لقاء كارثي
لقاء كارثي 94
ليله….تعلالي بقي هنا
مصطفي…..معملتش حاجه و المصحف
ليله…..بضحك يا ابني انا هاكلك
مصطفي….بضحك طب ايه
ليله…..مفكرتش يا مصطفي بجد والله مش هزار تبقي مذيع كده و تعمل برامج زي البود كاست و الكلام ده
مصطفي….بضحك فكرا جداً
ليله…..ومعملتش كده ليه
مصطفي…..مش خريج اعلام انا
ليله….مش شرط علي فكره الوسايط حلوه
مصطفي…..عندك واسطه
ليله…..وانا لو مش عندي كنت هقولك اعرف حد وبجد والله لو حابب لان انت سكر و دمك خفيف و بتعرف تحاور و عندك كاريزما
مصطفي….بابتسامه احلفي
ليله….و رحمه امي يا مصطفي لو حابب انا معاك
سلامه…..مصطفي هات المايه دي
مصطفي…..ياعم مش وقتك وسع كده في مستقبل هنا
سلامه….بضحك اه يا واطي
مصطفي…..بتسرحي بيا
ليله…..ياض عيب عليك و الله قول يلا هتلاقيني في ضهرك
مصطفي….قام وقف قومي بينا
عشري….بضحك الحماس لعب فيك بمفك
مصطفي…..بضحك لعب فيا ازاي
عشري…..فطس من الضحك و كلهم ضحكوا
مصطفي…..واحد يقولي فتي احلامك و انت تقولي لعب فيك مش عارف شايفني غلط ليه
ليله….بضحك والله يا مصطفي انا معاك بما انك معندكش مانع
مصطفي…..والله ما عندي مانع بس خدي بالك انا لو اتحمست و حماسي طلع علي الفاضي هتزعلي
ليله…..بضحك لا وانت تعرف تزعلني يا ابني اتهد كفايه تهريج بتكلم جد
ايمي….بضحك استغل الفرصه عشان انا عارفه ليله تقصد مين و الراجل ده تقيل
مصطفي……طلاق تلاته هستغل امها طب احضر شنطه هدومي و اسافر استناكي في القاهره
ليله…..بابتسامه لا خلاص خليها عليا انا دي
مصطفي…..حلو ده هتبقي اول ضيفه عندي
ليله…..بابتسامه لا يا اخويا شكراً مليش في الاضواء و الجو ده
مصطفي…..احسن بردوا عايزين موزز حلوه
ليله…..بضحك اه يا واطي شاف نفسه علينا من اولها
سلامه……ما عشان واطي ده مرضيش يديني المايه
مصطفي…..ياعم قطاع الارزاق اسكت شويه عندي اجتماع شغل مش وقتك قول للقهوجي اللي جنبك
فضل……بضحك اه يا حيواااان
كلهم كانوا فطسانين من الضحك
ليله…..بضحك والله تعبت من الضحك اسكت بقي
مصطفي……بضحك خلاص والله انا اشطا بعني لو بتتكلمي جد
ليله…..خلاص والله نرجع بس و انا هظبطك
عشري…..يتنيل علي عينه ان شالله ما اتظبط في جواز نسيتي ولا ايه
مصطفي…..احييييييه علي اعداء النجااااااح اهو الصفار بان
عشري….بضحك قام وقف صفار ايه يا حيوان
جري مصطفي و هو بيضحك
مصطفي….خلااااص نطيت في مستقبلي و الغيره اشتغلت عشان هبقي مشهور افتكرت جوازك الوقت
عشري…..بضحك بص لحنان كانت ميته من الضحك و كلهم مقتولين خدي بالك يا حنون انا عامل حسابك والله لولا انك قاعده كنت طحنته
حنان…..بضحك امسحها فيا ده مشافش تربيه
عشري…..بضحك خد ياض
مصطفي…..مش جااااي يا حقودي
عشري…..بضحك مين ياض اللي حقودي انا عريس
مصطفي……ليله عشري مش هينفعك متخيله بيغير من راجل عشان ناجح هيعمل معاكي ايه و هو شايفك ست ناجحه سيبك منه احنا فنانين زي بعض
عشري…..بضحك والله هقتلك
ليله…..بضحك سيبه والنبي ده عسل
عشري…..بضحك عاجبك هقتلوا الوقت شايف ياض الشجره هعلقك عليها
عدي…..بضحك عشري معايا العاب ناريه تاني
عشري…..هقعدوا عليها عشان ينور في السماء
مصطفي…..بضحك من بعيد اسكت انت يا بتاع علامه الاستفهام
ضحك عدي و حط ايده علي وشه من كتر الضحك
عشري…..انت مش بتنام معانا فوق هنفخك
مصطفي…..اخويا معايا
عسال…..بضحك لا معلش انا مع عشري عشان انت لسانك طويل
مصطفي….طب قدم السبت عشان اطلعك معايا و اكتشف موهبتك يا فنان
عسال…..بضحك شكراً مش عايز
مصطفي…..ليله احنا مع بعض هااا
ليله….بضحك ماشي متقلقش نجوزه طيب الاول
مصطفي…..مضمنهوش هيتجوز من هنا و يقسيكي عليا من هنا
ليله…..بضحك لا عشري طيب تعالي يلا اتصالحوا
عشري…..بضحك مش عايز منه صلح
مصطفي….بابتسامه عشررررررري
عشري……بضحك بتدلت علي اين ياض مش لايق عليك
مصطفي…..بضحك ما انا عيني مش ملونه زيك يا كاريزما
عشري…..بضحك مش هرد عليك لما نطلع فوق اتقل عليا
مصطفي….طب خلاص نتصالح جوز الواسطه بردوا اخد مصلحتي بس و هقلي عليك
عشري….اخو شوفتوا معترف انه وصولي و حقير
مصطفي….بضحك طب وربنا بحبك
عشري….حبك برض انا مبحبكش ايه رايك بقي
مصطفي….يا جدع هنتصالح خلاص
عشري…..لا شكراً
مصطفي….بضحك شيطان والله انت عارف بقي الشهره والنجوميه بتخلي الايجو يعلي
رشيد…..بضحك هو شاف نفسه نجم خلاص
مصطفي…..يا جدع انا بجهز حوار مع الفنانه غاده عبد الرزاق مش معاكم اصلا
عشري….بضحك غاده عبد الرازق يا معفن اول ما تشطح تنطح
مصطفي…..وغلاوتك غاده هتبقي اقل واحده نجوميه من اللي هستضيفهم
ليله…..بضحك الكوين يتقال عليها كده طب بقولك ايه اتعشمت واتحمست شوف مين بقي اللي هيوديك
قرب مصطفي بطريقه مضحكه
مصطفي…..لا ده انا اروح فيكم في داهيه
قفشوا عشري من قفاه
عشري…..تعلالي هنا
مصطفي…..استني ياعم شوف مراتك عشمتني و خليت بيا
ليله…..مش بتغلط في الكوين
مصطفي…..بضحك هي طلعت قريبتك ولا ايه مكنتش اعرف دي ست الكل
عشري…..وصووووولي ياض وصولي
فضلوا كلهم يضحكوا و القاعده كانت تجنن..
كملوا كلامهم و ضحكهم و شويه وقامت حنان تنام و اتفرقوا وكل واحد خد جنب
…………………
نعيمه…..بهدوء طيب تقصد ايه
فضل…..بصي يا قلبي يعني انا اقصد ان اكيد كل بيت بيحصل فيه مشاكل و ده طبيعي نختلف نتفق نوصل لنقطه ترضيني و ترضيكي منعرفش نوصل للنقطه دي و نتخانق كل ده وارد تمام
نعيمه…..تمام
فضل…..بس اللي اقصده بمجرد ما يتقفل علينا باب مهما يحصل مندخلش بينا اي حد لا من اهلك و لا من اهلي بصي جايز المشاكل تتحل عادي بس سرنا بيكون خرج ممكن حد من اهلك ياخد مني موقف حد من اهلي ياخد منك موقف و انا مش حابب ده يحصل عايز يكون في خصوصيه مطلقه احنا مش محتاجين طرف تالت يدخل يصلح علاقتنا ببعض فهماني
نعيمه…..فهماك طبعاً وانا عموما مش بحب كده بس يعني افرض الاستاذ عمل مصيبه كبيره
فضل…..بصي يا قلبي كل شئ وارد في اي علاقه صح
نعيمه…..بضحك صح بس يومك اسود تروح تخوني و تقولي نحل مشاكلنا مع بعض ده انا اقتلك
فضل….بضحك حط كفه علي وشها و هو بيضحك لا مش كده بس خلينا نفرض انها حصلت
نعيمه….بابتسامه و صدمه انت بتتكلم جد والله اقتلك يا فضل
فضل……بضحك يعني افرضي قفشتيني مثلا مش خيانه قوين يعني مكالمه رساله نزوه يعني هتبوظي الجوازه
نعيمه…..هبوظ امها ده عليا و علي اعدائي
فضل…..بضحك بس لو بتحبيني هتسامحي
نعيمه….والله انت لو بتحبني مش هتعملها
فضل….ملهاش علاقه بالحب هي بتبقي طفاسه
نعيمه….كويس انك معترف انكم صنف طفس بس لا مقبلهاش خالص حتي لو بنظره لان دي فيها قلة كرامه ليا لو مش شايف اني مكفياك تقدر تبعد عني من غير ما تعمل فيا كده لان انا لو مكانك انت مش هتقبلها علي نفسك
فضل….رفع حاجبه اقتلك فيها يمين بالله
نعيمه…..بضحك شوفت ده عشان انتوا مجتمع ذكوري معفن ترضوها علي نفسك بس الست تعملها لا
فضل……اه طبعاً احنا مجتمع ذكوري و هلينا نرجع لكلامنا
نعيمه……ارجع عشان اتزنقت
فضل……بضحك والله ابداً اولا انا مش خاين و معملهاش مش عشانك بس لكن الراجل الخاين ده راجل ناقص و انا مش ناقص ولا طفس ولا عبني فارغه انا بتكلم في العموم ان يحصل مشكله كبيره يعني سوء تفاهم كبير حاجه اتفهمت غلط اللي اقصده ان فيها ايه لو نجرب حتي لو في مشكله كبيره اننا منقولش او نحاول نصلحها بينا و بين بعض
