لقاء كارثي

نعيمه…..انا لا بردوا محصلش

نسمه……انا اضربت مره من ماما عشان خبيت الكشكول و قولتلها اني مش لقياه لاني كنت واخده هوم ورك كتير فا ماما جابتلي غيره و هي بتروق اكتشفت اني مخبيه كذا كشكول وعرفت بقي اني كنت بخبيهم فا ضربتني و اتعاقبت

مصطفي……بضحك انا كنت بخلي ريهام تقعد تعملهولي

ريهام….بضحك ده عيب اللي خطه حلو كنت بفضل اكتب في واجب قد كده ليا وليه

تقي…..وانا مضربتش قبل كده خالص بصراحه

عدي….بهمس ادعي اللي حاش عنك

تقي….بهمس ما تسكت شويه بقي و تتلم عشان مزعلكش

عدي…..بضحك انتي بتقوليلي انا اتلم ماشي افتكريها بقي دم دم يا عدي

تقي….بابتسامه رخممممم وبكرهك

عدي…..بابتسامه وانا بحبك

ابتسمت تقي واتوترت و هي بصاله و وشها جاب ميت لون و بصت قدامعا بسرعه كانت عارفه انه بيرد عليها رد عادي بس الكلمه خطفتها و هو ضحك و حس بتغيير ملامحها بس معلقش عشان تعدي وسط الكلام

مصطفي…..طيب فضل

فضل…..وانا صغير اضربت كتير بس من ابويا مش من امي

عشري…..انا كمان من ابويا بس عشان كنت مؤذي كهرباء و اكتشافات وكده يعني

مصطفي…..ليله

ليله….بضحك احيييييه متعدش يا چيمي

رشيد….بلطجيه من وهي صغيره عايز ايه

مصطفي…بضحك اضربتي بجد

ليله….اه ورحمه امي كتير بس مش بلطجه والله كنت طفله عادي يعني بغلط غلط عادي في سني

مصطفي….يعني من مامتك ولا اخواتك

ليله…..لا اخواتي البنات عمرهم و وليد عمره ما عملها في حد فينا بصراحه

تقي….بابا طيب علي فكره مش بيضرب

ليله…..وليد غلبان و يصعب عليه اصلاً وهو اللي كان بيحوشني من ايد امي بس انا امي كانت عصبيه ضرب بقي وتلطيش و عض و اي حاجه في ايدها تحدفها كان في حرب

مصطفي…..بضحك يا عيني يا بنتي

ليله…..بضحك سيبني يا مصطفي انا اتبهدلت و جسمي باظ

ريهام….بابتسامه طيب كنتي بتزعلي منها يا ليله

ليله…..في وقتها اه بس عمري ما شيلت منها علب قد ما كانت عصبيه بس كانت بتحبني اوي و انا روحي كانت فيها في النهايه دي امي يعني

رشيد…..طيب وانتي كبيره اضربتي يا ليله

ليله…..بضحك هي مكانتش بتعمل اي حاجه غير تضربني كانت تقولي محدش بيعصبني غيرك اخر علقه كلتها في ثانوي بس الحمد لله ماتت وهي راضيه عني و كانت عارفه ان علي قد ما كنت بتعبها بس رضاها عني كان مهم و خد بالك كنا صحاب اوي

ايمي…..دماغهم اصلا واحده

ليله…..اه هي نسخه مني بس والله كانت طيبه اوي لما كانت تضربني او تزعلني يا لهوي كانت تبقي هتموت مرضاش اكل فا تدخلي يلااااا الاكل اقولها مش جعانه تقولي ان شالله عنك ما طفحتي و ترزع الباب و تخرج كملت بضحك عشر دقايق و تدخلي تاني اقولها تشتمني و تقفل و ترجت بعد نص ساعه تقف قدامي كده و هي كانت كرامتها عندها احيييييه خط احمر انا مجيش جنبها حاجه قلبها مش مطاوعها وفي نفس الوقت مش هتتنازل عن موقفها تقولي انا عشر دقايق و هدخل انام هصلي بس قومي كلي قبل ما اشيل الاكل في الثلاجه اقولها هنام مش واكله تقولي عنك ما كلتي اللي ياكل علي ضرسه ينفع نفسه والله يا بنت الكلب لا اشيل الاكل تدخل تصلي و تشيل الاكل فعلاً و هي ياعيني هتموت وتاكلني الاقبها رجعالي تاني تقولي يوم القيامه هقف كده انا وانتي قدام ربنا و هقولوا انك تعبتيني و طلعتي عيني و نشفتب ريقي فا غصب عني اروح ضاحكه لان ده نفس السيناريو بتاع كل اكله فا اول ما اضحك تروح ضاحكن وتقولي قومي يا بنت الكلب كلي مش هشيل ذنبك انا وانتي نايمه جعانه بس و نتصالح و نضحك و تقف يا عيني تسخن الاكل و متنامش غير وانا واكله

رشيد….بضحك جنيله والله

ايمي….بابتسامه اوي والله يا رشيد

حنان……يا حبيبه قلبي ربنا يرحمها و يغفرلها

ليله….يارب

عشري…..يارب

محمود….بابتسامه طيب اللي ليه في التلفزيون ايه اكتر مسلسل او فيلم كنتوا بتحبوا تتفرجوا عليه

عسال….بابتسامه انا وسلامه كنا بنحب نتفرج اوي علي مسلسل فارس بلا جواد

محمود…..الله ده كان تحفه انا كنت بحب اتفرج اوي ولحد الوقت علي عبد الغفور البرعي كمل بضحك انا وزوز لو اتعاد ميت مره بشوفوا

ايمي….بضحك مبيزهقوش و حافظين كل كلمه فيه بيموتوني بجد

مصطفي….بضحك دي ماما بقي

حنان…..ده جميل اوي بحبه جداً

عشري…..انا فارس بلا جواد ده الايام بتاعته اصلا كانت فظيعه و كان عامل ضجه وقتها تجنن

عسال….اوي بجد كنت بحبه جدا

ايمي….انا من المسلسلات اللي علقت معايا حديث الصباح والمساء و ريا وسكينه

رشيد…..ده انتي وليله

ليله….بضحك اتلم يا رشيد

ريهام….انا بحب ريا و سكينه اوي

حسان …انا اللي معلق معايا بالاغنين بالموسيقي المال و البنون بصراحه

تقي و نسمه كانوا عمالين يضحكوا مع مصطفي

رشيد….بصحك طبعاً انتوا بتضحكوا عشان احنا بالنسبه ليكم قدام اوي

تقي….بضحك مش كده بس احنا متفرجناش عليهم

رشيد….والله كانت احلي مسلسلات

نادر…..انا بحب فرقه ناجي عطا الله لو اتعاد ميت مره مش بزهق منه خصوصا الجزء اللي في الاول وهو بيجمعهم و الجزء بتاع التدريبات

فضل…..ده تحفه ده بحبه اوي

ليله…..انا حاليا مش بتفرج كتير بس زمان انا كنت بحب احمد عبد العزيز اوي بسبب امي بردوا كانت بتحبه اوي يعني فاكرن مسلسل مين ميحبش فاطمه و ذئاب الجبل و البحار مُندي و سوق العصر كنت بافرج معاها بس كنت بحبهم و كنت بحب بكيزه وزغلول اوي

ضحكوا كلهم

عشري……بضحك انتي زغلول المتشرده طبعاً

ليله….بضحك والله كان جميل

عشري…بهمس و هو مبتسم والله انتي اللي قمر

ليله…..بهمس بحبببك

عشري…..و انا بحبك اوي

مصطفي…..طيب بقول ايه انا سألت سؤال للحبه اللي طلعوا مع بعض اول سفريه نسأل سؤال بقي للسناجل اللي اول مره يطلعوا

امنيه…..احنا اول مره نطلع مجيناش المره اللي فاتت

مصطفي….اه بس انتي مش سينجل خليكي في جوزك لو سمحت

امنيه…..بضحك خلاص ماشي متزوقش اسأل

مصطفي…..السناجل يردوا مواصفات فتي او فتاة احلامكم ايه سواء في الشكل او الشخصيه.

عشري….بهمس لليله لو العيال دي قالوا مواصفات تانيه هعرف انهم رافعينلنا الاريال

ليله…..بضحك صح

عشري…..بضحك بالذمه احنا صغيرين

ليله…..بضحك غمزتلوا رخمين اوي و احنا مركزين كده

عشري….لا معلش احنا مركرزين من بعيد لبعيد لو قربنا نبقي رخمين

ليله…..بضحك دول لو عرفوا ان انا وانت مطلعبنهم مسرح مش هيسكتوا

عشري…..و بالذات البلطجيه الصغيره

ليله….طيب اسكت بقي خلينا نسمع

عشري…..بضحك والله ريا و سكينه ماشيه عليا وعليكي اكتر

ضحكت ليله و ضربته براحه عشان يسكت.

مصطفي…..يا ستي عادي دي كلها فرضيات يعني لو وصفتلك ملكه جمال الوقت هتجوزها بجد اكيد هتجوز قرده

ريهام…..بضحك طب حلو لما تتجوز ان شاء الله هبقي اقول لمراتك مصطفي كان بيقول هتجوز قرده

مصطفي…..حوشي الوسامه اللي اخوكي فيها

ريهام…..بضحك ده انت قمر

نعيمه…والله يا مصطفي اللي هتتجوزك امها دعيالها

ايمي….الراجل مش بحلاوته يا عبيط ده كفايه خفة دمك و بعدين انت قمر علي فكره

مصطفي….الله يستركم والله

ضحكوا عليه و علي طريقته

ريهام…..طيب انا معنديش مواصفات

مصطفي….بضحك غمز لنعيمه كده ريهام مكسوفه من سلامه و ميدو اسمعي مني

عسال…..بضحك و تتكسف ليه قولي يابت

سلامه…..عادي عادي قولي حقك الشرعي

ريهام…..بضحك والله مفيش مواصفات في الشكل بس اكيد يكون مقبول لان الشكل مهم شويه بردوا

مصطفي….غيرت رأيها في ثانيه

امنيه…..المبدا في ذمه الله

ريهام…..بضحك والله مش كده بس اكيد لو شكلوا مش مقبول بالنسبالي مش هعرف يعين هي خلقه ربنا كلها حلوه بس يبقي مقبول ده حق شرعي يا جدعان

مصطفي….طيب الشخصيه

ريهام…..لا عد ورايا بقي دمه خفيف و دي اول حاجه لان انا مش بحب النكد ابداً يكون عنده روح رياضيه و يتقبا التنمر لان لو حصل ليه اي حاجه قدامي مش هسكت

مصطفي…..بضحك انا و ريهام اصلا بنتنمر علي نفسنا طول الوقت

ريهام….اااه بقي يعني مبرحمش نفسي و طبعاً يكون حنين علاقته حلوه مع اهلوا لان انا علاقتي باهلي حلوه جدا الحمد لله فا هو لو بيعرف يقدر قيمه الاهل مش هيبقي عندنا نقطه خلاف و بس حلو كده

ابمي….والله انتي ست البنات و امه دعياله انتي كمان اللي هيتجوزك

ريهام….قلبي انتي والله

مصطفي….طيب و الاستاذ نادر

نادر…..اااا الشكل الاول

مصطفي….زي ما انت عايز يا باشا

نادر…..بضحك ماشي يعني تكون حلوه اكيد مش ملكه جمال بس حلوه شعرها طويل

فضل…..اديييييي

نادر…..بضحك ااا الشخصيه بقي ااا يعني متبقاش زنانه يعني الزن الكتير ده بجد صعب بس مش عايز اي حاجه تانيه

ايمي…..زن ازاي يعني

نادر…..يعني مش كل ثانيه انت فين مش كل حاجه تقلبها خناق مش كل شويه تفكرني بحاجه عملتها و تجيب قديم و جديد يعني انا مش بحب الرغي الكتير فهماني

ايمي….اه ماشي

مصطفي….بس كده

نادر…..بس كده شوفت طلباتي بسيطه ازاي

مصطفي…..بطريقه مضحكه ابقي قابلني بقي لو لقيتها

نعيمه…..بضحك كلنا زنانين صح

مصطفي….بضحك مقولتش حاجه انتي اللي قولتي

ليله…..لا وانتوا الشهاده لله ملايكه