لقاء كا.رثي

عمر…..اولع سيجاره عادي و لا حد فيكم يضايق

ايمي…..لا لا خالص اتفضل

رشيد…..اشرب يا عمر الطفايا قدامك

قام بهدوء راح فتح الباب من غير ما يحسس اي حد عشان يهوي المكان و ايمي متتعبش و راح علي چوي قالها تفتح الشفاط الكبير و رجع تاني قعد مكانه

ايمي كانت حاسه ان ليله متوتره اوي و عماله تهز رجليها و كل شويه تبص علي الموبايل فا حبت تخلصها عشان تتكلم و ترتاح بقي

ايمي…..علي ليله هتحكيلكم اللي حصل الوقت انتوا و الشباب لان هما كمان لسه ميعرفوش و طبعاً عشري مش هيعرف عشان ميحصلش مشاكل و اتمني تحاولوا تخلصوا الموضوع ده بقي

علي…..اطمني موضوع مريم ده طول زياده عن اللزوم و لازم يخلص لان عشري احنا حايشينوا بالعافيه عنها

عمر…..ايه موضوع التسجيل ده كمان يا ليله رشيد بيقولي ان في تسجيل بصوتها.

ليله…..احممم طيب خليني الاول اعرفكم اللي حصل من البدايه و بعدين هسمعكم التسجيل

عمر….تمام

ليله….من يومين نزلت انا و عشري نشتري حجات ليا و كان معانا هنا بنت حسان وقفنا قدام محل و قولت لعشري يفضل هو و هنا في العربيه و انا هروح اشتري و ارجع سيبتهم حوالي نص ساعه جيبت حاجتي و خرجت انا و بنتين من المحل بالشنط عشري نزل فتح العربيه و بدأ ياخد منهم و فجأه حسيت اني لمحت حد و الحد ده يبقي مريم حاولت اتأكد تاني بهدوء هي ولا لا وبصيت براحه اتأكدت انها هي و نفس عربيتها لانها من فتره بردوا وقفتني انا وعشري علي الطريق و وقفت تتكلم و تقول كلام كتير كده عشان عايزه ترجع حتي هي قالت لعشري انها لسه قايله ليكم و لابوكم انها هترجع البيت مش عارفه عشري قالكم ولا لا

عمر…..اه عرفت انا منه انها وقفتكم

ليله….اليوم ده بقي انا شوفت عربيتها والرقم و فضلوا معلقين معايا شويه و اتأكدت لما شوفتها المهم كملنا مشاويرنا و طول الطريق انا باصه في المرايا و هي ورانا

علي……عشري معرفش انها وراكم

ليله…..لا مقولتش يا علي و هو مشفهاش و اللي خلاني مقولتش كذا سبب اول سبب هي محاولتش تقرب مننا زي المره اللي فاتت تاني سبب المره اللي وقفت بعربيتها قدامنا دي عشري لما شافها ركبوا شيطان و فجأه لاقيتوا بيفتح التابلوه و بيسحب سلاح و انا وقفتوا بالعافيه و حاولت اهديه مكنتش هقدر اقولوا عشان ميعملش مصيبه و كمان معايا طفله امانه اكيد مش هسمح انها تتأذي