لقاء كارثي

سليم….اكيد طبعاً

نسمه…..عشان كده انا معنديش مشكله اني اتعامل مع شخص مختلف عني لاني بقدر اتقبل اي شخص لان العادي اصلا اننا نبقي مختلفين لو كل واحد فينا دور علي شخص بيشبه في كل حاجه مش هنلاقي حد نتعامل معاه بس انا في اشخاص مقدرش اتقبل طباعهم يعني ممكن اتقبل فرق بينا في حجات بسيطه لكن في حجات شخصيتي ترفضها معرفش بصراحه

سليم….طيب مين الشخص اللي ترفضي انك تتعاملي معاه خالص طباعه متمشيش معاكي

نسمه……يعني الشخص المتنمر مقدرش الشخص اللي طول الوقت بيقلل منك تحت بند الهزار الشخص المتعجرف اللي شايف نفسه الشخص اللي طول الوقت يشتكي رغم انه ممكن حياته تكون افضل مني بكتير الشخص المتكبر الشخص اللي بيحبط الشخص اللي اقف معاه في اتفه مشاكله و لما انا ابقي في مشكله يبقي اخر همه الشخص اللي علي طول ينتقد الشخص اللي ميفرحش لفرحي او يستكتر الفرحه عليا

سليم….بضحك علي كده مش هتعرفي تتعاملي مع حد خالص

نسمه…..لا بالعكس في ناس كتير حلوه يعني انا اعرف ناس متنمره بس التنمر اللي مقدرش اتعامل معاه اللي هو في دمه انا ممكن انا وتقي لما نتلم علي بعض نهزر و نتريق بس بيكون هزار مش تنمر مقصود و بيتهيألي اغلب جيلنا بقي متنمر بس في ناس التنمر في شخصيتها اصلا

كمان في ناس تشوفهم متكبرين بس لما تعرفهم تلاقيهم مش كده خالص ده مجرد انطباع يعني انا اقدر اتعامل مع اي شخصيه حتي لو كان فيها اللي قولتوا و ذكرتوا ده كله بس يكون حاله موقف لكن طبع مستحيل لانهم بياثروا عليا بالسلب

سليم….مش قولتلك انتي شخص حساس

نسمه….بابتسامه بصراحه اه

سليم…..طيب يلا دورك

نسمه…..ايه اكتر وقت بتحس فيه انك علي طبيعتك و مش محتاج تتصنع او تخبي حقيقتك

سليم…..هو انا في العموم الحمد لله مش متصنع انا شخص واضح جداً بس اكيد في اوقات الواحد بيحس انه مش علي طبيعته او مش مرتاح و ده بيرجع للناس اللي بتعامل معاهم يعني انا بكون علي طبيعتي مع الناس اللي بحبها اوي و بيتهيألي ده موجود فينا كلنا اكيد انتي مش بتحسي انك علي طبيعتك غير مع حد بتحبيه

نسمه….اكيد طبعاً

سليم….و عموما اي انسان بيبقي علي طبيعته لما بيحس انه مرتاح لما بيكون مع شخص فاهمه مريحوا غصب عنك بتلاقي نفسك عامله زي الطفل طبيعي مش متصنع مفيش اي تكليف في اظهار شخصيتك الحقيقه فهمتي