لقاء كارثي

ريهام….طيب خلاص تمام

سلامه…..انتي اتغديتي صحيح ولا لا

ريهام…. بابتسامه اه اتغديت متقلقش

سلامه…..ماشي يا قلب اخوكي روحي يلا شوفي اللي وراكي و لما تخلصي كلميني

ريهام….تمام سلم علي يويو

سلامه…..يوصل ان شاء الله باي يا حبيبتي

ريهام….باي

……………..

عند عدي وتقي وصلوا المكان اللي خدها عليه كان في المقطم بس علي الكورنيش وقفوا في مكان كاشف القاهره كلها من فوق و فضلوا جوه العربيه ركن و بعدين بصلها.

عدي…..ايه رايك في المكان

تقي…..بابتسامه حلو اوي بس مرعب

عدي…..بتخافي من المرتفعات؟

تقي…..اممم يعني شويه

عدي…..ابتسم ورفع حاجبه امال قرفانه ليه عايزه اسافر عايزه اسافر هتعملي ايه في الطياره

تقي…. بابتسامه لا ما انا ركبت طياره قبل كده هو انا بخاف بش مش فوبيا يعني ممكن اخاف في الاول بس تعدي دقيقتين كده و احس بأمان خلاص

عدي…..اه يعني مش هنعرف نهرب من السفر

تقي……بابتسامه لا مصممه

عدي…..هو ايه اللي مصممه لا مبقاش في مصممه دي خلاص انسي

تقي….يعني ايه هو انت معترض

عدي…..بضحكه شقيه لا مش اوي يعني خوفتي ليه انا مش رخم علي فكره

ابتسمت تقي و سكتت

عدي…..ولع سيجاره و نزل الشباك شويه و بعدين ابتسم بشر صحيح
ايه اخبار فتي احلامك الطويل الاسمر ابو عضلات

ضحكت و بصت جنبها و رفعت ايدها تهرش في شعرها

عدي…..بضحك كنت سامع وصفك هناك و سايبك علي راحتك خااالص بس الشهاده لله كنتي بتوصفي بضمير

تقي…..ضحكت و بصتلوا عدي انت عايز ايه

عدي…..بصلها بنظره تجنن انا عايز اسمعك يا تقي

تقي…..بصتلوا بهدوء و هي قلبها عمال يدق و توترها باين عليها تسمع ايه انا معنديش حاجه اقولها خالص

عدي….خااالص طيب خليني اسألك وردي عليا

تقي…..لا ماهو انت أسالتك اكيد مش هعرف ارد عليها

عدي……بضحك لا متقلقيش مش هسألك سؤال معين في دماغك مش مستعجل عليه اصلا

ابتسمت و ضر,بتوا علي كتفه

عدي…..ااااه خلاص طيب انا اسف أسال

تقي…..أسال

عدي….بصراحه يعني كنتي متوقعه اللي هقولوا ولا اتفاجئتي

تقي…..هو اصلا انا اتفاجئت بيك من اول ما شوفتك قدام البيت مكنتش اعرف اني هنزل الاقيك

عدي…..اه كنتي نازله مكشره و مش طايقه نفسك صح طبعاً من امبارح عمال عقلك يجيب و يودي و صاحبه غيرانه ما انا رايح اقابل حبيبتي بقي