لقاء كـ،ـ،ـارثي
اما عند الشباب تحت نزلوا بسرعه وراء وليد اللي كان متعصب
احمد…ما تقفش يا ابني بقي و اعذرها يا وليد دي مش ليله اللي نعرفها هي غضبانه و الغضب بيعمل اكتر من كده جات فيك اتحملها عشان هي اختك
سامح….وليد انا اشك ان ليله في وعيها لان لو ليله في وعيها مش هتقدر تقف قدامك و تقول كل ده
وليد…لا في وعيها يا سامح ليله طول عمرها علي قد حنيتها وحبها علي قد ما ديماً بشوف جوه عينها نظره وجع مني طول الوقت بحاول افهما يمكن كنا بنتكلم اوقات و افهم منها حاجه بسيطه ضايقتها مني بس كانت بسرعه تقفل الموضوع و تغيره بس دي اول مره تخرج اللي جواها و تشوفني وحش كده انا مش ضعيف يا احمد و مش هزيل في اي حد جه عليها و وجعها بس انا طول عمري بحاول اقوم بدور الاب اللي اتحدف علي كتفي مره واحده كان في رقبتي ثلاث ولايا كنت بخاف عليهم كنت عايز اعيش في امان انا وهما اااااه كنت عايز امشي جنب الحيط و ده مش ضعف ولا قلة حيله بس كنت بحافظ عليهم و بحافظ علي نفسي من البلطجه و فتحة الصدر كنت بخاف اروح امسك في اي حد ضايق واحده فيهم و اعمل مصيبه و اتحبس واسيبهم لوحدهم من غير راجل انا كنت لووووحدي طول عمري لا ليا صاحب و لا عيال عم و لا عيال خال او خاله راجلي الوحيد كان ابويا و زي ما قالت طول عمره بيحاول يشدنا ليه عشان امي ترجعلوا لانه كان عارف ان امي روحها فينا و احنا نقطه ضعفها لو قدر يشدنا ليه هي هترجعلوا غصب عنها و للأسف مكانش قدامي حد اتسند عليه مكنتش قادر علي مشاكل ليله هي مكانتش كده بس انا عاذرها هي فكراني مش عاذرها وباجي عليها بس انا عارف ان اللي وصلتلوا ده بسبب كل اللي حواليها اول حاجه وجعتها وغيرتها موت صاحبتها يمكن هي مكانتش لسه مدىكه ده و لا وجعها كان حزن لانها كانت طفله عشر سنين تقريباً بس اللي وصلها لكده نظرات الكل واتهامهم زي ما قالت بقت عنيغه متمرده ايدها سابقه عقلها و عقلها اوسخ من الشيطان لو حد فكر يقرب منها كان لازم اكون كده لاني لو كنت طاوعتها كنت ضيعت الكل.
رشيد….طيب اهدي يا وليد و خد نفسك و وحد الله احنا فاهمينك كويس و زي ما قولت انت صح بطريقتك و هي صح بطريقتها يعني اعتبره سوء تفاهم او اعتبره كان كبت يا اخي و خرجته
عسال….وليد رشيد معاه حق ليله طول الوقت وهي بتتكلم مش طبيعيه هي نفسياً مش كويسه كل حاجه اتراكمت جواها وخرجت مره واحده
وليد…..بس بالشكل ده تتهمني اني بغلطها عشان مصلحتي مع عشري
عشري….عادي يا عم وليد موجوعه شويه منك بسبب مواقف قديمه وفضفضت الدنيا متهدتش موجوعه مني و بتعاملني بأوسخ طريقه بردوا هستحمل وهعدي اختك امبارح سمعتني كلام مفيش راجل يقبله علي كرامته قالتلي انت معندكش دم ولا كرامه ولا راجل و سكت مش عشان انا كده و غلاوة ليله يا وليد لو حد غير ليله كان ادفن في مكانه مش عشان انا عشري لا عشان راجل واي راجل مكاني مش هيقبلها بس انا عارف انها مضايقه و كفايه اوي التعب اللي هي فيه يعني انسي كل اللي اتقال ده ليله بنت و البنت بتبقي حساسه هي شايفه انك تتخانق و تضرب وتحامي و تدافع و تقف في وش اي حد عشانها واجب بس عمرها ما هتفهم ابداً وجهة نظرك انت صح فرد العضلات مش ديماً صح خصوصا لو انت بطولك زؤ ما قولت يعني كلنا فاهمين ده و خد بالك ليله هتهدأ و هتضايق انها سمعتك كل ده.
وليد….تضايق ولا متضايقش هي خرجت اللي جواها و قالت كل حاجه شيلاها في قلبها من ناحيتي اسمعني كويس انا عارفها و عارف دماغها انت لسه عايز تتجوزها يا عشري زي ما قولت
عشري….انت بتسألني يا وليد لسه
وليد….اه بسألك انا كنت متردد بصراحه بس بعد اللي حصل ده لا انا موافق و يلا بجملت الغلطات يا ليله كدن كده هي مش طيقاني و موقفها باين من ناحيتي
احمد….يا ابني متقولش كده انت عارف بتحبك قد ايه
وليد….خلصت يا احمد اسمعني يا عشري واضح ان مفيش حل غير ده بس خد بالك هتتعب معاها لو شايف انك هتقدر كمل
عشري…..هقدر يا وليد و هعرف ازاي اخرج كل ده من قلبها و انسيها
وليد….حلو جاهز امته
عشري….الوقت اللي تحدده
وليد….مفيش وقت يا عشري انهارده الاتنين قدامك بكره او بعده قبل فرح اخت ايمي زي ما اتفقنا و خدها يومها بس انت وعدتني يا عشري مش هتلمس اختي غير لما افرح بيها بطريقتي انا صحيح اتوجعت منها بس كمان دي اختي يا عشري و لبله غاليه مش رخيصه في عيني زي ما هي متخيله.
عشري….بابتسامه و شرف الغاليه ما هلمسها غير و هي معايا احسن من الاول هرجعها و اسلمهالك و اقولك ليله رجعت تاني لعقلها و صاغ سليم و هرجع اخدها منك تاني و هي عروسه
وليد…..بابتسامه طبطب علي كتف عشري وانا واثق فيك يا عشري و علي بركه الله هاااا امته
عشري…..بيتهيألي بعد بكره الاربع تكون نادين عرفت تخلص اللي قالت عليه
وليد…تمام كتب الكتاب هيكون في عندي او عند اميمه و في اليوم ده البنات ميسيبوهاش عشان متحسش بحاجه
عشري….تمام اتفقنا و اهدا كده و وحد الله و اعتبر مفيش حاجه حصلت
وليد….كله خير يا عشري.
………………..
في بيت نادين بعد ما نزلوا الشباب
وبعد صمت دام دقايق
اميمه….بوجع فجرتي البركان اللي جواكي يا ليله أرتاحتي كده خلاص
نفخت ليله الدخان و هي ايدها بتترعش و ساكته
اميمه….انا مش هاجي عليكي يا ليله و اقول انك غلطانه ولا هقول ان ملكيش حق عشان انا اقرب واحده ليكي و عارفه انتي طول عمرك شايله ايه و يمكن اللي قولتيه كان اقل كمان من مواقف كتير بس انا طول عمري يا ليله بحاول اننا نبقي ايد واحده كتف في كتف زي ما امك كانت عايزه حاولت علي قد ما اقدر اكون ام ليكم و المكم في حضن بعض لاننا ملناش غير بعض لما كان يحصلك اي موقف و اشوف في عينك انك موجوعه من اخوكي اقولك معلش هو ربنا يعينه شايل فوق طاقته اخوكي غلبان يا ليله و بيحبك بس و الله يا ليله كنت واثقه ان هيجي يوم من الايام و يحصل اللي حصل ده بس بعد ما عشري دخل حياتك و شوفتك قد ايه مبسوطه شوفت وقفتك مع اخوكي لما عرفتي انه في زنقه و بعدها انتي و البنات و عشري و صحابه كملتوا وقفتكم دي حمدت ربنا وقولت خلاص ليله مستحيل تعملها وجعك من اللي حصل يا ليله طلعتيه علي اخوكي بس مكنتش اتمني تجرحيه كده
ليله….اجررررحوا حتي انتي يا اممميمه شيفااني غلططانه
اميمه….لا مش غلطانه و انتي صح مش بريحك بكلمه انتي صح بجد بس يصعب عليا يا ليله اشوفكم واقفين في وش بعض ليه يا ليله
ليله…..بصتلها لوجع و دموع عشااااان تعبت تتعبت اوووي عششان هووو اللي ووولع النننار جوايا كككان هيحصصل ايه لوو سكتت و مدااافعش عن عشرري هاااا خلاااني مشوووفتش غيير كل مره كاان بيغلططني فيها كااان نفسي ياخددني في حضننه و يقووولي ملللعووون ابو اااي راااجل يجرححك اووو يوججعك
بيتكلممم بفخخخر عن دووور عشسري في تدويره عليااا طبب وانننت عممملت ايه للدرجااادي غيااابي اتتعود عليه اتعووود علي وجعيي و هروووبي و عاااارف ان كدده كدده هترررجع يييعني هترووح فين كفاااايه بببقي بجد انننا تعبببت اوووي وووالله تتعبت اقووولك علللي حاجه يا اممميمه انا وووحشه و فيا كل الصفااات الووحشه سيبوووني بقي ففي حااللي اااصل الموووجوع ده يا اممميمه مهما شرررح وجعهه محدش بيحسس بيه سيبوووني بقي اننا احسسي بنفسييي بططريقتي
قمر….بدموع اميمه خلاص سبيها هي تعبانه قفلوا بقي علي الموضوع ده كفايه اوي انها رجعت اي حاجه تاني مش مهمه و هي وليد اخوات و مهما حصل بينهم هيهدوا.
ليله…..ااننا تتتعبانه و عاااايزه انننام
وقفت اميمه و قمر
اميمه….نامي يا ليله نامي و ارتاحي بس ياريت بقي تفتحي موبايل عشان علي الاقل اطمن عليكي
قامت ليله بهدوء و راحت باتجاه اوضتها من غير و لا كلمه و بعدين وقفت ثانيه و رجعت تاني لاميمه و هر بتعيط و اترمت في حضنها بانهيار
اميمه….عيطي يا ليله عيطي
قربت منها قمر باس راسها و هي بتعيط معاها و طبطبت عليها
البنات كمان كانوا واقفين يعيطوا معاهم هما الثلاثه
اميمه….عيطي متسكتيش يا ليله خرجي اللي جواااااكي كله يا نور عيني
ليله…ااااااااه و جعوووني والله يا اممميمه و اللله العظظظيم حبتهم منن قلبي عششررري و ججعننني اوووي
اميمه….بدموع بيحبك يا نور عيني و الله بيحبك هتنسي و هتهدي
ليله….موووش قاااادره اابعد و اللله مااا قادره
اميمه…..تبعدي ده ايه في حد يبعد عن اللي بيحبه يا ليله خدي وقتك بس اهدي و فكري
ليله…اننننا ممووووش عيزززاه خخلاص
قمر….طيب خلاص اللي انتي عيزاه هنعملوا بس اهدي والنبي عشان متتعبيش اكتر
سكتت ليله و بعدت عن اميمه وقمر و حطت اؤدها الاتنين علي جنب راسها تضغط جامد من الصداع و بعدين مسجت دموعها و شاورتلهم بايدها بتوهان وسابتهم و راحت علي الاوضه.
اميمه….بدموع فضلت بصالها لحد ما دخلت وقفلت وراها متسيبوهاش عشان خاطري ليله قلبها واجعها و المرادي هي محتجاكم بجد
ايمي….مسحت دموعها متقلقيش عليها وجعها لسه في اوله هتهدأ و ترتاح انتي عارفه ليله كويس
اميمه….ربنا يهدي قلبها و يريحه يارب .
قمر….حاولوا تخلوها تفتح موبايلها
سلمي….ماشي هنخليها تفتحه متقلقيش و بطلوا عياط بقي هي بكره والله هتبقي احسن كل اللي بيحصل ده كويس عشان ترتاح و تخرج اللي جواها
اميمه….كله خير يلا انا همشي الوقت و هنزلهم
ايمي….طيب يلا و خدي بالك من نفسك والنبي
سلموا البنات عليهم و بعدين نزلوا
قعدوا البنات كلهم في مكانهم ساكتين و نفسيتهم زي الزفت بسببها
نعيمه….انا هدخل اشوفها
نادين….نعيمه سيبيها والنبي كفايه عليها كده انهارده خلوها تقعد مع نفسها بدل ما ترجع تنشي تاني
ايمي…..سبيها يا نعيمه خليها ترتاح شويه كده و نشوفها.
فات حوالي نص ساعه طلعوا الشباب.
عشري…..هي فين
ايمي….عشري عشان خاطري بلاش تدخلها انهارده سيبها
سلمي….اه يا عشري خليها ترتاح هي انهارت اصلا بعد ما وليد نزل فا خلوها تهدأ
عشري….تمام قرب منهم بهمس و بص لنادين انا و وليد اتفقنا و الكل عرف تحت كتب الكتاب هيبقي يوم الاربع
نعيمه….عشري فكر والنبي بعد اللي حصل انهارده ده ليله ممكن تقلب الدنيا
ايمي….مفيهاش تفكير يا نعيمه خلاص احنا قولنا نشوفها بكره لما تهدأ و ترتاح لما جينا انهارده كانت بتضحك و هاديه قولت يمكن تفوق شويه بس لا بعد اللي حصل ليله هتحاول تثبت ليك انت و وليد انها مش محتاجكم نفذ يا عشري
عشري….نادين انا محتاجك
نادين….متقلقش سيب الموضوع ده عليا بس انا عيزاكم يا بنات كلهم تبقوا موجودين بكره عشان تمضوا معاها علي اي ورق عشان متشكش في اي حاجه
ايمي….تمام
عشري….طيب انا همشي بقي و هحاول اخلص كل حاجه علي بكره بالكتير عشان يوم الاربع هنبقي عند اميمه بس انتوا مش هتبقوا معانا حاولوا تكونوا معاها طول الوقت عشان متحسش بحاجه
نادين….تمام
عشري….نادين عينك عليها و اوعي تمشي من وراكي
نادين…متقلقش
نعيمه….انا هبات معاهم انا كمان و انتي يلا يا ايمي روحي و تعالي بكره و انتوا كمان يلا امشوا
ايمي….طيب هروح اشوفها الاول
راحت ايمي فتحت الباب بهدوء لقتها نايمه بلبسها و الشوز و ضامه رجلها و مغمضه عينها بس صاحيه
قرب عشري من الباب وقف من بعيد بص عليها.
دخلت سلمي و ايه وراء ايمي.
ايمي قربت منها باست راسها بهدوء.
ايمي….ليله انا همشي و هسيبك الوقت يا قلبي و عشري وكلهم ماشين متقلقيش أرتاحي و بكره هتلاقيني عندك ماشي يا عمري
هزت ليله راسها بهدوء
سلمي….ليله لو عيزاني ابات معاكي انا و ايه هنفضل
ليله….مسحت دموعها بهدوء من غير ما تبص ررروحووا يلااا
ايه…لولي طيب افصل معاكي انا
ليله….ااانا ككويسه يا اايه يلااا رووحي
ايمي….انا بحبك اوي و هفضل معاكي و علي قلبك انا والبنات باست راسها تاني و باسوها البنات و بعدين خرجوا و قفلوا وراهم
ايمي…..بهمس لعشري يلا خلينا نمشي.
عشري….بحزن تمام
سلموا علي البنات و مشيوا كلهم و فضل معاها نادين و نعيمه.
نعيمه…..اقفلي الباب ده كويس و خدي المفتايح دي خبيها.
نادين….طيب بقولك ايه قربي الكرسي ده من الباب شويه عشان لو فكرت تخرج نسمع صوته
نعيمه…..ماشي انا هنام هنا مش هدخل جوه
نادين….طيب تمام .
راحت نعبمه علي البلكونه كلمتوا و عرفتوا انها هتبات معاهم و حكيتلوا اللي حصل كله و فضلوا يتكلموا كتير .
عدي وقت طويل و كل شويه البنات يدخلوا يشوفها براحه كانت عامله نفسها نايمه و بعد ما الكل نام و اتأكدت انهم نامو قامت بهدوء جابت موبايلها و فتحته لاول مره من اكتر من اسبوع..
وللحديث بقيه…….
