لقاء كارثي

نسمه…..اه فهمت

سليم…..طيب قوليلي انتي بتاخدي قرارات متسرعه و لا بتاخدي وقتك

نسمه…..اااا مش ديماً يعني انا قولتلك قبل كده علي موضوع الشغل واني اشغل فلوسي بصراحه اي حاجه فيها تحديد مصير باخد وقتي لاني عارفه كويس ان ان التسرع في تحديد المصير ممكن يلبسني في حيطه

سليم…..بضحك صح

نسمه….بس اوقات بصراحه يعني باخد قرارات سريعه و بندم عليها

سليم…..طيب ايه هي قرارات تحديد المصير غير الشغل اللي بتاخدي فيها وقتك

نسمه….يعني مفيش غير الشغل اكيد و اي حاجه خاصه بدراستي او مستقبلي باخد فيهم قرار بهدوء

سليم……طيب و الارتباط

بصتلوا نسمه بتوتر و ابتسمت بهدوء

نسمه…ااا بيتهيألي ده كمان تحديد مصير و اكيد مينفعش اتسرع في قراري

سليم….بمعني ايه؟

نسمه…..بمعني اني مينفعش ارتبط عشان انا عايزه اكون مرتبطه و خلاص لازم لما ارتبط اكون واثقه اني مستعده للخطوه دي محتجاها في حياتي قد مسؤوليتها و بعدين انا عشان ارتبط لازم اكون واثقه جداً في الشخص اللي هرتبط بيه لاني معنديش استعداد اني اجرب و افشل و لا عندي استعداد يكون ليا تجارب كتير انا يا سليم شخص بيتعلق بسرعه بالاشخاص و معرفش اتخطي بسهوله يعني لو جربت اني ارتبط و فشلت هاخد وقت كبير اوي عشان اقدر افتح قلبي تاني

سليم….طيب ما انتي مش هتقدري تقرري الشخص ده كويس او وحش غير لما تعرفيه جايز تعرفيه وتلاقيه مش مناسب و تبعدي عنه ده مش فشل علي فكره

تقي….فهماك انا موضوع التعارف بالنسبالي وضع و اني ادخل شخص حياتي وضع تاني انت الوقت بتتكلم عن الارتباط يعني عن شخص حبيته و قررت ادخلوا حياتي و ده عشان بحصل الطبيعي اكون عرفته انجذبت ليه حصل بينا كيميا وجوده فارق معايا فا خلاص هيدخل حياتي و ارتبط بيه

سليم….طيب انتي فكره الارتباط في دماغك

نسمه…..اكيد مفيش حد فينا فكره الارتباط مش في دماغه بس لازم بكون الوقت مناسب لازم يكون الشخص مناسب

سليم…..بابتيامه طيب انتي لسه ملاقتيش الوقت والشخص المناسبين ليكي

ابتسمت نسمه بهدوء و سكتت شويه

نسمه….اااا يعني معرفش

سليم…..بابتيامه متعرفيش ايه في حد يعني

نسمه….ااا لا مفيش

سليم….امال ايه معرفش دي

نسمه….يعني اقصد لو علي الوقت اكيد انا حالياً في سن يسمحلي احب ارتبط اعرف الشخص اللي قدامي مناسب ولا لا