لقاء كـ،ـ،ـ،ـارثي

كان معايا كام تليفون مهم كده يعني صحابي و ماما و بابا و اخواتي بيقولولي كل سنه و انتي طيبه اصلي تميت 21 سنه انهارده

ابتسمزا ملهم و فضلوا يقولولها كل سنه وانتي طيبه و البنات باسوها

بصلها عدي و سكت الشباب كمان قالولها كل سنه وانتي طيبه حتي عشري اللي كان بيضحك علي رد فعل ليله اللي سكتت مره واحده

برقت ليله و بصتلها

تقي…..بابتسامه رفعت حاجبها وقربت من ليله باستها من خدها
عمرك ما نسيتي عيد ميلادي ابداً و حافظه تواريخ اعياد ميلاد الشعب المصري كله كنت بستناها منك اول واحده و استنيتك تقوليلي امبارح الساعه 12 بس القمر نسي

و نسي انهارده كمان و واضح انه نسي اصلا التاريخ شكراً

ليله…..عيد ميلادك

تقي…صباح الفل ماليكي حق تستغربي ما بقي في عشري خلاص حلال عليك يا عشري خدت قلبها و عقلها عموماً في ناس افتكروني و اتصلوا بيا و عشان كده انا سرحت شويه معاهم بس الشهاده لله هديتك وصلت قبلهم مسرح عالمي طلعتيني عليه و انتي طيبه يا قلبي

سابتها تقي و هي مبتسمه و راحت عشان تطلع و طلعت معاها نسمه

ليله……بهمس مسموع يا اوطي من الرصييييييف احيه البت علمت عليا يا ايمي

ايمي …بضحك صراحه قصفت جبهتك

ليله…..قصفت ايه ده مبقاش فيها جبهه و احد صفر ليها دي هتطلعني مسرح مش هنزل من عليه غير عيد ميلادها الجاي

عشري…..بضحك انتي نسيت

ليله…..ورحمه امي نسيت دي محصلتش المشكله مش في كده المشكله انها مش هتسكت

مصطفي….بضحك هديه حلوه هتنسيها و هتضحكي عليها

ليله…..والله لو جبتلها ايه انا عرفاها كويس دماغها اوسخ من دماغي مش هتنسالي المسرح ده ولا هتنسي اصلا اني نسيت عيد ميلادها البت غلبتني بكلمتين بعد ما كنت جايبه الحق عليها حدفتوا فوق راسي في ثانيه

عشري….بضحك صراحه حقها

ليله….بابتسامه دي مش هتنسهالي يا عشري ده انا كنت بتصل بيها اول واحده و كنت بتصل بوليد من وراها اقوله يقولها كل سنه وانتي طيبه عشان مش بيحفظ تواريخ و بتصل بعماتها والشعب المصري كله هما المرادي يتصلوا بيها وانا لا

نعيمه….بضحك مش هتسيبك ما كنتي سكتي و متطلعتيهاش مسرح

ليله…..صح انا استاهل ضرب الجزمه والله بس كنت خايفه عليها اوي و نسيت اصلا انا مش مركزه في التاريخ خالص

نادين ….بابتسامه طب ابقي اطلعيلها بقي لان انتي مقولتليهاش اصلا كل سنه وانتي طيبه

ليله…..دي علمت عليا من غير ما اطلعلها امال لو طلعتلها

رشيد…..مفيش هديه تجيبها سكه

ايمي….بضحك حتي لو عملت ايه مش هتنساها

ليله…..مبيفرقش معاها الهدايا قد اني اهتم و اتصل عليها او اقولها

حسان…..بضحك كلن لازم تتسحبي من لسانك و تطلعي فيها

ليله…..انا واطيه اه والله شوف يا حسان انا لساني طول كده مع الكل بس اجي قضاد الجزمه دي و معرفش اخد معاها رد فعل كنت هموت واضحك والله بسبب طريقتها و اتصدمت لما علمت عليا البت خرستني

مصطفي….بقولك ايه هنصالحها متقلقيش

عشري…..المهم انها بخير

ليله….بضحك تصدق بالله انا عندي كانت فضلت مختفيه احسن من الموقف ده مش هتنسهالي و هتفضل تنمرني في الراحه والجايه

عشري…..بضحك احسن تستاهلي

فضلوا يضحكوا وهي تضحك معاهم و بعدين طلعت تشوفها خلصت ولا لا.

لقتها واقفه بتسرح شعرها بعد ما خدت شاور و بصتلها بابتسامه انتصار وسكتت

ليله…..بضحكه جميله بلاش البصه دي عشان مجبكيش من شعرك

تقي…..بضحك وانا عملت حاجه ولا البطحه اللي علي راسك تقيله حبتين

ليله….بضحك طب مبداياً كده كل سنه وانتي طيبه

تقي…..اااااه ده السنن الجايه وعليكي خير بقي ابقي ارد عليكي و اقولك وانتي طيبه

ليله…..بضحك يابنت الجزمه انا مش بركز في التاريخ الا لو كنت بشتغل و عندي شغل بش انا الوقت معاكم كلكم و مش بمسك الموبايل كتير

تقي….ااااااخ حجة البليد يعني

ليله….بضحك طب نتفق اتفاق

تقي….خير

ليله…..الهديه اللي هتشاوري عليها اياً كانت ايه هحيبهالك و كده ابقي عملت اللي عليا و زياده

تقي……بايتسامه شكرا يا عمتي مش عايزه هدايا

ليله….بضحك طب نظبط بقي عشان يمين بالله عمتي دي لو اتقالت تاني خنفخك

تقي…..بضحك ايه ده هو مش انتي عمتي بردوا غلط انا و لا انتي اخوكي لاقيني علي باب جامع

ليله…..بضحك طب خلي قلبك ابيض بقي و عديها المرادي يابت دي اول مره

تقي……اول مره زي اخر مره ما اهو اصل الاهتمام مبيطلبش

ليله…..طب انتي وقعتي قلبي عليكي و الساعه دي كلها ابشع السناريوهات فكرت فيها خصوصا لما موبايلك كان خارج التغطيه

تقي ….طيب مبداياً انا مكملتش ساعه و بعدين يعني و انا جايه في الطريق مصطفي قالي انك خدتي بالك من عدم وجودي بعد ما عمرو وامنيه رجعوا بتلت ساعه ولا نص ساعه ودي حاجه تدينك اكتر قدام اخوكي يا موزه بنته مختفيه نص ساعه بحالها والهانم مركزتش غير في الاخر

ليله…..بضحك يا بت هضربك والله انا كنت فكراكي فوق او بتعملي حاجه بس لما مش لقيتك اتجننت و بعدين احنا كتير هنا و كل شويه انتي تقعدي في حته

تقي……بردوا قصرتي كان لازم تحسي اني مش موجوده في الاول بس اللي واخد عقلك بقي

ليله….بضحك صح حقك

تقي…..عموما يعني انا مش رتكلم علي قلقك الوقت ولا حتي علي المسرح حقك يا ستي و قلقتي انا بتكلم علي اللي نسيت عيد ميلادي

ليله…..طيب مينفعش يبقي عندنا كرم اخلاق و نعديها يعني ممكن نعتبر ان اللمه الحلوه دي شغلتني

تقي…..بابتسامه لا معلش صححي الجمله اسمها اللمه الحلوه دي نستني

ليله….بضحك لا منستنيش

تقي….ولله لو شغلتك كنتي هتعدي كام دقيقه ساعه متقوليش امبارح خالص و تقولي انهارده بس يعني القمر نسي خالص

ليله….امممممم واضح اني هفضل علي المسرح كتير صح طيب ما نتراضي بالذوق

تقي….بضحك لا وليها عين تتراضي بالعافيه

مسكتها ليله من قفاها

ليله…..بتتتتتت متأنبيش ضميري هقتلك خلاص انا غلطانه حلو كده

تقي…..تنسي عيد ميلاد اول فرحه لعيلتكم ده انا اللي هليتك عمه

ليله…..بضحك بتذليني ولا ايه

تقي…..مش بذلك دي حقيقه امال مزهقاني انا اللي شيلتك و انا اللي دلعتك و انا اللي كنت باخدك من ابوكي كل اسبوع اصورك

ليله….بضحك تنكرررري ابوكي شاهد كل صورك دي كنت بسرقك منهم و اصورك

تقي…..ااااه كان زمان ايام ما كنت اول فرحتكم ايام ما كنتي بتقوليلي اني اول فرحه لقلبك صح

ليله…..بضحك مسكتها من شعرها انتي عايزه ايه الوقت اعيط طيب ولا اعمل ايه

تقي….بضحك لا خلاص متعيطش

ليله…..يعني هنتصالح

تقي…..ومين قال اني زعلانه

ليله…..طيب اجيبلك ايه بمناسبه عيد ميلادك

تقي…..لا هدية وصلت يا عمتي احلي هديه بدأت بيها واحد وعشرين سنه

ليله….بضحك لا ده رقم لازم هديه ليه تليق بيكي و لازم تختاري و ليكي عليا اول ما نرجع تكون عندك عربيه تيجي معاكي سكه

تقي…..بضحك لا شكراً مليش في العربيات و خدي بالك بتزوديها معايا العربيه دي و عد منك لحمزه مش ليا واضح انك بقيتي تنسي كتير كبرتي يا لوزه ولا ايه

ليله…..بضحك مين دي يا بت اللي كبرت و بعدين انا بقولك اني وعدتك بيها انا بقولك تيجي معاكي سكه

تقي….لا شكراً مش عايزه

ليله…..طب عايزه ايه

تقي…..افكررررر

ليله…..بضحك وماله فكري المهم اننا اتصالحنا صح

تقي….بابتسامه ماشي اتصالحنا

ليله….طب هاتي بوسه و حضن بقي

ابتسمت تقي و حضنتها اوي

ليله…..كل سنه وانتي طيبه يا احلي تقي في الدنيا كلها و يارب تكون احلي سنه ليكي و تحققي فيها كل اللي تتمنيه

تقي…..وانتي طيبه يا احلي ليله في حياتي

ليله….بضحك بس ابوكي ده ليلته طين معايا بتصل بيه علي طول و اعرفوا هو يتصل عليكي و ميفكرنيش

تقي….ماهو عارف انك مش بتنسي تاريخ اي حد ماشاء الله حافظن تواريخ ميلاد صحابك و اخواتك و اولادهم و جوز كل واحده و اهل صحابك و الشعب المصري بس جات لحد عندي و الذاكره عملت ايرور

ليله….بضحك دي اول مره ميبقاش قلبك اسود

تقي….ماشي يا ستي هعديها المرادي

ليله….ما طبعاً لازم تعديها ما انتي خدتي حقك تحت و ردتيلي المسرح في ساعتها

تقي…بضحك ايه رأيك غلبتك هاااا

ليله….بضحك هطلع عين امك بس استني عليا يلا خلصي وانزلي

تقي…..بضحك ماشي جايه وراكي اهو

نزلت ليله و كملت تقي اللي بتعملوا اول ما عدي لمح ليله عرف انها لوحدها اتصل بيها علي طول

تقي…..بابتسامه رفعت حاجبها و ردت خيررر يا صاحبي متصل تكمل عصبيه

عدي….بهدوء ابتسم مقولتليش ليه

تقي…..اااااه افتكرت اني لازم اخد الاذن عشان صاحبي بيغير طيب يا سيدي انت كنت بتلبع مع الشباب في البسين و انا روحت مع امنيه وعمرو ولما حالي التليفون كنت بره و مدخلتش

عدي…..بس انا مقصدش علي خروجك

تقي….امال تقصد ايه

عدي….علي عيد ميلادك

تقي….بابتسامه ااااه لا عادي يعني

عدي…..هو ايه اللي عادي مش فارق يعني اني اقولك كل سنه وانتي طيبه

تقي…..لا مقصدش بس يعني اكيد مش هاجب اقولك عدي انا عيد ميلادي انهارده او عدي انا عيد ميلادي قرب

عدي….وايه المشكله لما تقولي

تقي…..مش هعرف و اديك عرفت السنه الجايه بقي لو يعني فضلنا صحاب كده حلوين يوم ما تنسي هبقي اجي اقولك انت مقولتليش ليه

عدي….امممم طيب اولاً كل سنه وانتي طيبه عقبال ميت سنه في سعاده

تقي…..بابتسامه وانت طيب يا عدي
ميرسي

عدي…..تاني حاجه بجد انا متعصب منك اوي

تقي….ليه بس ما قولتلك اللي حصل

عدي…..حتي لو يا تقي كان لازم تعرفي اي حد لو شايفه انك هتتسحلي في الموبايل و هتروحي تتمشي علي الاقل محدش يقلق بالمنظر ده الكل كان حرفياً بيدور و قلقان عليكي اوي

تقي……اسفه والله مقصدتش خالص و بعدين انا مكنتش اعرف اني هتكلم كتير كده بس مكالمتي مع بابا و ماما واخواتي طولت و بعدين اتصل عليا حدوته

عدي…..ااااه ماهو حدوته لوحده كفايه

تقي……علي فكره امبارح تمارا اتصلت عليا و انتوا بتعملوا العشاء و فضلت اكلمها كتير و قفلت معاها عشان انتوا ناديتوا عليا و رجعت كلمتها تاني يعني مش حدوته بس اللي طولت معاه و بعدين مضايق ليه يا صاحبي علي الاقل يعني اتصلوا بيا و مش ناسيني

عدي….لا والله ده علي اساس اني اعرف او انتي قولتي وانا طنشت

تقي….بابتسامه لا انا بهزر والله عارفه انك متعرفش

عدي…..علي فكره انا بجد خوفت عليكي

تقي….بابتسامه ااااا احممم بس انا كويسه و مش صغيره اكيد

عدي….عارف بس حركه الموبايل دي و قلق ليله لوحدن وترنا كلنا

تقي…..انا معرفش اصلا ايه اللي حصل للموبايل انا كنت بتكلم عادي والله بس غالبا ممكن يكون شبكه المهم اجمد كده يعني و متقلقش امال لو سافرت لوحدي

عدي…..بضحك اااااه لا ماهو مفيش لوحدك دي اصلا مينفعش

تقي…..ليه ان شاء الله ايه اللي منفعوش هو انت وابويا عليا

عدي…..اه لو عاجبك معندناش بنات تسافر لوحدها

تقي….بضحك حلوه معندناش بنات تسافر لوحدها دي

عدي…..بأبتسامه عجبتك طب كويس اوي حطيها ديماً في بالك بقي عشان انا بتكلم جد

تقي…..بضحك لا انسي يا صاحبي ده انا مستنيه اوصل للسن ده عشان بابا يوافق

عدي……انتي اللي تنسي مفيش سفر لو عملتي ايه سافري بس مش لوحدك

تقي…..بضحك خلاص هسافر مع حدوته صاحبي حبيبي

سكت عدي و ابتسم بغيظ

تقي…..بضحك ايه الشبكه وقعت عندك