لقاء كارثي

تقي…..لا خلاص موافقه بس اوعي تلعب بيه

عدي……لا يا ستي هيفضل مستنيكي في الشقه لحد ما تيجي تفكيه انتي بنفسك ماشي

تقي…..بابتسامه ااا ماشي عدي

عدي…..عيونه

تقي….اااا اا يعني انا عايزه اقولك حاجه

عدي…..بأبتسامه قولي سامعك

تقي…..اااا ماهو انا مش عارفه اقول

عدي….بضحكه جميله حاولي و لو مش قادره متستعجليش ده لو بعني هتقولي اللي في دماغي

تقي…..بابتسامه ااا يعني هو انا اووووف خلاص مش عايزه حاجه

عدي…..بضحك ماشي براحتك

تقي….طيب بص هو انت جربت تبقي عايز تقول حاجه و في نفس الوقت مش عارف تقولها

عدي…..بضحك جرررربت ده انا بقالي فتره بعمل كده بس انا بقي مختلف عنك كنت عايز اقول بس في واحده كانت بتمنعني اقول

تقي….بضحك علي فكره بقي انا ممنعتكش انت اللي مصدقت تسكت شكلك كنت بتفكر

عدي….يا مفتريه حرام عليكي انتي عارفه كويس اني كنت همو,ت واقول

تقي…..ماشي يا سيدي

عدي….بضحكه تجنن ايه مش هتقولي بردوا

تقي……بابتسامه بصتلوا و هي بتعض علي شفايفها و بتفكر و متوتره ااا احممم لا

عدي…..ماشي براحتك مش مستعجل بالي طويل انا

ولع سيجاره و بص جنبه علي الشباك ينفخ الدخان كانت بصاله و مبتسمه

تقي……بهمس مسموع بحبك

ضحك عدي ضحكه تجنن وهو باصص قدامه و بعدين غمض عينه وسند راسه علي الكرسي فضل بضحك و هي بصت قدامها و هي بتضحك و وشها هينفجر من كتر ما بقي احمر

تقي….اوووووف

فتح عينه و بصلها بحب

عدي……مسك كفها وباسه عارف يا ام لسان طويل و انا بمو,ت فيكي

فضلوا ساكتين شويه مبسوطين و الحاله اللي كانوا فيها تجنن ساندين راسهم و باصين قدامهم و ماسك كفها

تقي….عدي

بصلها و هو ساند راسه بهدوء من غير و لا كلمه بصتلوا هي كمان

تقي…..اااا هو احنا كده المفروض نعمل ايه

عدي…..في ايه ؟

تقي….في الوضع اللي احنا فيه ده يعني المفروض حد يعرف ولا لا

عدي……بابتسامه باس كفها وبعدين بصلها انتي عايزه ايه لو عليا انا معنديش مشكله ان اي حد يعرف سواء عندك او عندي بالعكس هكون مبسوط و مرتاح اكتر لاسباب كتير اولهم مش عايز اعمل حاجه من وراء وليد و اكيد مش عايز ازعل ليله اني بعمل حاجه من وراها او ابقي سبب في سوء تفاهم بينها وبين عشري

تقي…..بس ليله مستحيل تزعل

عدي….عارف و يمكن هي هتفهم اصلا بس اقصد احتراما ليها في النهايه ليله بعيد عن ان علاقتك بيها علاقه صحاب فا هي عمتك و اكيد بتخاف عليكي واكيد كمان مش هتبقي حابه ان شكلها يطلع وحش قدام وليد لانه ممكن يفكر انها عارفه و مخبيه عليه فا اللي حابب افهمولك اني اكيد معنديش مشكله اني اقول بس انتي عايزه ايه