لقاء كارثي

نتفق يعني يكون في بينا لغه حوار نتفاهم نسمع بعض و نجرب ندي فرص من غير ما ندخل حد

نعيمه…..موافقه بس انا هعمل كده انت بقي هتعمل كده؟

فضل….انا اللي بطلب منك يعني اكيد هعمل ده باختصار يا نوني احنا في مرحله مهمه فهمنا بعض اتكلمنا في كل حاجه عن حياتنا بقينا كتاب مفتوح بس كمان مهم اننا نتفق علي خطوات حياتنا مع بعض عشان نتفادي مشاكل كتير عشان لما نقع في مشكله نرجع لاتفاقنا ده و نحاول نحل زي ما قولتلك احنا مش صغيرين و كبار بما فيه الكفايه عشان نلاقي حل لمشاكلنا مش محتاجين طرف ثالث مهما كان مين يجي يصالحنا علي بعض فهماني

نعيمه….بابتسامه اكيد فهماك و موافقه

فضل…..حلو يعني زي ما قولت سواء مشكله صغيره اةي كبيره هنحلها و بالاخص لو كبيره هنهدا و بعدين نفكر بهدوء مع نفسنا و نبدأ بعدها نتكلم نتناقش نسمت بعض

نعيمه…..تمام ايه تاني

فضل…..اااا الصوت العالي يانوني انا بجد اكتر حاجه بكرهها اني اتكلم مع شخص او يكون في بينا سوء تفاهم و يعلي صوته عادي جدا صوتك يكون هادي و اتناقشي و طلعيني غلطان بس بهدوء لان الصوت العالي مش حل بالعكس هيوترني هتعصب صوتنا هيعلي اكتر هتبقي مشكله كبيره احنا في غني عنها

نعيمه…..اوك بس علي فكره انا في العموم لما ببقي مضايقه و بتكلم صوتي بيعلي لوحده

فضل……في فرق بين انك متعصبه و فرق بين انك مش قادره تتحكمي في طبقه صوتك تقدري توصليلي عصبيتك علي فكره من كلمه من نظره من نبره صوت و انا هحترم ده بس الصوت العالي لو معاكي كل الحق هيضيع حقك و انا مش هكدب انا شخص عصبي اوي فا عصبيتي مع صوتك العالي و انتا نفرج الناس علينا هتخلق مشكله ملهاش داعي

نعيمه…..اوك ايه تاني

فضل….بنظره تجنن كلها حنيه و هو بيطلب منها الضحكه يا نوني عاااارف قبل ما تعترضي انها غصب عنك ومقدر ده و لو تلاحظي انا بعديها كتير و سايبك براحتك بس لازم نتحكم فيها اكتر يعني مش هكدب ببقي مضايق لما بسمع ضحتك و احنا مت بعض بس بعديها قدام صحابنا لان صحابك عارفينك و الشباب خدوا عليكي خلاص بس الغريب بصراحه هيقول ايه الرقاصه دي ماهو ميعرفكيش و سامع واحده بترن ضحكه جايبه اخر الشارع

ضحكت نعيمه بهدوء و هي باصه بعيد

فضل…..يعني في الشارع اماكن عامه نتحكم علي قد ما نقدر كمان انتي و امي و البنات مرتات اخواتي عادي هتتجمعوا بعد الجواز وهتقعدوا اضحكي براحتك بس تجمع في ابويا اخواتي خالي اخوات عشري رجاله يعني محبش يتقال دي ضحكن مرات فضل مش هما اهلي بس هضايق

نعيمه….بابتسامه يعني مش هتضابق من صحابك و هتضايق من اهلك

فضل…..انا لسه قايلك بضايق بس بعدي و لو هنمسك في الكلمه اه ممكن اعديها مع الشباب لان احنا لما اتغرفنا عليكم اتعرفنا مع بعض بقي في عشره اعرفك زي ما اعرف اي حد من البنات و الشباب زيي بالظبط كل واحد يعرف البنت اللي معاه و يعرف بقيتكم بقينا صحاب اوي واخدين علي بعض جداً فا كتاب مفتوح قدام بعض و الصحاب اللي بينهم انتي عارفه انه كبير و بيبقوا علي حريتهم مع بعض فا ممكن تعدي لكن في ناس تانيه لا و انا مش هنكر ان صحابي اقرب ليا من اهلي مش حاجه تعيبني و اكيد انتي فاهمه قصدي

نعيمه….اكيد فاهمه طيب انا اوعدك اني هحاول و هتحكم في ضحكتي بس كمان لو في مره غصب عني ضحكت متزعلش او يعني تصبر عليا لان زي نا قولت دي حاجه مش بأيدي

فضل…..حاضر بس حاولي لو بتحبي فضل

نعيمه….بحب انا بموت في فضل

فضل….بحب وانا بموت فيكي و عارف انك هتاخدي كلامي ده بعين الاعتبار

نعيمه…..اكيد طيب ايه تاني غير موضوع المشاكل و الضحك

فضل…..انا عارف ان صحابك قريبين اوي منك و انا بحترم ده لان انا كمان صحابي قريبين مني بس لما نتجوز انتي هتكوني اقرب ليا من صحابي و من اهلي بمجرد ما الباب يتقفل علينا اللي بيني و بينك مش هيخرج غير لو قولتلك عادي اننا نقولوا يعني علي سبيل المثال جيت قولتلك سر خدت رأيك في حاجه حكيتلك موقف حصل معايا و حبيت اخد رايك فيه مش معني ان صحابك قريبين او انتي عارفه ان الشباب ليا قريبين انهم يعرفوا حتي لو حاجه عبيطه مش من حق حد يعرف اللي بيني و بينك ابداً يعني وارد يحصل بيني و بين الشباب حاجه و احب ان انتي تعرفيها مش شرط البنات تعرف ادام مقولتلكيش عرفيهم او ادام الموضوع متفتحش قدامهم

نعيمه…..اوك فهمتك ايه تاني

فضل….في اهم حاجه بقي بعد جوازنا ان شاء الله هيكون الشباب و البنات اتجوزوا او من اللحظه دي كمان اي مشكله تحصل بين اي طرفين منهم احنا بعيد كل البعد عنهم مندخلش لو في مشكله و المشكله دي ظهرت قدامنا و اتحكي فيها نقول كلمه كويسه او نسكت لا نتعصبببب ولا نتدخل و لا لينا علاقه يا نهدي الدنيا يا رأينا يكون جوانا و بيتهيألي انتي اكيد عارفه بتكلم علي ايه

نعيمه…..بضحكه جميله اه تقصد علي مشكله لياه و عشري

فضل…..بالظبط هي الحمد لله اتحلت وعدت علي خير بس اللي حصل وقتها بعيد عنهم هما مكانش ينفع وانا مش عايز حد من الشباب يزعل منك جايز كلمه بسيطه تقوليها من حبك في البنات و انتي بتدافعي عنهم تولع الدنيا و جايز كلمه حلو تهدي الدنيا فا احنا مش هنتدخل غير بالحلو عرفتي من حد ان في مشكله بين ده و دي و الموضوع متفتحش قدامك كأنك متعرفيش

نوني الشباب يخصوني و زعلهم يهمني زي بالظبط ما البنات يخصوكي و زعلك يهمهم بس تدخلنا و كل واحد فينا يتحيز لطرف هيخلق بينا مشكله احنا مش طرف فيها فا ليه وجع الدماغ بلاش من الاول فهمتي

نعيمه……حاضر فهمت ايه تاني

فضل….ولا اي حاجه هما الاربع حجات دول واحد مشاكلنا مهما كانت كبيره مش هندخل حد و هنحاول نكون كبار و ناضجين و نجرب نحل اتنين ضحكتك ثلاثه اي كلمه اقولهالك حتي لو عبيطه متخرجش برن اربعه مندخلش في اي طرف من البنات او الشباب غير كده مش محتاج اي حاجه تاني

نعيمه…..بابتسامه تمام و انا موافقه علي كل كلامك و هعمل بيه

فضل…..طيب القمر بقي عنده ايه عايز يقولول

نعيمه….اااا متكدبش عليا قبل ما تتعصب افهم يكون في بينا كلام لو زعلت مني قولي متاخدش جنب متشغلش دماغك علياااااا

فضل….بضحك عيوني ايه تاني

نعيمه…..امممم بس مفيش لو افتكرت اكيد هقولك

فضل…..من غير ما تفكري في اي حاجه انا بوعدك اني مش هعمل اي حاجه تضايقك او تزعلك و هيكون في بينا ديما لغه حوار عشان نفهم بعض و محدش فينا يفهم التاني غلط كل حاجه هتسعدك انا هعملها يا نعيمه اتفقنا يا قلب فضل

نعيمه…..اتفقنا طيب قولي هو انت حابب يعني او شايف حياتنا بعد الجواز المفروض تمشي ازاي

فضل……لا مش للدرجادي اكيد مش لدرجه اننا نخطط و نحط رولز

نعيمه….مش رولز اقصد انت نفسك الحياه بعد الجواز تكون ازاي

فضل……هاديه بسيطه مفيهاش روتين و لا صمت يعني حياه حلوه و فيها تجديد تكوني براحتك و بتشوفي حياتك متحسيش ان الجواز ضغطك و انا كمان نفضل صحاب و دي اهم منبقاش بقي زوج مصري اصيل و زوجه مصريه اصيله و قاعدين لبعض علي الواحده لا نتعامل كا صحاب هتبقي الحياه احلي كتير

نعيمه……علي فكره انا كمان عايزه كده اوي لاني مش بحب الروتين و بصراحه كنت خايفه ترد رد تاني

فضل……لا يا ستي متقلقيش لا هيبقي في روتين و لا حياة المتجوزين العاديه لو فضلنا محافظين علي الصحوبيه اللي بينا دي هنفضل زي ما احنا لو كل واحد فينا التزم باللي قولناه حياتنا هتكون جميله بعد الجواز

نعيمه….بابتسامه ماشي موافقه

فضل…..ما تجيبي بوسه بقي

نعيمه…..بضحك اتلم مش وقتك

ضحك فضل وباس كفها و بعدين ضمها من كتفها و فضلوا يتكلموا..

………………

سلامه…..ايه ايه حبيبي

ايه….نعم

سلامه…..انتي بتنامي ولا ايه

ايه…..بابتسامه شويه حاسه راسي تقلت و مناخيري قافله خالص

سلامه…..طيب يلا يا قلبي اطلعي نامي كفايه عليكي كده احسن تتعبي اكتر

ايه…..انت هتنام

سلامه….شوبه صغيره و هطلع وراكي علي طول

ايه…..لا خلاص خليني معاك

سلامه…..يلا اسمعي الكلام الهواء ساقع و خايف تتعبي اكتر من كده اطلعي يلا خدي العلاج و نامي

ايه…..طيب انت هتطلع امته

سلامه…..هشرب فنجان قهوه ووسيجاره و بعدين اطلع يلا قومي كده معايا

قومها و خدها بهدوء من ايدها

ليله…..علي فين يا يويو

ابه….هنام مش قادره يا ليله

ليله…..الجيوب الانفيه صح

ايه….اه تعباني اوي انهارده

ليله….طيب ياعمري اطلعي ارتاحي

ايه….تصبحوا علي خير

ليله….وانتي من اهل الخير يا قلبي

عشري….سلامتك يا يويو

ايه….بابتسامه الله يسلمك يا عشري

مشيوا مع بعض براحه تامر كان عينه عليهم من بعيد بهدوء

سلامه…..لو حسيتي انك تعبتي اكتر عرفيني

ايه…..انا مش تعبانه اوي والله بس مناخيري قافله شويه

سلامه….معلش بردوا لو في حاجه اتصلي عليا المهم اطلعي حتي البخاخه دي عشان تريحك و اتغطي كويس و نامي

ايه….ماشي يا حبيبي دخلوا علي الڤيلا

تقي….خرجت من المطبخ و ابتسمت مالك يا يويو انتي راحه فين

ايه…..هنام تعبانه شويه الجيوب الانفيه مبهدلاني

تقي…..طيب اعملك حاجه تشربيها

ايه….لا لا انا هطلع انام

تقي…..طيب يا قلبي لو عوزتي حاجه انا لسه صاحيه

ايه……ماشي يا قلبي

خرجت و سابتهم

سلامه…..يلا يا عمري تصبحي علي خير انا هعمل قهوه و اخرج

ايه……اوك و انت من اهل الخير

طلعت ايه علي فوق و هو راح علي المطبخ.

خرجت تقي و هي معاها نسكافيه كان عدي و تامر و نسمه و نادر و مصطفي و سليم و محمود و ريهام قاعدين مع بعض يضحكوا و يتكلموا

عدي…..بابتسامه ده بتاعي ده صح شكراً والله تعبتي نفسك

تقي….بضحك ايه الرخامه دي ده بتاعي

مصطفي….بضحك احسن العشم وحش

عدي ….بضحك عاجبك الرخم ده فرح فيا

تقي….كنت عايز بجد طب هروح اعملك ده في سكر زياده

عدي….قد ايه يعني

تقي….معلقتين

عدي…..لا كتيررررر اوي هي نص معلقه

تقي….طب امسك حط ده و خليها عليا هروح اعملك و بعدين يعني لسه مفرقعلي من شويه العاب ناريه و انت عارف مبحبش حد يبقي ايه جمايل عليا

مصطفي……بضحك علي فكره انا عملتلك تورتايه

تقي…..بضحك ذل فيا انت كمان اختصر عايز نسكافيه

مصطفي….بضحك والله كلك ذوق

تقي…..بضحك طيب سكر قد ايه

ريهام….بضحك افتحي كيس سكر و حطي عليه معلقه نسكافيه و لبن و هاتي الكيس

تقي….بضحك نهار اسود بتحب السكر اوي كده

مصطفي……بضحك طب هلاص بلاش كيس سكر السكر علي بردوا لو عندك عود قصر حطيه في الكوبايه و تعالي

ضحكوا كلهم عليه

تقي…..انا هجيبلك سكر وحط انت براحتك

عدي…..عامل زي الصنايعيه بيحب السكر كتير

ريهام…..فظيع مع انه مش بياكل حلو كتير والله

تقي….طيب هروح اعمل واجي

تامر…..تقي

تقي…..ايه عايز حاجه انت كمان

تامر….بضحك لا لا مش عايز بشرب قهوه هي ايه راحت فين

تقي……طلعت تنام شكل الجيوب الانفيه تعباها اوي

تامر…..هتنام الوقت

تقي…..اه قالتلي تعبانه

تامر…..طيب هي اوضتها انهي اوضه بالظبط

تقي…..فوق خالص اللي في النص

تامر…..طيب استني هطلع اشوفها

تقي…..تعالي يلا

راحت تقي علي جوه و تامر معاها

سلامه كان واقف يعمل قهوه دخلت تقي عليه فا بص عليها و لمح تامر طالع شافه من ضهره حس في الوقت ده ان قلبه اتقبض

تقي….اساعدك في حاجه يا سلامه

سلامه….اااا لا لا انا خلصت خلاص هو تامر رايح فين

تقي…..طلع يطمن علي ايه

سلامه….بهدوء اااه طيب ممكن بس تبقي تفضي القهوه معاكي عشان عايز اعمل تليفون

تقي…..ممكن طبعاً

سابها سلامه وخرج بسرعه و هو مش علي بعضه و الدنيا سوده في عينه عقلوا وقف للحظه بقي مش عارف يعمل ايه كان طالب من ايه تحط حدود بس في اللحظه دي حس بيها اوي هو نفسه لما شاف موقف بيحصل قدام عينه مقدرش يتصرف لان اي تصرف هيصدر منه من غير اي دليل لاي حاجه في دماغه هيتاخد عليه وقف بره الڤيلا و هو شبه غايب عن الوعي و مش حاسس باي حاجه حواليه لكن في لحظه شاف ليله واقفه تهزر مع الشباب بره و بتضحك مع مصطفي

حس انها طوق نجاه ليه و محسش ان في حد هيتصرف غيرها في الوقت ده و لا جه حد في باله غير ليله اللي عينه جات عليها.

كان بيقرب منها و حاسس انها بعييييييييد اوي المسافه بينهم كانت كام متر بس من كتر ما كان سلامه في حاله صعبه كان حاسس ان كل حاجه واققه حواليه حتي خطوات رجله فيها تقل فظيع مكانس عارف هيقولها ايه او يطلب منها ايه بس عايز يقرب منها بسرعه و خلاص.

سلامه……اااا ليله لحظه

ليله….بضحك استني يا مصيبه رجعالك ايه يا سلامه

سلامه…..بتوتر ملحوظ جداً اااا ليله ممكن تطلعي تطمني علي ايه معلش

ليله……بقلق ايه مالها

سلامه…..اااا لا مفيش كويسه هي بس طلعت

ليله…..ايوه قالت هتنام صح

سلامه…..اه اه بس اكيد لسه صاحيه اااا تامر اصلا فوق بيطمن عليها

بصتلوا ليله و حست انها مش عارفه تنطق لان طريقه سلامه و توتره و لغبطته و الحاله الغريبه اللي كان عليها و اول مره تشوفوا فيها اتأكدت مليون في الميه ان سلامه عارف

سلامه….ااا معلش يا ليله ممكن تطلعي فوق لايه

ليله…..ااااا اكيد اكيد ممكن انت تهدأ

سلامه….بتوهان غريب ااانا هادي انا كويس شوفيها بس

بصت في عينه وهو بصلها كانها بيقولها اعملي حاجه بسرعه

هزت راسها و راحت بسرعه علي الڤيلا فضل باصص عليها لحد ما لمحها بتطلع علي السلم بسرعه

كل ده مستغرقش غير دقيقتين بالكتير

طلعت ليله بسرعه و هي قلبها عمال يدق و جواها غضب مش فهماه اصلاً

الباب كان مفتوح و صوتهم كان باين

تامر….طيب مش محتاجه اعملك حاجه

ايه….لا لا انا بس هنام و هبقي كويسه

دخلت ليله عليهم علي طول و هي مبتسمه

ليله…..يويو ااا انت هنا يا تامر

تامر….اه كنت بطمن عليها تقي قالتلي انها تعبانه

ليله…..ماهي زي القرده اهي هي الجيوب الانفيه بس رخمه شويه انزل انت انا هشوفها كده لو محتاجه حاجه

تامر….طيب خدي بالك منها لو تعبت عرفيني نوديها مستشفي او حاجه

ليله….بابتسامه هاديه لا متقلقش انت اختك في ايد امينه و مش محتاجه مستشفي لو نامت هتصحي كويسه و تقرفنا