لقاء كارثي

نسمه….بابتسامه ااا عادي ممكن تقول الاتنين تقييمك لنفسك والشخص اللي انت حاسس انك لاقيته

سليم….والله انا تقييمي بيقول و بكل ثقه اننا تخطينا اول مرحله بتاعت القبول دي الارتياح موجود كمان انا اختبرتها و نقدر نقول انها نجحت في الاختبار حصل انجذاب بينا حصل اعجاب حصل تعلق كمان وصلنا لمرحله التعارف و غالباً احنا ماشيين في طريق صح يعني بتفصلنا كام خطوه للاعتراف بالحب

نسمه…..ااا احمممم ده بالنسبالك و لا انت بتتكلم من وجهه نظرك عليك و علي الشخص

سليم….هو مش وجهه نظر هو احساس و انا احساسي لا يمكن يكدب عليا اللي انا خاسس بيه هي كمان حاسه بيه انا واثق

نسمه….ابتسمت بتوتر و عطلت شويه في الكلام ااا يعني ااا احمم

سليم….بضحك ايوه جمعي

نسمه….بضحك ااا لا هجمع طيب انت بتقول اختبرتها تقصد ايه باختبرتها دي

سليم…..يعني شوفت رد فعلها في حجات معينه طلبت منها حجات معينه و كنت حابب اشوف هتعمل بيها ولا لا حبيت اشوف كلامي هيفرق معاها ولا لا بتسمع الكلام و لا عنيده بتسمع النصيحه ولا بتنفر منها كده يعني

نسمه….امممم حلو و ايه بقي اللي طلبتوا منها او نصحتها بيه

سليم…..بابتسامه مش شايفه انك طولتي و خدتي دوري

نسمه…..بضحك انت بتردهالي

سليم….بضحك اه بصراحه

نسمه….طيب خلي بالك بقي انت متعاقب و عشان كده هترد علي اخر سؤال و بعدها أسال انت

سليم….بابتسامه لازم يعني

نسمه….اه لازم

سليم…..ماشي يا ستي امممم يعني مثلا انا راجل بيفرق معايا اوي علاقه البنت اللي هرتبط بيها بربنا لانها هتبقي في يوم من الايام ام لولادي و ام يعني قدوه يعني تربيه يعني تعليم يعني مسؤوليه ولو هي مش هتقدر تكون قدوه ليهم و لا هتقدر تعينهم علي دينهم و الحياه يبقي بلاش منها فا انا طلبت منها طلب بسيط و هي الحقيقه التزمت بيه و طلبي كان انها تلتزم بالصلاه و متقطعش ولا تسيب فرض
ابتسم وبصلها

بصتلوا بصدمه بسيطه و بعدين بعدت عينها عنه بسرعه اتلغبطت واتوترت و عينها فضلت رايحه جايه في المكان

سليم…. بضحكه جميله هااا عندك سؤال كمان ولا اسال انا

نسمه…..بابتسامه كسوف ااا اسال انت معنديش سؤال خلاص

سليم….بضحك ماشي طيب انا هسألك سؤال مختلف شويه

نسمه….بابتسامه اوك اسأل

سليم….مبسوطه من مقابلتنا دي و ممكن تكرريها تاني ولا متبسطتيش