لقاء كا.رثي

ليله…..مش صح يا عشري انا طلبت مساعدتهم عشان خوفت عليك منك عشان عارفه ان موضوع مريم بالذات بقي عامل زي الشبح اللي عمال يطاردك خوفت من تهورك و اندفاعك لو مكنتش شوفتك بتسحب سلاح عليها جايز كنت جريت عليك اول واحد و اقولك انا خوفت منك اه يا عشري بس خوفت اخسرك اكتر و لما خوفت لما شوفتك انا خوفت عشان انت عارف اني مش بحب الكدب

عشري….وكدبتي بدل المره اكتر من مره

ليله……مكنتش هعمل كده لو الموضوع بعيد عن اذاك انت عارف يا عشري اني مش بتطمن غير بيك و لو انا لجأت لغيرك زي ما بتقول انا ملجأتش لحد غريب دول اخواتك و صحاب عمرك اللي هما كمان معانا في نفس الاذيه و انت سمعت بنفسك قالتلي هحرق قلب عشري علي اهله و اخواته و صحابه

عشري……خلصتي كلامك؟

ليله…..بتنهيده هتروح فين

عشري…..ميخصكيش يا ليله

ليله…..لا يخصني و بلاش تتكلم معايا بالطريقه اللي محسساني اني غلطت دي

مسكها من دراعها بعنف و قرب منها

عشري….وانتي مغلطتيش يا ليله لما اعتبرتي نفسك مش متجوزه راجل يقدر يهد الدنيا عشانك حتي لو هيأذي نفسه

ليله….يا سيدي ملعون ابو حقي لو هيخليك تتأذي مش عيزاه مسامحه فيه و راضيه كمان المهم انت وانا و اهلك و اهلي و صحابنا نبقي كويسين

عشري…..وانا مش راضي يا ليله و مش انا الراجل خالص اللي يضيع حق مراته و اهل بيته عشان يحافظ علي نفسه و يخاف من الاذي ارجعي ليله اللي حبيتها القويه اللي مش بتخاف من مخلوق انا عايز ليله اللي كانت بترد علي مريم بكل ثقه مش ليله اللي واقفه قدامي الوقت مرعوبه و هي الحق معاها و في ايدها وجودي جنب المفروض يزود قوتك عشان المفروض تستقوي اكتر بيا مش اضعفك يا ليله

ليله…..مين قال اني مش بستقوي بيك او اني بقيت ضعيفه انا بحبك يا عشري و قوتي لمكسب قصادها خسارتك انا مبسوطه اني ابقي ضعيفه

عشري……وانا مش مبسوط

ساب ايدها و قرب من العربيه

ليله…..عشري خلينا نتكلم استني
مسكتوا من دراعه عشان خاطري خليك

عشري…..ارجعي علي البيت و لما توصلي عرفيني

ليله……طيب استني طيب قولي هتروح فين

مردش عليها و فضلت واقفه جنب العربيه رجع لوراء و بعدين بعد عنها و مشي بسرعه من جنبها طاار

وقفت ليله قدام بيت ايمي في وسط الشارع كأنها تايهه مش عارفه تعمل ايه ندمت انها قالت من الاول و في نفس الوقت شايفه انها مغلطتش وكان لازم تقول عشان الكل باخد باله فضلت واقفه قدام العربيه بتاعتها وسانده عليها و ساكته