لقاء كا.رثي
لقاء كارثي
سلمي…..طيب اوك
عسال…..باين عليها اوي
ايمي….اه اوي
نعيمه…..انا معرفش هي ليه مضايقه نفسها والله لو تسيبني عليها هروقها
رشيد….بضحك ما بلاش انتي والنبي اهدي كده و خلي الموضوع يخلص بهدوء
نعيمه…..يعني هي ساكته يا رشيد اصلا لو في حد المفروض ينتقم من التاني يبقي ليله بعد اللي عملتوا فيها و مع ذلك سابتها ومجتش جنبها انما الحيوانه دي عامله زي عفريت العلبه كل شويه تلاقيها قدامها
حسان….. بصوت هادي بصي يا نعيمه مفيش اسهل من الخناق و المشاكل و أخد الحق بس في الموضوع ده بالذات بعيداً عن ليله عشري لو عرف هيطين الدنيا و هتقلب بمصيبه انا واثق لان في حجات كتير بتحصل انتوا متعرفوش عنها حاجه و عشري متحمل حجات كتير و اللي مسكتوا ابوه
نعيمه…..هي عملت حاجه معاه ولا ايه ؟
حسان…..زي ما قولتي هي مش ساكته و هو بيحاول يسكت من ناحيه زي ما قولت عشان ابوه و من ناحيه تانيه لانه مش حابب يوصل اي حاجه لليله و ترجع تضايق او تحط الموضوع في دماغها من الاخر عشري اختار طريق راحه باله هو و ليله بس صدقيني لو حصل و عشري عرف او حصل شد منكم او احتكاك بمريم و الموضوع كبر هتبقي كارثه صدقيني عشان كده لازم نبقي هاديين احنا عايزين نحل الموضوع و نخلصوا وده اللي يفرق معانا
ايمي…..هو انت معاك حق طبعاً وانا اتمني يخلص بهدوء بس البت مش ساكته يا حسان و لو سمعت التسجيل هتتأكد انها مش ناويه علي خير
حسان…..اخد الحق حرفه يا ايمي و ده اللي بحاول اوصلوا لنعيمه انا عارف انكم كلكم مضايقين عشان ليله و عارف و متأكد انكم مستعدين تعملوا عشانها اي حاجه و انتي بالذات يا نعيمه مستنيه بس اشاره او تلمحي مريم هتهجمي عليها
بس احنا مش عايزين الموضوع يكبر بمشاكل بين بنات مع بعض خليها تخلص افضل بقاعده رجاله و تتحل
سلامه……حسان معاه حق اي مشكله فيها بنات او ستات بتتعقد يا نعيمه حتي لو الحق معاكم بس وقتها هتقلب جد مع الرجاله و اللي واصلي ان البت شر و مش باقيه علي حاجه
نعيمه….يعني نسيبها طايحه في خلق الله و نخاف منها يا سلامه ماهو شر بشر بقي تتروق
سلامه……صح يا نعيمه هي شر بس هتخلص من ناحيتنا احنا بكل هدوء وعقل و اللي يهمنا في كل القصه دي عشري مش ليله كمان لان عشري لو شم خبر ان مريم اتعرضت لليله والله العظيم هيروح يطلع روحها من الاخر و هو اللي هيروح في داهيه
