لقاء كا.رثي

يمكن انتوا تستبعدوها او تقولوا لا متوصلش للدرجادي تمام بس حد فيكم عنده تفسير لحالة اخوكم من الاخر يا عشري قبل ما تقول اي كلمه

بره عن ليله كل اللي حاصل ده ليله لو خبت عليك فا هي خبت عشان عارفه كويس انك لو عرفت مش هتسكت و انا اول حد كنت معاها في قرارها ده.

عشري…..و قرارها كان غلط للاسف

حسان…..لا يا عشري مش غلط انا لما عرفت كده باختصار اللي حصل من سلمي قولت جايز يكون البنات مكبرين الموضوع شويه و في نفس الوقت كنت مأيد انك متعرفش لاني عارف انت ممكن تعمل ايه بس بعد ما سمعت التسجيل هما مبالغوش ولا حاجه و معاهم حق في قلقهم و اللي زي مريم بطريقتها دي اه تعمل اي حاجه و ليله خافت عليك

عشري……و انا بطلت رضاعه من زمان يا حسان عشان يتخاف عليا

عمر…..لييييييييه مش رفعت سلاحك علي مريم لما قابلتك انت وليله قبل كده مقولتش وقتها ليه انك كنت ناوي تق,تلها؟

بص عشري لليله

علي……عشري اسمعني انت جيت و قعدت و سمعت بعد اللحظه دي انت بعيد عن اي تصرف يخص مريم انت و ليله لا هتركزوا ولا هتفكروا في اي حاجه غير جوازكم و حياتكم الباقي بتاعنا احنا

عشري……و الموضوع يخصني انا يا علي بره عنكم

عمر….جرب تقرب من الموضوع وقتها بتعرف انا هعمل معاك ايه

ليله….احممم عشري ممكن نتكلم بهدوء شويه و تسمعني

عشري…..بنبره هاديه و بنظره غضب بجدددد الوقت عايزه تتكلمي و اسمعك ده انتي عامله قاعده و متفقه مع الكل و انا اخر من يعلم و بعدين حلو الكدب الوقت يا ليله هاااا رشيد عند امه و انتي جايه تقعدي شويه مع ايمي صح انا اتصلت بيكي قبل ما تتحركي انتي و نادين و سألتك مالك لاني سمعت كلام علي و عمر قولت جايز تقولي بس خبيتي و كدبتي للمره التانيه

ليله….انا مكدبتش يا عشري كدبت دي لما تكون عارف الحقيقه و بحاول اخدعك لما تسألني و انا أحور عليك انما انت لا سألتني و لا كنت عارف اصلا انا خبيت عليك حاجه مكنتش عايزه اقولها لاني عارفه كويس لو قولت عواقبها هتبقي ايه

عشري…..صح مكدبتيش خبيتي الفرق رهيب الصراحه ليله انتي قابلتي مريم امبارح صح

ليله…..اه بس انا مقابلتهاش هي اللي كانت ماشيه ورايا

عشري……وفضلتي معاها تحت و لما سألتك اتأخرتي ليه قولتي كنت بجيب حاجتي لاني اتأخرت مع ايمي و مع ريهام و ملحقتش و ادي تالت كدبه