لقاء كا.رثي

تقي…..انا بعد بكره اخلص الامتحان و هروح عليها و هتكلم معاها صحيح نسيت اسألك

عدي….علي ايه

تقي….مصطفي اتصل عليك عشان الافتتاح بتاعه بعد بكره

عدي….اه كلمني انا و سليم و سلامه و عسال اتصلوا علي اخواتي عزموهم بردوا

تقي…..ما هو كلمني و سلامه اتصل علي وليد بردوا عزموا ونسمه قالتلي انه كلمها هو ونادر

عدي…..هتروحي طيب ولا هتعملي ايه

تقي…..انا هشوف الاول لو ليله و البنات راحوا هروح معاهم مش راحوا او هيروحوا وقت تاني بعيد عن الزحمه هعمل كده او ممكن ابقي اعدي عليه اي وقت بدري شويه

عدي….بيتهيألي اكيد البنات هيروحوا و بعدين مش عايزه تشوفيني ولا ايه

تقي….بابتسامه اكيد عايزه اشوفك بس بصراحه لو بابا رايح ممكن معرفش هبقي حاسه اني عامله عامله

عدي…..بضحكه جميله طيب روحي و مش هبصلك

تقي…..بضحك ده كده هيبان علينا اكتر

عدي…..عشان كده بقي احنا لازم نعرفهم في اقرب وقت خلصي بس انتي امتحاناتك علي خير و سيبي الموضوع ده عليا

تقي…..ماشي عموماً يعني هشوف كده بردوا هيعملوا ايه و هعرفك بس انت كده كده رايح صح

عدي….اه انا هروح عشان اتصل بيا مينفعش و بعدين باين علي صوته انه فرحان اوي لازم نفرحوا اكيد

تقي……ايوه صح خصوصا ان ده اول مشروع خاص ليه ربنا يوفقه

عدي….يارب انتي هتعملي ايه بقي الوقت مش هتكملي مذاكره شويه

تقي…..انا فصلت خالص يا عدي ذاكرت و راجعت كتير اوي و مفيش حاجه واقفه قدامي الحمد لله يعني هجهز بس لبسي هقوم اخد شاور هتعشي و شويه و هنام

عدي…..انتي بكره هتنزلي امته

تقي…..هنزل علي سبعه ونص عشان الامتحان تسعه

عدي…..هيخلص امته ؟

تقي….11 ونص

عدي…..انتي كل امتحاناتك هتنزلي سبعه ونص

تقي…..لا في ايام الامتحان 12 و في يوم واحد بس اللي هو اخر يوم ده هيبقي الساعه 4 و هخلص سته ونص

عدي…..طيب ابقي ابعتيلي كده المواعيد دي عشان ابقي عارف

تقي…..طيب اوك هبعتلك

عدي…..تمارا هتعدي عليكي او حد من زمايلك؟

تقي…..لا اكيد بس ممكن اللي فيهم هيخلص و يروح ياخدني معاه يوصلني خصوصا اخر يوم ده انت شوفت المكان هناك عامل ازاي زي الصحراء و بصراحه هخاف اخد اوبر وارجع في الطريق ده لوحدي

عدي…..لا ما كده كده انا هجيلك مش هسيبك يعني ترجعي لوحدك متأخر كده

تقي….بابتسامه بجد