لقاء كـ،ـ،ـارثي
خرجت ليله من الصيدليه و هي مش عارفه تعمل ايه اول مره تتحط في موقف زي ده حتي لما امها ماتت و حتي لما مرت بحجات كتير اوي محصلس معاها كده اول مره تحس انها خايفه و مش قد الموقف الصعب اللي بتمر بيه خافت لدرجه انها مقدرتش تروح مستشفي و تعرف فيها ايه ولاول مره تحس انها محتاجه حد يقف معاها و يسندها فكرت اول حد في عشري اللي كانت موجوعه منه و اللي كان سبب في حالتها فكرت في البنات و اخواتها كانت محتاجه حد بس كمان مكانتش عارفه تفتح موبايلها وتكلمهم طيب هيفهموها طيب هتخوفهم عليها راحت قعدت علي البحر و فصلت تعيط بانهيار و صوت مكتوم كانت حاسه انها محتاجه تصرخ و هي اكيد هترجع تاني كويسه فكرت ان الكتمان اللي عمل فيها كده بس مكانتش عارفه تصرخ الوجع كان جواها مش بيتحرك قافش في قلبها و مكلبش و مقفول عليه ميت قفل الصوت اللي جواها في عقلها بس مفيس حاجه بتطلع منها غير نفس صعب و حتي النفس واجعها قعدت تفكر و تحاول تهدأ عشان تعرف هي هتعمل ايه ..
………………
اما عند الشباب و البنات و صل وليد و احمد وسامح و اتكلموا معاهم وقالت نادين فكرتها احمد وسامح كان عندهم فكره اميمه و قمر قالولهم مكانوش عارفين يعملوا ايه معترضين و في نفس الوقت حاسين انه جايز يبقي معاهم حق . اما وليد فا الفكره نفسها رعبته.
ايمي….افهم بس يا وليد انتي ادري الناس بأختك و بعدين انا عايزه أسالك سؤال وترد بصراحه و ميهمكش عشري خالص انت زعلان من الراجل ده حاسس ان اللي عملوا يخليك خايف علي ليله منه او هو مش امين معاها
وليد….يا ايمي افهمي لو علي عشري نا قولت والله اني مش زعلان منه عتابي الوحيد عليه انه كان لازم يقول من الاول خالص و حتي لو ليله كانت خدت منه جنب عشان خاكب لو كانت قابلته بعد كده في القاهره لما رجعوا و عرفت انه ساب خطيبته وهي بجد اعجبت بيه كانت هترجع تقرب منه تاني بس عشري يمكن فكر غلط و ده ميمنعش انه بيحبها و انا واثق فيه وعارف يا ستي ان اختي معاه هتبقي مبسوطه و هيحطها في قلبه قبل عينه يا ايمي انا راجل و افهم كويس الراجل اللي زيي عشري بيحب اختي و ده زاضح من اكتر من موقف و جدع و ربنا يعلم اني اعتبرته اخ ليا مش هو بس هو و الشباب و مزعلتش والله لاني مقدر موقفه انا نفسي اتحطيت في مواقف كدب مع ليله كتير و زعل وخصام و بهدله بس الفكره نفسها يا ايمي صعبه مقدرش
احمد….بصوا انا لنا عرفت من اميمه بصراحه رفضت اولاً انا قريب من ليله يمكن اكتر من وليد وهو عارف ده كويس ليله انا دخلت عليهم كانت لسه عيله يعني ربيتها بينا عشره و هي بتحبني و بتحترمني و بتثق فيا و انا معنديش مشكله مع الفكره بس مش عايز ثقتها دي تتهز ليله جدعه جداً معايا و مع الكل و ديماً تتكلم معايا و بتعتبرني اخ كبير ليها و يمكن انا من الناس اللي عارف كويس طبع ليله يا عشري ليله عندها عقده من الكدب مش مجرد انها ماشيه علي مبدأ و دي حقيقه بقي عندها فوبيا من انها تكدب او يتكدب غليها و عارف رد فعلها كويس و قرارها في الموضوع ده جايز ابقي رافض الفكره بس كمان عشان عارف قرارها شايف ان ده احتمال يبقي حل مناسب.
سامح…..طيب مع احترامي ليك يا احمد انت والكل احنا ليه نفكر بالطريقه دي ليله حبت بجد عشري مش يمكن المرادي يبقي شويه زعل يطولوا شويه بس في الاخر تهدأ ليه منحاولش نديها مساحتها في الزعل و ترجع و لما تهدأ كلنا كده نقعد نتكلم معاها وزي ما بيقولوا الزن علي الودان امر من السحر جايز نقدر نقنعها نغير فكرتها نحاول نوضحلها الامور بشكل طبيعي ليله مسمعتش منك كويس يا عشري لانها كانت غضبانه لما تهدأ حتي لو مش مقتنعه عشان بتحبك بجد هتلاقي الف عذر يخليها ترجع عن قرارها ده يبقي ليه ندخل نفسنا في مشكله اكبر معاها ليه نلجأ للفكره دي اصلاً
ايمي….بص يا سامح
نادين…..لا لحظه يا ايمي اسفه هقاطعك بس انا حابه ارد علي سامح في النقطه دي بالذات بما ان الفكره دي فكرتي بص يا سامح انا والبنات و انتوا التلاته تحديداً عشرتنا بليله اكبر من الشباب يمكن هما عرفهوها و فهموا طبعها بس الاكيد انهم مش زينا و حتي انتوا مع احترامي ليك يا وليد انت صحيح اخوها بس احنا اقرب ناس لليله ..
ليله قريبه مننا كلنا جداً و لو هتكلم عليا انا بشكل شخصي انا قعدت مع ليله ثلاث سنين في الامارات ودول قربوني منها جداً و فهمت طبعها.
الفكره دي يمكن تكون غلط و يمكن مجنونه زي ما الكل قال بس هي الفكره الوحيده اللي هتنفع مع ليله لو مرجعتش هاديه و حاولت تسمع لو مقررتش تدوس علي قلبها عشان تفضل مصممه علي مبدأها و الكل عارف كمان ان هي مش هتبقي كويسه هتوجع نفسها قبل ما توجع عشري.
اللي خلاني فكرت كده يا سامح ان مهما عشري حاول يفهمها مش هتسمع منه لانها موجوعه منه.
عشري مش هيقدر يسيطر عليها طول ما هي مش معاه بصفه تخليه يسيطر عليها ليله قلعت دبلتها و راحت ادت دهبها كله لالهله وهي حالياً هترجع بتتعامل ان عشري بره حياتها و مش هتقبل منه حاجه لانها بالنسبه ليها مبقاش في بينهم رابط خلاص الخطوبه و راحت لحالها و بقي غريب عنها خلاص لكن لو بقت مراته و في صفه رسميه بينهم عشري هيقدر يتعامل معاها
محدش فينا كلنا هيقدر يجبر ليله تبقي مع عشري او حتي تسمعه ابسط كلمه هتقولها انا سيبته خلاص
بس لو بقي جوزها مش هتقدر و هتتجبر انها تسمعه و انا واثقه في عسري و عارفه انه مش هيسيبها غير وهي مقتنعه و ناسيه كل وجعها منه
ايمي…..صح نادين بتتكلم صح حالياً مفيش صفه رسميه بينهم اختك مجنونه يا وليد عشان تنتقم من عشري و لكرامتها هتحاول تعمل كل خاجه تضايقه و هتستفزه و مش بعيد تعمل نغسها هترتبط مع اني عارفه ان ليله متعملهاش بس هي الوقت مش فاحلتها الكبيعيه و اتوقع منها اي حاجه و بما ان عشري بيحبها و مش هيقبل ده هيتدخل وقتها مش هتسمح ليه و هتقولوا ملكش فيه انا سيبتك و محدش هيقدر يكلمها لان هيبقي معاها حق بس لو بقت معاه هنمنع كل ده اختك بتحبه و بتعاند نفسها قبل ما تعانده
وليد….يا ايمي ليله مجنونه و رحمة امي لو طالتني هتقتلني و مش هيفرق معاها بقي اخوها الكبير ولا احترام و لا كل الهبل ده دي لو طالت تحبسني زي ما قولتوا هتعملها انتوا بتقولها بهزار بس ليله ممكن تعملها و بعدين مش هتستوعب اني بعمل كده عشانها دي ممكن تشوفني بايعها برميها برخصها و انا بلصم علاقتي بيها طول الوقت لانها علي طول فهماني غلط
عشري….صدقني يا وليد مش هيحصل كل ده و خلينا يا سيدي نقول انها هتزعل منك و مني و من اخواتك ومن البنات و من الكل وهتفكر كمان اننا اتفقنا عليها و هتشوف انكم وقفتوا جنبي مش جنبها بس كل ده انا هحله وانا معاها و ليله مش هتطلع من البيت غير وهي مسمحاني و ثقتها فيا رجعت و مش هتطلع غير وهي عارفه ان كلكم عملتوا ده عشانها هي و صدقني مهما زعلت في الاخر هتبقي مبسوطه اختك مكانها معايا يا وليد و هي نفسها عارفه ده بس زي ما البنات قالوا هي عنيده و بتعاند نفسها قبل ما تعاندني مس هقدر اسيطر عليها غير وهي جنبي.
ولو علي كلامك انت لا بتبيعها ولا بترميها و لا بترخصها اختك غاليه يا وليد اوي وست البنات و معاش ولا كان اللي يرخصها ليله تاج علي راسي هشيله لاخر يوم في عمري اللي حصل ده خلاني مش بس اتأكدت من حبها و قيمتها في قلبي لاني كنت واثق فيه بس خلاني عرفت اني من غيرها ولا اي حاجه
وافق يا وليد عشان خاطر ليله و عشان خاطري لو زي ما نادين قالت ورجعت عندها استعداد تديني فرصه انا او انتوا نشرحلها يبقي تمام محصلش يبقي لازم نعمل ده
وانا بوعدك قدام الكل وعد من راجل يعرف الاصول راجل بدوي صعيدي الكلمه عنده زي السيف حقوق اختك كلها هتوصلك و غلاوة ليله عندي ما هلمس اختك غير برضاك و رضاها وجودي معاها و هي مراتي مش هيخليني اتخطي حدودي ابداً مس هلمس اختك يا وليد يوم ما ترجع زي ما كانت و تسامح و تقولها بلسانها هاخدها من ايدها و اسلمهالك و مش هترجع تاني بيتها معايا غير وهي عروسه ..
هعملها فرح لو طولت مصر ملها تتكلم عنه مش هقصر هتدخل بيتي يا وليد و انت راضي و عارف اني حافظت علي شرفك حتي وهي علي ذمتي يمكن هتجوزها غصب عشان مضطر اكسر عندها لكن يمين بالله ما هلمسها غصب ولا هقرب منها و تحرم عليا زي امي الا بعد رضاها ورضاك عايز اكتر من كده
بصلوا وليد بتأثر و حزن و بص لاحمد و سامح وللشباب بقلة حيله كلام عشري كان صادق وهو مصدقه و مش معترض بس خايف من ليله
وليد….طيب افرض مقدرتش تقنعها انت متخيل ليله هتعمل فيا ايه انا اول واحد
ضحكت ايمي علي وليد و الكل ضحك
وليد….بضحك اصلي عارفها ورحمه امي دي مجنونه
عشري……معنديش اي فرضيات يا وليد اختك مش هتخرج غير وهي راجعه ليا
وليد…..طيب هقولك و ده كلام جد البنات فعلاً واضح انهم حافظين ليله بص يا عشري ليله مينفعش يبقي معاها تليفون و لا ينفع تغفلك و تمسك موبايلك و لا ينفع تغفلك وانت نايم و تنزل والله يا عشري لو حصل ده قبل ما تهدأ شويه من ناحيتك وتفهم ليله مهما كانت بتحبك و بتحبني هتأذيني انت قولت انها قالتلك هتأذيك و ان شيطانها كافر و دي حقيقه
عشري عمتي غلطت في امي ليله قتلتها والمصحف و صممت انها تتبل عليها وتحبسها لولا احنا منعناها
زعلت مني سنتين و قاطعتني عشان كدبت عليها ..
قابلت ابويا في مره و استفزها بكلامه عن امي وصوتهم علي و كان هيمد ايده عليها و لنا الناس اتلمت قالهم اطلبوا الشرطه انا معرفهوش
ليله في زعلها صعبه صدقني
عشري….اطمن لا هيبقي في موبايل ولا في تليفون ولا حتي نت كل ده هقطعه الباب هيتقفل نهائي تحت وفوق من الاخر مش هتلاقي غيري قدامها و انت كل اللي عليك تكتب كتابها عليا و اليوم اللي هنتفق فيه اني اخدها تبقي عانل فيها عبيط متعرفس حاجه و تختفي بعدها و انا واثق انها لو هدبت من ناحيتي مش هتفكر في اي حاجه انت والبنات عملتوها
نادين….وانا قولتلهم يا وليد عشان ارفع عنكم كل ده هقول ان انا اللي اقنعتكم و انا اللي مضتها من غيرما تعرف علي توكيل جوازها سيبوها مني ليها مهما زعلت في النهايه هتشكرني والله
رشيد….بضحكه جنيله ما توافق يا عم وليد خايف من ايه كلنا معاك
وليد….بضحك ياعم رشيد اختي وعارفها والله
حسان…..اطمن يا وليد هي زعلها كله الوقت من عشري لو سامحته و الامور رجعت لطبيعتها مش هتقدر تزعل من اي حد بالعكس هتشوف انك وقفت جنبها لانك عارف انها بتحبه و بتعاند نفسها هتشوف ان البنات عملوا كده لمصلحتها
ايمي….علي فكره يا وليد لو اي بنت فينا في نفس الموقف و ليله سمعت الفكره دي هتوافق عليها هي ممكن تبين انها غضبانه و اننا ضحكنا عليها بس بينها وبين نفسها هتبقي طايره من الفرح صدقني
وليد….ايه يا احمد
احمد….بابتسامه والله ما عارف بس انا موافق علي جنانكم و ربنا يستر
وليد….طيب هنعمل ده امته؟
سامح….خلوها طيب زي ما قولتلوا لما ترجع ليله و نشوف رد فعلها.و بعدين اصلا احنا مضطرين نستناها
نادين….صح لازم اخد امضتها علي التوكيل و بطاقتها وكل حاجه
وليد…..طيب تخيل كده ان ليله ناويه تبعد وقت طويل
ايمي….بصوا اللي اعرفوا عن ليله انها مش هتطول اختك مخدتش حقها هترحع يا وليد هي الوقت داخله في ست ايام يعني اخرها اسبوع عشر ايام و هترجع انا بس نفسي ترجع قبل فرح امنيه لان لو ده حصل يبقي وقت مناسب
احمد…..طيب افرضي رجعت فعلا بس قبلها بيوم مثلا
عشري….عادي هنلحق انا في نفس اليوم اللي هترجع فيه هحاول معاها انا و الكل وانتوا معايا مقدرناش يبقي ان شالله في نفس اليوم او تاني يوم قبل فرح امنيه نكتب الكتاب
سامح….طب افرضوا مراحتش فرح امنيه
ايمي….لا هتيجي ولو رفصت هنقنعها و لو مقتنعتش هنتصرف احنا بقي
عشري….ها يا وليد قولت ايه
وليد….بابتسامه هي موته ولا اكتر موافق وربنا يستر
عشري….بابتسامه امل تمام وانا هتملم مع ابويا انهارده و بكره دهب اختك هرجعه ليك و هخلص كل حاجه خاصه بحقوها من مهر لقايمه لمؤخر لكل حاجه حتي المأذون هجهزه
وليد….لا اسمعني اي حاجه تخصها حطها في بيتك دهبها و مهرها و كل حاجه لما تجيلك اديهملها بطريقتك او اديهم لاميمه خرجني انا بره كل ده اهم حاجه بس تبقي راضيه عني
عسان عندي بنات عايز اربيها مش معقول يعني ابوهم يبقي رد سجون
ضحكوا كلهم و بعد كلام و مناقشات اخيراً الكل اتتفق و حس عشري ان رجعلوا ولو جزء بسيط من روحه و بقي عنده امل ترجع ليله ليه..
……………..
علي الساعه تسعه ونص و ليد و احمد وسامح مشيوا
وعشري كمان مشي بعدهم بدقايق و كأنه مش قادر يتجمع معاهم من غير ليله
عسال…..بهمس حبيبي بقولك ايه ما تيجي نمشي احنا
نادين….عايز تمشي؟
عسال….انتي عايزه تقعدي
نادين….لا انا بحسبك عايز تروح او عندك مشوار
عسال…..لا يا عمري انا عايز اخطفك شويه
نادين….بأبتسامه طيب يلا قوم.
قام عسال وقف و مسك كفها
عسال….بقول ايه انا هخلع انا و نودي
ايمي…..رايحين فين خليكم ناكل سوا
رشيد….هتصيع فين يا ميدو
عسال….بابتسامه خد بقالك انت بقيت حشري اوي من ساعه ما اتجوزت
رشيد…….ياعم لو عاجبك
سلامه….ما تيجي نخلع احنا كمان
ايمي….ما تقعد انت كمان هتروحوا فين
سلامه….اهو نتمشي شوبه نعمل اي حاجه
ايه…اه انا زهقت اصلا من القاعده
سلمي…..الاتنين دول بيعشقوا فرط الحركه
عسال…..فضل انت قاعد لسه
نعيمه….فضل بينام علي نفسه
رشيد……لا فضل جعان
فضل….اه والله جعان جداً
ايمي….سلمي ما تنزلي كده تشوفي انتي حوار الاكل ده
عسال….طب سلام احنا
نادين….يلا باي
ايه…..سلمي هبقي اشوفك فين يا ايمي باي يانوني
سلموا عليهم ومشيوا
حسان…..سلمي انتي مطوله
سلمي….ايه تعبان عايز تمشي
رشيد…يمشي فين اقعد يا عم خلينا قاعدين شويه مع بعض
ايمي…..خليك يا حسان عشان تغير جو شويه و بعدين ايه وسلامه مشيوا الجو بقي هادي دي فرصه نقعد شويه في هدوء.
حسان…..ايه هتفضلي
سلمي….خلينا شويه بس اللي يريحك
فضل…..خليك ياعم بقي بطل رغي وانتي الله يباركلك انزلي هاتي الاكل
نعيمه…..اول مره اشوفك جعان كده
فضل…..طب اكليني بقي و اكسبي فيا ثواب .
سلمي…..طيب انا رايحه و جايه علي طول حد فيكم عايز حاجه معينه
فضل…..سلمي اللي هتجيبيه هاكل منه
ايمي….بضحك لا هو كده جعان بجد انزلي يلا اطلبي علي ذوقك
سلمي…..بأبتسامه طيب تمام .
و لعوا الشباب سجاير ومد رشيد ايده بسيجاره لايمي
رشيد….حبيبي
ايمي….لا لا مش قادره الوقت لما اكل
رشيد….ماشي يا قلبي
سندت ايمي علي كتفه فا هو تلقائياً رفعه و ضمها
حسان……بقولكم ايه بما اننا خلاص كلنا وافقنا علي الجريمه المهببه دي و طلعنا عايزين عنبر واحد في العباسيه تفتكروا بقي ده صح ولا غلط
نعيمه…..بضحك علي فكره انا لحد الوقت مش موافقه وافقت بس تحت تهديد سلاحكم
فضل…..ايه يا شبح قلبتي قطه ليه؟
نعيمه….بضحك ما اهو انا يا اخويا اللي عايشه معاها في نفس البيت يعني لو هتحبسكم هتيجوا تلاقوها شنقاني
رشيد…..بضحك تصدقي صح
ايمي…بضحك يا بت ماهو لو عشري حبسها بعد ما يخطفها مش هتطولك
حسان…..طب ايه مردتوش علي السؤال
نعيمه….بص انا لو مكان ليله مش عارفه يعني ممكن اتبسط و لو بتسأل ده صح ولا غلط صراحه انا مش شايفه ان ليله هتيجي غير بالطريقه دي
فضل….نام علي كتف نعيمه بص انا ليا رأي اولاً مش شايف ان ليله هتتغصب لان كلنا عارفين انها بتحبه و اللي حاصل بينهم ده سوء تفاهم و كمان اخواتها موافقين و هتتجوز علي سنه الله و رسوله بس يمكن الموقف مش ظريف بعد الموقف الاول و هتطلع عين عشري و بصراحه مش ضامن تعمل ايه لما تعرف.
ايمي…..بابتسامه و انت لسه فاكر الوقت
رشيد….طيب و وافقت ليه ياروح امك من الاول منصحتش المجانين ليه و طلعت عاقل
فضل….عشان زي ما نعيمه قالت ليله مش هتيجي غير بالطريقه دي
