لقاء كارثي

تقي….اااا احممم ممكن

عدي……طيب ردي عليا غيره صحاب

تقي…..بابتسامه لا يارخم ارتاحت

ضحك عدي و مسك كفها باسه فا وترها اكتر و كسفها اكتر

تقي….اااا هو انت يعني هنمشي امته

عدي….بضحك شششس اهدي ايه مالك

تقي…..عدي متبقاش رخم بجد و الله انا متوتره جدا و اول مره اصلا احس اني عامله زي العبيطه مش عارفه اتكلم ولا عندي كلام اقولوا و لا قادره ابص في عينك

عدي…..انتي بتتكسفي مني

تقي…..لا مش كده بس معرفش ليه حصل كده انهارده بص انا عارفه انك مش محتاج تسمع مني اي حاجه انت بس حابب ترخم عليا لانك عارف كويس كل حاجه من غير ما اقول مش محتاج اني اعبرلك انت بتفهمني كويس يمكن انا الصبح لما شوفتك اتفاجئت لاني محستش خالص انك هتيجي فرحت و اتصدمت و اتلغبطت لما لاقيتك بتحتفل بعيد ميلادي بدات احس انك كنت جاي عشاني اه مصدقتكش امبارح لما قولت انك رايح تشوف حبيبتك بس لما حلفت اتلغبطت يمكن اضايقت كمان لاني كنت حاسه اني عبيطه و تخيلت حجات مع نفسي وهي مش صح بس متوقعتش خالص انك تقول كل اللي جواك اتفاجئت و لو عايز تسمع حاجه مني فا انا حاليا بجد مش قادره اقول اي كلمه يعني اللي حاسه بيه و اللي جوايا اكبر بكتير من اي كلام بس كل اللي اقدر اقولوا بخصوص اني اختفيت عنك كام يوم و مردتش و كنت بجد ناويه ابعد

اني مكنتش هقدر يا عدي افضل في مكان مش بتاعي يمكن لما انت حكيت حكايتك مع ريم و قولت انك مش عارف انت عايز ايه و كنت حاسه انك قريب مني قولت لا يعني مينفعش احطك في المكان ده ولا هقبل اني اجر,ح بنت علي حساب سعادتي انا خصوصا ان مشاعري كانت لسه في بدايتها فا قررت اني ابعد عشان انت متبقاش مشتت ولا البنت اللي في حياتك تتجر,ح لانها ملهاش ذنب و يمكن ظلمت نفسي شويه لما جيت عليها و خدت القرار ده بس كمان زي ما قولتلك مكانش لسه في حاجه كبيره ممكن توطعني زي ما هت جع البنت اللي في حياتك عشان كده لما حسيت بخطر عليا وعليك و علي البنت قررت افوق و مبقاش انانيه و ابعد مكنتش عايزه اسافر لاني مكنتش قادره اشوفك او اواجهك لما اتكلمت معايا في العربيه و سمعتني كلام اني قليله الذوق و حجات كتير كده اتوجعت لانك يمكن كان معاك حق بس انت حكمت عليا من غير ما تفهم انا ليه بعدت

بس كل ده اتغير لما عرفت انك كنت بتضحك عليا و ان مفيش ريم اصلا وقتها فهمت ان انت حابب تشوف رد فعلي و مش هتعمل ده او يهمك رد فعلي الا لو انت جواك حاجه معينه مش هكدب عليك انا كنت فرحانه و حبيت الاستهبال و الاستعباط اللي كان حاصل ده اوي