لقاء كا.رثي

عشري……تمام انا روحت يا ليله اطمنتي

ليله……عشري بلاش طريقتك دي انا معملتش حاجه لكل ده

عشري….. ليله بلاش تفتحيني عشان لو اتفتحت فيكي مش هتقفل و بلاش تقولي معملتش حاجه عشان انتي عملتي

ليله…..خوفي عليك مش جريمه اتحاسب عليها يا عشري و لا استاهل منك الطريقه دي

عشري……لو علي اللي تستاهليه مني يا ليله فا انتي تستاهلي اوسخ من كده و احمدي ربنا اني لحد الوقت بتكلم معاكي بهدوء لاني مراعي الحاله اللي انتي فيها غير كده انتي عارفه كويس ان كان زماني مكسر دماغك يلا اقفلي انا عايز انام

ليله….طيب بص يا عشري طريقتك دي لو فضلت كده كتير انا لا هتصل بيك ولا هتكلم معاك و زي ما انت مش بترد و بتكنسل و مش بتعرفني بتعمل ايه انا هعمل زيك بالظبط

عشري…..جربي يا ليله عشان واللي خلقني و خلقك هوريكي وش تندمي انك شوفتيه اياك تجربي تهدديني و اياك تنزلي و مترديش او متعرفنيش انتي فين سمعتيييي

سكتت و منطقتش كانت مضايقه و زعلانه بس عارفه ان هو كمان مضايق و مكانتش عايزه تعانده عشان ميعملش حاجه و يعند هو كمان كانت بتحاول تسايسه

عشري…. انتي سمعاني و لا لا يا ليله
انا مبكلمش نفسي

ليله…..تمام يا عشري

عشري…..يلا انا هنام

ليله…..اوك باي

عشري…..سلااام

ققلت ليله و هي زعلانه و مزاجها زي الزفت بجد فضلت قاعده شويه في وسط السرير و بعد شويه قامت خرجت من الاوضه بهدوء لقت النور كله مفتوح و التلفزيون راحت قفلتهم و راحت قفلت الباب مكانش حد قافله و بعدين راحت اكدت علي الغاز و المايه.

راحت خبطت بهدوء علي نادين و فتحت لقتها نايمه علي السرير و الموبايل في ايدها قربت منها بهدوء لمحت ميدو علي الشاشه في الاول فكرته صوره بس لما ركزت عرفت انه كان ڤديو كول و الاتنين ناموا

ققلت الموبايل بهدوء و حطته جنبها و غطتها و قفلت النور و طلعت و بعدين راحت بصت علي نعيمه لقتها هي كمان نايمه غطتها و قفلت النور و خرجت راحت البلكونه فضلت تبص علي الشارع كانت قلقانه و متخيله ان مريم بتراقبها وقفت شويه و بعدين دخلت و قفلت وراها وراحت علي اوضتها طلعت علي السرير فضلت قاعده شويه و بعدين قفلت النور و نامت….

علي الساعه سبعه الصبح…..

و للحديث بقيه….