….بضحكه بريئه بعيداً يعني عن تويتي الجميل ده بس شلبي حلو اوي
عسال….بضحكه تجنن و الله كنت واثق انه هيعجبك لانه عجبني
نادين…..بحبك يا ميدو
عسال….بابتسامه ايه؟
نادين…..بضحكه جميله بحبك
عسال….وانا بموت فيكي يا احلي بنوته في الدنيا
نادين….ربنا يخليك ليا
عسال….ويخليكي ليا يا عمري ممكن بقي تقومي تاكلي عشان مزعلش منك
نادين….طيب هاكل بس هروح احط المجات في مكانها
عسال….لا هتاكلي الاول
نادين….عايزه اشوفهم وهما في الكوفي بار
عسال…..هتشوفيهم اكيد و هتحطيهم بس كلي الاول و اسمعي الكلام
نادين….حاضر انت هتعمل ايه الوقت
عسال….ولا حاجه لو عيزاني معاكي هفضل لو هتروحي تاكلي روحي هتفرج علي فيلم لحد ما ترجعيلي
نادين…..طيب روح اتفرج وانا هرجعلك تاني
عسال….ماشي يا حبيبي نادين انتي قافله الباب كويس صح
نادين….اه متقلقش ميدو هو انت جيبت المجات دي امته
عسال….بابتسامه لما نزل وانا رايح علي الكافيه لمحت محل هنا جنبك مليان مجات و تحف افتكرت بسرعه الرف اللي وقع نزلت و اختارت و خلتهم معايا في العربيه
نادين….بابتسامه ماشي
عسال….بحبك
نادين….وانا بحبك اوي يلا روح و هرجعلك
عسال….اوك باي يا عمري
نادين….باي
………………
الوقت كان بيمر و الساعه بقت 11
وقفت ايمي في مكتبها قدام الشباك اللي بيبص علي الشارع و هي شارده و في ايدها السيجاره مربعه ايد و التانيه بتشرب بيها و فجأه حست بحضن رشيد ليها من ضهرها
سند راسه علي كتفها و باسها من خدها ابتسمت ايمي بهدوء و بصت عليه
ايمي…..صباح الفل
رشيد….سيبتي نمت تاني ليه
ايمي….صعبت عليا انت ايه مش بتنام بتضحك عليا و تقول انك داخل تنام و بتفضل صاحي
رشيد….خالص والله بس مش عارف مالي انهارده قوليلي بقي الاكل ده كان في منوم ولا ايه
ايمي….بضحكه جميله و بنظره تجنن بجنب وشها لا مكدبش انا صحيتك اول مره عشان تاكل يعني العيب مش في الاكل
رشيد….يبقي في حاجه من الاتنين يا فيكي انتي اللي بتنيمني لما بشوفك او في المكتب
ايمي….بنظره جريئه ابتسمت لا فيا ايه دي تبقي مصيبه لو شوفتني و نمت احنا داخلين علي جواز و عيب في حقك اكيد في المكتب
رشيد….بضحكه جميله عيب عليكي انا بس يتقفل عليا انا وانتي باب
ايمي….ايه هتعمل ايه؟
رشيد….بابتسامه باسها من خدها و هو ضامم وسطها كل خير يتقفل بس الباب و هفاجئك
ايمي….بضحك اما نشوف اصل انا بخاف من اللي بيتكلم كتير ده
رشيد….رفع حاجبه وضحك لا بقولك ايه اظبطي كده انا رجل افعال مش اقوال
ايمي….والله بردوا هشوف اثبتلي
رشيد….يا سلام نثبت الوقت
ايمي….بضحك اتلم
رشيد…اتلمينا اهي تنكشني و تقولي اتلم
ضحكت ايمي و لفت وشها ليه وبصتلوا خد من ايدها السيجاره و شربها
ايمي….خد بالك انت سايبني بقالك كتير و انا لولا انك صعبان عليا مكنتش سيبتك تنام
رشيد…..اقولك سر
ايمي….قول يا عمري
رشيد….علي فكره العيب طلع فيكي انا بجد لما ببقي معاكي بنام نوم عميق
ايمي…امممم مش قولتلك تبقي مصيبه لو نمت كده لما نتجوز
رشيد…انا بتكلم جد
ايمي….طيب وايه السر بقي
رشيد….امممم مش عارف يمكن راحه او احساس بالهدوء و الامان بحس و انا معاكي ان دماغي رايقه و مش فكر كتير و عايز اقولك اني مستحيل اقدر انام في مكان غريب عليا عارفه قبل ما تيجوا علي دهب كنت تقريباً مش بنام بسهر للصبح و اول واحد بصحي فيهم و يمكن اول يوم ليكم معانا صحيت بدري بردوا لس بعد كده بقيت اتأخر في النوم
وجودك جنبي بيحسسني بهدوء فظيع و راحه غريبه
ايمي….بابتسامه و ده بقي تسميه ايه
رشيد….حب جنون عشق سميه زي ما تسميه المهم ان طول ما انا معاكي حاسس اني بجد راجل رايق
ايمي….بابتسامه انت اصلا رايق و ده اللي بحبوا فيك
ابتسم رشيد و ضمها لحضنه و بصوا علي الشارع سكتوا شويه باسها بحب من جبهتها كانت ماسكه كفه و كالعاده قاعده تعض فيه بس براحه
رشيد….بقولك ايه انتي مش هتروحي بقي؟
ايمي….هروح انا كنت مستنياك تصحي
رشيد….طيب يلا خليني اوصلك و بعد كده همشي هروح ابص شويه علي المعرض و اشوف حسان لو رجع اعرف عمل ايه و بعدين هروح
ايمي….ماشي يا عمري يلا هروح اخد الحاجه بتاعتي بس و نمشي علي طول
رشيد…ماشي يلا مستنيكي
……………
علي الساعه 12 ونص اتصل عشري علي ليله كانت نزلت من عند اخواتها وراجعه في الطريق و قربت من البيت
ليله…..ايوه يا حبيبي
عشري….انت فين ؟
ليله….خلاص داخله علي البيت
عشري….قدامك قد ايه بالظبك
ليله….خلاص البيت قدامي اهو دقيتين بالظبط و اوصل
عشري….طيب متطلعيش انا عشر دقايق و اكون عندك
ليله….بابتسامه طبعاً مستحيل تقدر تستني هتموت و تعرف عملت ايه
عشري….بابتسامه ايه عندك اعتراض
ليله….لا يا بلطجي معنديش يلا مستنياك
عشري….مش هتأخر عليكي يلا باي يا قلبي
ليله….باي.
وصلت ليله قدام البيت ركنت العريه و فضلت قاعده فيها شويه بصت شمال و يمين لما لقت الدنيا هاديه ولعت سيجاره و قعدت في هدوء الجو كان في لسعه برد رفعت شويه الشباك و سرحت مع الاغاني كانت لابسه بنطلون چينز و توب أسود و عليه چاكت مش تقيل اوي و قصير و حاطه حزام شكله شيك و سايبه شعرها و لابسه كوتش ابيض في اسود.
لمحت في المرايا ضوء كشاف قوي بينور و يقفل بصت بصعوبه لحد ما شافت عربيه عشري ابتسمت بهدوء و رمت اخر السيجاره و بعدين خدت شنطتها و موبايلها و نزلت بهدوء من العربيه قفلتها كويس و راحت عليه كان راكن قدامها و منزلش اما شافها جايه راحت علي الشباك عنده
ليله…..ايه القمر ده ايه المووز ده واقف لوحدك ليه يا قمر
بصلها عشري و ابتسم
عشري…..بعد اذنك ابعدي عشان حبيبتي لو شافتك هتعمل مشكله
ليله…..يا سلام تعمل بس مش هيهون عليا تسيب القمر ده لوحده
عشري….بابتسامه لا معلش امشي عشان حبيبتي مجنونه و بعدين انا بحبها شوفي حد غيري
ليله….طب ايه يعني مش جاي كنت هدلعك
عشري….بضحكه جميله لا كده هاجي و انا مبصدق
ضحكت ليله و مدت راسها باسته من خده
ليله….وحشتني
عشري…..انتي كمان وحشتيني لفي يلا بسرعه
لفت ليلله و قرب من الباب فتحه و رجع تاني مكانه وبصلها بحب ركبت جنبه و قفلت الباب اول ما ركبت مسكها من رقبتها من وراء و هو ضاغك عليها
عشري…..قوليلي بقي كنتي بتعملي ايه في العربيه حالاً
ليله….بابتسامه اااااه بتوجع والله
عشري…..بتشربي سجاير ها ريحتك فايحه و الدخان كان مالي العربيه و يومك ازرق
ليله….بصحكه جميله و دلع طيب سيب وهقولك واللع
عشري….قولي و مش هسيب هو احنا مش متفقبن ولا انكد عليكي
ليله….متقدرش
عشري…..مين اللي ميقدرش
ليله….اقصد مش ههون عليك
عشري….لا مش هتجبيني خدي بالك شربتي ليه يا ليله
ليله….يا حبيبي الدنيا هاديه و مفيش حد وانا بصيت والله قبل ما اشرب و ولعت واحده علي ما تيجي عديها بقي
عشري….بتنهيده ماشي يا ليله هعديها بس لو قفشتك تاني مش هرحمك و هزعلك
ليله…ايه الحلاوه دي بحب قمر
عشري…..بضحكه جميله بضعف انا ها
ليله….بابتسامه جميله و حشتني
عشري…..و انتي كمان حطي الحزام يلا
ليله…استني حزام ايه انت هتتحرك بالعربيه
عشري…امال هنفضل واقفين
ليله…طيب هنروح فين
عشري….هخطفك
سمعت صوت اللوك بيتقفل بصتلوا وضحكت
ليله….الله ده انا مخطوفه بجد بقي ايه هتوديني فين المرادي اخر مره خطفتني ودتني العين السخنه
عشري…..لا يا ستي هخطفك في مكان اقرب المرادي حطي الحزام يلا
ليله….ما تخلينا هنا بقي انا مش قادره اروح في مكان الجو برد
عشري….بصلها وهو رافع حاجبه حطي الحزام
ليله….يا باااااي حاضر هحطه
عشري…..بابتسامه هو ايه؟
ليله….بضحك بلطجي سوق و انت ساكت
عشري….بابتسامه ماشي
اتحرك عشري بيها و بعد حوالي نص ساعه تقريباً وصلوا علي المقطم
ليله…..هو انا ممكن اعرف انت جايبني فين
عشري….ايه اول مره تيجي المقطم؟
ليله….لا جيت كذا مره بس هنروح فين يعني ؟
عشري….هقعدك في مكان حلو هيعجبك اوي
ليله…بأبتسامه ماشي
عشري….يلا انزلي
نزل عشري و هي فكت الحزام فتحلها عشري الباب و قفل العربيه و مسكها من كفها
عشري….تعالي
دخلت في ايده و هي بتبص علي المكان من بره شكلوا كان حلو و المكان اصلاً و الهواء حلوين بشكل مش طبيعي استغربت ليله و هي داخله في ايده و تقريباً كل الشباب اللي في المكان عارفينوا بيسلموا و بيرحبوا و بيدخلوا معاه علي جوه بمجرد ما دخلوا بصت ليله علي المكان بصدمه ازاي مجاتش المكان ده قبل كده كان عامل زي السحر والخيال كافيه فوق هضاب المقطم
مساحته كبيره بيطل علي القاهره كلها جنب كل تربيزه شعله نار خلت المكان ليه سحر اجمل و اللي كان طاغي علي جمال المكان اكتر هي البرجوله اللي في مقدمة الكافيه عباره عن برجولات بلوريه و مغلقه و جواها دفايات المكان بجد كان ياخد العقل مع الموسيقي اللي بتميز المكان و كأنك في عالم تاني خالص.
المسؤول عن المكان بص لعشري بابتسامه.
الشاب….التربيزه اللي بتقعد فيها للاسف مش جاهزه عشان حضرتك مطلبتش بس في اماكن كتير فاضيه ايه رأيك اجهز لحضرتك تربيزه حلوه
عشري….طيب انا انهارده مش عايزه تربيزه الجو برد شويه فا خليها برجوله
الشاب…..بس كده عيوني ثواني بالظبط و هتكون جاهزه
عشري….بابتسامه خد وقتك
في الوقت اللي عشري كان بيتكلم فيه مع الشاب سابت ليله ايده و راحت بهدوء علي مقدمة الكافيه مسكت في السور الزجاج و بصت علي المنظر و هي مش مستوعبه الجمال اللي هي شيفاه قدامها باصه علي القاهره و البلد كلها منوره و كأن مفيش حد نايم فوق السماء و النجوم و تحت انوار القاهره كلها و البيوت والعربيات الصغيره وقف عشري جنبها و ابتسم.
عشري…..عجبك المكان
ليله….يجنن بجد يا عشري انا جيت المقطم كذا مره و قعدت علي كافيهات هنا و في اماكن كتير بس بجد المكان هنا فظيع و مستغربه اني اول مره اعرفوا و بعدين واضح يعني انك عارف المكان و الشباب هنا عارفينك
عشري….اه تقدري تقولي كده ان المكان هنا غالي عليا اوي
ليله….ليه بقي ان شاء الله جيت هنا مع مين
عشري….ابداً و الله الشباب بس اللي جم معايا هنا كذا مره بس انا بحب المكان ده اوي و يمكن المكان ده اكتر مكان بحبه بعد دهب و سيناء لان بحس اني في دنيا تانيه و مع نفسي
ليله….بس مش غريبه ان يبقي عندك كافيهات و بتحب كافيه غيرك
عشري….لا خالص عايز اقولك ان لما الشباب بيكونوا عندي في الكافيه و بمتجمع مش ببقي قاعد علي راحتي و هما عارفين ده كويس يعني ببقي قاهد معاهم تقريباً بنص عقل في النهايه ده مكان شغلي فهماني بس هنا انا بريح دماغي خالص و بفصل يعني تقدري تقولي ان (تلال المقطم)
مكان مفضل بالنسبالي جداً
ليله….بصراحه المكان حلو بشكل مش طبيعي و النار اللي والعه دي مخليه المكان ليه جو تاني
قرب منهم الشاب بهدوء
الشاب….اتفضل يا باشا البرجوله جاهزه
عشري….تمام يلا بينا
مسك ايد ليله و راح وراء الشاب وسعلهم المكان دخل عشري ليله في الاول و بعدين دخل هو وراها
الشاب….يارب تكون عجبتك
عشري….تسلم ايدك حلوه اوي
الشباب….طيب تحب تطلب الوقت ولا اسيبك شويه تقرر
عشري…..اديني خمس دقايق بس و هقولك
الشاب…تمام المنيو موجود علي التربيزه بعد اذنكم
عشري….ايه رايك عجبتك البرجوله
ليله….بابتسامه حلوه اوي بجد و احلي حاجه فيها انها بردوا بتبين المكان
عشري….بس هنا دفا عليكي اكتر علي فكره انا اول مره اقعد فيها في العموم يعني مش بحب اي حاجه مقفوله بقعد في اخر تربيزه ديماً
ليله….طيب كنا خلينا بره في تربيزات كتير فاضيه
عشري….لا الجو برد عليكي الهواء في المقطم فظيع
ليله….هو برد بصراحه هنا دافي خالص
عشري….اه الدفايات شغاله جنبك اهي
ليله….بأبتسامه يارب بس واحنا خارجين منتعبش و ناخد برد
عشري….لا متقلقيش قبل ما نخرج انا هظبطك عشان متتعبيش
ليله….بضحك تظبطني ازاي
ضربها بخفه علي راسها
عشري….اتلمي شويه اقصد هخليه يقفل الدفايات هنفتح الباب شويه تشربي مايه ساقعه كده يعني يا ام تفكير شمال
ليله….بضحك طيب خلاص براحه فهمنا
عشري….قوليلي بقي تاكلي ايه؟
ليله….لا انا مش هاكل انا مش جعانه اصلاً
عشري….لا هتاكلي عشان انا جعان و مكلتش من الصبح و كنت مستنيكي ترجعي عشان اخدك و ناكل سوا
ليله….مش جعانه والله انت عارف مستحيل اكون عند اميمه و تسيبني امشي جعانه
عشري….طيب عشان خاطري كلي اي حاجه معايا انا مش هاكل من غيرك
ليله…..لا والنبي ما تقول كده لان مش قادره خالص طيب انا هشرب حاجه وانت كل اوك
عشري…لا خلاص يلا قوليلي تشربي ايه
ليله….بابتسامه هو ايه اللي لا خلاص ايه لعب العيال ده هتاكل عشان انت جعان
عشري…..خلاص والله مش جعان لما اروح ابقي اكل اي حاجه مش هاكل من غيرك انا
ليله….عشرررري
عشري….عيون عشري يلا شوفي عايزه تشربي ايه
ليله….لا مش هشرب غير لما تاكل
عشري….هتاكلي معايا ؟
ليله…..حبيبي يعني دي اول مره اكل من غيرك ما احنا علي طول بناكل مع بعض
عشري….اديكي قولتي مع بعض بذمتك من يوم ما عرفتيني شوفتيني في مره باكل لوحدي مش بعرف
ليله….طيب ما انت هتاكل في البيت
عشري….هاكل اي حاجه علي الواقف مش بقعد انا و حط اكل و الجو ده
ليله….بغضب بسيط طيب خلاص هاكل بس لو بطني و جعتني يبقي ذنبي في رقبتك
عشري….مش هتوجعك يلا قولي عايزه تاكل ايه ؟
ليله….لا معرفش انت اطلب و بعدين مش بتيجي هنا كتير يعني انت عارف ايه الحلو
عشري…..ماشي يا ستي انا هطلب بيعملوا هنا سلمون و بطاطس مشوبه و رز كده بصراحه طبق خيالي شبه المكان ده هيعجبك اوي
ليله….بتنهيده ماشي بس انا عايزه قهوه
عشري….حاضر
شاور عشري للويتر قرب منه قالوا علي الطلبات و بعدين سابهم.
سكت عشري ثواني و هو مقرر من جواه انه خلاص لازم يقولها كل حاجه كان مقرر انه يعترف بكدبته الصغيره قبل ما ياخدوا اي خطوه و ينهي الموضوع عشان يبدأ معاها الخطوه الجايه في حياتهم و هو مرتاح و علي طبيعته اكتر كان حاسس من جواه ان مشاعره و اظهار حبه و اهتمامه بليله مش كافيين بالنسبه ليه كان جواه صوت بيقولوا ان اللي قدمه لليله من حب مش هو كل اللي جواه ليها كدبته عليها مقيده اظهار حبه الحقيقي ليها
حاسس انه لما يتعرف و يرتاح هيكون فاكك اكتر بيحب اكتر و بيهتم اكتر كدبته كانت محسساه انه مقيد و اللي ظهره من حبه ليها واحد في الميه من اللي كان جواه عشان كده كان عايز يرتاح فاق من شروده علي نومها علي كتفه
عشري…..بابتسامه رفع ايده و حضن وشها بردانه ولا ايه
ليله…..لا خلاص الجو هنا بقي دافي
عشري….امال ايه اوعي تكوني عايزه تنامي
ليله….بابتسامه هو الجو يشجع علي النوم بس لا مش عايزه انام انا بس مبسوطه اوي
عشري….ليه بقي عشان مقابلتك مع اخواتك و لا عشان معايا
ليله…..اكيد عشان معاك اما بقي بالنسبه لمقابلتي مع اخواتي تقدر تقول اني اتكلمت معاهم في كل حاجه و خلاص هما معندهمش اي مانع اكيد و قالولي اعرفك تشوف الوقت المناسب ليك و تروح عشان يتعرفوا عليك
عشري….بابتسامه حلو
ليله….شوف بقي انت و عرفني عشان ابلغهم
عشري….لو بعد بكره مناسب يبقي خدي منهم معاد و عرفيهم ان انا و ابويا و اخويا الكبير و فضل هنبقي عندهم
رفعت ليله راسها بسرعه و بصتلوا
ليله….طيب وامينه ؟
عشري….بابتسامه ايه مستعجله علي شوفتها
ليله….هي مش هتيجي بجد؟
عشري…لا هي و لا انتي ولا حتي اخواتك البنات دي قاعده و اتفاق رجاله
ليله….بصدمه ابتسمت نعمممم انت بتهرج لا استني هو انتوا عندكم الستات يعني مش بتحضر والكلام ده
عشري….بضحكه جميله امال الستات تقعد في اتفاقات الرجاله
ليله…..لا بس انا ازاي مش هبقي موجوده يعني انا صاحبه الاتفاق ده ازاي مش هبقي معاكم
عشري…..شوفي احنا عندنا في عادتنا اللتفاق بيتم بس مع الرجاله عارف ان الوضع هنا غير بس الاصول يعني متقولش اني اقعد واتفق مع ست الا لو مفيش راجل و في ظروف تمنع
ليله….يا حبيب فاهمه بس يعني دي حاجه تخصني و كمان انت لسه متعرفمش ازاي هتروح وتقعد معاهم لوحدك
عشري….هنتعرف متشغليش بالك انتي
ليله….بضحك بقولك ايه متبقاش مستفز انا هاجي طبعاً
عشري…..عبيطه انتي ولا ايه مستحيل طبعاً
ليله….ابتسمت بصدمه هو ايه اللي مستحيل بجد انت مستوعب اللي بتقولوا
عشري….ايوه مستوعب انا و ابويا و الرجاله اللي معليا موجودين و انتي رجالتك موجودين يعني الاتفاق هيتم انتي تبقي موجوده ليه
ليله….بضحك لا بجد انا هتعصب عليك هبقي موجوده عشان انا العروسه اللي رايحين تتفقوا عليها دي
عشري….بضحك نتفق عليكي ازاي يعني هنحطك في راسنا مثلاً اسمعي عشان انا اللي متعصبش عليكي القاعده دي قاعده رجاله انا بقي وجودك انتي و اخواتك و امينه و البنات ده بعد الاتفاق هنحدد يوم كلنا نقرأ الفاتحه و نلبس الشبكه و الاتفاق اصلا هنتكلم فيه علي معاد كتب الكتاب و الدخله و اكيد هيبقوا قريب يعني بدل ما هتحضروا فاتحه و شبكه هتحضروا كمان كتب كتاب ودخله حلو كده
ليله…..لعبت في شعرها بتوتر و صدمه و بعدين بصتلوا و هي مبتسمه طيب خلاص ايه ريك اكون موجوده و مش هدخل هسنع بس
عشري….براحتك بس لو طرف منك بان هتزعلي
ليله….بضحك علي فكره انت صعب و رخم و انا فاهمه كويس ان دي عادتكم و بحترمها بس كمان لازم تحترم انت كمان عادتنا
عشري….حبيبه قلبي ده اتفاق رجاله اتعمل مخصوص عشان نتكلم فيه عن كل حاجه تخصك اخوكي و رجالة اخواتك هيكونوا موجودين و اي طلبات ليكي هيقولوا عنها هتتنفذ يعني و جودك من عدمه مش معناه ان طلباتك متتنفذش
ليله….يا سلام وهما بقي ايش عرفهم طلباتي ؟
عشري…..والله بسيطه لما تتصلي عليهم تعرفيهم اني عايز اروح بعد بكره تعرفيهم طلباتك كلها مع ان يعني انا لا مستني طلباتك ولا مستني طلبات اخوكي و رجالة اخواتك لان كل حاجه هعملها في القاعده دي هتكون في صالحك
ليله….هو انت مجنون يا عشري فاكرني بجد عايزه اكون موجوده عشان اتفق معاكم ولا فاكر اني اصلا قولت لحد فيهم علي حاجه او هقولهم اصلا انا مش عايزه حاجه يا عشري انا بس عايزه اكون معاكم في يوم زي ده
عشري….اولاً يوم زي ده زي ما قولت مجرد قاعده رجاله مش اكتر ثانياً عارف انك عايزه تفرحي و انا هفرحك بطريقتي بس بعد الاتفاق ثالثاً و ده الاهم مفيش حاجه اسمها مش عايزه حاجه انتي غاليه يا ليله و كل حاجه تتحط رجلك يعني تطلبي و تتشرطي و تقولي ده عاجبني و ده مش عاجبني
ليله….بابتسامه بتضحك عليا بكلمتين انت صح
عشري….لا والله ده كلام طالع من قلبي بس واضح ان انتي مش واثقه فيا و خايفه تقولي طلباتك و اروح انا اقعد مع الرجاله و مقولش اللي طلبتيه مني
ليله…..مصمم انت تعصبني خايفه ايه و كلام فارغ ايه عشري افهمني انا مش عايزه بجد اي حاجه غير اني ابقي معاك اوعي تفكر يا عشري ان انا من الناس اللي يهمهم شبكه و بيت و حقوق و مؤخر و الكلام العبيط ده انا عيزاك انت و بس و لو علي الثقه انا واثقه فيك و مش الحاجه اللي هتطلب منك هي دي اللي هتحسسني بالامان فاهمني يا عشري انت لو مش معايا هعمل ايه ببيت و دهب و مؤخر انا مش مجتاجه كل ده و انت عارف ده كويس
ابتسم عشري بهدوء و حط ايده علي شعرها بنظره تجنن
عشري….عارف يا ست البنات بس لو هنتكلم في الاصول ده حقك و انا مستحيل اي حق ليكي اضيعه انتي غاليه يا ليله و اللي هعملوا عشانك متعملش لاي بنت و لو علي وجودي معاكي قولتهالك مش هسيبك غير وانا ميت في حضنك و شعري ابيض
ابتسمت ليله بحب و نامت في حضنه و هي بتتنهد تنهيده طويله مسكت في قميصه بايدها بكل قوه و غمضت عينها
ليله….بعد الشر عليك ربنا يخليك ليا و تفضل معايا لحد ما انا اموت قبلك
عشري…..بعد الشر عليكي يا قلب عشري
سكتوا شويه وبعدين قامت بسرعه من حضنه
ليله…..طيب خلاص مش هاجي و هعرفهم ان دي قاعده رجاله بس كمان متجيش تقولي احنا قرانا الفاتحه
عشري…..بابتسامه مش هنقرأ الفاتحه غير وانتي جنبي ولو حصل هتبقي قرايه فاتحه علي الاتفاق مش علي الارتباط اتفقنا يا ست البنات
ليله….بحب اتفقنا يا بلطجي قلبي
دخل الويتر في الوقت ده و هو معاه الاكل و العصير
الشاب…..بابتسامه اي طلبات تاني
عشري….تسلم بعد الاكل بقي عايزين فنجانين قهوه حلوين
الشاب…..بس كده عيوني بالف هنا بعد اذنكم
عشري….اتفضل
ليله…..الاكل شكلوا و ريحته حلوين اقول عليك ايه بقي و انا شبعانه كده
عشري…لو دوقتي هيعجبك و هتخلصي طبقك كله يلا كلي عشان في كلام كتير عايز اتكلم معاكي فيه
ليله….بابتسامه ماشي
بدأوا ياكلوا والاكل عجبها اوي كانوا بياكلوا و مبسوطين كان جواها شعور بسيط حاسه ان عشري مش طبيعي في ضحكه ناقصه و مش كامله في نظره فيها خوف في نبره فيها هدوء غير عادي بس محطتش في بالها اوي في النهايه هو قدامها مبسوط و متحمس جداً
بعد ما خلصوا الاكل خد الويتر الاطباق و نضف التربيزه و ثواني و كانت القهوه موجوده قفل الباب عليهم و خرج
رجعت تاني ليله نامت في حضنه
ليله…..بجد المكان ده حلو اوي
عشري….كنت عارف انه هيعجبك
ليله….اقولك علي حاجه يا عشري
عشري….قولي يا عمري
ليله…..من وقت ما عرفتك و في اماكن كده بقي ليها غلاوه في قلبي و ذكري حلوه يمكن دهب المكان اللي بحب اروح فيه لما بفصل بس غلاوة دهب عندي بقت اكتر بكتير من الاول لان ده المكان اللي جمعنا
كمان العين السخنه و المكان الجميل اللي كنا فيا كل دقيقه قضيناها سوا بالنسبالي سنين و حتي المكان هنا حبيته اوي و بيتهيألي هيبقي من احلي الاماكن علي قلبي و خد بالك اي مكان هيجمعنا ببعض و هيبقي لينا فيه ذكري حلوه هيبقي غالي عندي و يعني لو في مره زعلتني و احنا متجوزين ابقي دور عليا في اي مكان فيهم عشان تيجي تصالحني
ابتسمت ورفعت وشها ليه وبصتلوا
يلا خليني انا اجدع منك سهلتها عليك عشان متفضلش تدور عليا و تدوخ و تلاقيني علي طول في اي مكان منهم
بصلها عشري بنظره وجع كبيره و ابتسم
عشري….ومين قال اني هزعلك
ليله….انا بقول لو يعني و اكيد هتلاقيني في اي مكان كان ليا ذكري حلوه فيه معاك اصل اكيد و انا زعلانه منك مش هقدر اروح اي مكان تاني هاجي علي مكان كنت فيه معاك و ليا ذكري حلوه فيه جمعتنا سوا عشان يعني ارضي عنك شويه.
ابتسم عشري و ضمها و هو بيبوس راسها بوسه عميقه كلها حزن
وقرر انه يستني و ميقولش اي حاجه بعد كلامها خاف المكان اللي عجبها يتحول لذكري بشعه بينهم محبش انه يدمر الذكري دي و قرر انه يسكت و يقولها في مكان تاني عشان لو عرفت و زعلت و بعدت يقدر يلاقيها و اعتبر ان كلامها ده مجرد اشاره عشان لو اختفت بجد يعرف يوصلها بسهوله في اي مكان جمعهم.
عشري….مش هيحصل يا ليله مش هزعلك و مش هدور عليكي عشان مش هتبعدي عني بس كمان عايز اطلب منك طلب بسيط
رفعت ليله نفسها وبصتلوا بحب
ليله….اطلب يا عمري
عشري…..اي اتنين في الدنيا مرتبطين او متجوزين بيحصل بينهم مشاكل و بيوقعوا ديماً في حجات و مواقف مكانش ليها حساب يمكن محدش فينا ناوي او قاصد يزعل التاني بس كمان محدش فينا عارف ممكن نواجه ايه قدام شويه او ممكن يحصل بينا ايه فا عشان كده لازم مهما حصل نتمسك ببعض محدش فينا يبعد عن التاني مش اي مشكله تبعدي او تقرري انك تختفي او حتي تبعديني عن حياتك اللي بيحب يا ليله بيتميك باللي بيحبوا و مهما غلط او عمل اي حاجه لازم الطرف التاني يسامح لان اوقات كتير بنعمل حجات او تصرفات مش بنبقي عارفين انها ممكن تخلق مشكله كبيره اللي بيحب يا ليله حتي لو غلط مبيبقاش قاصد انه يغلط او يوجع يعني لازم يكون في فرصه لازم لو بنحب بجد ندي فرص و نسامح و نتمسك ببعض
ليله…بابتسامه اكيد يا حبيبي و علي فكره انا بهزر اكيد اوقات انا ممكن اتعصب بجد و اوصل لمرحله مش حلوه بس ده لو الشخص اللي قدامي ده بحبه و يهمني باخد بعضي و بمشي شويه بس برجع تاني بعدها اكون هديت انا مش بختفي زي ما انت فاكر بس انا عصبيتي مش حلوه خصوصا لو زي ما قولتلك اللي زعلني شخص غالي عندي فا عشان اتلاشي العصبيه دي بفضل يعني اني ابعد شويه اني افصل حبه مع نفسي كام ساعه كده لحد ما اهدأ كملت بابتسامه و بعدين احمد ربنا اني عرفتك لو زعلتني هتلاقيني فين انا زعلت قبل كده من اخواتي و من البنات و كنت بختفي و محدش فيهم بيعرف مكاني
عشري….بابتسامه بسيطه طيب و لو انا زعلتك في يوم هتختفي
ليله….بابتسامه قولتلك بقي هتلاقيني فين علي فكره كان ممكن مقولكش واخليك تدوخ عليا بس بصراحه مش هقدر ابعد عنك كتير فا انت لاقيني و تعالي خدني
عشري…..بابتسامه حب خرج نفس طويل و بصلها طيب هو انا ممكن أسالك سؤال تاني
ليله…..قول
عشري….لو فرضنا اني زعلتك زعل كبير كبير اوي بس يعني مكنتش قاصد او مكنتش متوقع انك ممكن تزعلي بالشكل ده او خلينا نقول بشكل افضل اني عملت معاكي حاجه كبيره و وجعتك مني و مكنتيش متخيله اني ممكن اعملها و في نفس الوقت انتي واثقه اني ندمان و مكانش في بالي ابداً اني اوصلك للوجع ده ولا كنت قاصد هتسامحيني ولا هتبعدي عني
ليله….بابتسامه بص يا عشري خليني اكلمك في الموضوع ده من وجهة نظري انا او بالحاجه اللي مقتنعه بيها يعني انا بشوف ان اللي بيحب اوي بياخد باله ديماً من كل تصرفاته وافعاله و بيخاف يجرح الشخص اللي بيحبه و بيعمل كل اللي يطلع في ايده عشان ميوجعهوش يعني بشوف ان اللي بيحب بصدق عمره ما بيجرح الشخص اللي معاه و انا مستحيل اسامح شخص كان قاصد انه يجرحني و يوجعني يعني تخيل معايا كده انت واثق اني بحبك و جيت في يوم و جعتك و انا قاصده اوجعك هتقدر تسامحني يا عشري
عشري…..لو تقصدي توجعيني اكيد لأ بس لو انتي عملتي اي تصرف او موقف و جعني و انا عارف ليله كويس وعارف انها مستحيل تكون قاصده وجعي يمكن ازعل شويه عشان متكرريش الموقف ده تاني بس كمان مش هبعد لو انا واثق انك متقصديش
ليله…..لو هتكلم عن نفسي يا عشري يمكن انا اتغيرت كتير من وقت ما عرفتك و اكيد ملاحظ ده و اللي يلاحظ ده اكتر الناس اللي قريبه مني اوي زي البنات مثلا هما عاشروني اكتر منك و عارفين طباعي كويس من زمان عارفين اني مستحيل حد يمشي كلامه عليا مستحيل اسمع لشخص بيقولي اعملي ده و متعمليش ده اتصرفي كده و بلاش تتصرفي كده بس انا معاك كسرت القاعده يا عشري مش هقول اني استسلمت او خضعت لكل طلباتك في تصرفاتي و اسلوب حياتي بس انا عملت ده و انا موافقه عشان بحبك و عشان عارفه ان الحجات دي بتضايقك يعني انهارده مثلاً و انا بشرب السيجاره قبل ما اولعها فضلت ابص حواليا و ركنت العربيه في مكان مش فيه نور و ده عكس شخصيتي انا طول عمري بعمل اللي انا عيزاه و قت ما احب و قدام اي حد و مش بيهمني الناس بس انا عملت كده احتراماً ليك و لزعلك مستحيل مثلاً تلاقيني في مره لابسه مايوه او بكيني حتي لو انت مش معايا لاني خلاص عارفه ايه اللي بيزعل عشري و ايه اللي بيخليه مبسوط حجات كتير و ده اللي اقصده مش هروح اعمل اي حاجه طلبتها مني و قولتلي عليها بلاش جايز مع الوقت اعمل اي تصرف جديد او محصلش بينا قبل كده و نتخانق عليه و يحصل بينا مشاكل لان زي ما قولت الحياه مش كلها وردي و اكيد اي موقف جديد بينا و مش مقبول ليك او ليا هنزعل عليه مع بعض بس مش هنبعد عن بعض لانه موقف اول مره يحصل بينا الزعل الحقيقي او ان واحد فينا يقررانه يبعد و ميقدرش يسامح لو الموقف ده اتكلمنا فيه قبل كده واتكرر فاهمني
عشري….فاهمك بس لازم تعرفي كويس ان مهما حصل مستحيل ابعد عنك حتي لو كررتي الغلط يا ليله جايز ازعل واتعصب و نتخاصم بس اني ابعد عنك مستحيل
ليله….بنظره جميله يعني لو شوفتني لابسه بكيني وانت متعرفش مش هتبعد عني
عشري….بضحكه هاديه و نظره غيره هكسر عضمك بس مش هبعد عنك
ليله…لا والله هتمد ايدك عليا لا ابعد ارحم
عشري….تتكسر قبل ما امدها عليكي انتي عارفه ان الطبع ده مش بتاعي انا اتعصب واغضب و ابوظ الدنيا بس امد ايدي ده ضعف يا ليله و نقص وانا لا ضعيف ولا ناقص ولا عمري في حياتي استقوي علي ست و خصوصا لو الست دي ساكنه قلبي
انا مستحيل اعملها و يوم ما اعملها و ده مستحيل اوعي تفكري تفضلي معايا ثانيه حتي لو شوفتيني هموت
من الاخر يا ليله لو شوفتك كده مش هبعد عنك بس طبيعي هتعصب هزعل هيبقي ليا رد فعل بس كده
ليله…بابتسامه طيب طمنتني الاجازه الجايه بقي هبقي البس بكيني
عشري…..بغيظ ضحك وحياة امك طب جربي
ليله….بضحكه جميله لا متقلقش مستحيل اعمل حاجه عارفه انها ممكن تضايقك او توجعك او حتي تعصبك و عموماً يا سيدي انت مش هتطلع اكرم مني يعني انا كمان شكلي هكسر القاعده دي بردوا و هسامحك في اي غلط تكرره وانت عارف اني مش بحبه بس لو قاصد مش هسامحك ابداً
عشري….بابتسامه طيب زي ايه
ليله…اممممم بصراحه مفيش حاجه في بالي يعني من بوم ما عرفتك و مفيش اي مره انت عملت موقف او حاجه تزعلني منك مفيش يعني غير الزماره بتاعتك دي يا بلطجي و الفاظك بس يعني مش هي دي الحاجه اللي تخليني ازعل او ابعد في النهايه الفاظك دي في العموم مش متوجهه ليا انما لو في مره لسانك فلت منك و الشتيمه دي كانت ليا و الله يا عشري هقطع لسانك يا بلطجي
عشري….بابتسامه جميله ودي كمان مستحيل اعملها انا معترف اني لما بتعصب بفقد السيطره علي لساني بس في العموم عمري ما وجهتلك لفظ ولا عمري اعملها بس تعالي هنا كلامك ده معناه اني ليا رصيد.كبير من السماح لاني عمري ما عملت اي موقف يزعلك صح
ليله….بضحكه جميله صح بس تعالي انت هنا و قولي مالك بتحرب علي ايه عايز تزعلني و لا ايه
عشري….لا بس انتب لسه قايله ادام في موقف اتعمل بينا لاول مره بتسامحي فيه
ليله…..اكيد بس اوعي تفكر تعكل فيا حاجه و انت قاصد و تبقي متطمن اني عسامحك انا كلامي كان علي لو مش مقصود
عشري…..وانتي بردوا لسه قايله اللي بيحب مستحيل يقصد يزعل صح
ليله….بحب صح
عشري…..بحبك يا ليله بحبك اكتر بكتير مما ممكن تتخيلي او عقلك يصورلك اوعي يا ليله اوعي تبعدي عني او تفكري اني قاصد اعمل اي موقف يزعلك اوعي
ليله…..بحب و نظره تأثر انا مستحيل ابعد عنك يا عشري مستحيل صدقني و عندي استعداد اسامحك و اكسر القاعده زي ما قولتلك لاني خلاص وصلت لمرحله مقدرش اعيش فيها وانت مش في حياتي
خرجت منه تنهيده راحه كبيره و ضمها بكل قوته و غمض عينه و هو من جواه حاسس براحه نسبيه و متطمن ان مهما زعلت منه مش هتبعد.
رفعت راسها بهدوء و بصتلوا بشقاوه
ليله….ما تجيب سيجاره بقي و خليك حلو وهادي كده زي ما انت
عشري….بابتسامه استغلال اامواقف غير عادي
ليله….بضحك ما انت حابسي اهو في برجوله و محدش شايفني غيرك
عشري….البرجوله شفافه متتلككيش بس ماشي يا ستي احلي سيجاره لاحلي ليله
ولعلها سيجاره وولع لنفسه و ضمها بحب و فضلوا ساكتين
و انتهي يومهم جميعاً بكل سعاده و حب.
وللحديث بقيه…..
