لقاء كا.رثي

فضلت تقي تضحك و وشها احمر

تقي…..استني بس فضولي هيمو,تني

ليله…..بابتسامه خليكي كده احسن فاكره ان انتي اللي هتثيري فضولي اشربي بقي عموما يا ستي خلصي يومين الامتحانات دول و نتكلم

تقي….بضحك ماشي يا عمتي

ليله……اه يا ناقصه غوري يابت و متنسيش يا اختي تركزي في مذاكرتك هااااا بلاش نركز في حجات تانيه خلصي علي خير و ابقي ركزي براحتك

تقي…..بضحك حاضر متقلقيش

ليله….بأبتسامه يلا روحي

تقي…..بحبك يا ليله

ليله….وانا كمان بحبك

تقي…باي

ليله…..باي يا عمري

ركبت نادين و ركبت ليله بصت في المرايا و فضلت تخبط بضوافرها علي الدركسيون وهي شارده

نادين….ايه يا لولي مش هتطلعي ؟ هي موجوده ولا ايه

ليله…..مين دي

نادين….مريم باصه في المرايا و سرحانه كده ليه

ليله…..لا مفيش حد بس بفكر اقول ايه لعشري عايزه اتصل بيه قبل ما اتحرك

نادين….طيب يلا كلميه و قولي زي ما قولتلك

ليله….بتنهيده تمام

نادين….طيب تحبي انزل و اسيبك تتكلمي براحتك

ليله….لا طبعاً تنزلي فين خليكي

مسكت ليله الموبايل و جابت رقم عشري و فضلت باصه علي الرقم شويه و فجأه لاقيته هو اللي بيتصل اتخضت و برقت كأنها عامله عامله

ليله…..ده عشري

نادين….طيب اهدي في ايه ردي عليه يلا احسن بردوا انه هو اللي اتصل

ليله…..اووووووف احممم الووو

عشري…..ايه يا قلبي ايه الاخبار

ليله….ااا كله تمام الحمد لله انت عامل ايه

عشري….زي الفل فينك كده

ليله…..في العربيه لسه خارجه كنت باكل انا و نادين

عشري….جيبتي حاجتك كلها

ليله …اه الحمد لله تمام جيبت كل حاجه خلاص ااا هو انت فين ؟

عشري….مشاوير شغل و تظبيطات كده للفرح بس لسه قدامي وقت احتمال اتأخر شويه

ليله…اااا يعني مش هتروح الوقت

عشري…..لا هخلص اللي بعملوا و بعدين هروح علي زايد في حاجه ولا ايه

ليله….لا يا حبيبي بطمن عليك

عشري…..عيزاني اجي اخد الحاجه

ليله…لا لا انا بسألك عادي خليها بكره او بعده كده كده هي مش هتترتب الا لو خلصت اللي بتعملوا في البيت

عشري….هو بكره اخر يوم خلاص و الدنيا تبقي تمام و البيت يبقي جاهز يعني ممكن اخدهم منك بكره بليل و شوفي بقي انتي البنات امته فاضيين عشان يجوا يظبطوا حاجتك

ليله…..تمام ان شاء الله

عشري…..هتوصلي نودي و تروحي ؟؟؟