لقاء كارثي

عشري…..يلا يا هنون ياللي اتفقتي عليا معاها عشان تعرفي انك ملكيش غيري

شالها و راح بيها علي اللعبه و ليله وراهم ادت الكارد للشاب اللي واقف علي اللعبه سحبه و بعدين دخلوا اللعبه و هي وقفت تتفرج عليهم

اشتغلت اللعبه و كان باين علي عشري التوتر و هنا ضحكتها مسمعه المكان و ليله واقفه بره هتمو,ت من الضحك عليه و بتصورهم.

خلص الدور و نزل عشري بهدوء كان دايخ بص لليله بغيظ نزل هنا و بعدين راحوا عليها

عشري….انا قولت مش سهله بتلبسيني

ليله…..بضحك مقدرش انا اركبها بتدوخ

عشري…..بأبتسامه انتي تمام يا هنا
انا حاسس اني برقص

هنا….بضحك لا كويسه دي حلوه اوي

عشري….حلوه ايه يا شيخه حرام عليكي

ليله…..عشري تعالي اركبك العربيات

عشري…..عربيات تاني لا والمصحف ما انا راكب خديها انتي دوخوا مع بعض

ليله…..بضحك لا مش زي دي اهي اللي هناك

عشري….اه حلوه دي بشوفها بس معرفش اركبها بتتلعب ازاي و لا هي بتشتغل لوحدها

هنا….لوحدها ازاي يا انكل عشري حضرتك اللي بتسوقها

عشري….بهمس حضرتي طالع حمار قدامك يا هنا

ليله….بضحك لا يا قلبي انت بتدوس بنزين تحت رجلك و بتحرك الدركسيون بس كده

عشري……طيب نجرب بس دول بيخبطوا بعض جامد هنا مينفعش تركب لوحدها

ليله…..لا هتركب معايا

عشري…..واشمعني معاكي هي فيها فريق دي كمان

ليله…..بضحك لا بس مش هيبقي ليها مكان جنبك العربيه يادوب علي قدك يا بلطجي

عشري…..ماشي يلا

راحوا وقفوا واستنوا اللي راكببن لحد ما نزلوا و بعدين راحوا ركبوا هي و هنا في عربيه و عشري في عربيه

عشري….هفرمكم

ليله….بابتسامه هنشوف

هنا…..ليله هتعمل حادثه فيك

عشري….كده يا هنا عايزين تمو,توني

هنا…..لا هنخبطك بس

عشري….طب انا بقي اللي هكسر عربيتكم

سمعوا صوت جرس و بعدها موسيقي و بدأوا يتحركوا مكانش عارف يعمل حاجه في الاول و بعدين حركها شويه و فضل يدور و ليله هتمو,ت من الضحك عليه هي و هنا رجع حركها تاني و هو عمال يضحك و بقي يجري وراهم و بعدين وقف في الزاويه مش عارف يخرج منها نزل شاب من المسؤولين علي اللعبه خرجوا و رجع تاني يتحرك

جريت لياه وراه خبطته

عشري…..بضحك با بنت الجزمه و الله ما هسيبك

جريت ليله و هنا جنبها هتمو,ت من الضحك و مبسوطه و مش عارف يجيبهم كل شويه حد يخبطوا و يوقفوا كانوا مبسوطين اوي و اول مره ليله و عشري يخرجوا مع بعض خروجه زي دي حتي شخصيتهم كانت مختلفه عن العادي كانوا اكفال مبسوطين بالحاله علي طبيعتهم جداً فرحانين و عندهم طاقه