لقاء كا.رثي

ايمي….يا نهار اسود

نعيمه….اه والله نسمه دي وشها ازرق مبقاش في نفس و عبنها مبرقه و جسمها عمال يتخشب والله كانت بتمو,ت و الدكتور خرجها الحمد لله فا مفيش حاجه اسمها صغير ولا كبير هما في السن ده بيلعبوا في اي حاجه

ايمي….ربنا يستر قومي يا اختي انتي لسه قاعده

ايه….خلاص مو,توا البت

ايمي….بعد الشر يا جزمه انا خايفه بس عليها

قامت ايه و دخلت عليها الاوضه لاقتها نايمه علي السرير بس وهي قاعده جنب اللعب

قربت منها و سحبتها براحه نيمتها علي المخده و غطتها و خرجت

ايمي….ايه بتلعب

ايه…..بضحك دي نامت وهي قاعده

ايمي…..يا عمري طيب نيميها كويس

ايه….نبمتها و غطتها

سلمي…من بعيد مين دي اللي نامت هنا

ايه….اه نايمه وسط اللعب

سلمي….دي كده هتسهر

ايه…..طيب اصحيها ولا ايه؟

سلمي….لا خلاص سيبيها حرام

ايمي….حرام خليها نايمه هي الوقت لما الكل يجي هتصحي من الدوشه

ايه…..ماشي

بعد حوالي عشر دقايق وصل رشيد و معاه سلامه و عسال سلموا عليهم و قعدوا و شويه و وصل حسان كمان.

حسان……هي ايه اللي نيم هنا

ايه….انا دخلت بصيت عليها لاقيتها نايمه وسط اللعب

سلمي…..خليها نايمه صحيت بدري و نزلنا اكيد تعبت

حسان….ماشي عامله ايه يا ايمي

ايمي….الحمد لله يا حسان شكلك ضايع

حسان….اه والله يا ايمي مش بنام كويس مبلحقش

رشيد…..جرب العلقه اللي خدتها انا

حسان….جربت ياعم و خدت العلقه وانتوا يا شباب ايه الاخبار

عسال……زي الفل الحمد لله صراحه تامر و صحابه عاملين معانا احلي واجب بعدي عليهم الصبح قبل ما اروح الشغل و اوقات بليل او لو احتاجوني

ايمي….انتوا عشان شققكم فاضيه و مش قاعدين فيها انما حسان قاعد

سلامه….صراحه الله يكون في عونه بس ايه بعني البيت لسه مظهرش شويه

حسان…لا بدأ الحمد لله يظهر ابقوا عدوا معايا و احنا ماشيين شوفوا

سلامه….ان شاء الله

ايمي….سلامه صحيح مصطفي كلمني و عزمني بس انت عارف انا مش هقدر اروح غصب عني والله انا قولتلوا بس عرفوا تاني احسن يزعل

سلامه…..لا طبعاً يزعل ايه

ايمي….والله غصب عني الدكتوره قايله الحركه عند اللزوم و انتوا عارفين لسه فرح ليله و لسه هروح اجيب فستان فا اكتر من نزوله ليا هيبقي غلط

عسال…..لا طبعاً متجيش احنا عارفين و بعدين رشيد هيجي بدالك لما تبقي تقومي بالسلامه ابقي روحي باركيلوا يا ستي