لقاء كا.رثي
لقاء كارثي
اتأكد ان مفيش حد فوق مكانتش موجوده ركب عربيته و اتحرك و راح ناحيه الكافيه لقي فضل و سليم و عدي لسه قاعدين و مبقاش في حد خلاص
سليم….عشري اهو
فضل…..الحمد لله يارب
قرب عشري منهم ملامحه مكانتش احسن حاجه
عشري….فاتحين ليه لحد الوقت
فضل….مستنين ترجع يا عشري مبتردش و عمال نكنسل قلقتنا عليك
عشري….انا تمام يلا اقفلوا و علي البيت
فضل…..انت كويس
عشري…..في ايه يا فضل ما انا قدامك اهو كويس بقول ايه عايزكم بكره الصبح تراقبوا بيت البت دي عشان هي مش موجوده في البيت و غالباً كده مشيت
فضل…..انت روحتلها يا عشري بردوا مسمعتش الكلام انت ايه يا اخي عايز تودي نفسك في داهيه
عشري…..فضل اسمعني كويس البت دي لو سابت البيت و مشيت و مراحتش لابوها يبقي بتخطط لمصيبه معني انها مشيت يبقي هي فعلا با بتراقبنا يا في حد بيساعدها و بلغها اننا كنا متجمعين مع بعض و اكيد لو ده اللي حاصل تبقي عرفت ان ليله قالتلنا كل حاجه و احتمال كبير حتي ابوها مش هتروحلوا
سليم……طيب افرض هو ده اللي حاصل هنعمل ايه كده مش هتبقي تحت عنينا
عشري…..يبقي لازم نخلي بالنا كويس خلينا بكره الصبح نتكلم ويلا اقفلوا الوقت خلونا نروح
فضل….طيب ممكن عشان خاطرنا يا شيخ تهدي اللعب اللي انت عايزه هيحصل يا عشري بس بالعقل
عشري……اطمن يا فضل ماهو هيحصل بالعقل مريم هربت من البيت عشان سبب من الاتنين يا خايفه اننا عرفنا يا اما عايزه تكون بعيد عن عنينا عشان تلعب براحتها و في كل الاحوال مش هنديها اي فرصه المهم نتابع بيتها بكره نعرف رجعت كانت في مكان بايته بره راحت لابوها لازم نعرف
فضل….كده كده علي و عمر قالوا هيعرفوا ابوك اللي حصل بكره و هيتصل علي ابوها لو عنده اكيد هنعرف
عشري….تمام يلا اقفلوا
قفلواو بعدين مشيوا وقف عشري متابعهم من بعيد لحد ما سليم و عدي دخلوا و فضل كمان دخل فتح بالمفتاح و دخل و بعدين قفل وراه و طلع علي فوق البيت
اول ما طلع مسك موبايلوا بعت رساله لليله.
عشري…..انا روحت خلاص
شافت ليله الرساله و بسرعه اتصلت عليه.
مردش رجعت اتصلت تاني اتنهد بهدوء
عشري……خير
ليله……ماخو مستحيل بعد الاتصالات دي كلها و الرسايل اللي عماله ابعتلك فيها من بدري في الاخر تبعتلي رساله ووتقولي انا روحت علي الاقل طمني انت اكيد عارف اني قلقانه
