لقاء كارثي

ليله……ااااه طيب شوفي عايزه تلعبي ايه

هنا…..نلعب اللعبه بتاعت السله دي

عشري….بااااس يبقي هكسبكم انا اطول واحد

ليله….بضحك لا متفرحش اوي كده دي مش بالطول دي بالسرعه هنفضل نحدف الكور بسرعه و تنزل نحدفها تاني قبل التايم ما يخلص عشان ناخد التيكت اللي هنكسبها

عشري…يعني حتي اللعبه اللي ضامنها مطلعتش بالطول

ليله…..فقري من يومك

عشري….ده انا هكاك علقه استني عليا

فضلت ليله تضحك و راحت هي و هنا قدام اللعبه

مسكت الكارت سحبته في اللعبه و استنت تبدأ.

ليله…..يلا احدف معانا بسرعه

فضلوا يحدفوا الكور و هنا تضوت بحماس و تحدف معاهم لحد ما خلصت و جريت هنا تسحب التيكت

هنا….بسعاده ده كتير اوي بابي مش بيعرف يجيب كتير كده

عشري….و انا اي حد ولا ايه عيب عليكي

ليله…..اسحبيهم براحه عشان ميتقطعوش

هنا…..حاضر

عشري……بيتعمل بيهم ايه الورق ده

هنا…..بنبدلهم بلعب

عشري…..اوبااااا ده احنا معانا كتير ده كده هتفتحوا محل لعب

ليله…..لا بص احنا بنجمعهم و بعدين بنروح نحطهم في المكنه اللي هناك دي زي الناس بنفضل ندخلهم و هي بتعد و في الاخر تكتب طلعوا قد ايه و بتروح ساحب الكارد بيتضافوا عليه و بتروح بقي تشوف اللعب في لعب من 20 نقطه ممكن لحد الفين و خمسه واكتر علي حسب ما تجمع بقي

عشري…اه يعني مش الورقه بس بتتبدل بلعبه

ليله…..لا يعني لو مثلا جمعنا 100 بنروح نشوف ايه اللعب اللي نقطها 100 و بنختار

عشري….اااااه فهمت معلش انا جاهل شويه في الموضوع ده انا اول مره في حياتي ادخل مكان في لعب و عمري ما روحت ملاهي و الكلام ده طلعتي انتي صايعه خدي بالك

ليله….بضحك ولا صايعه ولا حاجه بس كل فتره باخد ولاد قمر و ولاد اميمه لما كانوا اصغر شويه فا حافظه انا انا لا عادي كنت بركب مراجيح في الشارع و بأجر عجل دي كانت خروجتي المفضله

عشري…بضحك متشرده يعني

ليله….بضحك اه و علي فكره انا مش بحب الملاهي اوي بدوخ و بتعب منها

هنا….ليله ليله تعالي نركب دي مع بعض

شاورتلها علي لعبه فيها عربيات بتدور بيتركب فيها اتنين وينفع كبار عادي

ليله….لا بصي استني انا لسه حالا بقول اني بدوخ مش هقدر

هنا…عشان خاطري يلا

ليله…..لعشري الحقني

عشري…..بابتسامه طيب ينفع انا اركب ولا صغيره عليا

ليله…..لا ينفع في رجاله راكبه هناك اهي خدها انت بقي و خليك جدع