لقاء كـ،ـ،ـارثي

لقاء كارثي
أميره أسامه
صاحبة البطل الواحد

.البارت الخامس و الخمسين .

…………………….

مسكت نادين موبايلها عملتوا صامت محبتش تققلوا عشان عارفه ان ميدو لو اتكلم ولقاه مقفول هيقلق كان عنده شغل و كان مشغول و دي اكتر حاجه كانت مريحاها عشان مش هتعرف تقولوا الوقت اي حاجه.

طلبت منها ليله تركن العربيه بعيد عن البيت شويه عشان محدش يعرف انها رجعت و بعدين اتحركت بيها علي طول.

نادين طول عمرها بتتعامل مع ليله و ايمي علي انهم اخواتها الكبار بتحس فيهم بحنية الام و ده بالنسبه لاجزء الخاص بالمشاعر اللي بعيد كل البعد عن طريقه شغلها وان هي اكتر حد إداري و مسيطر.

لكن في المشاعر اتعودت تشوف الاتنين دول بالاخص أقوياء مكانتش قادره تسيطر علي دموعها كانت مرعوبه ومصدومه دقات قلبها فظيعه ايدها بتترعش جامد وهي بتسوق مش قادره تستوعب ان دي ليله مش قادره تستوعب ان الموضوع معاها تطور ان حالتها توصل لكده.

ليله….كانت قاعده علي الكرسي جنبها مرجعه راسها لوراء و باصه علي الطريق كانت ساكته خالص و عامله زي الجثه الهامده..

حست ليله ان العربيه بتروح شمال و يمين بصت علي نادين لمحت دموعها و انها مش كويسه.

ليله….نننادين ممن ففضلك أاهدي اووو أركككني علي جننب لووو ممش قادررره تسووقي

ركنت نادين بعد ما اتحركت كام شارع من بيتها و فضلت تعيط

ليله….نووودي حبيبببتي متتتتخلنيش أندددم اننني جتتتلك انتتي

نادين…..ليله انا قلبي هيقف والله العظيم والنبي انا بحلم انتي كويسه مش كده

بصتلها ليله بأبتسامه هاديه و حطت كفها علي كف نادين ايدها كانت مالجه و فيها رعشه مش بتقف

ليله…اااانا ززي الففلل يا بببببت انتي ممش عااارفه صصاحبتك ووولا ايه
يلااااا اطلللعي و اهدددي

هزت نادين راسها و كملت سواقه و بعدين بصتلها بتوهان

نادين….طيب انا مش عارفه المفروض نروح فين الوقت مستشفي عاديه ولا دكتور ولا ايه

ليله……ممممستشفي الاوووول

نادين…طيب انتي بردانه ايدك ساقعه خالص و بتترعشي

سكتت ليله ثواني محبتش تقولها ان ده تأثير عدم الاكل هزت راسها بهدوء

قفلت نادين الشباك و مسكت كفها و طارت بسرعه علي المستشفي .

دخلت و قعدت ليله علي اقرب كرسي.

نادين….ليله بصي يا قلبي هخيكي مرتاحه انا هسأل هنا في الريسيبشن علي دكتور مخ و اعصاب تمام جيالك

هزت ليله راسها بضعف و قعدت ضامه ايدها كل حاجه فيها كانت متغيره قعدتها و ضهرها المفرود ديماً بثقه اتبدلت تماماً

غابت عنها نادين دقايق بس كانت تحت عينها كل ثانيه تبص عليها حاولت نادين علي قد ما تقدر تتماسك و تكون قد المسؤوليه اللي ليله رجعت رمتها عليها..

راحت قعدت جنبها و حطت ايدها علي كتفها بهدوء و ابتسمت بحزن

نادين….لولي دقايق بسيطه و هندخل للدكتور حظك حلو في استشاري مخ و اعصاب موجود هنا

ليله…مممااشي

بصت نادين علي رعشه ايدها قلعت الچاكت بتاعها و حطته عليها

ليله….هتتتبردي ككده

نادين…لا يا عمري انا كويسه اوي مسكت كفوفها الاتنين بين اديها

ضغطت ليله علي كف نادين بقوه و كأنها بتأكد لنادين قد ايه هي محتجاها ..

دقايق مرت و قربت منها الممرضه تطلب منهم يدخلوا للدكتور.

قامت نادين و مسكت ايدها و خدتها وراها كانت طفله مش ليله.

دخلت نادين بهدوء

نادين….مساء الخير يا دكتور

كان دكتور كبير في السن ليه شخصيه و وشه بشوش

الدكتور….مساء النور اتفضلوا مين ليله.

نادين….هي ليله ؟

الدكتور….ايه الاسم الحلو ده يا ليله ده اسمك ولا دلع

ليله….بهدوء و طاعه ااسمي

الدكتور…..جميل عاشت الاسامي طيب قوليلي بقي يا ليله بنشتكي من ايه؟

بصت ليله لنادين بضعف.

نادين….قعدت علي حرف الكرسي و مسكت كفها ممكن انا اتكلم يا دكتور

الدكتور….طبعاً اتفضلي

نادين بدأت تتكلم و هي بالغصب ماسكه نفسها كانت دقنها بتترعش صوت نبرتها كله دموع

نادين….ااااا ليله يا دكتور عندها صعوبه في الكلام هي مش كده بس حصل يعني معاها موقف سكتت ثواني و دموعها نزلت تجري

الدكتور…..طيب ممكن نهدأ مين فيكم اللي تعبان لما انتي كده هي بقي تعمل ايه بالهداوه واحده واحده
فهميني يعني ايه عندها صعوبه في الكلام

نادين….ااا يعني مخارج الالفاظ و الحروف عندها فيهم مشكله بس هي كانت طبيعيه

الدكتور…..طيب ازاي ممكن يا ليله نتكلم كده و تحكيلي انتي و لا مش هتقدري.

ليله…اااا لااا ههققدر اننا مممعرررفش اززاي حصصل كده اكككتشفت ددده امبببارح انننا ككنت فييي اسكندددريه و حسيييت اااان عنددي ببرد و جسسسمي ووواجعني وزوووري رووحت الصيدلييه مكنتششش عاارفه اطلببب الدوووواء وولا اوووصف حاسسه بأيييه بس الصيدددلي قاااالي لااازم اررروح المسسستششفي

الدكتور…..طيب فجأه كده ؟ يعني اول مره تحصلك الحاله دي ؟

ليله…اااايوه

الدكتور….طيب انتي كده من امبارح بس؟

ليله…ممممعرفش

الدكتور….يعني ايه متعرفيش انا اقصد امته حسيتي ان طريقه كلتمك اتغيرت بالشكل ده و وصلت للحاله دي

نادين….بدموع لحظه يا ليله دكتور ليله حصل معاها موقف ضايقها والكلام ده كان يوم الثلاث اللي فات و بعدين مشيت راحت علي اسكندريه و اختفت خالص يعني كانت حابه تبقي لوحدها و ليله متعرفش امته حصل معاها كده بالظبط لان هي من وقت ما راحت و هي مش معاها حد مش بتتكلم قافاه موبايلها خالص و قالتلي كمان انها تقريباً متعاملتش مع اي حد و لو اشترت حاجه كانت بتدي الكاشير الڤيزا من غير ولا كلمه فا هي بكره هيبقي بقالها ثمان ايام وارد تكون من صدمتها حصل معاها كده من كام يوم بس هي مجربتش تتكلم و جايز امبارح بس

الدكتور……محاولتيش تتملمي خالص يا ليله طيب مش فاكره حتي انك اتكلمتي بينيك و بين نفسك يعني اوقات الواحد لو حب يختلي بنفسه بيتكلم بردوا

ليله…..هزت راسها لاااا كككنت سسساكته

الدكتور….طيب خير ان شاء الله قوليلي الاول يا ليله انتي بتعاني من اي امراض مزمنه

ليله….لاااا

الدكتور….مش بتاخدي علاج لاي حاجه

ليله….لاااا

الدكتور…..طيب قبل الموقف ده متعبتيش مثلاً مخدتيش علاج لاي حاجه حتي لو برد

ليله….لللاأ

الدكتور….طيب قوليلي يا ليله انتي في العموم لما بتزعلي بيحصلك اي عرض غريب يعني بتحسي بأي حاجه مشابهه ولا دي اول مره تزعلي كده

ليله…لااااااا زعععلت كتتتير اوووي بسس اووول ممره يحصصصل كدده

الدكتور…طيب بصي مبدأياً كده احنا محتاجين نعمل حالاً رنين مغنطيسي علي المخ و ناخد منك عينة دم نعمل كام تحليل كده قوليلي بس الاول اخبار الاكل معانا ايه يعني الزعل اثر علي الاكل ولا لا

نادين……لا اكيد مأثر هي واضح انها وزنها نازل خالص

ليله…اااا كلتت ببسكوووت بسس

الدكتور….يعني ايه كلتي بسكوت ده امته امبارح ولا انهارده

ليله….لاااا كان يوووم الخممميس او الجمممعه تقريباً حسسيييت اني دااايخه و فففي زغلللله ففي عيني ومكككنتش قادررره اقققف فااا نزززلت اشتررريت بسكوووت كنت بباكل واااحده او اتننين لمما بحس بتتعب

الدكتور…..يعني علي كلامك انتي من يوم الثلاث مكلتيش غير يوم الجمعه كانت اولل حاجه تدخل معدتك

ليله…اااييوه

نادين….دكتور هي كمان مدخنه يعني اكيد شربت سجاير كتير و كمان قهوه

الدكتور…طيب كلتي كام كيس بسكوت يا ليله

ليله….بتوهان هزت كتفها بمعني معرفش ممممكن وواحد اووو واحد ونننص

الدكتور….بصدمه او واحد نص كتير كده ايه مستغنيه عن صحتك و عايزه و زنك يزيد ليه كان بيتكلم بسخريه ده ايه اللي حصل معاكي يوصلك للحاله دي انتي شايفه ان في حاجه تستاهل تضيعي نفسك بالشكل ده ثمان ايام علي كيس و نص بسكوت مدخنه بتشربي قهوه

طيب مبدأياً كده انا عايز الاول اشوفك و بعدين هتروحي مع الممرضه هتسحب منك عينه الدم و بعدين هتروحي تعملي الرنين تمام و هترجعيلي تاني

هزت ليله راسها قامت الاول كشف علبها كشف مبدأي بص علي عينها و بعدين سألها تاني.

الدكتور…..ليله غير الكلام حاسه انك ناسيه حاجه يعني في اي مواقف او احداث مش فكراها

ليله….ااااالااا ففاكره كل حاااجه

الدكتور….تمام يلا روحي مع الممرضه و هستناكي تاني.

خدتها نادين وراحت مع المممرضه سحبوا منها عينه الدم و بعدين خدوها علي الاوضه بتاعت الاشعه عشان تعمل رنين مغنطيسي علي المخ.

بمجرد ما ليله شافت السرير بتاع الرنين مسكت في ايد نادين بخوف و توتر فظيع

نادين…..ليله متخافيش يلا ادخلي انا هقف استناكي هنا

ليله…اااالللا لااا خخليكي مممعايا

الدكتور…متقلقيش الموضوع بسيط

هزت ليله راسها و ايدها كانت بتترعش جامد هي عارفه الجهاز ده و بتخاف منه و بتتقبض

نادين….طيب معلش ممكن ادخل معاها من فضلك يعني اكيد شايف حالتها

الدكتور….طيب خلاص تمام اهدي هخليها تدخل معاكي الاول هتروحي مع الممرضه تلبسي اللبس اللي هتديهولك لو في اي حاجه معدن لبساها تقلعيها و لو في حاجه في شعرك كمان الموبايلات بره

نادين…انااا لابسه ساعه.

الدكتور….اي حاجه معدن تقلعيها لو لابسه حزام في معدن و لو في زرار معدن كمان و افضل لو تلبسي زيها معلش عشان ده امان ليكم اكتر

نادين….طيب تمام هلبس زيها

الدكتور….طيب اتفضلوا مع الممرضه و هي هتقولكم تعملوا ايه

دخلوا هما الاتنين غيروا ساعدتها الاول نادين و لبستها مريله كده و كانت ليله لابسه اكتر من حلق في ودنها قلعتها كل حاجه و قلعتها السلسله و الخاتم و اتأكدت ان مفيش معدن خالص و بعدين هي قلعت كل حاجه و كانت لاول مره تقلع من ايدها حاطه مامت عسال بعد ما هو لبسهملها في دهب فكت شعرها من التوكه و سلمت كل حاجه للمرضه و بعدين خرجوا كانت ليله ماسكه ايدها.

الدكتور… اتفضلي اطلعي و البسي السماعات دي عشان الصوت و حضرتك كمان يا انسه ممكن تلبسي بردوا السماعات دي عشان الصوت ميضايقكيش

نادين….تمام تعالي يا ليله قربي حطتلها سمعاات تسد الصوت عن ودنها و بعدين لبست هي كمان طلعت ليله وهي مرعوبه و نظرات عينها فيها ذعر و رهبه يقتلوا.

نادين….بهدوء قربت منها باست راسها متخافيش هاتي ايدك انا جنبك بصت للدكتور هو ينفع افضل جامبه و امسك اديها

الدكتور….. اه عادي يلا اطلعي لو جاهزه.

بصت ليله بتوتر علي الجهاز كان مرعب ضيق و عامل زي التابوت و يخنق و احساسه بشع

الدكتور….حس بتوترها ااااانسه ليله صح

نادين…ايوه

الدكتور….بصي اولاً عايزك تهدي خالص الموضوع مفيهوش اي حاجه مؤلمه كل الحكايه شويه دوشه مزعجه حبه بس السماعات هتقلل الازعاج ده اطمني خالص و اهدي متوتريش نفسك الموضوع هياخد حوالي من 20 ل30 دقيقه بس هيعدوا بسرعه حاولي تشتتتي تفكيرك فكري في اي حاطه اقراي قران عشان تهدي اكتر لو حسيتي اي وقت انك مخنوقه مش قادره تتنفسي حاسه بتعب او مش قادره تكملي اعملي اي اشاره و انا هوقف فوراً احنا موجودبن جنبك متخافيش

اهم حاجه ظبطي نفسك و خدي نفسك بهدوء عشان متتوتريش تمام

هزت ليله راسها بخوف اكبر

الدكتور ….يلا اتفضلي

ساعدتها نادين و الممرضه و دخلت جوه الجهاز غمضت عينها بقوه و قبضت علي ايد نادين اللي كانت دموعها مش بتقف و عماله تمسك ايدها بقوه عشان تطمنها.

ليله كانت حاسه باحساس بشع كانها فعلاً مدفونه الصوت كان مزعج الاصوات اللي جواها مزعجه اكتر جسمها تلج اكتر و رعشه ايدها مكانتش بتقف نادين كانت عماله تنشي ايدها علي كفها و تقرأ قران ليها و هي كمان الصوت كان مزعج بالنسبالها.

حاولت ليله تقاوم اكتر من مره حست بخنقه فظيعه وان نفسها كان بيروح بس خافت يطلب منها يعيدوا فا جات علي نفسها كالعاده لحد ما فات نص ساعه قفل الجهاز و طلعها منه بس و هي خلصانه دموعها كانت نازله و حاسه بدوخه فظيعه

ساعدتها نادين تنزلي

نادين….بهدوء خلاص يا قلبي خلصنا الحمد لله بصتلها ليله كانت شيفاها اكتر من واحده و حست ان جسمها بيسيب صرخت نادين و مسكتها وقرب الدكتور بسرعه والممرضه مسكوها معاها وقعدوها بسرعه علي كرسي

نادين….بدموع ليله والنبي متعمليش فيا كده انتي كويسه والله

الدكتور….ليله ليله سمعاني

هزت ليله راسه بضعف

الدكتور….اهدي ده طبيعي متقلقيش انتي بخير تمام الوقت هتبقي احسن

فضلت قاعده و شربوها مايه و حطت نادين حبه صغيره علي ايدها و مشتها علي وشها

نادين….ليله انتي كويسه

ليله…ااااايوووه متتتخافيش خخلاص

نادين….طير يلا البسك عشان متبرديش ماشي بصت للمرضه ممكن تساعديني

الممرضه….طبعاً يلا تعالي هتقدري تقفي

ليله….اايييوه