لقاء كارثي
لقاء كارثي 110
عدي….اممم يبقي توتر اتنهد و بعدين بصلها طيب انا بقول نركب العربيه و هوديكي مكان حلو اوي مش هننزل من العربيه بس هقعدك في مكان حلو موافقه
تقي….طيب ماشي
عدي….يلا بينا
رجع بيها كام خطوه و فتح العربيه ركبها و بعدين اتحرك.
…………..
عند سليم و نسمه.
سليم…..بأبتسامه قوليلي بقي يا ستي بما اني متعاقب و بنفذ العقاب الوقت مش حابه تسأليني اي سؤال
نسمه…..امممم زي ايه
سليم….السؤال اللي يجي في بالك
نسمه…..ايوه قولي زي ايه عشان مسألش اي سؤال تبقي مش حابب تجاوب عليه
سليم…..لا اي سؤال هتسأليه هجاوبك عليه بس اعملي حسابك انا كمان هسألك
نسمه….بضحك لا معلش انا مش متعاقبه
سليم….بضحك ايه بتهربي
نسمه….لا مش بهرب بس ده عقابك
سليم….اااااه يبقي خايفه اسألك اي سؤال
نسمه….لا خالص عادي علي فكره اسال اي سؤال
سليم….طيب أبداي انتي يعني خلينا نمشيها سؤال و سؤال نعرف بعض اكتر ايه رأيك
نسمه….بابتسامه ايه وحشتك لعبه الاسئله
سليم….يعني بيتهيألي كان في أساله كتير نفسي أسالها ومعرفتش
نسمه….بس تقريبا انت عرفت عني حجات كتير
سليم….لا حجات عاديه اب حد ممكن يكون عارفها انا عايز أسال اسأله محدش يعرفها وانتي كمان بيتهيالي متعرفيش كل حاجه عني
نسمه….طيب متأكد انك هتجاوب
سليم….بأبتسامه جربي وشوفي
نسمه…..اممم اوك طيب انا هسالك سؤال عادي شويه عشان تعرف بس اني طيبه
سليم…..ماشي اسالي
نسمه….انت بتحب الخروجه تكون هاديه يعني في مكان هادي و لا دوشه
سليم….اااا بصي هو علي حسب المود يعني انا اي حد يشوفني يحس اني هادي وبحب الهدوء و الروقان بس انا مش هادي لكن تقدري تقولي اني باخد وقت لحد ما اتأقلم علي الناس او الجو العام و حتي لما باخد علي حد و بنعرف بعض اوقات بحس اني مش في مود
يخليني متجنن و حابب الدوشه و اوقات تانيه لا بتجنن عادي و الدوشه مش بتضايقني
نسمه….انت شخص مودي اصلاً يعني مزاجك متقلب؟
سليم…..لا خالص انا شخص عادي جداً بتضايق لو في سبب يضايقني و بتبسط باي حاجه تبسطني يعني مش الشخص اللي بيتحول فجأه من مود انبساط لمود يخليني مضايق و علي فكره انا مش بعرف خالص اتعامل مع الاشخاص المزاجيين مفيش بينا عمار
ضحكت نسمه وبصتلوا
سليم….ااااه شكلك مووديه
نسمه….بصراحه شويه بص هو انا مش مووديه بالمعني الحرفي بس انا ممكن اكون مبسوطه جداً او يحصل معايا حاجه تفرحني كنت بتمني انها تحصل و بجي حد يقولي كلمه بسيطه تضايقني فا انسي الحاجه اللي فرحتني و اضايق اوي
