لقاء كا.رثي

ليله…..هو انت ليه مصمم اني كدبت عليك

عشري…..عشان كدبتي ملهاش مبرر تاني

ليله…..طيب ما انت كدبت يا عشري هي قالت انها عرفتك ان البيبي نزل و ان في بينكم كلام ايه محصلش ولا هي عايزه توقعني فيك تاني

عشري…..لا حصل بس انا مقولتش عشان مشغلكيش بيها و مرجعش احطك و احط نفسي في نفس الوضع اللي كنا فيه خوفت عليكي تتعبي تاني و تضايقي

ليله…..تمام وانا كمان خوفت عليك سبق ورفعت عليها سلاح و وقتها يعتبر كلامها كله كان متوجه ليك و اكيد لو عرفت انها ماشيه ورايا و بتراقبني بقالها يومين و يمكن اكتر و انا اللي مكنتش باخد بالي و كمان بتركب عربيتي و بتهددني كنت هتعمل ايه كنت هتسمي عليها ياعشري

عشري….لا مش هسمي عليها و لسه يا ليله مش هسمي عليها

عمر…..وانا قولت اللي عندي لو قربت منها او دخلت نفسك في الحوار هقلب الدنيا عليك و ابوك لوحده كفايه

عشري….اسمعني يا عمر انت وعلي انا مقدر خوفكم و قلقكم بس ورب اللي خلقني بقولهالك انت وعلي و مستعد اقولها لابوك لا انت و لا علي ولا ابوك نفسه هيوقفني عن مريم خلصت

فضل……عشرررري هي فعلاً خلصت احنا مش هنرجع ندخل في مشاكل و انت عارف كويس انها عايزه تجرك ليها فكر في نفسك فكر في ليله

حسان…..اسمع يا عشري مريم نيتها واضحه و كشفت نفسها قدام الكل من غير اي مجهود فا احنا نستغل ده ضدها و نتصرف و نوقفها

نعيمه……ايوه يا عشري التسجيل اللي ليله مسجلاه ده لوحده يوديها في داهيه

عشري…تسجيل ايه يا نعيمه اللي يوديها في داهيه بص لليله بنظره سخريه و غضب بسيط اصلا انا مش عارف صاحبتك كانت بتفكر في ايه لما سجلت التسجيل ده المفروض يعني انها فاهمه كويس ان التسجيل ده مش قانوني و لا تعرف تعمل بيه اي حاجه يعني من الاخر تبلوا وتشرب مايته

بصتلوا ليله بهدوء و سكتت مكانتش قادره تتكلم او تعارضه لانها عارفه انه ماسك نفسه

ايمي…..صح يا عشري معاك حق التسجيل طول ما هو مش قانوني ملهوش اي فايده بس خلينا نبص لنص الكوبايه المليان علي الاقل احنا عرفنا نيتها كويس قالت كلام لازم نركز فيه يعني انت و الشباب تأمنوا مكان شغلكم كويس تعرف باقي اخواتك انهم يركزوا مع اللي داخل واللي خارج كل شويه يبصوا علي الكاميرات لو حد بيسيب حاجه او لو حد ممكن يتشك فيه يبصوا كل شويه في كل المكان عربياتكم متتسابش مفتوحه كده يعني