لقاء كا.رثي

عمر…..خالص والله انا موجود

علي…..فين ده انا صايع علي طول اتصل بس و قولي فاضي هتلاقيني في وشك ده محترم ده من البيت للشغل للسفر

حسان…..بضحك كويس انه شكر فيك

عمر…..بضحكه عاقله الحمد لله انها جات علي قد كده يا حسان

عسال……علي فكره احنا مشوفناكوش من يوم الافتتاح

علي……طيب ما الافتتاح ده كان قريب علي فكره كان قبل سفركم بيوم مش كده

عسال……ايوه بس قبل الافتتاح بقي مشوفناكوش فتره

ايمي…..انا اخر مره شوفت علي تقريباً لما عشري راح القسم

ضحكوا كلهم و ابتسمت ليله بصدمه

علي….بضحك لليله عاجبك كده جيبالنا الكلام

عمر…..اه لو سمعك

ايمي….بضحك لا ما انا وهو علي طول كده ناقر و نقير

رشيد…..لفضل مكلمكش يا فضل عشري

فضل……لا كلمني بدري عن كده شويه بس هو لسه مروحش بعمي

ايمي……طيب تشربوا ايه بقي

علي….اي حاجه

ايمي…..اللي انتوا عايزينه في قهوه شاي و في قهوه عربي و عصاير اللي يعجبكم

علي…..طيب انا اشرب قهوه عربي ماشي بس زي بتاعتنا

ايمي…..بضحك هي بتاعتكم متقلقش اخوك اللي جايبها

علي….. بابتسامه طيب حلو ده

رشيد…..وانت يا عمور

عمر…..انا قهوه مظبوط ياريت

ايمي……طبعاً و انت يا فضل

فضل…..قهوه بردوا زي عمر

بصت ايمي بهدوء لچوي و هزت راسها

راحت چوي علي المطبخ

سلمي….هروح اظبطلها انا القهوه

ايمي……اه والنبي يا سلمي معلش

علي…..والدك عامل ايه يا ايمي

ايمي…..بابتسامه الحمد لله بخير والله

علي…..ديما يارب سلمي عليه كتير

ايمي……يوصل إن شاء الله

عمر…..بص لليله بهدوء و ابتسم ايه الموضوع يا ليله

علي…..بأبتسامه جميله ليله مش عجباني هاديه علي غير العاده

ليله….بابتسامه هاديه لا خالص انا زي الفل

علي….رشيد قالي ان عشري ميعرفش و ده طلبك و متقلقيش هو مش عارف اتصلت عليه و انا في الطريق عشان اعرف هو فين و راجع امته قالي خلاص رايح علي البيت و سألني انتوا فين قولتلوا رايح انا و عمر عند جماعه حبايبنا شويه

ليله….طيب كويس المهم انه ميعرفش بس

علي…..لا متقلقيش

قربت سلمي و چوي معاهم القهوه و القهوه العربي

علي……تسلمي يا غاليه

سلمي….بابتسامه شكراً بصت لعمر دي قهوه حضرتك و دي بتاعت فضل

عمر…..شكراً

سلمي…..العفو

رجعت قعدت مكانها و چوي حطت باقي الضيافه بهدوء و بعدين مشيت