لقاء كا.رثي

عدي…..اكيد بجد انتي بس لو في بوم من الايام البدري دي عايزه ترجعي مع تمارا عرفيني عشان تبقي براحتك

تقي…..لا انا عادي هي كده كده هتبقي مع ادهم و في ايام احتمال ميمشوش علي طول بس انا لو قعدت معاهم هتأخر و مش هلحق اذاكر

عدي…..لا ما انتي مش هتقعدي بعد الامتحان اصلا

تقي…..اشمعني ممنوع ولا ايه؟

عدي….لا مقولتش ممنوع بس احنا متفقين منضيعش وقت و منسيبش دقيقه غير و احنا بنذاكر عشان اما نخلص و ننجح و نطلب اللي احنا عايزينه يتوافق عليه ميتقلناش لا او مينفعش ولا ايه

تقي….امممم طيب بس يعني انت مش معترض ان ابقي اخرج معاهم علي الاقل في الاجازه

عدي…..لا مش معترض بس بردوا مش علي طول و لو بنات بس اوك في ولاد انتي عارفه رأيي

تقي….بأبتسامه امممم ولا حتي لو انت معايا علي الاقل تتعرف عليهم و كده كده انت عارف خلاص ادهم

عدي…..اه ممكن ماشي

تقي…..طيب اتفقنا

عدي…..طيب يلا قومي جهزي نفسك و شوفي هتعملي ايه و قبل ما تنامي اتصلي عليا

تقي……حاضر

عدي….يلا باي يا روحي

تقي….بابتسامه باي.

…………………..

عند ايمي كانت قاعد هي و نعيمه و ايه و سلمي ظبطوا البنات مع چوي حاجه القهوه و العصير عشان لما اخوات عشري و الشباب يوصلوا يضايفوهم.

ظبطوا كمان المكان جوه كان شكلوا يجنن.

ايمي…..سلمي بقولك ايه هتلاقي جوه في علبه فيها قهوه عربي رشيد كان واخدها من عشري عشان اي وقت يجي هو وفضل نعمل منها ممكن تعملي

سلمي…..ماشي بس هتحطيها في ايه

ايمي……في ترمس فوق في الدرفه اللي في الوش هتعرفي تعمليها ولا اجي انا

سلمي…..اه هعرف خليكي

نعيمه…..هو حسان فين كل ده يا سلمي

سلمي….حسان مش هيجي غير لما يعرف ان رشيد وصل انا عارفه

ايمي….رشيد زمانه جاي خلاص خليه يجي

سلمي….هو كده كده قريب منك يعني هيجي علي طول چوي ممكن تنشفي المايه اللي هنا دي علي الصنيه

چوي….حاضر

ايمي….چوي فين هنا

چوي….جوه في غرفه مع الالعاب

ايمي….ايه روحي شوفيها والنبي احسن تحط حاجه في بوئها

ايه….هي صغيره انتي كمان

ايمي….يا ستي اسمعي الكلام اه صغيره ممكن تلعب في حاجه

نعيمه…..مره زمان نسمه كانت قدها كده و ماما كانت حاطه علي تربيزه السفره طبق فاكهه بس صناعي مش بجد و كان في عنب صناعي شبه العنقود بالظبط و طري كده زي المطاط شدت واحده و فضلت تلعب بيها و حطتها في بوئها و قفت في زورها و الله كانت هتمو,ت جرينا بيها الدكتور قال لماما لو كانت ناشفه كان ممكن تتنطر او تبلعها لكن دي عشان زي المطاط وقفت في القصبه الهوائيه ولزقت لا بقت عارفه تخرجها ولا تبلعها