لقاء كارثي
لقاء كارثي 110
عشري…و واحد مياك تشيك فراوله
الويتر…..تحت امرك حالا.
رن موبايل ليله.
عشري….موبايلك يا ليله
ليله……الوووو ايه يا قلبي
ايمي….ايه الاخبار
ليله….زي الفل انتي عامله ايه
ايمي….كله تمام اخبار هنا معاكم ايه
ليله……تجنن يا ايمي مبسوطه و احنا مبسوطين بيها
ايمي….طيب الحمد لله جيبتي حاجتك ولا معرفتيش
ليله….لا جيبت حجات كتير اوي بس فصلنا و تبعنا هكمل بكره بقي
ايمي….طيب علي خير ان شاء الله علي عيني يا لولي اسيبك لوحدك في الظروف دي والله
ليله….متقوليش كده يا قلبي انا عارفه انه غضب عنك و المهم انك بخير دي اهم حاجه عندي
ايمي……بابتسامه طيب بقولك ايه جيالي شكوي منك
ليله…..شكوي من مين؟
ايمي….بضحك نوني
ليله….اااااه و ليها عين خير شكوتها ايه
ايمي…..بضحك عايزه تستحمي
ليله…..بضحك و مين منعها
ايمي….خليها عليكي معلش لو تعرفي تتصرفي اتصرفي
ليله…..تكلم ابو امير يجيبلها حد الوقت مش هنلاقي حد من الشركه يجي
ايمي…..ماهي مش عارفه تتصرف انتي عارفه ان نعيمه لخمه
ليله…..تستني بقي لما ابقي افضي انا مش فاضيه خالص يعني لا تتصرف هي يا اما تستني و بعدين انا هنزل بكره من بدري يعني لا هقدر اقف مع حد من الشركه ولا حتي هعرف اقف مع اي حد ابو امير يجيبوا
ايمي….طيب هتاخدي شاور انتي ازاي يا حزينه
ليله…..عادي بقي انتي عارفه اني مش هغلب هروح لنادين هسخن مايه في اي حاجه و لو رسيت اني اخد شاور بمايه ساقعه هعملها يعني متقلقيش عليا انا بعرف اتعامل
ايمي…..بضحك يابت متبقيش عنديه
ليله…..مش عند والله انا عديت طريقتها عشان مزعلهاش بس قررت معملش جدعه زي ما هي قالت هخليها تشوف بقي انا كنت جدعه و شايله الطين كله علي دماغي فعلا ولا بعمل جدعه
ايمي….طيب معلش حقك عليا انتي عارفه ان نعيمه دبش واسلوبها طين
ليله…..لا علي نفسها بقي خدي بالك يا ايمي اللي ماشيه ترمي كلام دي و بتقول اني بعمل فيها جدعه انا مش بخليها تحمل هم حاجه
ايمي….عارفه
ليله…..نعيمه لا تفقه شي في اي كبيره او صغيره اللي بتحتاجه من قبل ما تطلبه بيكون عندها اي حاجه فيها صيانه فيها شراء فيها تنضيف فيها مشاوير انا اللي بعملها لو هي شايفه ان دي مش جدعنه لازم تعرف ان هي كمان مش حق مكتسب عمري ما قولتلها اعملي معايا زي ما بعمل انا شايله كله لوحدي فا هي شايفه ان ده كله عادي لا انا اوقف بقي اللي بعملوا عشان تعرف ان الله حق و تعرف ان شيلتي لكل ده كانت جدعنه و لو عليا انا اعرف اتعامل انتي عارفه
