لقاء كا.رثي

عشري….نسيب شغلنا يا ايمي و نفضل نحرس المكان و نفتش و نركز و تقلب مريم حياتنا و تخلينا نعيش في توتر مش كده المفروض كمان اني اركز مع اخواتي و اهلي و الشباب و اركز معاكم و مع ليله اللي اصلا مفكرتش و لو لحظه ان وقفتها لمريم دي كانت اكبر غلط غلطته في حياتها لانها من البدايه خالص عارفه نيه مريم من ناحيتها و ناحيتي سمعتها لما وقفتنا علي الطريق لتاني مره شافتها ماشيه ورانا مره و اتنين و طول اليوم بتقول انها وراها و بعد كل ده وقفتلها مفكرتش لحظه ان واحده بالشر ده ممكن تعمل فيها ايه

عمر…..عشري موضوع مريم هيخلص انهارده او بكره بالكتير احنا هنتصرف فيه يعني اعتبروا منتهي انا بس مش عايزك انت تدخل و هو ده كل اللي طالبوا منك

ليله…..ثواني يا عمر بعد أذنك عشري هو متخيل اني ممكن اخاف من مريم او متخيل انها ممكن تأذيني و اسيبها انت عارف كويس ان اللي خلاني اطلع مريم من دماغي و اعرفها الشر بيبقي ازاي هو انت انا اختارتك يا عشري و اختارت اني ارفض ان اي حد يبوظ علاقتي بيك و قررت اعيش في هدوء و اسامح في حقي بس انت عارف كويس ان ده مش ضعف مني انا لو رجعت حطيت مريم في دماغي انت نفسك مش هتعرف توقفني انا و عشان انا فاهمن مريم كويس و عارفه الدماغ دي بتفكر ازاي انا من البدايه لما اننازلت عن حقي و غلطها في امي و ابويا و دي نادر اوي لما بتحصل كان عشانك عشان اهلك عشان محبتش اتدخل عيلتكم بمشاكل و وجع دماغ اه مش مشاكل انا السبب فيها بس محبتش ادخل ابوك و اخواتك في القرف ده كله محبتش اسمكم يتحط في مواضيع زي دي محبتش انها تتبل عليك و تخلي الناس تتكلم حتي لو من وراكم او في السر و انت عارف ان مريم مش فارق معاها فضايح او سمعه زي الزفت بالعكس هي هتجركم معاها في القرف اللي هي فيه و وقتها اسمكم انتوا اللي هيتجاب بطرق مش حلوه و متقوليش الناس عرفانا كويس و عارفه احنا مين الناس بتحب الكلام يا عشري و بيحلوا قعدتهم بالكلام علي غيرهم و ديماً ليهم الظاهر

انت نفسك يا عشري في بداية مشكلتنا كان ليك الظاهر قولت انك خليت الكل يخبي موضوع خطوبتك منها عني خوفت من صحاب يغلطوا بلشانهم و اكدت علي اهلك ميجيبوش سيره و قولت ان الوحيده اللي متأكد انها مش هتتكلم هي مريم اتغشيت في شكلها وبرائتها و كان ليك الظاهر كنت متوقع ان اللي هيوقف مريم هو السر اللي بينكم و اللي انت حافظت عليه بس هي نفسها مفرقش معاها السر ده و فضحت نفسها لكل بجاحه و طبيعي اوي اللي تعمل ده لا هتبقي علي سمعتك و لا سمعه اخواتك و لا في الاسم اللي ابوك ضيع عمره عشان يحافظ عليه و دددده اللي سكتني انا خوفت علي صورتك و محبتش ان دخولي وسطكم يا عشري يبقي سبب في اي حاجه وحشه تحصل معاكم حتي لو متخصنيش فا اوعي تفكر ان انا ضعيفه قدام مريم انا بس صابره عليها و عذراها بس و رحمه امي يا عشري لو صحيت شيطاني علي مريم مش هيفرق بعدها معايا اي حد و لا حتي انت و لو فكرت يا عشري تضيع نفسك و تضيعني معاك و قربت من مريم بتهور و جنان و من غير تفكير انا عمري ما هسامحك و هتجبرني وقتها اني اصحي شيطاني ده و بدل ما هنبص لحياتنا هنضيعها بايدنا و متنساش يا عشري ان سبب من الاسباب اللي وصلت مريم للقرف اللي احنا فيه ده هو انت لما فضحتها