لقاء كارثي

لقاء كارثي
أميره أسامه
صاحبة البطل الواحد

~° البارت الثالث و العشرين°~
……………

اوقات كل فتره في حياتنا بنحتاج لمفجأه متتنسيش مفجأه لما يعدي عليها الزمن و تبقي ماضي نفتكرها و نطلعها من مخزون عقلنا وقت وجعنا عشان نبتسم و نحن من تاني الذكريات الحلوه هي رصيد الانسان من تقلبات الحياه.

هي المسكن اللي بيطبطب علي وجعنا هي الحلم الجميل اللي وقت ما بيقسي علينا الواقع بنهرب و نفتكره عشان كده حوشوا رصيد كافي من الذكريات الحلوه خلوا ديماً الحاضر حلو لانه هيبقي ماضي و مش ديماً المستقبل مضمون..

…………

الشباب كلهم اتحركوا من مكانهم علي الساعه سبعه تقريباً

راحوا وكل واحد فيهم جواه لحظه خاصه بيتخيلها و بيجهزلها من قبل حتي ما يوصل.

و علي الساعه 8 كان عشري اول المنتظرين .

وصل عشري تحت بيت ليله و اول حاجه عملها بص علي عربيتها عشان يعرف هي وصلت ولا لسه.

ركن علي جنب و قفل شبابيك العربيه مره تانيه و اتصل عليها

ليله…..الووو

عشري…..فينك كل ده يا قلبي

ليله….انا خلاص خمس دقايق و ابقي عند البيت و الله انت لسه منمتش كل ده

عشري…..لسه مش قولتلك مستنيكي

ليله…..لما لاقيتك متكلمتش قولت اكيد نمت

عشري…..لا منمتش يا حبيبي

ليله….طيب يا حبيبي انا خلاص داخله علي البيت اول ما اطلع هكلمك

عشري…..تمام يا عمري بقولك ايه خليني معاكي علي الموبايل

ليله…..بابتسامه ماشي خليك طمني عليك الصداع عامل ايه؟

عشري….هموت يا ليله

ليله….بعد الشر عليك طيب انت خدت حاجه

عشري….اه خدت

ليله….طيب انت لوحدك يا عشري

عشري….لوحدي ايوه

ليله….طيب كلم حد من اخواتك او روح المستشفي

عشري….كلهم عندهم شغل

ليله…..شغل ايه وانت تعبان كده طيب بقولك ايه اجيلك انا

عشري…..تجيلي فين

ليله….اجيلك عندك هقف مكان ما هتقولي و هخدك نروح المستشفي

عشري…..لا مش بحب المستشفيات والجو ده بس انا متأكد يعني لو شوفتك هبقي كويس

ليله….بابتسامه عشري انا بتكلم جد

عشري….وانا كمان والله اول ما اشوفك هبقي كويس

ليله…..اجيلك بجد ؟

عشري….بابتسامه اول ما لمح عربيتها انتي جيتي خلاص

بصت ليله بصدمه و ابتسمت اول ما شافته واقف قدام العربيه بتاعته لابس بنطلون اسود و قميص اسود و الزراير مفتوحه من علي صدره و باصص عليها بجنب وشه بطريقه جذابه و تجنن

ليله….لا لا لا انت بتهرج والله

عشري….مالك يا قلبي

ليله…..عشري انت مجنون بجد هو انت مش قولت انك تعبان من ساعه و طلعت و قولت هنا شاور انت جيت ازاي

ركنت العربيه ووقفت قدامه و فضلت قاعده

عشري…..مين ده اللي جه انا جيت ؟انا في البيت ايه بتحبيني لدرجة انك بقيتي تتخليني في كل مكان

ليله…..بسببك انا بجد هتجنن و هلوس و اخرف بتعمل ايه هنا يا بلطجي

عشري…بصلها وابتسم و همس بهدوء و هو بيشاورلها انزلي !!

قفل الموبايل وحطوا في جيبه نزلت ليله الموبايل و هي عينها عليه و نزلت بهدوء من العربيه وراحت عليه بخطوات بطيئه و كلها دلع و ابتسامه تجنن و وقفت قدامه وهي باصه في عينه.

عشري….البلطجي جاي عشان ياخد مسكن للصداع

ليله….بابتسامه دلع جاب من زايد للتجمع عشان تاخد مسكن ليه معندكوش صيدليات

عشري….اصل الصداع اللي عندي العلاج بتاعه مش بيتباع في الصيدليات

ليله….بابتسامه تجنن امال بيتباع فين ؟

عشري…..لما تيجي معايا هقولك

ليله….اجي معاك فين

عشري…..ما هو انا جاي اخطفك

ليله….بابتسامه تخطفني ؟!

عشري….ايه في مانع ؟؟

ليله…..لا بس عايزه اعرف المرادي فطار و لا عشاء

عشري……بابتسامه والله هو عشاء و مسكن و كام ساعه عايزهم يبقوا ذكري حلوه نفتكرها ديماً

ليله….بحب و انا موافقه بس يعني هاجي معاك كده ؟

عشري….كده ازاي

ليله….يعني اغير حتي

عشري….ما انتي زي القمر اهو

ليله…..مش يمكن عايزه البس زيك كده فستان اسود و نعمل ماتشي ماتشي

عشري….بابتسامه تجنن هتاخدي وقت قد ايه؟

ليله…..انا مش باخد وقت في اللبس ربع ساعه بالكتير

عشري….اكيد

ليله….امممم اكيد و احسب الوقت كمان لو عايز

عشري……ماشي يا ستي يلا و انا هستناكي

ليله…..هتستني هنا ؟

عشري….هقعد في العربيه لحد ما تيجي

ليله…..طيب اطلع فوق و هغير بسرعه و ننزل سوا

عشري…..نوني نزلت و لا لسه

ليله…..هي مرجعتش اصلا و فضل هيقابلها علي طول

عشري…..طيب يلا روحي انتي و انا هستناكي

ليله….ايه لو نوني مش فوق مش هتطلع يعني اطلع يا بلطجي انا واثقه فيك

عشري….بضحكه جميله بس انا مش واثق في نفسي و بعدين انا قولتلك اقابلك في مكان عام مع صحابنا لكن لوحدنا الشيطان مش هيسيبني

فضلت ليله تضحك عليه و هي بصاله.

عشري….بحب يلا يا عمري اطلعي

ليله…..عشري انت بجد مش عايز تطلع

عشري…..بضحكه جميله اه والله العظيم

ليله….متخافش مش هقرب منك انا مؤدبه

عشري…..بس انا مشوفتش تربيه اسمعي الكلام الله يهديكي و اطلعي بسرعه

ليله….بضحك طيب خلاص مش هتأخر عليك

عشري….ماشي يا حبيبي اركني عربيتك كويس الاول

ليله….بحب حطت المفتاح في ايده اركنها انت عشان متأخرش

عشري…..اوامرك يا تاج راس البنات كلها

ابتسمت ليله بحب و طلعت علي فوق بسرعه تغير اول ما فتحت الباب جريت زي العبيطه علي اوضتها كان في دماغها فستان معين جريت طلعتوا و دخلت جري علي الحمام خدت شاور سريع مخدش غير دقيقتين و خرجت بسرعه لبست الفستان وجريت طلعت الشوز و الشنطه و بسرعه حطت الحاجه المهمه في شنطتها و بعدين جريت بسرعه علي التسريحه حطت ميكب يجنن في عشر دقايق بالظبط

ظبطتت شعرها بسرعه و بعدين حطت البرفيوم كانت طالعه تجنن خدت بالظبط حوالي 25 دقيقه

خرجت من الشقه و قفلت الباب وراها و راحت ركبت الاسانسير و نزلت كان واقف عشري قدام الباب بالعربيه بتاعته اول ما شافها جابها بعينه من فوق لتحت بنظره تجنن

كانت لابسه فستان اسود قصير ماسك علي جسمها بكم و الحوض بتاعه مبين جزء بسيط من صدرها ولابسه هيلز عاليه كانت تجنن من غير اي مجهود.

قربت منه و ابتسمت بهدوء

ليله…..اتأخرت عليك

عشري…..لولا اني حابب اللحظه دي كنت نكدت عليكي بمنظرك ده

ليله….بابتسامه بطل أڤوره بقي ماخو بكم اهو

عشري….بأبتسامه رفع حاجبه بكم اه ده انا هروقك بس مش انهارده

ليله….بضحكه جميله طب ايه مش هنمشي

عشري…..هنمشي طبعاً يلا بينا

مسك كفها بهدوء و نزلت درجتين قرب من الباب فتحلها الباب و بصلها بحب

عشري…..اتفضلي يا احلي ليله في حياتي

ليله بنظره حب و سعاده ركبت و اول ماركبت قفل الباب براحه

وراح ركب و مشيوا بالعربيه.

…………….

عند فضل كان الوضع مختلف و قف بعربيته وهو مبتسم و افتكر كلامه مع ليله..

فلاش باك…

اتصلت لياه علي فضل علي الساعه سته ونص.

فضل…..ايوه يا ليله

ليله….بقولك ايه ركز معايا كويس

فضل…..معاكي

ليله….في لوكيشن هقفل معاك و هبعته علي طول انا طبعاً عملت حوار قد كده عشان اقنع نعيمه بيه هي رجعت علي البيت و قولتلها تنزل تاني بعد نص ساعه ضروري عشان في حد هيجيبلها مبلغ و كلنا مش فاضيين و عرفتها ان هي تروح و تستني في الكافيه اللي هناك لحد ما اكلمها و اعرفها انه وصل هتخرج ليه و طبعاً هي هتخرج تلاقيك انت فهمتها كمان انها ترزح من غير العربيه عشان مفيش ركنه و كده كده المكان مش بعيد عن البيت اوي قالتلي انها هتاخد اوبر هي نص ساعه وتتحرك انت كمان ابدأ اتحرك عشان لما اقولها تنزل تكون انت قربت اتفقنا

فضل….بأبتسامه اتفقنا اول ما اوصل هعرفك وانتي كلميها

ليله…..تمام خليك معايا علي التليفون بقي

فضل….معاكي متقلقيش وربنا يخليكي ليا يا احلي لولي

ليله….بابتسامه بقولك ايه عيزاها ترجع مبسوطه

فضل…..بس كده ده انا هخليها طايره

ليله…..بابتسامه جميله وانا واثقه فيك يلا باي

فضل…..باي يا ليله.

باااااااك

ابتسم فضل وبص علي الرساله اللي بعتها لليله.

فضل…..ليله انا قدام الكافيه وصلت خلاص

ليله…..تمام حالاً هخليها تخرج من الكافيه.

بص فضل علي الكافيه وهو متحمس يشوفها خارجه

دقيقتين بالظبط و لمحها خارجه من بعيد وقفت علي الرصيف قدام الكافيه تبص شمال و يمين كانت لابسه بنطلون چينز مقطع و شيميز بنص كم مربوط من قدام و علي راسها كاب و شعرها نازل

اتحرك فضل بهدوء و راح عليها وقف قدامها الشباك كان مرفوع والزجاج كان فاميه مش مبين

ضغط علي الكلاكس بصت بهدوء بطرف عينها و بعدين بعدت وشها

ابتسم فضل ونزل الشباك كانت باصه الناحيه التانيه

فضل……ايه يا قمر جايه

قلبها اتقبض و حست ان الصوت ده تعرفوا بصت بسرعه عليه بصدمه
و فضلت ساكته.

فضل…..بابتسامه جميله القمر واقف لوحده ليه بس هو اداكي معاد و طنسك ولا ايه عموما لو طنشك انا موجود وزي ما انتي شايفه كده طول بعرض و زي القمر و ده مش غرور علي فكره

ابتسم نعيمه غصب عنها وقربت بهدوء منه

نعيمه….انت بتعمل ايه هنا يا مجنون

فضل…..ابداً كنت جاي يعني اقابل بنت زي القمر عشان اديها ظرف فيه مبلغ توصلوا لواحده اسمها ليله تعرفيها

ابتسمت بصدمه ورفعت حاجبها

نعيمه…..ااااااااااه قولتلي بقي انكم متفقين عليا و انا العبيطه اللي مش فاهمه بس فعلاً انا عبيطه كان لازم افهم لما قالتلي متنزليش بعربيه

فضل…..ليله دي اختي والله اختي

نعيمه….بضحكه جميله و عايز ايه بقي يا عم المغرور

فضل…..جاي اصالح القمر

نعيمه…..ما القمر قالك مش زعلان

فضل…..لا معلش اتأكد بنفسي

نعيمه…..واديك اتأكدت عايز حاجه تاني

نزل من العربيه وراح وقف قدامها

فضل…..بابتسامه طبعاً عايز

نعيمه…..خير

فضل…..جاي اخطفك

نعيمه….تخطف مين تخطفني انا طب اتكلم علي قدك

فضل….ما انا بتكلم علي قدي اهو

نعيمه…..بابتسامه طيب جرب كده عشان الم الناس عليك

فضل….بضحك انتي فكراني بهزر

فتح باب العربيه و مسك دراعها

فضل….قدامي

نعيمه….بضحك فضل بطل جنان هنروح فين

فضل…..انتي لسه شوفتي جنان

نعيمه…..انت بتتكلم جد

فضل…..امال بهزر اركبي يا بت بلاش دلع

نعيمه….بابتسامه طيب هنروح فين قولي

فضل…..انتي تركبي من غير اي سؤال و بعدين ايه البنطلون المقطع ده ده انتي ليلتك زرقه

ضحكت نعيمه و ركبت و هي بتسند علي ايده جامد

فضل….ااااااه براحه انتي بتركبي جمل

نعيمه….بضحك والله لو عاجبك

فضل….وايه الكاب اللي انتي لبساه ده خياله يا ناس

قفل الباب و فضلت نعيمه تضحك عليه

لف فضل وركب و بصلها و هو مبتسم

فضل…..وحشتيني علي فكره

نعيمه….بابتسامه جميله وانت كمان و حشتني اوي

ابتسم فضل وباس ايدها بهدوء و بعدين بصلها

فضل…..ايه مستعده

نعيمه…..هو انا معرفش انت ناوي علي ايه بس مستعده

فضل….اتكلنا علي الله حطي الحزام

نعيمه….بسعاده ماشي.

طلع فضل بالعربيه و هما مبسوطين جداً

…………..

عند ايمي و رشيد كان الوضع مختلف عدي عليها الساعه سبعه و نص خدها من المطعم و مشيوا بالعربيه

كل شويه يبصلها بطرف عينه و يضحك عليها كان باين عليها انها مس طايقه نفسها

سمعت صوت ضحكه بسيطه بصت عليه و رفعت حاجبها و هي مرسوم علي وشها شبح ابتسامه بسيطه

ايمي…..خير بتضحك علي ايه؟

رشيد….بابتسامه انا ؟ انا مضحكتش

ايمي….لا والله امال وشك مبتسم كده لوحده

مسكت ابده بغيظ و عضته

رشيد…..اااااااااه يا عضاضه

ايمي….احسن عشان تبقي تضحك تاني

رشيد…..بضحك ايه هتتحكمي في ضحكتي انا راجل فرفوش انتي ايه اللي مزعلك

ايمي….والله يا رشيد هعضك جامد و هترجع تزعل

رشيد….لو هترتاحي يعني و تطلعي الطاقه اللي جواكي دي خدي ايدي اهي

ايمي…..بابتسامه هعضك والله

رشيد…..يلا ايدي عندك اهي

ايمي…..ما لو عضيتك مش هتعرف تسوق

رشيد….لا عادي بسوق بالايد التانيه

ايمي…..ماشي انت اللي جبته لنفسك

مسكت كفه وفضلت تعض فيه

رشيد…..بريأكشن وجع وهو مبتسم ااااه اااااه طب ليه كده ليه

ايمي….هو كده

رشيد…..هو انا ممكن اعرف القمر بتاعي مين مزعلوا بس

ايمي…..مفيش

رشيد…..طيب مالك من امبارح وانتي مش مظبوطه خالص و عندك طاقه خناق رهيبه

ايمي…..عاجبك ولا لأ

رشيد…..عاجبني يا ستي بس عايز اعرف مالك

ايمي…..مفيش

رشيد…..في وهعرف مالك

بصت ايمي جنبها و سكتت و فضلت ماسكه في ايده بص رشيد علي كفه اللي بين كفها و لاحظ قبضتها القويه عليه

رشيد…..حبيبي انتي كويسه؟

هزت ايمي راسها من غير ما تبص عليه و دمعت غصب عنها

رشيد….مخدش باله من دموعها حبيبي بصيلي

ايمي…..بصوت مخنوق من غير ما تبصلوا انا كويسه يا رشيد

رشيد….بتركيز ايمي انتي بتعيطي؟

سكتت ايمي و مردتش عليه و سابت كفه و مسحت بهدوء دموعها

ركن رشيد العربيه علي جنب و مد ايده علي خدها و لف وشها براحه

رشيد…ايمي مالك

هزت كتفها بحزن كبير و نزلت دموعها اكتر

رشيد…..باس بااااس

قرب منها و ضم راسها فضلت تعيط كتير

رشيد…..ايمي في ايه لكل العياط ده حصل ايه انتي كده بتقلقيني

سحبت ايمي نفسها بهدوء و هي بتمسح دموعها

ايمي….رشيد يلا اطلع

رشيد….طيب الاول أعرف مالك

ايمي…..مش قادره اتكلم الوقت

رشيد….طيب خلاص اهدي كده و اول ما نوصل المكان هعرف اكيد

هزت راسها بهدوء و بصت قدامها.

طلع رشيد بالعربيه مسك كفها وهو سايق و كل شويه يبصلها بقلق

…………..

اما عند عسال و نادين كمان الوضع كان مختلف تماماً

وقف عسال قدام العياده اللي ليله قالتلوا علي مكانها

كان عباره عن دور اول عالي و ليها مدخل بسلالم لوحدها

كان راكب رييس و حاطت خوذه علي راسه و واقف جنب عربيتها

ابتسم اول ما شافها خارجه كانت لابسه بنطلون چينز ضيق و عليه بدي كت لونه اسود يادوب علي حرف البنطلون و لو رفعت ايدها بطنها بتبان و لابسه كوتشي اسود داخل فيه الوان و حاطه علي ضهرها شنطه شكلها كان جميل اوي

انا هو كان لابس بنطلون چينز و تيشرت ابيض.

نزلت بهدوء من السلم و راحت علي عربيتها قربت بهدوء منه كان واقف جنب الباب

نادين….ممكن تبعد شويه من فضلك

هز عسال راسه بلأ

نادين….اااا دي عربيتي وانا عايزه اركب ابعد شويه من فضلك

هز راسه تاني بلأ

نادين….هو ايه اللي لا و ممكن ترد عليا

هز راسه تاني بلا

نادين…..اممم انت مجنون شكلك

هز راسه بأيوه و بعدين نزل من علي الرييس و بصلها و سكت

بصتلوا نادين بقلق و حست انه مجنون بجد و خافت يعمل فيها حاجه

رجعت خطوه لوراء و هي بتبص حواليها عشان تنادي اي حد

ابتسم ميدو و شال الخوذه من علي راسه

ميدو…..بضحكه تجنن تعال تعالي متخافيش

ابتسمت نادين بصدمه

نادين….ميدووو

قربت منه بسرعه بطريقه تلقائيه و لفت ايدها علي رقبته

ابتسم عسال و ضمها بحب

عسال….وحشتيني يا تويتي

نادين…..غمضت عينها بتنهيده طويله انت كمان وحشتني اوي

عسال….بجد

ابتسمت نادين و ركزت في حضنها ليه في وسط الشارع و بعدت بهدوء

مسك عسال و شها بأيده كانت وحشاه اوي نظراته ليها كانت تجنن

نادين…..بتوتر ااااا انت بتعمل ايه هنا و ايه الرييس ده ؟

عسال….ايه رأيك في المفجأه دي

نادين…..جميله هو انت جاي عشاني.

عسال….اكيد

نادين….بصت بابتسامه علي الرييس ده بتاعك

عسال…..اه بتاعي عجبك

نادين…..بأبتسامه هزت راسها زي الاطفال اه اوي هو انا ااا يعني اااا اقصد انت عرفت مكاني ازاي انا لما قولتلك امبارح اني هروح للدكتور
مش قولتلك المكان

عسال……بابتسامه جميله رجع شعرها لوراء و هو عينه علي ملامحها امممممم ليله

نادين….بابتسامه ااااه فتنت عليا زي ما فتنت عليها يعني

عسال….امممم مش فتنت انا بصراحه اللي كلمتها وقولتلها اني عايز اعملك مفجأه و هي عرفتني المكان

نادين…..حلوه المفجأه اوي

عسال….انتي أحلي بقولك ايه يلا بينا

نادين…..بصدمه اااا يلا بينا علي فين؟

عسال…..هتركبي عربيتك و هنروح عند البيت هتركنيها وهتيجي معايا

نادين…..انا ازاي قصدي اجي معاك يعني هركب الرييس

عسال….اه بتخافي؟

نادين….اااااا مش عارفه انا عمري ما ركبت رييس يعني كنت بشوفوا و بيعجبني اوي و نفسي اركبوا بس معرفش هخاف ولا لا

عسال…..طيب يلا هتركبيه و متخافيش

نادين….اااا طيب احنا هنروح فين

عسال….هنتجنن شويه ايه مش عايزه تتجنني معايا

ابتسمت نادين وهزت راسها اممم

عسال….بنظره تجنن مسك دقنها بحب طيب يلا يا قلبي اركبي و خلينا نمشي علي فكره عربيتك تجنن

نادين….بابتسامه عجبتك

عسال…..اوي بحب انا العربيات السبور

نادين…..خلاص نبقي نركبها مع بعض

عسال….اكيد يلا اركبي

نادين…..حاضر

ركب عسال الرييس بتاعه و بعد شويه عن العربيه ركبت نادين و هي مش قادره تتحكم في ضربات قلبها

اتحركت و هو وراها المسافه بين العياده و بيتها كانت صغيره جداً الدكتور كان في التجمع بردوا

ركنت العربيه قدام البيت و نزلت منها.

عسال…..بقولك ايه ما تسيبي الشنطه بتاعتك عشان تبقي براحتك

نادين…..ااا طيب الموبايل و الحاجه بتاعتي فيها

عسال…..هاتي الموبايل هحطه في الشنطه معايا

نادين…امممم طيب و محفظتي هتيجي في شنطتك دي

عسال……هتحتاجي محفظتك في ايه هاتي بس موبايلك

نادين…اممممم طيب بقولك ايه ما تركن انت الرييس هنا و تعالي نركب العربيه

عسال…..بضحكه جميله خايفه ولا ايه؟ متقلقيش هسوق براحه مع ان يعني واضح انك مجنونه و سريعه في سواقتك

نادين….ااااا لا مش خايفه انا بحب السرعه عادي بس هركب ازاي يا ميدو

عسال…..عادي هتحطي رجلك هنا و بعدين تسندي علي كتفي و تطلعي

نادين…..ايوه بس يعني انا بشوف الناس و هي راكبه الرييس بيبقوا يعني قريبين اوي وووو

عسال….بابتسامه جميله وايه حاضنين بعض طيب و فين المشكله

نادبن….بإحراج ميدووو هو انت ليه مش جيت بعربيتك

عسال……عشان تحضنيني لانك وحشاني اوي و بعدين يعني ما انتي لسه حضناني مش شويه

بصتلوا نادين بإجراج

نادين….اااااا انا اتفاجئت بيك و بعدين كنت بسلم عليك

عسال….بابتسامه جميله اه بس كان حضن سريع و بصراحه بقي انا بتلكك و عايز حضن طويل شويه يلا بقي هاتي الموبايل ده

فتح شنطه صغيره في ايده حطها فيها و بصلها

عسال….شيلي شنطتك و اقفلي العربيه و تعالي و بقزلك ايه انتي مش معاكي سويت شيرت او جاكيت خفيف في العربيه الجو هيبقي برد عليكي

نادين….اااا لا انا كنت نازله كده و بعدين انا عشان قاعده في العربيه الجو مش برد

عسال….طيب بقولك ايه اطلعي هاتي بسرعه سويت شيرت عشان الرييس هيبردك

نادين….لا لا خلاص مش عايزه يلا انا جاهزه قولي بقي اركب ازاي

عسال…..الاول تعالي كده قربي

قربت منه نادين لبسها الخوذه و ربط الحزام بتاعها

نادين…..طيب وانت

عسال…..لا انا تمام كده هاتي ايدك بقي كده حطي رجلك هنا

نادين….كده

عسال…..اه يلا بقي ارفعي نفسك

نادين…..هو انا ممكن اقلع الخوذه دي.

عسال…..ليه مضايقاكي

نادين….يعني شويه

عسال…..طيب هاتي يا قلبي قلعها تاني و علقها في الريس و مسك ايدها وطلعها سندت نادين ايدها علي ضهره

عسال….بضحكه جميله لااااا يا قلبي احنا مفيناش من كده هاتي ايدك

نادين….بابتسامه ميدو

عسال….هااااتي

نزلت ايد واحد مسكها و خد التانيه و بعدين لفهم بايده علي وسطه

نادين….بصدمه ابتسم اااااا ميدو

عسال……شششششش امسكي بقي كويس عشان متقعيش جاهزه

نادين….بهمس بسيط جاهزه

شغل عسال الرييس و طلع بيه طار

عسال…..خايفه ؟

نادين….بسعاده لا بس الهواء فظيع

عسال…..اسندي راسك علي ضهري

قربت نادين بهدوء راسها و سندت علي ضهره غنضت عينها بسعاده كبيره و من غير ما ما تحس قبضت اكتر علي وسطه مش خوف كان حضن كبير نفسها تعمله

ابتسم عسال بحب و خد نفس طويل و كمل طريقه.

………..

اما عند حسان و سلمي الوضع كان غريب شوين حسان حاسس بارتباك لكن من جواه مبسوط و عايز يشوف رد فعلها لما يطلع

طلع العياده بهدوء كان قدامه اتنين

قرب من البنت اللي كانت قاعده علي المكتب

حسان….مساء الخير

البنت….مساء النور

حسان….هي دكتور سلمي موجوده

البنت….ايوه موجوده هو حضرتك مندوب

حسان….اااا لا انا عايز اكشف

البنت….ايوه بس انا اسفه والله دكتور سلمي ليها عدد معين في الكشف و الاثنين الموجودين هما اخر حجز انهارده

حسان…..يعني ايه

البنت….يعني حضرتك ممكن تحجز الوقت و هكتب اسمك تيجي بكره او ممكن تاخد الرقم لو مش معاك و تتصل بيا علي الساعه خمسه و تحجز عن طريق التليفون

حسان……طيب انا ممكن اقعد عادي استني الاثنين دول يخلصوا وابقي انا اخر كشف

البنت….هو في العموم لو هينفع اكيد حضرتك هتضطر تستني لان هما جايين قبلك

حسان….طيب تمام عادي استني

البنت….ايوه بس زي ما قولت احضرتك انهارده الحجز خلص

حسان….بصي انا جاي بعيد و كمان انا مش هعمل اي حاجه اكيد ده مجرد كشف عشان اخد.علاج واجي مره تانيه لان انا تعبان و اكيد هي مش هتقدر تشتغل معايا و انا عندي التهاب فا لازم علاج يعني انا كشفي مش هياخد وقت

البنت…..انا مش عارفه اقول لحضرتك ايه بس انا مش هقدر اقرر ولا اخد منك حق الكشف غير لما اعرف دكتور سلمي ولو تمام هتستني

حسان….موافق عرفيها و شوفي هتقولك ايه و انا هستني هنا

البنت….الحاله اللي جوه بس تخرج و قبل ما تدخل حاله تانيه هعرفها

حسان…..اوك تمام.

راح حسان وقف جنب الباب و فضل يبص بهدوء علي العياده

الكشف اللي كان جوه خرج

البنت…..اتفضلي حضرتك

قامت الست و دخلت البنت معاها

سلمي….بابتسامه للمريضه ايه الاخبار الوقت

المريضه…..لا احسن كتير ااحمد لله

سلمي…..طيب الحمد لله اتفضلي علي الكرسي

البنت….دكتور سلمي معلش بس في حاله جات بره و حابب يكشف و انا عرفتوا ان خلاص مفيش حجز

سلمي…..هو المفروض المدام و كشف تاني و خلاص كده قوليله يحجز بكره

البنت….عرفتوا والله بس هو قال انه تعبان و اكيد مش هيشتغل عشان في التهاب بس هو محتاج حضرتك تكتبي علاج و تشوفيه و طلب مني استأذن حضرتك

سلمي….اممممم طيب تمام خلاص خلبه بس ماقبليس اي كشوفات تانيه و اجلي اي معاد لبكره

البنت….تمام يا دكتور بعد اذنك

سلمي….اتفضلي بصت للمريضه و هي بتلبس الماسك و الجلافز ها طمنيني بقي.

خرجت البنت و بصت لحسان بابتسامخ وقربت منه

حسان….ايه الاخبار

البنت…..دكتور سلمي قالت تمام هتشوفك بس بعد الاستاذ تقدر تيجي تدفع

حسان….بابتسامه تمام اتفضلي

قرب حسان منها دفع المبلغ بتاع الكشف

البنت….اسم حضرتك

حسان….بابتسامه محمد

البنت….تمام يا استاذ محمد اتفضل اقعد لحد ما يجي دورك

حسان….تمام شكراً ليكي

البنت…..العفو

قعد حسان يلعب في الموبايل بعد حوالي 20 دقيقه خرجت المريضه اللي كانت جوه

قامت البنت و هي معاها الورقه بتاعت حسانحلت و نادت علي المريض الاخير

البنت…..دي بتاعت الاستاذ و دي بتاعت الاستاذ اللي بره

سلمي…..تمام يا مها بصي بعد ما اخلص مع الاستاذ تكوني قفلتي المكان ولو حابه تمشي امشي انتي اصلا هو يادوب الحاله الاخيره كشف و انتي كمان يا سها خلصي معايا و امشي

سها….تمام يا دكتور بس مش هتحتاجيني في الحاله الاخيره

سلمي….لا و كمان روحي جهزي نفسك انا مش محتاجلك الوقت خلاص انا هاخد بس مقاسات مش اكتر

سها….تمام يا دكتور يلا بعد اذنك

خرجوا البنتين و راحت سها المساعده بتاعتها في غرفه الكشف قلعت البالطوا و سلمت علي البنت التانيه و مشيت

وراحت البنت التانيه قفلت العياده كويس و خلصت و استنت تدخل اخر حاله اللي هي حسان.

البنت….استاذ محمد حضرتك اجهز عشان هتدخل بعد الحاله اللي جوه

حسان….تمام

ابتسم حسان بحماس و كان متحمس جداً يشوف رد فعل سلمي اول ما تشوفوا

سلمي جوه مشكتش لحظه في اسمه اللي مكتوب علي الورقه و هو تعمد يقول اسمه الحقيقي لانه عارف ان هي مش هتركز وكان ممكن تشك لو كتب حسان.

بعد حوالي عشر دقايق خرج المريض الاخير

البنت….قامت مع حسان اتفضل يا استاذ محمد

ابتسم حسان وقام بهدوء قرب من الباب بتاع غرفة الكشف كانت قاعده علي مكتبها بتكتب حاجه.

مها…..اتفضل دكتور دي المفتايح بتاعت حضرتك

سلمي….تمام يا مها رفعت راسها بهدوء و هي بتقوم تقف كان مرسوم علي وشها ابتسامه هاديه اول ما لمحت حسان وقفت مصدومه و اتسمرت في مكانها

ابتسم حسان و غمزلها

حسان…..بابتسامه جميله مساء الخير يا دكتور

سلمي….بتوتر بصتلوا و بصت للبنت اااااا مساء الخير بصت علي الورقه وبصتلوا ااااا استاذ محمد احممم

حسان….بابتسامه تجنن اسف لو عطلتك يا دكتور بس اكيد مش هاخد من وقتك كتير

سلمي….ااااا لا لا عادي اتفضل لا استني حضرتك خليك هنا

حسان….بابتسامه ليه مش هروح اقعد علي الكرسي عشان اكشف

سلمي…..ااااا هو حضرتك بتشتكي من ايه

حسان….يعني وجع في ضرسي و غالباً عندي التهاب

البنت…..حست ان سلمي مش علي طبيعتها دكتور سلمي تحبي افضل مع حضرتك

سلمي….هااا لا لا روحي انتي يت مها بس قبل ما تمشي هاتي فلوس الكشف لاستاذ محمد

البنت….باستغراب تمام

خرجت البنت و سابتهم

وهو واقف يضحك بهدوء علي منظرها

سلمي….انت بتعمل ايه هنا ؟

حسان…..ايه مريض و جاي يكشف

سلمي…..مريض ايه انت بتهرج انا قولتلك اياك تعمل كده

حسان…..بقي بالذمه دي مقابله تقابليني بيها بعد غياب كام يوم ايه موحشتكيش

سلمي….بتوتر ابتسمت حسان متهرجش انت هتاخد فلوسك و هتمشي من هنا

حسان….امشي لا امشي ايه انا جاي اكشف

سلمب….استني هنا انت رايح فين

حسان…..عايز اجرب الكرسي

سلمي…..بضحكة توتر و صدمه كرسي ايه اللي تجربه قوم قوم

حسان….بابتسامه وهو بيقعد علي الكرسي يلا يا دكتور قومي شوفي شغلك

دخلت البنت بصت علي حسان كان قاعد علي الكرسي و مديها ضهره بصت علي سلمي كانت واقفه عند المكتب و بصاله بصدمه

البنت….قربت منها بهدوء وهي بتتكلم بهمس دكتور هو في اي مشكله؟

سلمي….بهمس هااااا لا لا خالص انا بس تعبت و عايزه اروح

البنت….اصل حسيت ان في مشكله مع الاستاذ و قلقت بصراحه علي حضرتك

سلمي….لا خالص يا مها مفيش المهم فين حق الكشف

البنت….اهو بس هو ليه حضرتك هترجعيه

سلمي…..عادي ده مجرد كشف سريع وعلاج مش مستاهله يعني اخد منه حق الكشف و بعدين لما نبدأ شغل معاه يبقي يدفع وقتها

البنت….طيب اللي حضرتك تشوفيه طيب بخوص المشي امشي ولا استني

سلمي….بتفكير اااااا لا لا بصت علي حسان و هو نايم علي الكرسي لا خلاص امشي انتي يا مها بس اكدي علي كل حاجه عشان اقفل بس الباب وانا ماشيه.

مها…..تمام يا دكتور بعد اذنك

خرجت مها و فضلت سلمي واقفه في مكانها متلغبطه و متوتره ومش عارفه تعمل ايه

لف حسان وشه بالجنب من غير ما يبصلها

حسان….ايه يا دكتور مش يلا

سلمي….اااااا تمام حالا

مسكت الجلافز و الماسك في ايدها و راحت عليه بهدوء سحبت الكرسي بتاعها وقعدت بعيد شويه عنه

حسان….بابتسامه ايه هتكشي في عليا و انتي بعيد كده

سلمي….اااا حسان انت جاي تهرج صح

حسان….بضحكه جميله انا لا خالص انا جاي اكشف

سلمي…..تكشف علي ايه انت سنانك كلها كويس و اتفضل

فتحت ايده و حطت الفلوس

سلمي….فلوسك اهي

حسان….لا معلش انا جاي اكشف

سلمي…..وانا مش هاخد فلوس

حسان……ليه انتي اول كشف مش بتاخدي عليه فلوس والله طلعتي دكتوره طيبه اوي

سلمي….بضحك هو انت ممكن تقوم من علي الكرسي

حسان…..لا معلش انا مبسوط كده و بعدين مش لما تكشفي عليا

سلمي…..بصوت واطي و هي بتضحك هو انت ايه اللي جرالك كنت عاقل مين اللي جننك كده بقولك ايه متقعدش مع سلامه كتير

حسان…..ايه اللي جرالي كل ده عشان عايز اكشف

سلمي…..لا بس انت كويس

حسان…..انتي ايه اللي عرفك مش لما تكشفي عليا الاول تبقي تقولي كويس ولا تعبان بقولك ايه شوفي شغلك يادكتور بدل ما اروح وزارة الصحه اقدم فيكي بلاغ اقولهم بترجعلي تمن الكشف و مش عايزه تكشف عليا و بتكدبني و بتقول اني كويس

سلمي….بضحك حسان بلاش جنان و بعدين انا متوتره بجد و مش هعرف اكشف عليك

حسان…..لا ده انتي طلعتي دكتوره علي قدك بقي بالذمه في دكتوره تتوتر من المرضي بتوعها

سلمي…..مش لو كانوا مرضي بجد

حسان….خلاص اكشفي عليا و الفيصل بينك و بيني هو كشفك

بصتلوا بتوتر و لغبطه و هي مبتسمه

حسان….بابتسامه جميله يلا يلا ربنا يهديكي خدي نفس طويل و شوفي شغلك

سلمي…..علي فكره في حقن و في كماشات وفي حجات مرعبه انت مش خايف

حسان…..من غير ما يبصلها لا يلا و اعملي حسابك مش هقوم من الكرسي ده غير لما تكشفي عليا

اتنهدت بقلة حيله لبست الجلافز و الماسك و قربت ايدها من النور اللي فوقه عشان ينور

سلمي…..اااااا افتح بوئك

بصلها حسان و ضحك ضحكه جميله

حسان….ايه هتكشفي عليا عن بعد مش تقربي شويه

بصت سلمي عليه و هو نايم علي الكرسي القميص مفتوح و عضلاته باينه

غمضت عينها بهدوء عشان تهدأ

سلمي…احمممم تمام

قربت بهدوء الكرسي و فضلت تمشي بالعجل لحد ما قربت شويه

بصلها حسان و مد ايده سحب الكرسي اكتر مسكت بسرعه سلمي في كتفه و هي متوتره

حسان….بنظره طويله في عينها اهو كده هتقدري تكشفي اكتر

سلمي…..ااااا تمام تمام

حسان….يلا اعمل ايه

سلمي….ااااا مش عارفه

حسان….بضحكة جميله نسيتي شغاك ولا ايه يا دكتور

سلمي….علي فكره انت موترني

حسان….ليه بس ده قاعد لا حول بيا ولا قوه و هموت من التعب

سلمي….انت بتكدب يا حسان

حسان….بابتسامه طيب اكشفي و شويف بنفسك

سلمي…..تمام يلا افتح بوئك و افتكر انت اللي جيبته لنفسك

حسان…..بضحك تمام يلا

فتح حسان بوئه قربت سلمي منه اكتر و هي متوتره و مدت ايدها بهدوء و هي ماسكه الاداه بتاعت الكشف كانت حاسه بنظراته رفعت عينها بهدوء بصتلوا وبعدين بسؤعه بعدت عينها عنه رفع كفه و مسك ايدها.

سلمي….ااااااا ايوه و بعدين

حسان….بابتسامه ايه خايف عادي يعني انا متعود لما اكشف علي سناني امسك ايد الدكتور

سلمي…..بابتسامه و انا اكشف ازاي بقي

حسان….معلش اتحمليني شويه بقولك بخاف

سلمي….بهدوء اللهم طولك يا روح

رجعت تبص تاني في المرايه الصغيره اللي في الاداه اللي معاها كان في ايده مناديل خد منهم واحد و مسجلها العرق اللي في قورتها

بصتلوا سلمي بهدوء

حسان….بابتسامه بساعدك يا دكتور شكلك متوتر

سلمي…ااااا طيب نزل ايدك عشان اعرف اكشف عليك

ابتسم و نزل ايده
مالت براسها حاجه بسيطه و رجعت بصت عليه تاني قربها منه بالطريقه دي ريحة البريفيوم بتاعه قميصه المفتوح خلوها فقدت السيطره بجد و مبقتش عارفه تعمل اي حاجه

ابتسم حسان و رفع ايده بعد ايدها عنه و فضل ماسك كفها و بأيده التانيه نزل الماسك اللي علي بوئها و بصلها كانت متوتره اوي و ضربات قلبها سريعه و بان ده علي نفسها

حسان…..بهدوء اهدي متوتره ليه كده

سلمي….ااااااا حسان ااا انت كويس علي فكره و مش فيك اي حاجه

حسان…..بهدوء عارف

سلمي…..طيب امال جيت ليه

حسان…..هو لازم اكون تعبان

سلمي…..ااااا يعني اي حد بيجي هنا بيكون تعبان

قام حسان مره واحده بعدت هي شويه بالكرسي قعد حسان و سحب الكرسي اللي هي قاعده عليه قربها منه تاني

حست انها اتخطفت و بصتلوا بصدمه و فقدت النطق تقريباً

سلمي…اااااا حسان

حسان…..مينفعش يعني اجي هنا عسان وحشتيني مثلاً

سلمي….هااااا

حسان….بنظره جميله مسك ايدها شال الجلافز عنهم و مسك ايدها كانت متلجه مالك ايدك ليه ساقعه كده

سلمي…..اااااا مفيش انا تمام

حبت تسحب ايدها عشان تقوم مسكها بقوه و سحبها مره تانيه بقت تقريباً محجوزه بين رجله

سلمي……وشها جاب الوان اااا حسان

حسان…..ايه موحشتكيش

سلمي…..بتوهان من نظراته وحركاته اللي هي مش متعوده عليها منه وحشتني اوي ااااااا لا يعني اقصد

حسان….بابتسامه لا خلاص انا باخد ديماً الاجابه الاولي

سلمي…..بصت لتحت بإحراج حسان انت مش كويس خالص انهارده

حسان….بالعكس انا كويس اوي انتي اللي مش كويسه

سلمي….فضلت منزله وشها لتحت و مش قادره ترفع عينها ليه و هي قاعده قريبه منه بالشكل ده انت ملغبطني و موترني

حسان…..ليه بس كل دن عشان جيت اشوفك

سلمي…..بزعل اصلا يعني انت لو عايز تشوفني او تسأل عني كنت عملت كده من الاول احنا داخلين علي اسبوع تقريباً من بعد ما رجعنا و انت مسألتش

حسان…..طيب ما انتي كمان مسألتيش علي الاقل انا جيت عشان اشوفك و ده طبعاً بعد ما فقدت الامل في انك تسألي

سلمي….ااااا ماهو انا معرفتش

حسان…..بهدوء و ابتسامه تجنن و هو بيحرك صوابعه علي كفها برقه ليه معرفتيش يعني رساله او سؤال سريع علي الموبايل مانوا صعبين اوي كده

سلمي….ااااا لا بس مكنتش عارفه رد فعلك

حسان….بهدوء رد فعلي في ايه ؟ انك تسألي عني اكيد كنت هبقي مبسوط

سلمي….بس يعني انت لو كنت سألت كنت هعرف اسأل بس انت اختفيت خالص

حسان…..طيب ليه محاولتيش تعرفي انا اختفيت ليه او ليه مسالتيش اي حد

سلمي…..معرفش بس كنت هسأل مين

حسان……لو كنتي بعتي رساله واحده كنت هقولك و اكيد كنت هقدر اخد الخطوه و اتصل انا بيكي

سلمي….هو انت يعني كنت مستني رساله

حسان…..اه كنت مستني رساله عارفه ليه

سلمي….ليه

حسان…..لان انتي قولتي ان بابا ميعرفش بوجودنا معاكم و انا مقدرتش اتصل او ابعت رساله و خوفت اعملك اي مشكله كمان مكنتش عارف مواعيدك يعني لو عارف بتنزلي امته بترجعي امته مشغوله ولا لا كنت كلمتك بس انا محبتش اكون سبب في مشكله بينك و بين بباكي و كمان معرفش انتي قولتيلوا ولا لا فهمتي

سلمي…..فهمت انا بس كنت فكراك يعني خلاص رجعت لحياتك و اتشغلت و فكرت يعني انك مش هتسأل تاني و لا حتي هنشوفك

حسان…..بابتسامه و انتي فاكره ان كده يعني خلاص مجرد اسبوع قضيناه سوا كلنا و كل واحد فينا هيروح لحاله

سلمي….ده اللي فهمتوا و اختفائك هو اللي اكدلي ده قولت يعني في حاجه اكيد شغلتك خلاص

حسان…..مفيش غير هنا و بعدين هنا قعدت معايا يوم ورجعتها تاني عشان كان عندها دكتور

سلمي….انا اكيد مقصدش هنا دي بنتك وليها حق عليك بس اكيد كمان مش هنا سبب اختفائك كل المده دي

حسان….بنظره جميله امال مين

سلمي…ااااا معرفش شوف انت

حسان…..بصي يا سلمي مفيش اي حاجه تخليني اختفي الا لو كان في سبب لو تقصدي يعني اني اختفيت عشان حد.معين تبقي غلطانه

سلمي…..اااا لا انا مقولتش كده وبعدين اكيد انت حر في حياتك انا مش بحاسبك

حسان…..شايفه كده

سلمي بهدوء من غير ما تبصلوا هزت راسها

حسان……بابتسامه رفع حاجبه طيب بصي انتي عارفه انك غاليه عندي و بعدين احنا بقينا صحاب انا هتكلم معاكي بصراحه ايوه في حد هو اللي كان شاغلنب الفتره اللي فاتت دي عنك و عن الشباب و عن هنا وكل الدنيا

رفعت عينها بهدوء و بصتلوا

حسان…..بصراحه يعني يا سلمي في بنوته كده انا معجب بيها يمكن من قبل ما نسافر انا والشباب كمان بس مكنتش اتكلمت معاها و لما رجعنا شوفتها بالصدفه ومن يومها وهي واخده كل حياتي عشان كده اتشغلت شويه

بصتلوا سلمي بصدمه نظراتها ايه كانت مصدومه بجد سحبت ايدها براحه من ايده و قامت و هي متوتره جداً

ابتسم حسان و قام وراها بسرعه مسك ايدها وقفت سلمي ضهرها للحيطه

حسان…..بابتسامه بالذمه مقتنعه بقي بكلامك انت حر و دي حياتك بعد قلبة الوش دي

بصتلوا بتوتر اكبر و لغبطه اكبر و وشها جاب الوان و حصت بالاحراج لما فضحت نفسها قدامه

حسان….ايه القطه كلت لسانك ما تردي

سلمي…..انت اااااا يعني تقصد ايه

حسان…..بهزر اكيد بشتغلك وانتي صدقتي مفيش حد كان شاغلني عنك يا سلمي و زي ما قولتلك انا خوفت اعملك مشكله مش اكتر و كنت مستني منك رساله مكالمه تخليني اقدر اتواصل معاكي بس لما ده محصلش خوفت يكون عندك مشكله فهمتي

سلمي….طيب و ايه بقي اااا اللي غير رأيك

حسان….قولتهالك اول ما جيت وحشتيني و مقدرتش افضل بعيد كتير

سلمي…..بابتسامه بسيطه وهي عينها رايحه جايه ااااا وحشتك ازاي يعني

حسان….ايه هو انا موحشتكيش

سلمي….ااا لا اكيد وحشتني انت والشباب و كنت مفتقداكم وووو

حسان….انا ..انا يا سلمي بتكلم عني انا و حشتك ولا لا

بصتلوا سلمي بتوتر و نظره عتاب

سلمي…..بس انا زعلانه منك اوي

حسان…..بنظره جميله حط ايده علي شعرها بهدوء عارف و يمكن انا كمان كنت زعلان منك اكتر عشان مسألتيش

سلمي….بس انت اللي المفروض تسأل انت الراجل

حسان…..بابتيامه تجنن معاكي حق بس كمان قولتلك السبب انتي بقي مسألتيش عشان انتي البنت و لا عشان في سبب تاني

سلمي…..مفيش سبب بس يعني حسيت انك خلاص رجعت لحياتك و لاحظه حسيت ان انا والبنات كنا مجرد فتره مش اكتر

حسان…..طيب ليه متصلتيش تسألي حتي من باب اننا كلنا مع بعض عيش وملح كان في بينا ايام حلوه

سلمي….ااااا اتحرجت مكنتش عارفه اتصل اقولك ايه

حسان……بابتسامه تجنن كان كفايه اسمع ارتابكك ده و انا هفهم لوحدي اني و حشتك سلمي انتي و حشتيني اوي و كنت هتجنن واسمع صوتك او اشوفك يمكن لحد ما رجعنا كنت فاكر ان اللغبطه و المشاعر اللي جوايا دي مجرد مشاعر وهميه هتروح لحالها لما ارجع لحياتي بس اكتشفت اني كنت غلطان و اتأكدت الوقت لما شوفتك ان مشاعري دي مكانتش مجرد وقت

سلمي….ااااااا حسان انت بتقول ايه تقصد ايه بمشاعرك

حسان…..انتي فهماني كويس يا سلمي زي ما انا فاهمك و حاسس باللي بيحصل بجواكي الوقت صح ولا انا غلطان؟

بصتلوا سلمي ابتسمت بتوتر فظيع و لمح رعشه بسيطه في شفايفها

نزلت عينها لتحت واتكسفت جداً

رفع دقنها بأيده بهدوء

حسان….ردي عليا في لغبطه جواكي ولا لا؟

هزت راسها بهدوء بأيوه و هي بتلعب في صوابعها بتوتر

حسان….بابتسامه و ايه هي اللغبطه دي بقي

سلمي….اااا حسان

حسان…..عيون حسان

سلمي…..بابتسامه و عيون بتلمع انت وحشتني علي فكره و كنت زعلانه منك بجد بس لما شوفتك الزعل راح

حسان…..و حشتك اوي

سلمي…..اوي

حسان…..طيب الدموع اللي في عينك دي عشان واحشك ولا عشان زعلانه مني

ابتسمت سلمي و بعدت و شها عنه و نزلت دموعها

ابتسم حسان و حط كفه وراء راسها وقربها من صدره

عيطت اكتر

حسان…..بحب ابتسم خلاص خلاص بطلي عياط انا اسف و الله العظيم اسف كنت خايف يا سلمي اعملك مشكله و كنت خايف احساسي يطلع غلط و اللي جواكي ليا يطاع مش نفس اللي جوايا ليكي

بعدت عنه سلمي بهدوء و بصتلوا

سلمي…..و اتأكدت

حسان….بنظره تجنن بحبك يا سلمي

بصتلوا بصدمه و ابتسمت بهدوء من وسط دموعها

ابتسم حسان ابتسامه تجنن و ضمها بكل قوته

سلمي….بهمس و انا بحبك كمان

بعد عنها بسرعه وبصلها بصدمه

حسان….انتي قولتي ايه

ضحكت سلمي باحراج و بعدت وشها

حسان….لا لا مش وفت احراج خالص قولتي ايه

سلمي…..انت سمعت خلاص

حسان….لا انا مخدتش بالي قولي تاني عشان خاطري

سلمي…..بحبك

ضحك حسان ورفع وسه لفوق و رجع ضمها لامره الثالثه وهو بيخرج من جواه نفس طويل

حسان….بقولك ايه يلا معايا

سلمي….يلا فين

حسان…..هو ايه اللي يلا فين انتي فاكره اني هسيبك انهارده هنخرج طبعاً

سلمي…..اااا مش هعرف طيب بابا هقولوا انا فين

حسان….مليش دعوه تكدبي تقزلي الصراحه اكلموا انا اللي عيزاه هيحصل بس انا مش هسيبك

سلمي….بضحكة جميله حسان بلاش جنان الساعه تسعه

حسان….يارب تبقي الساعه بكره حتي يلا بينا

سلمي….طيب اقوله ايه

حسان…..لو قولتيلوا انك معايا هيقولك ايه

سلمي…ااااا بتوتر معرفش

حسان….يعني هيقبل هيرفض هيزعل هيتعصب

سلمي….هو ولا هيزعل ولا هيتعصب ده اكيد

حسان….يعني يا اما يقبل او يرفض

سلمي…..اه

حسان….يبقي قوليلوا و متعمليش حاجه من وراه

سلمي….طيب و لو رفض

حسان…..يبقي انا مش هخليه يرفض تاني ابداً

سلمي….هتعمل ايه؟

حسان….بابتسامه جميله مش هبعد عنك تاني ابداً بطريقه ترضيه و ترضينا كمان

سلمي….بابتسامه تمام

حسان….يلا خلينا ننزل

خدت سلمي حاجتها و قفلت اامكان هي و حسان و نزلوا علي تحت بعدت شويه عنه و كلمت والدها.

احمد…..ايوه يا حبيبتي

سلمي….بتوتر واصح اااا اخبارك ايه يا حبيبي

احمد…..الحمد لله انتي عامله ايه والشغل عامل ايه يا دكتوره

سلمي…..بخير الحمد لله يا حبيبي هو تامر معاك ولا لوحدك

احمد…..لا في شغلوا لسه و ايه كمان في شغلها

سلمي…..ااااا طيب حصرتك بتعمل ايه

احمد….ولا حاجه بتفرج علي التلفزيون بس هنزل الوقت عمك محمد ابو ايمي قالي اروح اقعد معاه شويه عايز يغلبني في الطاوله واسهر معاه شويه

سلمي….بابتسامه جميله طيب كويس روح غير جو

احمد…..طيب قوليلي بقي القمر بتاعي متوتر ليه حاسس كده انك عايزه تقوليلي حاجه

سلمي….بابتسامه اااا ه. حضرتك عرفت ازاي

احمد….يعني عيب تسألي ابوكي حبيبك عرف ازاي ده انا بفهمك انتي واخواتم اول ما تقولوا بس الووو
صح ولا لا

سلمي….ااااا صح اكيد

احمد….طيب قوليلي بقي في ايه عامله عامله و لا عايزه تطلبي حاجه

سلمي….اااابصراحه عايزه اطلب حاجه

احمد…..اطلبي يا حبيبتي

سلمي….اااا يعني ااااا ماهو انا مش عارفه اقولك ايه بصراحه طيب هو انا ينفع اقفل و ابعتلك مسدچ

احمد…..بضحكه جميله يااااااه هو الموضوع محرج اوي كده لا يا ستي مس هينفع عشان انا بنتي حبيبتي ادام اتصلت و قررت انها تقول اللي جواها لابوها تبقي قويه وجريئه و لازم تكملي و بعدين هو انتي عندك كام سنه يا سلمي

سلمي….بأبتسامه 32

احمد…..طيب يعني كبيره و عاقله وناضجه و بثق فيكي و عارف انك متربيه و محترمه و اياً كان الطلب اللي هتطلبيه مخليكي متوتره كده هوافق عليه لان انا بنتي مش بتغلط

سلمي…..مش لما تسمع الطلب طيب

احمد….بابتسامه تقدري تقولي اني فهمته شويه بس يلا احب اسمعه

سلمي…..طيب فهمت ايه

احمد….لا يمكن يطلع غلط قولي انتي يلا سامعك

سلمي….اااا بابا هو يعني انا حكيتلك علي موضوع السفر واللي حصل فيه و كمان يعني قولتلك قد ايه الشباب كانوا كويسين جداً

احمد…..بضحكه جميله اه و قولتي كمان انك كسبتي اخوات و اصدقاء بس يعني توترك ده بيقول ان الموضوع اكبر شويه من اخوات و اصدقاء

ابتسمت سلمي باحراج

احمد…..و ضحكتي يبقي كلامي صح قوليلي بقي ايه الحكايه

سلمي….اااا يعني هو فيهم واحد بص هو محترم جداً وده اللي قولت لحضرتك عنه انه بيشبهك كتير اوي هو يعني كان جالي في العياده وسلم عليا وووو يعني

احمد…..متبعديش سلمي و اختاري مكان يكون قريب و في ناس و ياريت متتأخريش اوي

سلمي….بابتسامه جميله هو انت عارف اني بحبك اوي و بحس انك صاحبي مش ابويا لانك بتفهمني و بتحس بيا

احمد…..بحب عارف و انا بثق فيكي يا سلمي و عارف ان تفكيرك اكبر من سنك بكتير و بحترم صراحتك و و بحترم طريقتك و عقلك و حتي اختياراتك بس خدي بالك انتي هتحكيلي كل حاجه

سلمي….بحب اكيد يا حبيبي و بحبك بجد يا اعظم راجل في الدنيا

احمد…..ربنا يحميكي و يحفظك انتي واخواتك خدي بالك علي نفسك و لما تحكيلي كل حاجه يعني ياريت ابقي اشوفه

سلمي….اكيد يا حبيبي

احمد….يلا روحي عشان متتأخريش

سلمي….اااا طيب بابا الساعه الوقت تسعه ونص ارجع امته

احمد…انا هرجع البيت علي 12 يا سلمي ياريت لما ارجع تكوني موجوده

سلمي…..بحبك

احمد….بابتسامه وانا بحبك

قفلت سلمي مع والدها و هي عينها بتطلع قلوب قربت من حسان

حسان…..بترقب ايه قالك ايه

سلمي….بابتسامه قالي انه خارج رايح لامكل محمد والد ايمي و هيرجع علي 12 و عايز لما يرجع اكون في البيت

حسان….بنظره جميله و ابتسامه اجمل ساعه بالظبط و هتكوني في البيت و في اقرب وقت هتكوني معايا علي طول

سلمي…..اااا بس الساعه تسعه ونص ممكن منلحقش انا لسه هروح ميدنتي يعني فيها ساعه الا ربع

حسان…..مش مهم الراجل وثق فيا قبل ما يثق فيكي و انا مستحيل اخون ثقته دي ابداً و بجد انتي عندك اب لازم تحطيه فوق راسك مس بس عشان هو متفاهم عشان خلاكي تكوني قمر كده و مش بتعرف تكدب و بتحترمي بباكي

سلمي….بسعاده طيب هنروح فين

حسان….انا جيت انهارده من غير معاد و شغلك خد الوقت كله و اكيد مش هنعرف نروح مكان بعيد احنا هنشوف اقرب مكان و نقعد فيه شويه و انا راضي جداً

سلمي…..شكراً انك فهمت

حسان…..شكراً للقدر اللي خلاني اقابلك يا احلي سلمي في الدنيا يلا اركبي بسرعه بقي عشان مش معانا وقت

فتحلها الباب و جري بسرعه ركب و طلع بالعربيه.

بصت عليه سلمي و ابتسمت وهي طايره من السعاده.

……………

الوضع بقي عند سلامه و ايه مختلف اكتر بكتير عن كل ابطالنا.

اتحرك سلامه في نفس الوقت اللي تقريباً كل الشباب اتحركوا فيه و اللي هو بين الساعه سبعه ونص ل 8

وصل سلامه قدام المحل بتاعها و بص كده من بره قبل ما ينزل المحل كان مساحته الاكبر في طوله فا كانت باينه من بعيد شويه

المحل كانت الوانه جميله و مليان رسومات كلاب و قطط علي الحوائط و ظاهر قدامه ان في بيوت للكلاب و زحليقه صغننه و هي قاعده بعيد علي بتنضف المكان اللي بتحلق للكلاب عليه قامت من مكانها اول ما شافها ضحك كانت لابسه سلوبت كده بتاع الشغل

سلامه…..بضحك ايه اللي انتي لبساه ده صندوق.

راحت علب الناحيه الشمال و طبعاً هو مشافش هي دخلت فين او ايه المكان اللي في وشها

نزل بهدوء و هو لسه عينه علي المكان لمح شاب مش كبير يعني في العشرينات خارج من نفس المكان و و بعدين هي خرجت وراه رفع حاجبه بغيره

سلامه…..نهارك اسود مين ده يا بت

وقف ثواني الشباب ده جنبها كانت هي بتتكلم وهو عمال يهز راسه و ثواني بالظبط و خرج بره المحل و ركب عجله و مشي

دخلت تاني علي نفس المكان و اختفت شويه

ابتسم سلامه بهدوء و قرب من باب المحال دفعه بهدوء و اول ما دخل سمع صوت اغاني لكن علي غير العادي كانت اغنيه حزينه لعمرو دياب (قاللي الوداع)

اتحرك بهدوء علي جوه و هو بيضحك و عينه كانت علي المكان اللي هي بتخرج منه بص حواليه شمال و يمين كان في كلاب صغيره في قلب البيوت بتاعتهم و كلب كبير اول ما شافه هوهو بصوت عالي.

سلامه….بهمس يا حيوان قطعت خلفي

مشي علي جوه لحد ما وصل و هو عنده فضول يعرف هي بتدخل فين

لمح قدام المكان اللي هي بتحلق فيه ركن كده صغير فيه البانيو اللي بتحمي فيه الكلاب و كانت تقريباً بتنضفه

وقف بهدوء و ابتسم و هو شايفها من ضهرها قرب شويه و وقف

سلامه…..قاللي الوداع يا سرسجيه يا بتاعت المهرجانات

بصت بسرعه وراها و اول ما شافت سلامه تنحت و اتصدمت

سلامه….بضحكه جميله خدي بالك انا زعلان بس هعديها و انا احسن منك

بصتلوا ايه بنظره حزن و ملامح طفوليه لاول مره يشوفها كان باين عليها الزعل بجد حطت ايدها الاثنين علي وشها و عيطت من قلبها و هي بتسند ضهرها علي البانيو اللي وراها

ابتسم سلامه و كان فاكرها مخضوضه او مصدومه متوقعش انها بتعيط

سلامه……بضحكه جميله ايه اتخضيتي و لت مش عايزه توريني و شك و مكسوفه اااااه ماهو مكانش عيش وملح قرب منها و هو بيضحك و مد ايده يشيل ايدها

اول ما شافها اتصدم

سلامه……ايه انتي بتعيطي

و من غير سابق انذار و لا توقع لسلامه لفت ايدها بسرعه علي رقبته و كملت عياط

سلامه….بصدمه و هو مبتسم ايه ده ايه ده ايه ده في ايه طيب اهدي مالك

فضلت تعيط و هي ماسكه فيه بقوه

سلامه…..يويو ايه يا قلبي مالك طيب اهدي عشان خاطري انتي كنتي مستنياني عشان تعيطي ولا ايه

مردتش وفضلت تعيط عياط مش طبيعي

سلامه…..طيب انتي اتخضيتي و لا ايه فهميني طيب في حد ضايقك في حد عملك حاجه مين الواد اللي كان هنا ده انا شوفته وانتي بتتكلمي معاه عملك ايه عرفيني

هزت راسها بلا

سلامه…..طيب مالك يا قلبي ايه العياط ده كله طيب بصي وريني وشك طيب

هزت راسها بلأ

ضمها بهدوء اكتر

سلامه……طيب خلاص بااااااس اهدي اهدي فضل يطبطب علي ضهرها و يمشي ايده عليها مين عمل فيكي ايه طيب لا كون وحشتك و انا معرفش يا هبله

هزت راسها بقوه بأيوه

ابتسم سلامه و ضحك ضحكه عبيطه

سلامه…..نهار اسود و منيل وحشتك بجد يعني كل العياط ده عشان وحشتك

بعدت عنه و بعدته بأيدها في كتفه و هي بتمسح دموعها

سلامه….بابتسامه ايه يا مجنونه في ايه ما كنا حلوين

ايه….بزعل عايز ايه يا سلامه؟

سلامه….عايز ايه ابداً كنت ماشي بالعربيه قولت ادخل اشوفكم بتبيعوا لبنان سحري و لا لا

ايه…..بجديه غير مسبوقه انا مش بهزر انت جاي ليه

سلامه….باستغراب ده الموضوع بجد بقي انتي زعلانه و لا حد مضايقك ولا وحشتك ولا ايه بالظبط

ايه….و بتسأل ليه يخصك يعني

سلامه…..ايه انتي كويسه ؟

ايه…..يخصك في ايه بردوا كويسه ولا مش كويسه انت مالك اصلا

سلامه…..مالي !! لا انتي مش طبيعيه انهارده وانا لازم افهم مالك

ايه…..ليه لازم ؟ اخصك في حاجه؟

سلامه…..انتي شايفه ايه؟

ايه….بدموع و وجع فظيع ابداً انا شايفه واحد قضي اسبوع حلو مع ناس لا كان يعرفهم و لا يعرفوا اتبسط معاهم ضحك و هزر و ضيع وقته و اتسلي علي قد ما قدر و لما رجع اختفي وبعد و نسيهم و كمل حياته بس للاسف هما اتعودوا علي وجوده و كانوا بيفرحوا و هما بيقضوا وقتهم معاه
و لما رجعوا حسوا بغربه و حسوا انهم مفتقدينه و حسوا انه كان فارق معاهم بجد و يومهم من غيره مبقاش ليه طعم يوم طويل و كئيب مفيهوش اي تجديد طول الوقت ساكتين و حياتهم كأنها اتبدلت
من سعاده لحزن هو دخل حياتهم زود السعاده و بعدين بعد مره واحده وسحب السعاده كلها عرفت بقي انا شايفه ايه يا سلامه

بصلها سلامه بصدمه و ابتسامه هاديه

سلامه…..كل ده كان جواكي يا ايه وساكته ؟ يعني انا قولت انتي رجعتي اتشغلتي و نزلتي شغلك و مش فارق معاكي اي حد حتي الشات اللي انتي عملتيه بنفسك مش بتدخلي فيه و لما اتجمعنا كلنا واتكلمنا مدخلتيش ولما اي حد بيكون فاضي و يدخل يسلم بردوا مش بتدخلي مكنتش اعرف انك زعلانه كل الزعل ده

ايه…..صح هتعرف ازاي حاولت تعرف اصلا جربت تسأل او تبعت ماسدچ جربت تتصل مره ده انت يوم ما دخلت و اتجمعتوا كلكم زي ما بتقول دخلت تقول لكل البنات انهم وحشوك و قولتهم بالاسم و لما رشيد قالك بضحك و اشمعني ايه قولتله عادي هي مش موجوده صح انت صح لازم اكون في وشك عشان يبقي في بينا حوار وضحك و هزار لازم اكون في وشك عشان تسأل عني طيب لما سألوا عني كلهم و استغربوا اني مش موجوده ليه مسألتش ليه الكل سأل عني و كلموني و انت لأ ليه الكل بعتلي السلام و انت لا

سلامه….بابتسامه هاديه طيب ممكن تهدي انا اول مره اشوفك كده

ايه…..بدموع سلامه انا بجد مضايقه
منك اوي

سلامه…..طيب نتكلم بهدوء الاول و اللي انتي عيزاه بعد كده هيحصل

بصتلوا بزعل فظيع و هي دموعها نازله زي الاطفال و سكتت

سلامه…..بصي اولاً انا جاي و انا فاكر نفسي زعلان منك زعل كبير عشان نفس السبب تقريباً لا بتتكلمي و لا بتسألي و لا حتي اليوم اللي وصلنا فيه اتصلتي يعني توقعت تتصلي تشوفينا وصلنا ولا لا بس طبعاً لما شوفتك الوقت و شوفت الحاله اللي انتي فيها دي و اللي انا اول مره اشوفها حسيت ان زعلي منك كان عبيط

ايه….اه كان عبيط هو مش انت بتشوفني عيله صغيره مش بتشوفني صاحبه او اختك الصغيره طيب يا كبير يا عاقل مسألتش انت ليه علي اختك الصغيره

سلامه….بجديه بسيطه لحظه يا ايه انتي مش اختي ولا بشوفك صغيره يمكن اول ما عرفتك كنت بشوفك كده بس قبل ما نرجع بكام يوم و بعد ما رجعنا اكتشفت اني كنت غلطان و بيتهيألي الوضع اللي احنا فيه الوقت ده يأكدلي اني كنت غلطان فعلاً بصي يا ايه انا يمكن زعلي بالنسبه لزعلك و دموعك دي عبيط بس انا عند كلامي لسه زعلان و طبعاً هقولك زعلان ليه بعد ما اخلص كلامي اولاً انتي حقك تزعلي و اوي كمان بس اللي منعني عن سؤالي عنك مش اني اتشغلت و نسيتك ورجعت لحياتي زي ما قولتي اللي منعني هو خوفي اني اسببلك مشكله مع بباكي و اخوكي لان انتي و سلمي قولتوا انهم ميعرفوش اننا كنا معاكم في دهب في نفس البيت اختفائك التام خلاني حسيت ان احتمال يكون عندك مشكله فا مقدرتش اتصل او ابعت مسدچ كمان ايه اللي اعرفها اللي بتضحك و بتهزر و كانت قريبه مني اوي فجأه خدت جنب و محاولتش تنكشني ولا مره عشان احس انها مهتمه فا غصب عني تخيلت انك حابه المسافه دي

ايه…..انت لو تعرفني بجد زي ما بتقول كنت هتعرف اني عمري ما هحب المساحه دي لان دي مش شخصيتي اصلاً كمان اوعي تفكر ان قلقك من ان يحصل مسكله ده عذر لاني مش هعذرك يا سلامه اللي عايز يسأل بيسأل لو خايف بجد يكون في مشكله او اتصالك يعمل مشكله كنت اتصلت بأي حد من البنات يطمنك كنت قولت للشباب و هما يسألوا البنات و ابسط حد كان ممكن تسألوا نادين او حتي تطلب من عسال يسأل نادين بس انت معملتش كده انت رجعت لحياتك يا سلامه و محبتش تسأل اصلا

سلامه….انتي كده بتظلميني يا ايه لو ده صح انا ليه هنا

ايه…..صح اهو ده السؤال اللي عايزه اعرفوا انت ليه هنا ؟ هاااا ليه معملتش كده من الاول و تيجي و تسألني بنفسك و تعرف اذا كان في مشكله ولا لا بلاش بقي البنات و الشباب و اللفه دي كلها مجتش هنا ليه يا سلامه

سلامه….قولتلك يا ايه اختفائك انتي كمان كان سبب في اني افهم كل حاجه غلط و اتلغبط

ايه…..ده بجد والله

سلامه…..طيب انتي ليه مسألتيش يا ايه ليه مقولتيش مثلا انا هتصل مره عشان اشوف هيكلمني بعدها و لا هيطنش و هو فعلا رجع لحياته و اتشغل و نسي بقي الاسبوع بكل اللي فيه حلو وحش كل حاجه

ايه….بدموع عشان استنيتك انت اللي تسأل يا سلامه عشان مكنتش عارفه لما اتصل و هسأل عليك هتبقي حابب ده ولا لا اختفائك خلاني حسيت انك حابب كده مقدرتش

سلامه…..يعني عملتي اللي انا عملتوا يعني المفروض متزعليش مني بالشكل ده

ايه…..لت المفروض ازعل لان متوقعتهاش منك يا سلامه انا يمكن بضحك و بهزر و باخد علي الناس بسرعه و كنت قريبه منك زي ما كنت قريبه من الشباب كلهم بس انا معنديش جرأه اني اتكلم واسأل خصوصا لو دي اول مره لينا بعد ما رجعنا لكن انت المفروض كنت عملت ده انت الراجل يا سلامه

سلامه….خوفت اعملك مشكله والله العظيم

ايه….و انا مش هصدق اللي بتقولوا ده

سلامه….طيب اعمل ايه عشان تصدقي

ايه….متعملش حاجه وسيبني في حالي

سلامه…..امشي يعني

ابه….بدموع انا مقولتش امشي انت بتتلكك

ابتسم سلامه غصب عنه و بصلها بنظره جميله

سلامه….طيب هو انا ممكن أسال سؤال بسيط

ايه….بدموع لا مش عايزه اسمع صوتك

سلامه…..سؤال واحد صغنون

ايه…..افندم

سلامه…..هتردي ؟

ايه…..ما تخلص يا سلامه متعصبنيش

سلامه….طيب هتردي

ايه….اه هرد.

سلامه…..بنظره جميله هو العياط و الدموع دي كلها بسببي انا بس و لا يعني هتعملي كده كل ما تشوفي حد من الشباب

بصتلوا ايه بغيظ

سلامه….بضحك لا بلاش البصه دي ده مجرد سؤال

ايه…..وانا مش هرد عليك يا سلامه

سلامه….لا انتي قولتي هرد.علي فكره

ايه……عارف يا سلامه انا مشكلتي معاك ايه

سلامه….ايه

ايه….انك غبي و عقلك قد كده و مش بتعرف تفكر

سلامه…..بضحك شكراً شكراً بردوا هتردي

ايه….مش بقولك غبي

سلامه….طيب نغير السؤال ليه كل الدموع دي ؟

ايه….بدموع عشان اااااا سلامه امشي بالله عليك امشي

سلامه….بابتسامه جميله ايه عشان وحشتك مثلاً

بصتلوا ايه بدموع و رجعت عيطت تاني

ايه…..لا مش وحشتني

سلامه…..يا بت عيب عليكي بطلي كدب ده انتي اول ما شوفتيني عيطتي

ايه…..بغضب انت عايز ايه الوقت جاي ليه

سلامه……انا بصراحه جاي اخد منك سلامه الكلب لاني اكتشفت انك نكديه ولا تصلحي لتربيته و ده حيوان برئ و عايز يتدلع

ضحكت ايه غصب عنها و بعدت وشها عنه

سلامه….بضحكه جميله قرب منها و وقف قدامها علي طول انا اسف

ايه…..مش قابله اسفك وابعد كده مالك لازق فيا كده ليه

سلامه….بضحك يابت هاكلك بوكس في وشك

ايه…..انت عايز الوقت عشان مش فضيالك

سلامه…..وحشتك

بصتلوا ايه و بعدت عينها عنه

سلامه…..قرب وشها وحشتك

ايه….لا بعدت عينها تاني

سلامه….ابتسم ورجع وشها للمره الثالثه و حشتك

ايه بدموع هزت راسها وهي بصاله

سلامه….بتأثر ابتسم طيب وحشتك قد ايه؟

ايه…..بدموع مش عارفه و لا هقدر افهمك

سلامه…..قولي انا هفهم انا عن نفسي لا كنت طايق حد ولا طايق نفسي و مفتقدك كمل بابتسامه تجنن و كنت حاسس اني عايز اشوفك عشان اجي اديكي ميت قلم علي وشك عشان اكتشفت ان الكائن الصغير ده كان مهم في حياتي بطريقه انا نفسي مكنتش مقدرها انتي بقي كنتي حاسه بأيه

ايه…..بدموع كنت حاسه ان الدنيا كلها زي اوضه صغيره و ضيقه و العالم كله فيها وانا مش قادره اتنفس حتي سلامه انا مضايقه منك بجد

سلامه…..مسك وشها بايده الاثنين وباسها بهدوء من راسها و بعدين و ضم راسها لحضنه اسف و الله العظيم اسف ومن اللحظه دي مش هتتكرر تاني ابداً و قوليلي حالاً ايه اللي ممكن يرضيكي وانا هنفذه

ايه….مش عايزه حاجه

سلامه….يابت قولي بدل ما احطك علي التربيزه بتاعت الكلاب دي واحلقلك شعرك

ايه….بقولك ايه اتلم و خليك محترم و خد بالك انا مش طيقاك يعني ممكن ازعلك

سلامه…..يا بت ما انا جاي لحد عندك و بصالحك اهو خلي عندك دم بقي يلا قولي اصالحك ازاي

ايه….بإبتسامه عايزه اروح الملاهي

سلامه…..بصلها ورفع حاجبه نعم يا اختي ؟

ايه……ايه جوايا طاقه سلبيه لازم اخرجها عشان ارجع لطبيعتي

سلامه…..طيب يا يويو عايزه حاجه كنت جاي اسلم عليكي كده و اشوف الكلاب لو محتاجين حاجه

ايه….بضحك وااااااطي

سلامه….بابتسامه تجنن قرب منها وضم راسها بحب و باسها من راسها بهزر علي فكره انا عيوني ليكي و يلا بينا حالاً

ايه…..يلا بينا فين هنروح الوقت

سلامه….اه الوقت الساعه لسه 8 وربع

ايه…..انت جاي تكروتني ولا ايه مش هنلحق

سلامه…..هنبقي نروح تاني و يوم من اوله كمان بس الوقت نروح نغير جو شويه و اصلح غلطتي

ايه….بجد هنروح الوقت

سلامه….اه هنروح الوقت في الملاهي اللي هنا في التجمع و بعدين ايه العفريته اللي انتي لبساها دي

ايه….بضحك ده لبس الشغل

سلامه….بضحك بتشتغلي ميكانيكي كلاب ولا ايه

ايه…..بطل رخامه و بعدين ايه عرفيته دي اسمها سلوبيت او چامب سوت

سلامه…..لا مش دي انتي فاهمه غلط دي عفريته

ايه…..بضحك طيب يلا امشي بره عشان اغير

سلامه…..اه صحيح قفشها من قفاها

ايه….في ايه

سلامه….مين الواد اللي كان هنا ده

ايه…..بضحك ده هاني

سلامه….بضحك ده هاااااني احنا هنستظرف

ايه….بضحك والله اسمه هاني.

سلامه….ويطلع مين سي هاني ده

ايه….ده شاب بيشتغل معايا بس بيشتغل ثلاث ايام في الاسبوع يعني بيجي وقت ما بيكون في كلاب كبيره عشان يساعدني نرفعهم علي التربيزه او المكتب

سلامه….لا والنبي ايه مدير بنك يعني بيشتغل ثلاث ايام في الاسبوع

ايه…..لا علي فكره هو صغير ده لسه في اولي طب و بيشتغل مع الدراسه و هو مش هيقدر يشتغل طول الوقت و انا كده كده مش هحتاجه غير في ايام معينه بس طيب و محترم والله

سلامه….ماشي يا ام قلب كبير

ايه…..يلا اتكل علي الله خليني اقلع

سلامه….بتقلعي كده قدام هاني

ايه….بضحك لا بيخرج بره و بعدين اتلم شويه

سلامه…..ده انتي ايامك معايا سوده

خرج وسابها فضلت تضحك عليه و بعدين سحبت السوسته كانت لابسه توب كت مبين نص بطنها قلعت الكم بتاع السلوبيت

دخل سلامه عليها تاني

سلامه……البتاع ده بتاع مين

ايه……اخررررررج

ضحك سلامه وخرج جري

خلصت لبس بسرعه و بعدين خرجت ليه و هي مكشره

ايه….في حد يدخل علي حد و هو بيغير

سلامه…..وفي حد يغير كده من غير ما يكون في باب مقفول عليه عموماً انا هحلخا دي بس ليلتك سوده معايا المهم ايه البتاع ده

ايه….ده اسكيت

سلامه…..ما انا عارف انه اسكيت ده بتاع الكلاب يعني بتدربيهم عليه

ايه…..بضحك لا ده بتاعي انا يا رخم

سلامه….بابتسامه حماس بجد انتي بتعرفي تمشي بيه

ايه….اه طبعاً و المفروض اني كنت هلبسه الوقت واروح بيه تقدر تقول كده انه المواصله بتاعتي لحد البيت

سلامه….انتي مش معاكي عربيه

ايه….لا معايا بس مش باجي بيها الشغل لان الركنه الوحيده اللي فاضيه قدام المحل و بصراحه انا مش بحب احط العربيه قدام المحل بتقفلني بحب اشوف المكان واسع قدامي كمان عشان لو حد جه يجيب الكلب بتاعه يعرف يركن

سلامه…..ااااه فا بتركبي الاسكيت ده

ايه….بضحك ايه مزعلك في حاجه

سلامه….مزعلني ايه ده انا هموت و اجربه

ايه….بضحك بجد انت بتعرف تمشي بيه

سلامه….لا عمري ما جربته اصلا بس بشوف العيال بتجري بيه ببقي هموت والعب معاهم

ايه….بضحك سلامه انت عندك طفوله متأخره

سلامه…..علي اساس يعني اللي بيركبوا اطفال بس ما انتي بتركبيه و بشوف شباب كبيره كمان بتركبوا

ايه…..ايوه بس فرحتك بيه فرحة طفل

سلامه….بابتسامه عشان نفسي اجربه اوي

ايه….خلاص انا هخليك تجربه و لو تحب كمان اعلمك

سلامه….بسعاده ده بجد

ايه…..اه والله بس لازم تجيب واحد ده ااكيد مش هيجي مقاسك

سلامه….طيب اجيبه منين و بيبقي ليه اسم و لا عادي

ايه…..مقاس رجلك كام

سلامه…..43

ايه…..طيب خلاص سيبه عليا انا هجيبهولك و نلعب سوا

سلامه…..ماشي

ايه….هاتوا بقي معانا عشان لما اجي بكره يبقي معايا

سلامه……يلا انا هحطه في العربيه

ايه….اااا طيب تمام بقولك ايه اخرج و هاجي وراك

سلامه….اشمعني

ايه….يعني هتصل علي بابا اعرفوا

سلامه…..هتعرفيه انك جايه معايا

ايه….اه

سلامه….ده بجد طب افرضي قال لا

ايه…..يبقي لا ايه عندك اعتراض

سلامه…..بابتسامه لا طبعاً خلصي وتعالي يلا

ايه….اوك

خرج سلامه و اتصلت ايه علي احمد

ايه….الووو

احمد…..ايوه يا يويو

ايه….عامل ايه

احمد….الحمد لله انتي كويسه

ايه…اه كويسه الحمد لله هو ايه صوت المايه ده

احمد…..كنت بغسل كنكه القهوه يلا قفلت خلاص معاكي

ايه….اااا طيب بابا انا ممكن اطلب من حضرتك طلب لو مش هينفع خلاص

احمد…..اكيد اطلبي يا يويو انتي عايزه فلوس ولا ايه

ايه……لا لا فلوس ايه انا عايزه اخرج

احمد…..انتي خلصتي شغل

ايه….اه انهارده مكانش في شغل كتير مخلصه من الساعه سبعه تقريبا بس كنت بنضف المكان انا وهاني

احمد…..طيب يا حبيبتي اخرجي سلمي جايه معاكي ولا راحه لحد من البنات

ايه…اااات لا مفيش بنات

احمد….هو ايه اللي مفيش بنات خارجه لوحدك يعني

ايه….امممم ولا لوحدي

احمد…..بضحك امال ايه اوعي تقزلي خارجه مع هاني

ايه….بضحك لا مش هاني اااا بصراحه انا عايزه اروح الملاهي شويه

احمد…مع مين بقي

ايه…..اااا سلامه

احمد…..الكلب

ايه….بضحك فطست لا لا مش سلامه الكلب سلامه اللي جاب اللي كلب اللي حكيت لحضرتك عنه

احمد…اااااه طب وليه بقي

ايه…ااااا لو حضرتك مش حابب خلاص بلاش

احمد…لا انا مقولتش مش حابب انا بسأل السبب

ايه…..اااا عادي يعني هو جالي في المحل و لما عرف اني خلصت شغل سألني لو ينفع نقعد في مكان شويه و بصراحه انا اللي قولت علي الملاهي دي

احمد….ماشي يا ايه بس متتأخريش من فضلك

ايه…..حاضر والله بس بجد لو مش حابب انا مش هزعل

احمد…..انتي عارفه اني عمري ما رفضت ليكم طلب انتي واخواتك و سايبك براحتكم خالص لان عارف انا مربيكم ازاي و بثق فيكم بس مش عايزك تتأخري او الوقت يسرقك

ايه….لا هنروح الملاهي اللي في التجمع يعني قريبه و شويه و هروح

احمد…..ماشي بس ايه حكايه سي سلامه ده كمان

ايه….هااااا طيب يا بابا با حبيبي روح انت بقي عشان متأخرش

احمد…..بتوهي انتي و فكراني هنسي لما ترجعي

ايه….بابتسامه جميله لا مش بتوه بس اكيد يعني هحكيلك لما يبقي في حكايه

احمد….ماشي يا ستي و انا مستني

ايه…..بابا هو تامر عندك

احمد….لا في شغلوا

ايه….تحسن بردوا

احمد….بضحك ايه مش عيزاه يعرف

ايه…..بصراحه اه عشان علي طول بيرخم عليا

احمد….بيحبك و بيخاف عليكي ده ملوش غيرك انتي و سلمي

ايه….يا سلااام ما هو مش بيرخم علي سلمي كده

احمد…..عشان بيعتبرك صغيره و بيخاف الناس تستغل ضحكك و هزارك و طيبه قلبك

ايه….ايوه بس انا مش عبيطه

احمد…..لا مش عبيطه طبعاً بس هو بيخاف عليكي

ايه…..ماشي يا سي بابا عموما لو عرفتوا و اتكلم معايا ابقي دافع عني

احمد…..محدش يقدر يجي جنبك ده انا اعلقوا المهم تخلي بالك من نفسك ماشي

ايه….حاضر يا حبيبي

احمد…..ايه

ايه….نعم

احمد…..واثقه في سلامه؟!!

ايه…..زي ما واثقه في تربيتك ليا

احمد….بحب يبقي اتبسطي يا حبيبتي

ايه……بحبك يا حمودي

احمد…..وانا بحبك يا قلب حمودي سلام

ايه….سلام

خرجت ايه و هي مبسوطه قفلت الباب و راحت علي سلامه

سلامه…..ايه وافق

ايه…..امممم لا و كمان هرجع لوحدي

سلامه…..ده بجد

ايه…..بصتبوا بغضب طبعاً ماصدقت جاتلك من السماء يلا قدامي علي الملاهي

سلامه….بضحكه تجنن وقعتي قلبي ده هنفخك قدامي

ركبت ايه و راح سلامه بسرعه ركب و اتحركوا.

………….

عند ليله و عشري.

ليله كانت ماسكه في ايد عشري و سانده راسها علي الكرسي و عايشه في دنيا تانيه مع الاغاني و فجأه فاقت من الحاله الحلوه اللي هي فيها و ركزت في الطريق كان ساكت و فاضي مفيش غير عربيات و مش كتير و باين جداً انه طريق سفر.

رفعت نفسها بهدوء و بدأت تبص باستغراب وهو باصص عليها و بيضحك بهدوء

ليله……عشري احنا رايحين فين ؟ ايه الطريق ده؟

عشري…..بهدوء صباح الفل يا قمر انت لسه مركز الوقت اني خاطفك ولا ايه

ليله….بإبتسامه بطل رخامه انا مش بهزر ايه المكان ده و احنا رايحين فين

عشري….ايه خايفه مني ؟

ليله…..اكيد لا بس يعني افهم

عشري….و انا مش هقولك و بعدين انا قولتلك من الاول اني جاي اخطفك

ليله…..اممممم واخدني علي فين يا بلطجي؟

عشري…..والله لو مش خايفه متسأليش

ليله….انا اخاف منك انت ؟

عشري….ايه مستقويه نفسك عليا ولا ايه ده انا لو ضغطت عليكي اوي هكسر عضمك

ليله….بنظره حب انا مستقويه بيك يا عشري

ضحك عشري ضحكه تجنن و رفع حاجبه

عشري…..بتضحكي عليا بكلمتين هااا باس كفها بحب

ليله…..اكيد لا انت عارف ان اللي بقوله هو اللي جوايا انا بجد مستقويه بيك

عشري….القمر بتاعي قوي بيا او من غيري

ليله…..يمكن بس بيك مستقويه اكتر

عشري….يعني بجد مش خايفه مني يا ليله

ليله…..لا يا عشري مش خايفه منك لان كل مره بنبقي فيها لوحدنا بحس فيها بالامان معاك اكتر و عمري ما حسيت انك بتستغل الموقف

عشري….بضحك ما قولتلك لو قفشتك لوحدك شيطاني هيحضر

ليله…..بأبتسامه و حتي ده بحترمه فيك عارف ليه

عشري….ليه

ليله…..عشان طبيعة الراجل عموما بيستغل الموقف بس انت ديماً بتتجنب حاجه زي دي

عشري…..عشان اللي الراجل بيعوزه يا ليله ممكن بسهوله يقدر ياخده من اي ست و حتي اللي بتحبه كمان بس الراجل اما بيحب بيخلي الحاجه دي اخر حاجه ممكن يفكر فيها صحيح بيبقي هيموت عليها خصوصا مع الست اللي قلبه اختارها بس كمان بيخاف عليها و بيحافظ عليها و مش بيحب اي حد يمسها بكلمه او حتي بنظره

ليله…..عشان كده مش بخاف منك و بحس معاك بالامان يا عشري

عشري….امال عايزه تعرفي احنا رايحين فين ليه يا قلب عشري

ليله….بابتسامه جميله عادي والله بس الطريق ده طريق سفر عشان كده سألتك

عشري…..بابتسامه جميله ماهو طريق سفر فعلاً يا قلبي

ليله…..بابتسامه صدمه بصت تاني حواليها انت بتتكلم جد ؟

عشري….بضحك اه والله قولتلك هخطفك هو الخطف ده لعبه يعني

ليله…..سفر فين يا مجنون

عشري…..هوديكي مكان يجنن

ليله….من قلة الاماكن يا عشري

عشري…..وانا يوم ما اخطفك يعني هخطفك في اي مكان عادي كده

ليله……عشري انت بجد مجنون

عشري….ااااه مجنون بيكي

ليله….طيب ممكن اعرف المجنون بتاعي واخدني علي فين

عشري…..هخليكي تجربي احلي سفاري في العين السخنه

ليله….بضحكه ذهول تجنن العين السخنه

عشري…..والله لو عليا كنت خدتك علي سيناء و فرجت بقي احلي سفاري بدوي بس عارف انك مجنونه قولت اوديكي اقرب مكان من التجمع ساعه بالكتير يعني و نبقي هناك

ليله…..بص هو انا في العادي مجنونه بحب اعمل حجات مس متوقعه و بحب وقت ما يطق في دماغي اسافر اسافر بس انت طلعت مجنون و غير متوقع اكتر مني

عشري….البركه فيكي يا قلب البلطجي

ابتسمت ليله بحب وقربت منه نامت علي كتفه باس راسها بحب و رفع كفه حضن وشها و فضل يلعب في شعرها وكمل سواقه.

…………..

عند نعيمه و فضل.

نعيمه…..بابتسامه فضل بطل جنان مش هعرف والله

فضل…..بطلي خوف بقي و بعدين مش قولتي لعشري واحنا في دهب نفسك تركبي خيل

نعيمه….اه قولت بس انا جبانه يا سيدي

فضل…مش هيجري متخافيش

نعيمه….انا مش خايفه من انه يجري او يمشي براحه يا فضل انا اصلا بخاف عموما من ملمس الحيوانات مس هقدر والله

فضل….طيب ايه رايك تركبي معايا وامسكي فيا انا مش في الحصان

نعيمه….لا لا بخاف والله وبعدين اركب فين هو في مكان

فضل….يلا بقي متبقيش رخمه و بعدين انا مجهز كل ده من الصبح عشانك و مخليهم يجهزولنا اجمد خيل عندهم

نعيمه….اااااا طيب اعمل ايه طيب بخاف والله انا كنت متحمسه.لما عشري اتكلم بس وانا قدامه كده مرعوبه و هايفه اصلا اقرب منه

فضل….لا متخافيش والله هتتبسطي جداً يلا بقي و حياتي اركبي معايا انا

نعيمه….امممم طيب

فضل….هتركبي ورايا ولا قدامي

نعيمه….لا وراك طبعاً

فضل….بضحكه جميله بس بما انك خوافه ممكن تقعي

نعيمه….بضحكه جميله فضل بلاش قلة ادب انت مصدقت بترعبني اكتر

فضل….بضحك والله ابداً بس قدام هتتبسطي اكتر

نعيمه….طيب اركب انت الاول انا مستحيل اركب و اسند عليه

فضل…..لو هتركبي قدام لازم تركبي الاول

نعيمه…..انا اصلا هطلع ازاي ده بعيد خالص

فضل….في سلم صغير بتطلعي عليه زي الكرسي كده بس يلا بقي

نعيمه….طيب اطلع انت الاول و النبي عشان تشد ايدي ماهو انا مستحيل اسند عليه

فضل…..انتي مش هتسندي عليه هتسندي علي السرج

نعيمه….مليش دعوه اطلع انت

فضل…..خوافه اوعي خليني اطلع حمااااااده حمااااااده هناخد الخيل ده بس تمام و عايز كرسي

حماده…..تمام يا باشا حالا

نط فضل علي الحصان بكل خفه شكله فوق الحصان كان يجنن ابتسمت نعيمه بتوتر و فضلت تبص حواليها

جاب الولد الكرسي

نعيمه…..اعمل ايه بقي

حماده…..هاتي ايدك و اطلعي متخافيش

فضل…..روح يا حماده روح انا هتعامل هاتي ايدك

ابتسمت نعيمه و طلعت بهدوء علي الكرسي و هي مقربه ايدها من صدرها بخوف

فضل…..هاتي ايدك متخافيش يلا

مسكت ايده بهدوء وبصتلوا و هي مش عارفه تعمل ايه تاني

فضل…..ارفعي رجلك يلا واركب متخافيش

نعيمه….ارفع رجلي ازاي لا هقع والله بقولك ايه خلاص والنبي بلاش

فضل….مسك ايدها بقوه اخلصي

نعيمه….طيب براحه احسن يجري

فضل…..مش هيجري متخافيش

رفعت رجلها بهدوء سحبها شويه من ايدها و بأيده التانيه رفع وسطها

نعيمه….اااااااه لا لا ده بيتحرك

فضل….بضحك خلاص انتي ركبتي بطلي بقي جبن شويه

نعيمه….طيب انا هفضل رافعه ايدي كده مش همسك في حاجه و اوعي تقولي امسكي فيه

فضل…..لا حطي ايدك هنا

مسك فضل اللجام بايده الاثنين من تحت ايدها كان حاضنها و كانت قريبه منه جداً غمضت نعيمه عينها بهدوء قربه منها خلاها مش علي بعضها واتوترت جداً

قرب فضل من ودنها براحه هاااا جاهزه

نعيمه….بهدوء بصت عليه و ابتسمت عشان خاطري اوعي تخليه يجري اوي

فضل…..متخافيش حتي لو جري خليكي واثقه فيا اتبسطي باللحظه دي عشان هتعجبك بجد

نعيمه…..ماشي

فضل….جاهزه يلا

نعيمه….جاهزه

حرك فضل اللجام بهدوء بدأ الحصان يمشي و كل شويه يحرك اجمد و الحصان بدأ يجري و بدأت هي تصوت

نعيمه…..لا لا فضل والنبي خليه يقف

فضل….بضحك بطلي صريخ يا مجنونه

نعيمه…..عشان خاطري يا فضل

فضل….صالحتيني ولا لا

نعيمه….صااااااالحتك و الله صالحتك وقفه بقي

فضل….بابتسامه لا و فتحي عينك يا جبانه

فضل الحصان يجري و بدأت تتعود شويه فتحت عينها المنظر كان مرعب بس كانت مبسوطه

فضل…..هااااا مبسوطه؟

نعبمه….بسعاده اوي ده يجنن بس خايفه شويه

فضل…..لا متخافيش بقولك ايه افتحي ايدك

نعيمه…..لا هقع

فضل…..افتحي يا يدك بناتنا ما ترچف و الرهبه تخاف منيهم

ابتسمت نعيمه بحب و بصت تاني قدامها و بدأت تسيب ايدها بهدوء و تفتح ايدها و هي مبسوطه و بتصرخ بحماس

اتحمس فضل اكتر و زود سرعة الخيل لحد ما بقوا طايرين حرفياً و السعاده جواهم كبيره.

…………….

عند حسان و سلمي

قرب حسان بسرعه من العربيه و هو معاه اكل و شاورلها تنزل

ابتسمت و سألته بعينها

حسان……تعالي تعالي

نزلت سلمي بسرعه و راحت عليه

سلمي…..بابتسامه ايه كل الاكل ده انا صالا قولتلك مش جعانه

حسان….وانا قولتلك اني واقع من الجوع يلا امسكي

سلمي….بضحك حسان احنا هناكل هنا بجد

حسان…..بضحك ايه عندك مانع قولتلك ندخل جوه قولتي هناخد وقت اديني جيبتلك الاكل لحد عندك

لو مش حابه تاكلي هنا ندخل العربيه

سلمي….بضحك لا هو انا والبنات اصلا متعودين اوقات كتير بناكل كده و بنحط الاكل علي العربيه عادي بس انت بقي هتعرف

حسان….بابتسامه رفع حاجبه و ايه المشكله يعني لازم اقعد

سلمي….بضحك لا يعني بس بصراحه بحس انك ملكش في الجنان ده خالص اول مره اشوفك فاكك كده

حسان….بابتسامه اولا انا فاكك كده عشان مبسوط اوي و عشان معاكي ثانياً بقي انا و الشباب لو طولنا نقعد علي الرصيف بنعملها عادي يلا يلا امسكي كلي بسرعه

فتحلها الاكل و قربه منها

سلمي…..بضحك هو انت ليه مستعجل كده علي فكره مش لتزم نرجع عشره ونص بالظبط ممكن نخليها 11 بس براحه

حسان…..بضحك الموقف اللي احنا فيه ده بيفكرني لما بنتجمع انا والشباب في رمضان عشان نتسحر و بنبقي بقي نتسحر علي اخر نص ساعه قبل الفجر و الكل بيجري

سلمي…..بضحك ايوه احنا كمان بنعمل كده بس مع المايه

ضحك حسان و طلع منديل يمسحلها الكاتشب

سلمي….بضحك اتبهدلت صح

حسان…..لا لا مش اوي يلا كلي بسرعه عشان هنروح مكان تاني

سلمي….هنروح فين تاني علي فكره انا اصلا لازم ارجع اخد عربيتي من مكان العياده

حسان…طيب يا ستي هناكل و اوصلك للعربيه و هنروح علي طول حلو كده

سلمي…..بابتسامه حلو كده

حسان….بابتسامه طيب يلا كلي

سلمي…..حاضر براحه مش عارفه اكل بسرعه بقولك ايه ما كفايه اكل بقي

حسان….انا بقول كده بردوا امسكي ابقي كلي براحتك في البيت

سلمي…..حسان انا عايزه اشوف هنا

حسان…..عيوني شوفي امته و انا جاهز

سلمي…..عادي اي وقت

حسان…..انا هروح اجيبها بكره و هتقعد معايا يومين كده و هخليكي تشوفيها المهم الوقت انا في سؤال حابب اسألهولك

سلمي…..اسأل

حسان….انتي قولتي لبابا علي وجودنا معاكي في دهب و كمان عرف الوقت ان انتي معايا و طبيعي يفهم بشكل او بأخر ان في حاجه بعني في النهايه ده راجل و ذكي

سلمي….بابتسامه احراج اكيد

حسان…..طيب هو انتي اتكلمتي معاه عني بالاخص ولا لا

سلمي….ااااا بصتلوا وابتسمت

حسان….قولي يا قلبي مش عابزك تتحرجي مني

سلمي…اااا يعني بصراحه لسه بس لما كنت بتكلم عنكم قولتله ان انت اكتر حد فيك منه و شبهه في طباعه بس

حسان…..طيب يعني ميعرفش لسه اي حاجه عني ولا حتي يعرف ظروفي صح؟

سلمي…لا لسه بس هو انا ليه حساك قلقان

حسان….بابتسامه هاديه لان هو اب يا سلمي و وارد جداً يشوف ان فرق تسع سنين كبير و بعدين سيبك خالص من فرق السن و هنقول انه مش قصه انا كنت متجوز و حالياً مطلق و عندي بنوته

سلمي…..بأبتسامه حسان هو لما هنا تكبر و يتقدملها راجل بنفس مواصافتك هتوافق

ابتسم بهدوء و بصلها

حسان…..لو هي بتحبه اكيد هوافق و الاهم انه يكون يستاهل حبها

سلمي….يعني مش هتعترض علي سن او ظروفه

حسان…..بصي يا سلمي انا مقدرش بصراحه افول حاجه مبقاش قدها

سلمي…..بس انت اب و بابا اب

حسان…..بس انا اب لسن صغير لسه مجربتش ان بنتي تحب و ترتبط و تعيش حياتها بطريقتها يعني مقدرش احكم علي تفكير بباكي فهماني انا عن نفسي يهمني الشخص
عشان كده سألتك لان انتي اكتر حد تقدري تعرفي رأيك بباكي

سلمي….اللي اعرفوا ان بابا عمره بيفكر بالطريقه دي و لا عمره فرض علينا اي حاجه بس يعني لو مثلاً رفض هتعمل ايه

حسان…..بنظره قلق لا رفض ايه مينفعش كمل بابتسامه بصي هو انا هقنعه بكل الطرق بس اكيد هحترم رأيه

سلمي….طيب افرض جربت اكتر من مره و مرضيش هتبعد عني

حسان….اكيد لا وبلاش الاحتمالات اللي تجنن دي عشان هي مش في دماغي خالص بصي يا سلمي في كل الاحوال انا عمري ما هتخلي عنك بس انا اتمني من ربنا اني محاربش

سلمي….بابتسامه ايه مش عايز تحارب عشاني

حسان….لا مقصدش كده انا احارب عشانك الدنيا بس متمناش اقف وش لوش قدام بباكي لان انا عايز اناسب عيله و اهل مش حابب يكون في مشاكل او حزن و الكلام ده عايز كل حاجه تكون بينا حلوه وعموماً انا متفائل جداً و واضح ان والدك حد متفاهم

سلمي….بابتسامه وانا مش عيزاك تقلق من اي حاجه و اكيد انا ليا قاعده طويله مع بابا و هتكلم معاه

حسان…..نتكلم بهدوء و نسمع و نفهم و لو حصل اي اعتراض منه اسمعي للاخر و اوعي تنسي انه اب و عموما انا واثق فيكي

سلمي….اطمن انا وبابا صحاب جداً و اكيد انا هحترم رأيه بس كمان هقنعه

حسان…..طيب سؤال بقي انتي من جواكي حاسه ان اقناعك ليه و كلامك معاه عني انا استاهله يعني حاسه انك مقتنعه اقتناع كافي عشان تقدري تقنعيه

سلمي…..بابتسامه اكيد

حسان…..مش عايزه تعرفي اي حاجه عني مش خايفه او قلقانه

سلمي….لا

حسان…..مش معترضه علب اي حاجه من اللي خايف بباكي يعترض عليها

سلمي…..انا لا معترضه علي السن ولا معترضه انك منفصل ولا حتي معترصه ان عندك بنوته

حسان….طيب معترضه علي ايه

سلمي….بنظره جميله ولا حاجه يا حسان انا اتعلقت بيك و حبيتك زي ما انت كده

حسان….بحب و انا و غلاوة هنا عندي عمري ما هزعلك ولا هفاجئك اني شخص تاني انتي متعرفيهوش و ربنا يشهد اني هحافظ عليكي و هقفل عليكي قلبي و عموماً انا بقي عندي بنوتين زي القمر انتي و هنا

سلمي…..بنظره تجنن و انا مصدقاك

حسان…..بابتسامه تجنن عارف ويلا قدامي علي العربيه عشان مفيش وقت ابوكي هيعلقنا

سلمي….بضحك طيب عشر دقايق كمان

حسان…..اليومممم خلص يلا

سلمي….بضحك عشان خطري

حسان…..ابداً يلا قدامي

ضحكت سلمي و راحت معاه علي العربيه عشان يرجعوا علي العياده ياخدوا العربيه

……………

عند ايه و سلامه الجو كان كله ضحك.

سلامه……يا عمممممممم نزلني الله يخربيتك

ايه….بضحك اوعي تنزلوا يا عمووو

سلامه…..يابت هموووووووت

ايه…..بضحك انشفففف

سلامه…..ربنا ينتقم منننننننك

وقفت اللعبه شويه

ايه….بضحك انت كويس

سلامه…..بصلها مش هتوردي علي جنه يا ايه دي سهله دي

ايه….والله سهله انت اخر مره روحت فيها الملاهي امته

نزلت اللعبه و هو بيتكلم

سلامه……كانت اول واخر مررررررررره

بعد دقيقه انتهت اللعبه

نزلت ايه و هو فضل قاعد ياخد نفسه

سلامه…..راحه فين يا جاحده راحه فين يا عديمة الضمير تعالي فكيلي الحزام

ايه…..بضحك طيب تصدق مش جايه

سلامه……يا بت انا لو طولت رقمتك هخنقك

ايه……اتكلم بأدب طيب

سلامه…..تعالي يا استاذه ايه تعالي ياللي اشوف فيكي يوم

قربت ايه وهي خلاص هتقع من الضحك

ايه…..بتدعي عليا يا سلومتي

سلامه……سلومتي ده انا هعمل منك بطاطس محمره

جريت ايه بعيد عنه

سلامه…..بتجري علي اساس فيا حيل اجري وراكي خدي هنا سنديني

ايه…..بضحك مالك ياحاج ما تصلب طولك كده

سلامه…..اصلب طولي هو انا بقي عندي حاجه تتصلب يا ظالمه

ايه….طيب خلاص صعبت عليا تعالي الاعبك لعبه احلي و خفيفه

سلامه….انتي تاني انتي فاكره اني همشي وراكي في حاجه تاني

ايه…..اسمع كلامي تكسب

سلامه…..لا ماهو اللي يمشي وراء كلام العيال كملي انتي بقي

ايه….بضحك يا قليل الادب

سلامه….بأبتسامه قليل الادب انتي لسه شوفتي قلة ادب ده انا هنفخك

ايه….طب ايه هتفضل ساند عليا كده

سلامه….ايه عندك مانع هقع من طولي بقولك

ايه…..ما انت كده عامل زي الراجل العجوز اللي واقع و بسنده

سلامه….الراجل العجوز بقي في صحه عني انتي بجد معندكيش دم ولا اي تأثير خالص

ايه….والله جميله انت بس اللي نايتي

سلامه…..ضربها علي راسها احترمي نفسك

ايه….بضحك اااااااه والله وجعتني

سلامه…..بغيظ تستاهلي و لو عامله فيها جامده كده تعالي ادخلي بيت الرعب

ايه….بضحك لا شكراً

سلامه….جبانه

ايه…..لا يا حبيبي مش جبانه

سلامه….طب تعالي يلا

ايه…..هاجي عادي يلا بينا

سلامه….بنظره شر يلا

راحوا علي بيت الرعب و قعدوا في العربيه استنوا شويه و بعدين اتحركت العربيه و اول ما اتحركت العربيه فضلت تصوت من قبل ما تشوف حاجه

سلامه…..بضحك انتي بتصوتي سلف
هو لسه حصل حاجه
وفجأه ظهر قدامهم عفريت

صرخت ايه و اسخبت فيه

سلامه…..اتصرع يخربيت امك

فطست ايه من الضحك عليه

سلامه…..ابعدي كده بتستخبي فيا ده انا مرعوب

ايه…..نعمممممم اااااااااه لا لا يا سلااااامه

سلامه…..منك للللله يااااااعم ابعد

فضلوا الاثنين يصرخوا و يضحكوا و خرجوا من اللعبه مش قادرين يمسكوا نفسهم من الضحك

ايه…..بضحك بقي بالذمه مش مكسوف من نفسك مدخلني عشان تنتقم مني و انت مرعوب

سلامه…..لا والله اتخضيت بس عموما دي غلطتي انا راجل مش تمام عشان مشيت وراكي

ايه……ايه ددددددده

سلامه…..بص وراه بسرعه في ايه يخررررربيتك

ايه….بضحك انا عايزه العب دي يا سلامه

سلامه….ايه دي دي مش لعبه

ايه….لا والله لعبه بنضرب بالبندقيه و لو وقعنا الكور دي كلها باخد لعبه

سلامه….ودي مجرباها ولت هتنشني في عيني

ايه….بضحك جربتها كتير بس عمري ما كسبت

سلامه….اااااه هنحسس يعني علي خيرة الله

مسكته من ايده وجريوا علي المكان

واول لعبه عينها جات عليها كان دبدوب علي كلب حلو

سلامه….هتموتب طبعاً عالكلب ده

ايه…..اه والنبي شكلوا حلو اوي انت لو معرفتش توقع الكور دي هطين عيييييشتك

سلامه…..اناااا مالي

جربت ايه الاول مجابتش ولا كوره و كلهم راحوا بره

ايه…..معرفتش

سلامه….انا هعرف متقلقيش

ايه…..ماشي لما نشوف

وقف سلامه و مسك البندقيه و بدأ ينشن و كان المفروض يوقع عشر كور و قع اول كوره فضلت ايه تتنطت وقع التانيه والتالته كانت هتموت من الفرحه لحد ما وقع العشره كلهم

ايه……جدع يا سلامه عملتها ازاي دي

سلامه….عيب عليكي يابت انا كنت بشتغاك بس انا كنت حريف رمايه في الجيش

ايه….انت دخلت جيش

سلامه……امال كنت بتفسح مش شايفه يا بت الحرفنه

الراجل كان واقف يضحك عليهم مبروك اختار يلا الهديه اللي انت عايزها

بصلها سلامه بطريقه مضحكه وهو عامل نفسه بيفكر

ايه…..ببلطجه انت لسه هتفكر هناخد الكلب طبعاً

سلامه…..اعوذ بالله انا اللي كسبت خلاص يلا هات الكلب

ضحك الراجل و اداله الكلب

خدوا منه سلامه وهي وافقه تسقف زي العيال الصغيره

مسك سلامه الكلب وحطه تحت دراعه

سلامه…..يلا

ايه……يلا ايه هات الكلب

سلامه….ليه ده بتاعي

ايه….انا اللي اختارته

سلامه….وانا اللي لعبت وكسبت انتي خسرتي

ايه….قلبت وشها زي الاطفال مانا مس بعرف العبها

سلامه….بضحكه جميله خدي يا هبله بهزر

ايه….بسعاده اخده خالص صح

سلامه…..اكيد قلب وشه و مسكها من كتفها بس والله بومك هيبقي ازرق لو سمتيه سلامه

ايه…..لا لا مش هسميه سلامه عندي كلب اسمه سلامه

سلامه….بنظره قرف جتك داهيه في ملافظك

ضحكت ايه و قربت منه و هي بتضحك و سندت علي صدره

سلامه….بضحكه جميله اختاري الفاظك بدل ما اجر لسانك اقطعوا وارتاح منك

ايه…..لا خلاص والله

سلامه….تركبي ايه تاني يلا

ايه….انا عايزه اركب العربيات

سلامه….يلا بينا

راحوا مع بعض و ركبوا العربيات كل واحد فيهم.في عربيه

سلامه بصلها و هو رافع حاجبه و بيمشي ايده علي رقبته بمعني هموتك

ايه بصتلوا بضحكة استخفاف

بدأت اللعبه و فضل سلامه يجري وراها و يخبطها و هي تضحك و تصرخ وتجري منه و شويه و تحري وراها و تروح خبطاه

سلامه…طيب مااااشي

جريت ايه و بعدين اتزنقت في الزاويه

سلامه….بضحك ايه البنزين خلص ولا العجله نامت

ايه…..الحقني يا سلامه العربيه مش بتتحرك

سلامه….بضحك هاتي شمال يلا و دوسي بنزين

خرجت من الزاويه و فضلت تجري وراه و فجأه جات بنت في عربيه تانيه خبطت ايه من وراء كانت بتضحك و بتكلم سلامه و مش ماسكه نفسها الخبطه خلت جسمها رد لقدام و وشها خبط في الدركسيون بتاع العربيه في الاول ضحك سلامه عليها و هي من شدة الخبطه عينها بقت تدمع و مناخيرها نزفت و بقت تلف شويه بالعربيه و بعدين وقفت و حطت ايدها علي وشها لمحها سلامه من بعيد حس ان فيها حاجه فكرها دايخه اول ما شالت ايدها وشاف الدم.نزل جري عليها و هي اللعبه لسه شغاله

سلامه…..بصوت عالي وقف اللعبه ووووووقف

جري عليها بسرعه

ايه…..بس بس انا كويسه

سلامه….كويسه ايه ؟ ايه الدم ده

ايه…..اهدي اهدي اتخبطت بس

اللعبه وقفت و الشباب المسؤولين عن اللعبه قربوا بسرعه من السلامه و حتي اللي كانوا راكبين

شاب منهم طيب خرجها براحه

سلامه…..مناديل مناديل عايز مناديل

بنت من اللي واقفين طلعت من شنطتها مناديل

خرجها سلامه بره اللعبه خالص و فضل يمسحلها الدم و يبص كل شويه علي مناخيرها

سلامه….انتي كويسه

ايه…..كويسه والله متقلقش

سلامه…..في علامه في مناخيرك

ايه….من الخبطه بس

سلامه……لا يلا تعالي.نروح المستشفي

ايه….لا مش مستاهله انا بس عابزه مايه

سلامه…..نروح نطمن طيب انك كويسه

ايه…..والله كويسه متخافش

سلامه….طيب تعالي اقعدي هنا

قعدها و جري بسرعه جاب مايه و قرب منها بقي يغسلها وشها و يبص علي مناخيرها و يمسكها و يمسح الدم و ينشفلها بالمناديل

سلامه….ايه تعالي نروح المستشفي انا مش هرتاح غير لو اطمنت

مسكت ايده و كانت حاسه بصداع

ايه…..سلامه انا كويسه والله

سلامه….مسك ايدها و قام قعد جنبها انتي اتخبطتي ازاي

ايه……في حد خبطني من وراء وانا بهزر معاك و اتخبطت في الدركسيون بتاع العربيه

سلامه….طيب انتي مالك دايخه ولا ايه

ايه….لا لا صدعت بس من الخبطه

سلامه….طيب عشان خاطري نروح المستشفي

ايه…..والله العظيم مش مستاهله صدقني لو حاسه ان فيا حاجه هقولك نروح

سلامه….طيب تحبي نمشي

ايه….ماشي يلا

سلامه….يلا قلبي هاتي ايدك

ابتسمت ايه بهدوء و مسكت في ايده خرجوا بره ركبها العربيه و راح ركب سندت راسها علي الكرسي

سلامه….وريني كده

قرب منها اوي و مسك راسها و مسك وشها بايده التانيه

بصتلوا ايه بصدمه وشه كان قريب منها اوي اتوترت و بصتلوا

سلامه…..بهدوء بصلها و مشي ايده علي شعرها خوفتيني عليكي

ايه….اااااا انا كويسه

سلامه…..بجد مش بتوجعك طيب

ايه….اااااااا بقولك ايه ماااا ااااا يعني ابعد شويه خد مسافه قانونيه بدل ما اعورك

سلامه….بضحك انا قولت من الاول انا راجل مش تمام تصدقي بالله انتي المعامله الحلوه معاك متنفعش انتي لازم الواحد يمسك مطوه و هو بيكلمك

ايه….بضحك بقي كده يا سلومتي

سلامه….بلا سلومتي بلا زفت بقي ابو اللي يعبرك او يخرج معاكي تاني

ايه…..بضحك طب خلاص حقك عليت و بعدين انت يعني اتعصبت علي الراجل بتاع اللعبه يعني و اتحولت

بصلها بطرف عينه و ابتسم

سلامه…..كنت خايف عليكي بس طلعت غلطان

ايه….بابتسامه هو انت متعرفش تكمل كلمه حلوه للاخر

بصلها سلامه بصدمه و قفشها من كتفها و قرب منها

سلامه….لا يا شيخه ده انتي لسه بتقوليلي هعورك قال كلمه حلوه قال انتي عارفه انتي بتفكريني بمين يا ايه

ايه…..بضحك مين

سلامه…..بابتسامه عارفه سوكا العبيطه اللي كانت مع كريم عبد العزيز

ايه….بضحك حرام عليك يا مفتري بقي انا شبه سوكا

سلامه….الخالق الناطق من يوم ما شوفتك و هموت واجيب الشبه بس هلاص لاقيته

ضحكت ايه و هي بصاله

ابتسم سلامه و ساب كتفها بهدوء
وفضل باصصلها وهي بتضحك

ايه…..اااااا ايه مالك بتبصلي كده ليه

سلامه…..اناااا لا مفيش

ايه…..امال ايه البصه دي

سلامه…..مالها البصه دي اول مره ابصلك ولا ايه

ايه….لا بس اول مره تبصلي البصه دي

سلامه…..اممممممم اااا لا مفيش

ايه….لا في و هتقول

سلامه….ماهو انا بصراحه اخاف اتكلم تطلعي موس من بوقك

ايه…..بضحك لا هو انا مش سوكا اوي كده يعني هتبوظ سمعتي

سلامه….يعني اقول

ايه…..قول امان

ابتسم و بعدين بص قدامه و اتنهد تنهيده طويله و بعدين بصلها

ايه…..ايه مالك بجد في ايه؟

سلامه…..مفيش بس عايز اقول حاجه و بصراحه مش عارف رد فعلك

ايه…..نهارك اسود اوعي يكون في صرصار علي شعري

سلامه….بنظره قرف صرصار علي شعرك تصدقي بالله اللي يتكلم مهاكي.خسران نص عمره و انا ابقي راجل مش مظبوط لو عبرتك تاني

دور العربيه وطلع وهي فضلت تضحك

ايه…..سلامه قول بقي متبقاش رخم

سلامه….بااااس مش عايز اسمع صوتك

ايه….خلاص هقعد ساكته مش هتكلم

سلامه…..وانا ولا هعبرك قال وانا اللي كنت هأكلك واجيبلك حاجه حلوه والله ما تستاهلي انا هروح ارميكي قدام بيتك انتي والكلب و الاسكيت بتاعك و مش عايز اشوف وشك تاني

ايه….بضحك لا لا خلاص طيب اكلني حتي جعانه والله

سلامه….ده كل اللي فارق معاكي يا طفسه انتب عارفه انا لو سمعت صوتك هحدفك بره العربيه

ايه….بضحك طيب خلاص اخر مره صدقني

سلامه….فصلتيني خلاص كنت في مود حلو وكنت هتكلم معاكي بجد بس انا غلطان و اقولك كمان انتي عيله يا ايه

ايه…..بضحك والله هخاصمك

سلامه….بركه يا جامع جات من عند ربنا

ركن قدام محل وجبات سريعه معروف و بصلها بغضب

سلامه….تاكلي ايه و علي الله تكوني خاصمتيني بجد ويطلع عندك دم و تبقي وفرتي

ايه….بابتسامه استفزاز زينجر كرانش و طاطس و بيبسي

سلامه…..رفع حاجبه طفسه و عديمه مشاعر

فتح الباب و نزل وهي عماله تضحك و فجأه قرب من الشباك بتاعها

سلامه…..تقعدي عاقله و متعمليش مشاكل و سيبي التابلوه بلاش نكش

ايه…..بضحك طيب انت قفلت الكاسيت شغلوا

دخل راسه بغيظ و هي بتضحك و بتبعد لوراء شغلها الكاسيت و بصلها وهو مكشر

سلامه…..صباعك لو لمس حاجه هنفخك

ايه…..بضحك هقعد مؤدبه

بصلها بغضب و مشي

فضلت ايه تضحك عليه

غاب حوالي عشرين دقيقه رجع لقي الكاسيت اتحول لردايو اول ما شافتوا ابتسمت و بعدت ايدها بسرعه

سلامه….بصدمه انتب هببتي ايه

ايه…..انا ولا عملت حاجه

حطت الاكل علي رجلها و بص للكاسيت

سلامه….يومك ازرق بوظتي الاشاره

ايه…..بضحك انا خالص هي اللي باظت

سلامه….لوحدهااااا

ايه….اااا لا ده الراديو

سلامه….وانتي بتنكشي ليه مش قولتلك اياك تنكشي

ايه….كنت عايزه اغير الاغنيه الراديو رجع ابتسمت و سقفت لما رجعت تاني ابوه جدع هي دي

سلامه….ايدك لو جات هنا تاني هقطعهالك

ايه…..ما براحه شويه انت اللي عربيتك غريبه

سلامه…عربيتي اللي غريبه ولا النكش اللي غريب

بصتلوا بتجاهل و فتحت الاكل طلعت البطاطس و كلت

سلامه…ده اللي انتي فالحه فيه

ايه…..ايييييه جعانه جالي هبوط من اللعب

سلامه….كلي كلي و اقفلي بوقك هتفضحينا

ابتسمت ايه و ضحكت ضحك سلامه وبصلها

سلامه…..حلو

ايه….يجنن حطتلوا واحده بطاطس في بوقه كلها وهو بيهز راسه شمال و يمين

طلعت السندوتش و فضلت تاكل وهي مش معاه خالص مسك هو كمان الاكل قربه منه و بعدين بعد كان هيتجنن ويقول اللي جواه و يخلص مش مدياله فرصه بس كان مقرر ميروحهاش غير وهو قايل اللي في قلبه

لف راسه بهدوء لمحها بتاكل وشعرها طاير علي وشها والصوص بتاع الساندوتش علي شفايفها

سلامه…..بأبتسامه هاديه أيه انا بحبك

ايه…..وانا كمان بحبك اوي برقت ايه و فضلت باصه قدامها و الساندوتش في ايدها ضربات قلبها زادت و فضلت متنحه شويه مكانتش عارفه فات قد ايه وهي علي وضعها ده

سلامه…..بابتسامه انتي كويسه

نزلت الساندوتش بهدوء و بص علي صدرها لقي نفسها بيعلي و يهبط بسرعه

بصتلوا بهدوء فظيع و هي مصدومه

سلامه….بابتسامه هاديه بحبك و ده كان تالت سبب خلاني بعيد عنك لاني مكنتش فاهم انا بيحصل فيا ايه من بعد ما رجعنا حاولت اقنع نفسي ان مشاعري تجاهك مش صح حبيت اكون بعيد شويه عشان اقدر افهمني بس لاقيت نفسي مش قادر كل دقيقه كانت بتعدي من غير ما تتصلي او تنكشيني كنت بضايق منك اكتر و كنت خايف مشاعري دي تكون من طرف واحد لما قالولي اشمعني مقولتش ايه وحشتك كمان قولت عادي هي مش موجوده كانت شايفك فاتحه و كانت عايز انكشك و استفزك عشان تدخلي تقولي اي كلمه و اتلكك بعد كده و اعرف اكلمك يمكن اوقات كنت بحس انك بتبادليني نفس الشعور و اوقات تاني لا و كنت بقول هي بتتعامل كده مع الكل انهارده لما شوفتك و كنتي مضايقه حسيت اني فارق معاكي بجد زي ما انتي فارقه معايا و ده اللي خلاني اتكلم الوقت و يهمني بجد اعرف انا احساسي كان صح ولا كان غلط و اياً كان ردك يا ايه قوليه و ده عمره ما هيغير علاقتي بيكي لاني انا مش عايز اخسرك يا ايه

فضلت ايه بصاله و ساكته بس من جواها في طبول في قلبها بتدق بعنف وسعاده كبيره مخلياها طايره

بصت تانب قدامها و شالت الاكل من علي رجلها و حطيته علي التابلوه قدامها

سلامه…..لو حاسه انك مش حابه تردي الوقت تمام لو عايزه تفكري تمام لو حاسه اني فاجئتك او مش عارفه تردي و انا قدامك بردوا تمام

فضلت ساكته و مش بترد و كانت لسه مصدومه.

نظرات سلامه ليها كانت ترقب و مقدرش يفهم اي حاجه و خاف يكون مشاعره من طرف واحد

سلامه…..احمممم طيب تمام يا ايه هو يعني واضح اني اتسرعت بس كمان انا هستني منك رد حتي لو كان برفض اللي قولته المهم اني مش عايز اخسرك ااااا يلا هروحك

قرب ايده من المفتاح عشان يشغل العربيه و فجأه مسكت ايه ايده تمنعه رفع راسه بهدوء وبصلها

ابتسمت ايه بهدوء وبصتلوا بنظره تأثر

ايه…ااااا اااا بحبك يا غبي و بسرعه لفت ايدها علي رقبته

ابتسم سلامه وضمها بحب و هو بيخرج نفس طويل منه

سلامه….وقعتي قلبي يا جزمه

ايه…..بحبك يا سلامه

ابتسم سلامه وبعدها عنه و بصلها

سلامه…..يعني اجابه السؤال اللي هربتي منه في دهب كان انا مش فضل

ايه….بدموع وابتسامه مش بقولك غبي و الله حلال فيك اني اسمي الكلب علي اسمك

ضحك سلامه بحب و ضم راسها تاني

سلامه…..مع ان لسانك طويل بس معاكي حق في دي

ايه بضحك بعدت عنه و مسحت دموعها وهو فضل باصصلها بنظره تجنن

ايه…..بقولك ايه متفضلش باصصلي كده

سلامه…..ايه بتتكسفي غريبه دي

ايه…..لا خليك زي ما انت انا واخده عليك سلامه المجنون مش الرومانسي

سلامه…..بضحك لا ده حلاوة البدايات بس انما انا بتاع مهرجانات يا بت

ايه….بضحك بصتلوا اااا انا عندي يعني كلام و اسئله كتير بس بيتهيألي مش وقتهم خالص لازم ارجع

سلامه….بحب ماشي يا ستي و انا موافق هروحك و اكيد هنتكلم

ايه…..بسعاده ماشي

مسك كفها باسه و بعدين دور العربيه وطلع.

……………..

عند نادين و عسال.

فضل ميدو يلف الدنيا بيها وهي وراه حضناه بأيدها و الهواء خلاها في دنيا تانيه.

حس ميدو ان ابدها بتسيب شويه مسكها من ايدها بسرعه

عسال…..نادين نااادين

ركن بسرعه علي جنب و بصلها فا ابتسمت

عسال….بابتسامه ايه ؟ بنام ولا ايه

ضحكت و سكتت

عسال…..بضحكة جميله انتي نمتي صح

نادين….بضحكة عبيطه مش نمت بس حسيت اني هنام

عسال….حسيتي لا والله انتي نمتي و ايدك سابت كمان

نادين…امممم يعني

عسال…..يعني ايه يا قلبي لا ده مينفعش كده خالص فوقي كده وتعالي انزلي حركي نفسك شويه عشان ترجعي تصحصحي كده

ابتسمت نادين بهدوء و هزت راسها

مسك ايدها ونزلها و كانوا قريبين من النيل سحب المفتاح من الرييس وراحوا يقفوا هناك.

وقفت نادين و وقف جنبها ميدو

عسال….بنظره تجنن انا قولت بيبي صغيره من الاول بقي بتنامي علي نفسك يا تويتي

نادين….انا منمتش والله بس حسيت ان عيني غمضت شويه

عسال…..انتي ايدك سابت مره و مسكتي فيا لما سابت تاني قولت اكيد بتنامي بس قوليلي بقي ده قلة نوم و لا ركوب الرييس بينيم و لا الهواء و لا حضني

ابتسمت نادين بإحراج و بعدت عينها عنه و هي لتعض علي شفايفها

عسال…..بضحكه تجنن لا ما انا هسمع اجابه

نادين…..ميدو

عسال….قلب ميدو هااا حضني صح

ضحكت نادين و بصتلوا بغضب طفولي

نادين….انا مش هقول حاجه

عسال….طيب طيب خلاص يا قلبي متزعلش كده بس هو حضني انا عارف

ابتسمت نادين بهدوء

مسك ايدها بحب وقرب منها شويه

عسال…..هااا قولي

نادين….اقول ايه؟

عسال…..اي حاجه يا نودي قولي اي حاجه حابب اسمعك حابب اشوفك بتتكلمي ليه ديماً بتبقي ساكته

نادين….انا لا بتكلم و بعدين انت عرفت كل حاجه عني تقريباً

عسال….اه عرفت و مش بسأل عنك انا بقول في العموم يعني انا ديماً اللي بسأل حابب انتي اللي تتكلمي و بعدين بجد يعني انا عايزك تفكي شويه يا نودي يعني موضوع التوتر الإحراج لازم يختفي بينا بقي ولا ايه

نادين…..اااا علي فكره انا مش كده

عسال….ماهو ده اللي هيجنني انتي معايا بس كده و انا مش عارف ليه

نادين….ولا انا عارفه صدقني بس انا بحس بحجات غريبه

عسال….بحب رجع شعرها زي ايه

نادين…..قولتلك قبل عينك نظراتك طريقتك كل حاجه فيك بتلغبطني

عسال….طيب ودي حاجه حلوه ولا وحشه

نادين…..لا هي حلوه اوي و الاحساس اللي جوايا ده مش وحش خالص

عسال…..ما قولتلك البس نضاره قولتي لا

نادين….بابتسامه لا لا انا خلاص هبقي حلوه

عسال…..بريأكشن يجنن انتي حلوه اصلا طيب قوليلي يا نودي مش عايزه تسأليني اي سؤال مش عايزه تعرفي اي حاجه مش عايزه ترغي معايا في اي موضوع.

نادين…انا تقريباً عرفت كل حاجه عنك و حالياً معنديش اي سؤال بس عادي ممكن نرغي في اي موضوع

عسال…..امممم حلو طب يلا ارغي

نادين…..انا اللي اقول يعني لا مليش دعوه قول انت

عسال…..بضحك بتهربي انتي علي طول كده

نادين….بضحك لا بس مفيش حاجه في بالي الوقت

عسال…..طيب انا ياستي هسألك

نادين…..ماشي قول

عسال…..تحبي فرحنا يبقي فين و يبقي عامل ازاي

ضحكت نادين و بعدت عنه وشها بسرعه و رجعت بصتلوا

نادين….اهوووو شوفت بقي انت اللي بتوترني ازاي

عسال…..بضحك مسك دقنها والله يا عمري ما اقصد اوترك بس انا كل ما اقول اي حاجه وشك يحمر و تتوتري اعمل ايه طيب و بعدين يعني ده سؤال عادي و لا انتي مش عايزه فرح

نادين….بابتسامه يعني مش لسه بدري علي الكلام ده

عسال….لا يا حبيبي مش لسه بدري ولا انتي ناويه تفضلي بعيد عني

نادين….مقصدش بس يعني انا ديماً حاسه انك مستعجل

عسال…..انا مش مستعجل بس واضح ان انتي اللي حابه تاخدي وقتك اكتر و ده مش عيب طبعاً ده حقك بس كمان انا لسه حاسس انك يعني مش عارف اقولهالك ازاي اااا

نادين….قول

عسال…..مش عايزك تفهميني غلط

نادين….لا طبعاً مش هفهمك غلط

عسال….اااامم بصي يا قلبي انا عارف انك مبسوطه و عارف كمان انك مش هتبقي معايا غير وانتي مقتنعه يعني و جودك جنبي الوقت انا واثق انك مبسوطه بيه و انتي مش مغصوبه عليه بس اللي اقصده اوقات بسيطه بحس مش ديماً يعني عشان متفهميش غلط بحس انك حاطه حاجز كبير متردده جواكي حاجه مخلياكي بعيد في مسافه بينا و يمكن ده موضوع السن انا طبعاً مكنتش خابب اذكره خالص و انساه وانسيهولك بس انا الوقت بوضحلك اللي حاسس بيه في نفس الوقت برجع اقول لا لو انتي حاسه بفرق السن ده هتتعاملي بطبيعتك اكتر هتبقي جريئه اكتر مش هتتوتري مش هتتحرجي مش هيبقي في شعور الخجل اللي بشوفوا في عينك ديماً بصراحه انا مش فاهم

نادين…..بهدوء انت ليه بتقول كده

عسال….ده مجرد تخمين مش اكتر يا حبيبي انا بس محتاج افهم لسه موضوع السن مش عارفه تتخطيه

نادين…..ميدو هو اكيد مش هقدر اتخطي الموضوع ده بسرعه بس كمان لحد اللحظه اللي قبل ما تتكلم فيها دي انا بجد كنت نسياه ومش بفكر فيه و عايزه اقولك كمان حاجه انا مستغرباها انا حرفياً مش بقيت افكر في الموضوع ده خالص و لا حتي بيجي في بالك ميدو انا معاك بحس اني طفله بغض النظر عن فرق السن بس طريقتك معايا عموماً هي اللي مخلياني احس اني طفله معاك

يعني بحس اني و انا جنبك جنب شخص مسؤول عني و انا ماسكه ايدك بحس بحاجه افتقدتها طول عمري اني ماسكه في ايدك ابويا ماسكه في ايد سند و ضهر مسكتك انت ليا بتخليني احس باحتواء و امان عمري ما حسيتهم في حياتي بس حسيتهم معاك انت اهتمامكم بتفاصيل يومي و سؤالك عن اكلي و شربي و علاجي و الباب اللي اقفلوا بالمفتاح قبل ما انام مشاعر بجربها معاك لاول مره في حياتي

ميدو انا مبسوطه جداً مبسوطه لدرجه لا انا هقدر اشرحها ليك ولا انت هتقدر تستوعبها لان هي مشاعر و احاسيس متتوصفش اصلاً

انا في وقت بسيط معاك يعني احنا مع بعض نقول من اسبوعين الاسبوعين دول يا ميدو انا حسيت معاك اني لاقيت نفسي بجد يعني انا طول حياتي واقفه وثابته و ظاهره قدام الكل اني حد قوي بس من جوايا كنت عامله زي اللي بيدور علي غطاء عشان يغطي نفسه بيدور علي مكان يلاقي في الامان بيدور علي اشخاص كان المفروض يكونوا في حياته كنت عامله زي العريان وسط عيون كتير مش بترحم اي حد

بس انت ظهرت و معاك لاقيت الغطاء والمكان الامن لاقيت فيك امي وابويا و اهلي لاقيت فيك حجات كتير كان نفسي الاقيها من زمان

طول ما هي بتتكلم عينه عليها بابتسامه هاديه و حنونه و عمال يلعب في شعرها بهدوء

نادين…..يعني باختصار انا طول الوقت كنت بفكر في الحجات الحلوه اللي قدرت الاقيها فيك و مجاش في بالي لحظه افكر في موضوع فرق السن ده

عسال….بحب وانا مكنتش حابب افكرك بيه لاني بحاول علي قد ما اقدر اخليكي تنسيه خالص بس احساسي بترددك ده اللي هلاني اتكلم فيه

نادين….ليه شايف اني متردده يعني انا عملت حاجه من غير ما اخد بالي تخليك تحس بكده

عسال…..لا يا حبيبي مفيش غير توترك و احراجك و سكوتك الا لو انا اللي بدأت كلام او سألتك

نادين….بابتسامه طيب اعمل ايه في نفسي لو مش بقدر ابص في عينك اعمل ايه لو بحس اني متلغبطه وانا جنبك ليه فسرتهم علي اني بحاول اتأكد لسه من مشاعري

عسال….بابتسامه تجنن طيب فسريلي بقي انتي مشاعرك الحقيقيه

نادين…..بضحكه كسوف جميله مش يمكن مش مستوعبه اللي بعيشه معاك مش يمكن نظراتك بتحرجني و انا معشتهاش قبل كده مع اي حد يعني في اكتر من تفسير الل اني متردده او واخده جنب او حتي بفكر في علاقتنا

عسال…..يعني انتي مبسوطه

نادين…..قولتلك مش هقدر اوصفلك ولا انت هتقدر تستوعب بس يعني باختصار كده اااا احممم يعني انا

عسال…..بحب ايوه انتي ايه

نادين….بضحكه جميله نزلت عينها لتحت بحبك يا ميدو

عسال….بضحكه سعاده و انا بحبك اوي يا قلب ميدو و يا احلي بنوته في الدنيا بس انا لسه عايز اعرف حابه فرحنا يبقي عامل ازاي

نادين…..بضحكه عبيطه مصمم انت

عسال….اكيد.

نادين…..بص هو انا في العموم مش فارق معايا الفرح خالص يعني كفايه اوي ان يكون في مكان صغير و صحابي و اهلهم معايا نحتفل مع بعض اااا انت عارف بقي مليش حد غير جدتي و خالي بس جدتي مريضه و غالباً مش هتقدر تكون معايا من الاخر احتمال بس يكون خالي موجود يعني متقلقش حاجه بسيطه كده مش هدفعك كتير

بصلها بنظره تأثر و ابتسم بهدوء

عسال…..و انا عمري كله ليكي وعلب فكره يعني مش لازم ناس كتير عسان تكونب مبسوطه و يتعملك احلي فرح في الدنيا وبعدين البنات كفايه دةل اخواتك واصحابك واهلهم اهلك و بعدين انا فين من كل ده

نادين….بابتسامه لا انت موجود اكيد اقصد يعني ان الفرح اللي بحلم بيه كبير اوي علي عدد الناس اللي في حياتي فا خلينا احسن في اللي ينفع

عسال…..امممم ده واضح ان كان في مخطط كبير للفرح اللي في دماغك

نادين….بضحكه بريئه و حماس اووووي بص هو مش كبير قد ما هو مجنون

عسال….بابتسامه ايه هو بقي

نادين…..بس مش هتضحك عليا

عسال….بنظره جميله لا مقدرش طبعاً

نادين…..بص هو خلم عبيط كده بس يعني كنت بحلم ان فرحي يكون علي البحر

عسال…الله بردوا

نادين….بابتسامه اه بردوا يعني كلنا نبقي لابسين ابيض يتعمل من بدري يعني و هو لسه النهار طالع يكون في ورد كتير حوالينا و بردوا لونه ابيض امممم الجنان بقي في الموضوع اني هنزل لوحدي و اروح علي المارينا و الاقي حبيبي او اللي هيبقي جوزي يعني راكب فلاي بورد و ياخدني معاه

عسال….اووووف فلاي بورد

نادين….بضحك عديها بقي قولتلك حلم مجنون المهم يعني نرقص مع بعض علي الفلاي بورد علي اغنيه تايتانك و كل اللي حوالينا يبقوا بيتفرجوا علي احلي فريست لوك مجنونه

عسال….بنظره تجنن ده واضح ان القمر بتاعي طاع مجنون بجد

نادين…..بضحك ما انا قولتلك من الاول خلينا في الحلم الصغير

عسال…..هو البحر سهل بس الفلاي بورد عايزه حد محترف وبيعرف يركبوا

نادين…..ما انا قولتلك بقي دي كلها احلام

عسال….بحب بقولك ايه شكلك فوقتي و صحصحتي شويه صح

نادين….اه خلاص فوقت ليه هنمشي

عسال…..انتي مجوعتيش ولا ايه انا هموت من الجوع موحشكيش الاكل معايا

نادين…..ااااا انا يعني مش جعانه اوي

عساا….اخر مره كلتي امته ؟

نادين….ابتسمت و بصتلوا بتفكير

عسال…..قولي قولي عشان شكلي كده هبدأ اتعصب و يبقي في عقاب و هبقي رخم معاكي لان واضح انتي مش بتسمعي الكلام في موضوع الاكل ده خالص

نادين….طيب اعمل ايه طول الوقت في شغل و لما برجع مش بيبقي ليا نفس اكل لوحدي.

عسال…..بس ده غلط يا نادين وانا بتكام جد الوقت لاني بلاحظ انك مش بتاكلي خالص غير لو مع البنات و اكيد هما مش طول الوقت معاكي فا النظام ده لازم يتغير خالص انتي من الاخر كده من الساعه تسعه لما نزلتي مكلتيش صح

هزت راسها نادين بابتسامه

عسال…..عيب انا عارف يلا بينا طيب عشان ناكل

نادين…..اوك

راح عسال علي الرييس و هي معاه و حس ان في صوت جاي من الشنطه فتح الشنطه بهدوء و طلع موبايلها كان في رقم غريب

عسال….حبيبي موبايلك بيرن

نادين…..مين

عسال….مش عارف رقم غريب

نادين…..ده اكيد شغل الوووو

ايوه يا نادين

بصت نادين علي عسال بسرعه و قلبها دق بسؤعه فظيعه و اتوترت اول ما سمعت الصوت ابتسمت ابتسامه كلها توتر لعسال و بعدت شويه عنه

نادين….مين

هادي….ايه نسيتي صوتي يعني ولا ايه انا هادي

نادين….خير

هادي…..عايز اشوفك من وقت ما سافرتي و انا معرفش عنك حاجه و عملتيلي بلوك و حتي حاولت اجيلك مرتين ملاقتكيش

نادين….انت عايز ايه بيتهيألي مبقاش في حاجه بينا خلاص

هادي….ليه هو احنا انفصلنا وانا معرفش؟؟

نادين….والله اسأل نفسك انت ساومتني لو سافرت يبقي كل واحد فينا في طريق

هادي…..وانتي مصدقتي يعني كنت متعصب وانتي عارفه كده كويس

نادين…..بطل طريقتك دي يا هادي انت عارف كويس اننا كنا شبه منفصلين قبل السفر بشهر و مكانش في بينا حاجه

هادي….وده مين اللي قال كده بقي

نادين….انا انا اللي بقول بص يا هادي انا اديتك فرص كتير اوي و انت معرفتس تستغلها طولت بالي كتير عشان العلاقه دي تستمر بس اكتشفت اني كنت غلطانه اصلا لان مكانس في بينا اي حاجه تربطنا

هادي…..غلطانه يا نادين انتي عارفه اني بحبك و عارفه كمان اني مستحيل استغني عنك كل الحكايه اني كنت متعصب عشان دبما بتفضلي صحابك عني بس ده مش معناه اني اسيبك

نادين…..ولا معناه اننا هنرجع او هينفع يكون في حاجه بينا انساني يا هادي و اخرج من حياتي زي ما انا نسيتك و خرجتك من حياتي واتمني متتصلش تاني

هادي….لا يا نادي مس هتخلص كده وانتي عرفاني كويس خليني اشوفك ونتكلم

نادين…..مس هينفع خلصت خلاص

هادي…..بعصبيه مخلصتش وانتي عارفه كويس انها مش هتخلص كده بلاش تشغلي جناني عليكي هنتقابل و هنتكلم

نادين…..لا هنتقابل ولا هنتكلم وياريت متتصلش تاني

قفلت نادين بسرعه في وشه و عملت حظر للرقم و فضلت تاخد نفسها بسرعه و تحاول تظبط نفسها تاني قفلت صوت الموبايل خالص و عملتوا صامت و حطت الموبايل في جيبها لفت بهدوء و هي بتبتسم بس كان باين عليها جداً التوتر و الخوف من لهجة هادي قربت من ميدو

نادين….ااا يلا

عسال….بتركيز انتي كويسه

هزت نادين راسها من غير ما تبص في عينه

عسال…..نودي

نادين….بابتسامه نعم

عسال…. مالك يا حبيبي في حاجه مين بيكلمك

نادين شردت مكانتش عارفه تقولوا ولا تسكت و بلاش تدخلوا في مشكله ملهوش علاقه بيها و تنهيها هي بطريقتها او تقول للبنات و قررت متعرفهوش افضل

نادين….اااا لا مفيش ده تليفون غلط

عسال…..غلط بس انتي بقالك كتير بتتكلمي

نادين….لا كان بيسأل و لنا قولت غلط كان بيسال طيب ده رقم قديم ولا جديد كده يعني

عسال….امممم طيب تحبي تديني الرقم

نادين….اااا لا ليه اقصد لو اتصل تاني اوك بس هو قفل خلاص و عرف انه غلط

عسال…..بصلها وهو حاسس انها مخبيه حاجه وباين انها هايفه و متوتره ماشي يا حبيبي عموما لو اتصل تاني عرفيني

نادين…..اوك

ركب عسال و مسك ايديها ركبها وطلعوا بالرييس.

……………

عند رشيد وايمي

خلصت ايمي اكل مع رشيد وهي يادوب كلت حاجه بسيطه مكانش ليها نفس ولا كانت بتتكلم وكان باين عليها الحزن طلبلها رشيد القهوه

طلعت سيجاره و كانت شارده خالص طول الوقت وهو عينه عليها مش بتبعد

رشيد…..حبيبي كويسه الوقت

ايمي….ااااه كويسه

رشيد…..طيب ايه مش هتعرفيني مالك

ايمي…..رشيد انا مش حابه اتكلم الوقت خالص

رشيد….ماشي يا حبيبي بس يعني مش يمكن ترتاحي لو اتكلمتي

ايمي….مش عارفه بس انا حاسه اني عايزه اسكت وبس

رشيد….وانا مش عايز اشوفك كده ولا حابب ابقي عارف ان جواكي حاجه مزعلاكي بالمنظر ده و اسكت فا اكيد مش هسيبك لوحدك.و لا هسيبك لما تهدي

ايمي…..رشيد.انا لو اتكلمت هنفجر صدقني ومش هقدر اسيطر علي نفسي اصلا انا نفسي افضل اعيط كتير بس مش عارفه

رشيد….ليه كل ده ياقلبي و بعدين انتي مكفاكيش عياط انتي مسكتيش

ايمي….لا يا رشيد لسه جوايا كتير

رشيد….خلاص عيطي لو ده هيريحك

ايمي….انا لا مرتاحه في الببت ولا مرتاحه في الشارع و الناس حواليا

رشيد….خلاص نشرب القهوه و نركب العربيه و نطلع علي اي مكان هادي عيطتي و صرخي و اعملي اللي انتي عيزاه كمان بس هعرف فيكي ايه ماشي

بصتلوا ايمي بحزن فظيع و هي عينها كلها دموع و هزت راسها.

وللحديث بقيه…….