لقاء كـ،ـ،ـارثي
خدوها جوه لبسوها و لبست نادين وفضلت تلبسها في حاجتها تاني و ظبطتلها شعرها بهدوء و بعدين ضمتها في حضنها
نادين….هتبقي بخير يا عمري اهدي
لبستها الشوز و ربطتلها الرباط و بعدين قامت خدتها بهدوء و خرجوا.
قعدوا بره في الهواء شويه وفضلت نادين وخدها في حضنها و شويه رجعوا تاني للدكتور بعد حوالي نص ساعه.
الدكتور…..ها اخبار القمر ايه
نادين….هي تعبت وداخت جوه من الجهاز شويه بس احسن طمني يا دكتور
الدكتور…..هو مبدأياً كده انتي زي الفل و ده انا مستغربه اشارات المخ كلها سليمه معندكيش اي حاجه عضويه التحاليل يمكن مش احس حاجه الحديد قليل جداً و ڤيتامين د
و ده من قلة الاكل اكيد عندك توتر فظيع قولونك عصبي بس ده نتيجه توتر ضغط عصبي
نادين….طيب الكلام يا دكتور سببه ايه
الدكتور…..طيب اولاً قبل ما اقول سببه هي هتحتاج محلول كده يقويها شويه لان هي واضح بتفتح عينها بالعافيه اما بقي بالنسبه للكلام زي ما قولتلك مفيش اي سبب عضوي اللي عندك يا ليله نفسي واضح ان الصدمه او الزعل اللي اتعرضتي ليه كان قوي احتمال كبير تحتاجي دكتور نفسي لو مقدرتيش تتخطي الوجع ده انا مش دكتور نفسي عشان افيدك انا كل اللي يهمني ان قدامي كل المؤشرات بتاعتك سليمه وزي الفل لو علي التحاليل محتاجه شويه تغذيه محترمه محتاجه ڤيتامينات يعني امرها سهل يعني الحمد لله مبدأياً اطمني انتي بخير
لكن التعب النفسي هو ده المشكله و زي ماقولت احتمال لو معرفتيش تساعدي نفسك يا ليله تحتاجي دكتور نفسي وانا ممكن أرشحلك دكتور ممتاز ودي مش حاجه عيب بالعكس هيساعدك كتير كمان هيساعدك بشويه تمارين و حجات كتير تتبعيها عشان تبدأ تحسن النطق تاني و ميبقاش في تعثر في الكلام او مخارج الالفاظ بس كمان لو مش حابه انتي ممكن تساعدي نفسك
نادين…..طيب يعني هو مبدأياً انها تروح لدكتور اكيد ده هيحصل علي الاقل عشان زي ما حضرتك قولت يساعدها بالتمارين انها تبقي افضل بس ازاي تخرج نفسها من الحاله دي من غير اعتماد كلي علي الدكتور
الدكتور….سؤال حلو بصي هو مبدأياً الدكتور النفسي و السيرابيثت بيساعد جداً وليه دور كبير بس كمان لو المريض مش مساعده النتيجه بتتأخر و بتاخد وقت في التعافي يعني جزء كبير من نجاح الدكتور النفسي مساعدة المريض ليه ناس كتير بتفكر ان الدكتور النفسي هو الحل بس بالعكس احنا نقدر نقاوم ليله متعرفش هي من امته و هي كده يعني احتمال كبير تبقي من بعد صدمتها و هي في الحاله دي بس كتمانها و سكوتها و وحدتها و انعزالها عن البشر وصلها للحاله دي من غير ما تحس و المشكله انها مسلمه نفسها للحاله دي و لو متعبتش و راحت تجيب علاج للبرد مكانتش حست اصلاً ان عندها مشكله محتاجه تدخل طبي وكانت طولت اكتر و الحاله كانت ساءت اكتر
نادين….طيب هي المفروض تعمل ايه الوقت
الدكتور…..انا مقدرش اقول بصفه طبيه ايه اللي المفروض يحصل بس لو هتكلم بصفه شخصيه الكتمان وحش يا ليله في مقوله كده سمعتها زمان بتقول ان جوه كل قلب مقبره
كلنا بنتعرض لمشاكل و ضغوطات و صدمات كتير كل ده لو مخرجش برانا فوراً القلب حقيقي بيتحول لمقبره اتكلمي مع حد قريب منك فضفضي عيطي خرجي اللي جواكي اصرخي لو تقدري واجههي لان الهروب بيخليكي تحسي انك هترتاحي و جايز بجد ترتاحي بس راحه مؤقته و بمجرد ما ترجعي تشوفي الشخص اللي جرحك او تفتكري مثلاً الموقف اللي ضايقك و وجعك و كتمتي جواكي بترجعي تاني لنقطه الصفر وده حاصل في حالتك انتي مشيتي اسبوع مثلاً
هل لما سافرتي و قعدتي مع نفسك ارتاحتي ؟
مش ديماً العزله او المساحه اللي بنحب ناخدها وقت الوجع بتريح دي بتوجع اكتر مشاكلها بتبقي اكتر الزعل بيموت يا ليله و الوجع سموم جوه الجسم زي حجات كتير شويه العرق اللي بيخرجوا مع المجهود سموم النزيف اللي ممكن يحصل لاي شخص ده دم فاسد خروجه بيريح
اي حاجه عبئ علي الجسم لو مخرجتس منه بتعمل تسمم والوجع كمان كده عشان تتخلصي من سمومه لازم تخرجيه بأي شكل بقي تواجههي تعيطي تحكي تتكلمي تصرخي لو شخص اللي ضايقك واجهيه لو موقف وجعك اتكلمي فيه عشان ترتاحي لكن متسكتيش
واحمدي ربنا انها جات علي قد النطق انتي كويس ان محصلكيش جلطه لاقدر الله محصلكيش سكته قلبيه في حجات كتير الكتمان بيسببها جسم البني ادم وقلبه اضعف من ورقه الشجر ممكن موقف بسيط يجيب شخص الارض و موقف قوي يخليه ثابت تفتكري ليه الفرق ده لان احنا لما بنتحمل موقف وراء موقف و بنعدي قلبنا بيعبي وجع و بتيجي للبني ادم علي اتفه سبب و بينهار انتي انهارتي بس داخلياً يا ليله خرجي اللي جواكي لو عايزه ترجعي احسن من الاول.
بتصلوا ليله و سكتت
نادين….طيب انا اسفه احنا طولنا عليك بس انا عايزه أسأل سؤال
الدكتور….خالص قولي انا معاكم
نادين… هي الحاله دي بتاخد وقت يا دكتور
الدكتور…..جايز اه و جايز لا علي حسب قدرة ليله لو قويه هتتخلص منها بسهوله بس لو فضلت مستسلمه بالشكل ده هتاخد وقت
نادبن…..ليله طول عمرها قويه و مش كلام هي بجد شخصيه قويه انا نفسي مستغربن انها وصلت للحاله دي
الدكتور….ليه مستغربه هي بنوته وزي القمر عندها قلب و مشاعر جايز قويه زي ما بتقولي و خدي بالك الشخص القوؤ وقعته بتبقي صعبه بس بما انها قوؤه بجد يبقي هتقدر ولا ايه يا ليله
ابتسمت بهدوء و هزت راسها
الدكتور….الوقت هنعلق محاليل هنلتزم بالاكل و التغذيه هكتبلك شويه مقويات كمان هكتبلك رقم الدكتور عشان لو حبيبتي تروحي عايزك كمان تطمني انتي زي الفل
وياريت تحاولي تتكلمي خرجي اللي جواكي حتي لو مع نفسك يا ليله اتفقنا
هزت راسها بهدوء
بعد وقت بسيط خرجوا و راحت تاني مع الممرضه ركبتلها محاليل و فضلوا قاعدين لحد ما خلص وقومتها نادين بهدوء.
نادين….شويه كده و هتشربي عصير زي ما الدكتور قال و هناكل حجات خفيفه عشان مينفعش تاكلي مره واحده و هتسمعي الكلام ماشي
ليله….بضعف حاااضر
نادين….انتي هتفضلي معايا ماشي
ليله….ننننادين
نادين….نعم يا عمري
ليله…عااايرزه ايمي بسسس مشش عااايزه حددد يعرف مممن الشبباب
نادين…..حاضر هقولها و هأكد عليها بس احنا لازم نسمع كلام الدكتور يا ليله انتي محتاجه تتكلمي و تواجههي
ليله….مممش عااايزه عليي الاقل مممش الوووقت ممش عايزززه حد يشوووفني كككده
نادين….حاضر طيب و اخواتك يا ليله اميمه وقمر هيتجننوا عليكي و وليد كمان
ليله…بببكره مممش الوووقت
نادين….طيب يا عمري زي ما تحبي يلا خلينا نقوم نروح ماشي و انا هكلم البنات
ليله…بببس فهمييهم عششان مووش عايزززه حددد فيهممم يقلقق اووو يخاف
نادين…..بحزن مسحت دموعها حاضر انا همهدلهم الموضوع ماشي تعالي الاول نقعد في العربيه و انا هكلمهم انتي عيزاهم انهارده
ليله….بضعف بصتلها ااايوه وووحشوني وو محتتتاجه ايمي اوي
نادين….حاضر يا عمري يلا قومي معايا هنروح العربيه و انا هتصل بيها و ان شاء الله تكون في المطعم عشان رشيد ميبقاش معاها و يعرف
ليله…ممماشي
خدتها بره كانت ماشيه في أيدها. بتحاول تتكلم معاها عشان تحسسها ان كل حاجه طبيعيه بس ليله كانت سامعه صوت الرعشه و الخنقه و العياط المكتوم جوه نادين و لا محه عيونها اللي كلها دموع بس مش راضيه تنزلهم.
نادين….ااا بصي انا هبقي اقف اجيب الدواء بس هو كاتب كمان محلول كل أربع ساعات هي سلمي بتعرف تركبه صح و لا مش مهم لو هي مش موجوده نطلب حد من الصيدليه
ليله….ااانا ععايزه اشششيل الكااانولا دي بتوووجعني أووي و كفيييي ساااقع و منمللل
نادين….طيب عشان متفضليش تتشكي كل شويه معلش اتحمليها شويه يا عمري كده كده انتي هتركبي المحلول مرتين كمان عشان بس يعوضكم شويه عن قلة الاكل دي و بعدين نشيلها
سكتت ليله و مردتش قربت نادين بسرعه فتحتلها الباب و قعدتها و بعدين دخلت جوه بجسمها ركبتلها الحزام و باس راسها و هي مبتسمه
نادين…..يلا هركب و هنمشي
ركبت نادين و طلعت بهدوء كل شويه تبص عليها كانت سانده راسها و باصه علي بره الهواء بيخبط فيها كانت حاسه انها طايره و بدأت تغمض عينها و تفتحها وبعدين غمضت و نامت كانت مقتوله جايه من سفر و منامتش طول الليل بعد ما اكتشفت انها تعبانه .
وقفت نادين بهدوء قدام صيدليه و بصت عليها لقت صدرها بيعلي و يهبط فا عرفت انها نامت.
خدت موبايلها و نزلت بهدوء و راحت وقفت وراء العربيه شويه و هي عينها عليها من بعيد و اتصلت بأيمي كانت ايمي في البيت هي و رشيد و كانوا هيخرجوا يتمشوا شويه يروحوا يشوفوا المطعم و بعدين يتمشوا بالعربيه
ايمي….الووو ايوه يا نودي
نادين….بصوت باين عليه العياط ايوه ايمي انتي فين
ايمي….بخوف نادين بتعيطي في ايه
نادين….بدموع ليله معايا يا ايمي
ايمي….ايييييبه رجعت طب بتعيطي ليه هي كويسه انتي فين
رشيد..في ايه ؟
نادين….اهدي ايوه رجعت علي سبعه كده من حوالي ساعتين ونص وهنروح الوقت علي البيت
ايمي…..امال كنتوا فين نادين في ايه انا هجيلك الوقت
نادين….تعالي هي عيزاكي اصلا انتي والبنات بس اسمعيني كويس و عشان خاطري اوعي تخافي
ايمي….في ايه ما تتكلمي
نادين….بصي هي ليله تعبانه شويه انا كنت معاها في المستشفي هو الدكتور قال انها بخير الحمد لله و اللي عندها ده نفسي
ايمي…..بصدمه و دموع في عينها و هو ايه اللي عندها يا نادين
نادين….يعني طريقه الكلام عندها مس مظبوطه خالص بتتكلم بصعوبه الدكتور قال ان هي محتاجه تخرج اللي جواها ده حتي لو بالكلام او انها تحكي مع حد ايمي ليله محتاجنا كلنا انا هموت و مكنتش عارفه اعمل ايه لوحدي عشان خاطري تعالي و متقوليش لرشيد عشان ميقولش لاي حد و عشري يعرف
ايمي…..طب اقفلي اقفلي انا جايه حالاً
نادين…..ايمي قولي للبنات و قابليلهم و هاتبهم معاكي ماشي بس اكدي عليهم والنبي يا ايمي بلاش يبان عليهم الصدمه او حتي يعيطوا قدامها عشان متتعبش اكتر و تحس ان فيها حاجه كبيره ايمي ليله تعبانه و مش هي ليله اللي نعرفها
ايمي…..نزلت دموعها طب اقفلي اقفلي يا نادين و اهدي و خدي بالك منها انا مس هتأخر عليكي و هجيب البنات و انا جايه يلا اقفلي .
نادين….باي.
مسحت نادين دموعها و لمحت كذا اتصال من ميدو و رساله مسمعتش لانها عارفه انه اكيد زعلان اتصلت بيه علي طول.
نادين….الوو ايوه يا ميدو
عسال….اكيد طبعاً سمعتي المسدچ
نادين….لا انا كلمتك علي طوول
عسال…..نودي صوتك ماله يا حبيبي انتي معيطه ولا نايمه ولا تعبانه
نادين…..بانهيار ليله رجعت يا ميدو رجعت و معايا
عسال….بجد طب انتي فين في البيت ولا في بيتها
نادين….لا انا كنت بيها في المستشفي و ارجوك اوعي تعرف عشري الوقت
عسال…..مستشفي ليه مالها يا نادين ؟
فضلت تعبط و مش عارفه تتكلم
عسال…..نادين انطقيييي في ايه بوظتي اعصابي
نادين…..ليله حصل معاها مشكله في النطق تقريبا من الزعل و كانت بتعنل رنين مغنطيسي علي المخ هو الدكتور انها كويسه و مفيهاش اي حاجه عضويه بس ليله مش بتتكلم كويس خالص قال انها لو مكانتش لحقت نفسها كان حصلها جلطه و قال كمان انها محتاجه تطلع الزعل اللي عمل فيها كده
عسال…..نادين انتي بتتكلمي جد صح
نادين….والله بتكلم جد انا اعصابي سايبه من بدري و مش عارفه اعمل ايه بس هي طلبت مني اكون معاها و محدش يعرف ليله متغيره خالص و خست و مش بتاكل من اسبوع و مكانتش بتتكلم مع اي حد واكتشفت طربقه كلامها دي امبارح بليل حتي لما الدكتور سالها من امته وانتي كده قالتله معرفش هي عرفت بالصدفه عشان جالها برد و نزلت تجيب دواء
عسال….طيب اهدي اهدي و غشان خاطري مينفعش تعملي كده قدامها وبلاش تتوتري
نادين….هي نايمه معايا في العربيه
عسال…..طيب انا هجيلك و عشري لازم يعرف يا نادين
نادين….لا والنبي انا مصدقت رجعت هتزعلي مني اني قولت و ممكن ترجع تمشي تاني هي ايمي جايه و هتكلم البنات كمان بس بلاش عشري و بلاش انتوا كمان ليله لو انتوا شفتوها كده هتتعب اكتر
عسال….حبيبي ارجعي البيت بس الاول و بعدين نتكلم ماشي يلا سوقي براحه و اهدي و خدي بالك منها
ليله…..حاضر باي
عسال…..باي يا عمري.
مسحت دموعها و دخلت بهدوء جابت كل العلاج و المحاليل من الصيدليه و بعدين خرجت فتحت الباب بهدوء و ركبت و بعدين طلعت و كل ده ليله نابمه نوم عميق و مأنها ارتاحت ان هي مش لوحدها الوقت
………
رشيد…انا مش هسيبك
ايمي….رشيد طيب هقولك تعالي و خليك تحت لو حسيت اني محتجالك هقولك تطلع
رشيد….بس عشري لازم يعرف يا ايمي و اوعي تقولي لا والنبي انتي عارفه انه هيموت عليها و مأمنك يا ايمي
ايمي…..غمضت عينها بقوه و هي بتاخد نفسها وتخرجه بتوتر طيب تمام لو هتضمن ان عشري هيعرف و مش هيقرب منها الوقت قوله عشان يرتاح
رشيد…اكيد مش هضمن ده ايمي عشان مترجعيش تزعلي منه بس حتي لو جه مش هخليه يطلع
ايمي….تمام لو حسيت ان ليله لازم تشوف عشري هقولك و تطلع ماشي
رشيد…طيب تمام يلا بينا
ايمي….يلا وانا هقول للبنات عشان نقابلهم او يسبقوني
خرجوا مع بعض و طلبت ايمي منه يسرع هي في الطريق كلمت سلمي و ايه و كلمت نعيمه و طلبت منهم ميطلعوش غير لما هي توصل عشان يطلعوا مع بعض .
وصلت نادين تحت البيت قربت منها ايدها بهدوء..
نادين…..لولي ليله حبيبي احنا وصلنا
فتحت ليله عينها بتعب
نادين….يلا يا قلبي نزلت نادين خدت شنطه العلاج وراحت عليها فتحتلها الباب و الحزام و نزلتها بهدوء.
نادين…..ليله اجيبلك الحاطه بتاعتك من العربيه الوقت
ليله….ممممعرفش
نادين….طيب بصي تعالي نطلع الاول و ترتاحي و انا شويه و هبقب انزل اجيبها ماشي
ليله….ححااضر.
مسكتها من اديها وقفلت العربيه و راحوا علي الاسانسير ركبوا كانت مقربه منها عشان تسند راسها عليها و بعدين نزلت مسكتها و فتحت الباب و دخلتها جوه بهدوء .
فتحت النور سندت ليله علي الباب عشان تقلع الشوز
نادين… بتعملي ايه تعالي تعالي ادخلي
خدتها من اديها و قعدتها علي الكرسي و وطت علي ركبها قلعتها الشوز و الشراب
نادين…..بابتسامه و كلام يبان طبيعي بصي بقي انا هروح اجيبلك غيار عشان تاخدي شاور دافي كده يهديكي ماشي و ايه رايك اجي معاكي مش هبص والله انتي مش هتتكسفي مني صح بصي مش هقلعك كل الهدوم بس عشان متدوخيش يا قلبي اتفقنا.
هزت ليله راسها بهدوء و هي نظراتها كلها توهان و صدمه كانت عامله زي الشخص اللي اتصدم صدمه غير متوقعه و مش قادر يفوق من تأثيرها كانت مدبوحه من ضعفها و الحاله اللي هي فيها بس لاول مره متقدرش تيجي علي نفسها و تقاوم عشان تقوم كانت مسلمه نفسها خالص لنادين .
نادين…..انا هروح احضرلك غيار و اجهز الحمام و اجيلك اوك
ليله…ططيبب
سابتها نادين و دخلت بسرعه علي الحمام اللي في اوضتها.
نزلت ليله بجسمها علي الكنبه و ضمت رجلها و حطت ايدها وسط رجلها وغمضت عينها.
دقايق بسيطه و خرجت نادين لقتها نايمه بصت عليها بوجع و رفعت راسها لفوق و هي دموعها نازله
قربت منها و قعدت علي ركبها بهدوء و هي بتمشي ايدها علي شعرها.
نادين….لولي حبيبي يلا الشاور جاهز انا مليتلك البانيو بمايه دافيه عشان ترتاحي و تشيلي الوجع و التوتر شويه
ليله….فتحت عينها بصعوبه اااانا ععااايزه انننام
نادين….هتنامي يا عمري بس الاول تعالي خدي شاور يريح جسمك و بعدين انا كلمت ايمي و هي جايه في الطريق و هتجيب البنات معاها وقولتلها متقولش لاي حد من الشباب ولا حتي رشيد يلا قومي بقي عشان لما يجيوا تكوني خلصتي
ليله….مممماااشي.
قامت معاها بهدوء خدتها نادين علي التويلت قعدتها علي حرف البانيو قلعتها الچاكت براحه عشان الكانولا و قلعتها التيشرت و بصتلها
نادين….طيب نفك البرا ولا لأ
كانت باصه لبعيد و شارده و مش مع نادين اصلاً دموعها نازله خلت نادين كانت محتاجه تنهار
قامت وقفت و ضمتها و مالت علي راسها تبوسها
نادين….بدموع فوقي والنبي يا ليله مينفعش انتي تكوني كده
رفعت ليله كفها بهدوء و مسكت ايد نادبن اللي ضماها و طبطبت عليها براحه من غير ولا كلمه.
نادين….اووووف بصي قومي براحه يلا عشان اقلعك البنطلون ده
وقفت ليله بهدوء و فكتلها نادين الزرار و السوسته و سحبته بهدوء
نادين…..يلا هاتي ايدك و براحه عسان متتزحلقيش علي فكره ابتسمت بهدوء انا حطتلك من الساور اللي انتي بتحبي ريحته مش ديماً لما بنام في حضنك بتقوليلي ريحتك زي البيبي اهو انتي انهارده هتنامي في حضني و ريحتك هتبقي زي البيبي كمان.
ابتسمت ليله بضعف و رفعت رجلها بهدوء و بعدين قعدتها جوه البانيو
قلعت نادين الچاكت و فضلت واقفه بتيشرت كت و بعدين قربت من ضهرها فكتلها البرا وهي في المايه مش باينه و رجعت بصتلها
نادين….بابتسامه بصي انا مش شيفاكي من المايه و الفوم بتاع الشاور ده ممكن نقلع باقي الهدوم عشان ترتاحي اكتر
اللي كان واجع نادين ان ليله مش بس ضعؤفه دي كانت ضعيفه جداً طاعتها و تسليمها و عدم اعتراضها قتلوها كانت زي البيبي اللي عمره يوم لا بينطق و لا بيتكلم ولا بيعبر غير بالدموع و بس
كانت نفسها تقولها لا متقلعنيش عشان تحس علي الاقل انها واعيه معاها بس سكتت
مسحت نادبن دموعها و قربت ايدها بهدوء جوه المايه تسحب اخر قطعه من هدومها و بصتلها بهدوء مستنياها تعارض بس ليله كانت سانده راسها و باصه للسقف و دموعها نازله من جنب عينها
قامت نادين بهدوء و قعدت جنبها علي حرف البانيو حطتلها شامبو علي شعرها و فضلت تدلكلها راسها بهدوء غمضت ليله عينها
نادين…لولي اوعي تنامي هو صحيح ريحته زي البيبي بس انا مش هقدر اشيلك فتحي عينك كده و لما نخلص نخرج و نامي اوك يا عمري
هزت راسها بهدوء و فتحت عينها بقاومه رهيبه.
فضلت نادين تحميها و تدلك شعرها و تحطلها بلسم و تقرب المايه بكفها علي راسها و بعدين فتحت الدش و قربته من شعرها عشان تنزل الصابون .
نادين….لولي ينفع تقفي عشان انزل عليكي المايه من الصابون بصي استني
راحت بهدوء خدت الفوطه حطتها جوه البانيو معاها و لفتها علي ضهرها و قفلتها من قدام و بعدين وقفتها بهدوء و هي الفوطه مخبيها
نادين….تعالي بقي بره البانيو كده
خرجت ليله و فضلت نادبن تنزل عليها مايه نضيفه و علي الفوطه اللي غرقت لحد ما الصابون اختفي خالص
نادين…..لحظه بقي بصي هنحط فوطه ناشفه بدل دي هفكها و احط دي عليكي علي طول.
قربت نادين منها بالفوطه الناشفه و فكت بسرعه اللي اتغرقت و غطتها علي طول من غير ما تشوفها عشان متحرجهاش بس اصلا ليله لا كانت مركزه ولا معاها.
نشفتلها شعرها بفوطه صغيره و بعدين خدتها بره علي الاوضه قعدتها علي السرير و قعدت علي ركبها لبستها لبسها الداخلي من غير ما تشيل الفوطه و بعدين لبستها البرا و هي قاعده وراها علي السرير و شالت الفوطه خالص
نادين….بابتسامه وجع علي فكره اللبس ده لسه جديد يعني بورقته متقلقيش ملبستوش قبل كده عرفاكي ليله هانم مش بتحب تلبس مكان حد و كمان لبس داخلي يعني هتموتيني فيها دي
ابتسمت ليله بهدوء.
لبستها تيشرت اسود و بنطلون اسود و قبل ما تلبسها الچاكت بتاع الترنج بصتلها ليله..
ليله…اااا انننا ححرانه ممش عايزه االبسوا الوووقت
نادين….حرانه ايه يا قلبي الجو تلج
ليله….شششوويه طططيب
نادين….حاضر زي ما تحبي تعالي انشف شعىك بالاستشوار طيب ماشي
خدتها وقعدتها علي التسريحه نشفت شعرها و سىرحتها و بعدين حطتلها برفيوم و لوشن علي ايدها و مرطب لوشها كانت بتتعامل معاها علي انها بيبي بجد
نادين…..بابتسامه ايه رأيك في القمر ده عايزه ميك اب
ابتسمت ليله بهدوء و هزت راسها
نادين….عندك حق ما انا بعك مش بعمل ميك اب حلو زيك بصي تعالي نطلع بره عشان تشربي عصير البنات قربوا لما تقعدي معاهم شويه ابقي نامي اوك
خرجتها بره و حاولت تلبسها الچاكت بس مرضيتش قعدت تاني علي الكنبه راحت نادين حطتلها عصير و رجعت
نادين…..يلا يا عمري اشربي ده لحد ما اعملك حاجه تاكليها
سابتها لياه و نزلت علي الكنبه تاني
نادين….لا لا قومي اشربي و حياتي
ليله….مممش قاادددره سسبيييني بررراحتي وووالنبي
هزت نادين راسها بحزن و طبطت علي شعرها و بعدين باست كفها و قامت بهدوء راحت علي الاوضه تشيل لبسها و تظبط مكانها عشان لما تنام تدخل علي طول مكانتش مبطله عياط عليها .
……………….
في خلال الوقت ده رشيد حاول يكلم عشري معرفش يوصلوا اتصل علي فضل و قالوا .
و سلامه عرف من عسال عشان كان معاه هو و حسان كلموا رشيد و لما عرفوا انه رايح مع ايمي و هيستني تحت زي ما قال قرروا يروحولوا
اما فضل فا جري بسرعه يشوف عشري في الكافيه التاني مكانس موجود اتصل عليه مش بيرد ولا بيكنسل جري تاني راح علي البيت
طلع و خبطت ثواني و فتح عشري الباب كان لابس و واضح انه كان بياخد شاور.
فضل…..انت فين يا عم مش بترد ليه
عشري…..نفيس كنت باخد شاور و بلبس و نازل متصلتش ليه
فضل….مانا بقولك مش بترد ليه يعني اتصلت
عشري…..مسمعتش في ايه ؟
فضل…..اااا عندي خبرين واحد حلو والتاني مش حلو
بصلوا عشري بصدمه
عشري….ليله رجعت عرفتوا عنها حاجه اوعي تقول ان الخبر الوحش يخصها
فضل….الخبرين يخصوها رشيد بيحاول يوصلك هو والشباب ليله رجعت و عند نادين يا عشري
بعده عشري من قدامه عشان يطير
مسكوا فضل بسرعه من ايده
فضل…..استني يا عشري لازم تعرف حاجه مهمه قبل ما تروح
عشري…..في ايه ؟
فضل…..يعني ليله واضح انها تعبانه انا مفهمتش اوي من رشيد بس غالباً من الزعل عندها مشكله في النطق
عشري…..بصلوا بصدمه انت بتقول ايه يا فضل
فضل….بص رشيد هيوصل ايمي و هيفضل تحت خلينا نروح و نفهم منه و بعد كده نشوف هنعمل ايه
جري عشري و ساب الباب قفل فضل وجري وراه و ساب عربيته و ركب مع عشري اللي طااااار بسرعه الصاروخ.
………………
وصل رشيد تحت بيت نادين و لمحوا نعيمه و سلمي و ايه واقفين و باين عليهم التوتر .
قربت منها نعيمه بغضب بسيط.
نعيمه….انتي ليه مش عيزانا نطلع و نفضل مستنين يعني مش فاهمه
ايمي…..نعيمه استني لحظه بصت لرشيد رشيد عشان خاطري تفضل هنا و لو عشري جه اوعي تخليه يطلع زي ما اتفقنا لو حسيت انها مممن تسمع هقولك حسيت انها تعبانه بلاش والنبي و اهو كده كده اطمن خلاص انها رجعت
رشيد…متقلقيش سبيها عليا بس طمنيني
ايمي….اوك
فتحت الباب و نزلت بسرعه قربت منهم
سلمي….ايمي عربيه ليله هناك اهي دي رجععت فعلاً بجد
نعيمه….ليه مخلتيناش نطلع ؟ ليله فيها ايه ؟
ايمي…..اسمعوني انا معرفش ليله فيها ايه مفهمتش من نادين اوي بس واضح ان ليله تعبانه اوي يعني اللي هتطلع فيكم تعيط او تتصدم من شكلها هتبقي بتأذيها و اضح من كلام نادين انها خاسه وتعبانه و ضايعه و اكيد نفسيا مش حمل اننا نرعبها علي نفسها او نحسسها انها متغيره كمان نادين قالت ان عندها مشاكل في النطق و الكلام
بصولها بصدمه و حطت ايه ايدها علي بوئها
سلمي….انتي بتقولي ايه؟
نعيمه….يعني مش بتتكلم
ايمي….بتتكلم بس كلامها مش مفهوم وده اللي عملت حسابه و عشان مدن قولتلكم خليكم نطلع سوا عشان افهمكم انا زيي زيكم طالعه و معرفش هي فيها ايه يعني لا يبان عليكم صدمه ولا خد فيكم يعيط ممكن
سلمي….طب خلينا نطلع يلا والنبي
ايمي….نعيمه عشان خاطري يا نعيمه مهما اتصدمتي بالله عليكي اوعي تسخنيها اكتر اوعي تتكلمي في اي حاجه ولا حتي حد فيكم يفتح الموضوع الا لو حسينا انها تقدر تسمع بلاش يا نعيمه عشان خاطري صوت نادبن ميطمنش و اكدت عليا انكم متبينوش زعلكم
نعيمه…..حاضر والله يا ايمي
ايمي….تمام يلا خلينا نطلع.
راحوا البنات ركبوا الاسانسير و طلعوا كان باين عليهم التوتر اوي و علي قد ما كانت و حشاهم و عايزين يطمنوا عليها وفرحوا انها رجعت علي قد ما كلام ايمي خوفهم.
سلمي…..حد معاه المفتاح انا نسيته
نعيمه….اه انا معايا لحظه.
صوتهم كان واضح و سمعتهم نادين
نادين….لولي البنات وصلوا
رفعت ليله راسها بهدوء و قلبها كان بيدق بطريقه فظيعه مكانتش عارفه بسبب ان هما وحشوها ولا خوف من رد فعلهم .
قربت نادين فتحت هي الباب و بصتلهم بملامح متبشرش بأي خير بصولها الاربعه و هزوا راسهم بمعني في ايه ..
نادين….بهدوء ابتسمت و هزت راسها البنات وصلوا يا لولي.
دخلت نعيمه و سلمي و ايه و ايمي اخر واحده قفلت نادين الباب و بمجرد ما دخلوا شويه علي جوه و لمحوها وقفوا و خدوا اول صدمه في شكلها..
و نسيوا كلام ايمي من غير ما يحسوا صدمتهم بانت علي وشهم عينهم برقت دموعهم اتجمعت في عينهم حتي ايمي نفسها اللي فضلت تأكد عليهم من صدمتها في شكل ليله وقفت وراء اخر واحده في مكانها متحركتش.
كانت خاسه بطريقه فظيعه ملامحها متغيره خالص وش اصفر و باهت عيون تحتها غامق كانت شبه الاموات ايدها فيها كانولا حتي وهي بتقف بهدوء عشان تسلم عليهم كانت بتسند عشان متقعش من عدم اتزانها رعشه ايدها كانت لسه موجوده و واضحه و زادت اكتر لما عرفت انهم وصلوا..
ابتسمت بهدوء و بصتلهم.
قربت منها نعيمه بسرعه من غير ولا كلمه و خدتها في حضنها و لاول مره متبقاش باينه في حضن نعيمه و كأن نعيمه قدامها مارد
فضلت نعيمه تعيط من غير صوت و حضناها بقوه
و ليله ساكته بتمشي ايدها علي ضهر نعيمه في صمت و مبتسمه ابتسامه بسيطه سلمي و ايه دموعهم كانت نازله و واقفين مستنين نعيمه تسيبها
و نادين واقفه بعيد عنهم ضهرها لليله و مقتوله من العياط.
نعيمه….بدموع بعدت عنها و مسك وشها ايه اللي حصلك يا ليله مالك ياقلبي
ليله…..بوجع مكانتش حابه تتكلم بس مرضتش تسكت اننننا ككوييسه
و هنا بمجرد ما نطقت ايمي ادتها ضهرها و بصت علي باب الشقه و انهارت في صمت و الكل اتصدم
ايه….بدموع وانهيار حطت ايدها علي قلبها لا والنبي يا ليله لا لا والنبي اوعي تعملي كده
سلمي….بدموع ليله فيكي اييييه ؟
ليله….بوجع هزت راسها مممفيش متتتخافوووش ااانا ككويسه
سابتها نعيمه و قعدت علي الكرسي انهارت و قربت منها سلمي حضنتها وهي بتعيط مدت ليله ايدها لايه اللي كانت واقفه منهاره
قربت ايه و مسكت ايدها ضمتها ليله مع سلمي و الكل كان منهار.
نادين…..بدموع قربت منهم و مسحت دموعها بسرعه و حاولت لاول مره تسيطر شويه لان الكل منهار قدامها نعيمه اسكتي سلمي اهدي انتي و ايه لياه كويسه و الله كويسه الدكتور قال انها مفيهاش اي حاجه يعني اللي هي فيه ده مؤقت اللي انتوا بتعملوا ده هيتعبها اكتر
ايه….والنبي متعمليش كده طب اتكلمي كويس عشان انتي مش ضعيفه يا ليله و النبي متوجعي قلبي بقي
ليله….شششش ااانا ببخير وووالله
نادين…ايه اسكتي و ابعدي عنها يلا هي كويسه و بعدين انا قولت انتي الوحيده اللي هتضحكيها و تخرجيها من الحاله دي
قامت نعيمه و ضمتها تاني و هي بقت من ايد نعيمه لسلمي لايه و ساكته خالص مسحت ايمي دموعها و بصت بهدوء عليها و قربت خطوتين.
بعدوا البنات عنها بصت ليله لايمي
و حاولت ايمي تكون قويه منظر ليله و كلامها كانوا من الحجات اللي اقسمت ايمي من جواها اللي كسروها بجد.
ايمي….بهمس مسموع حاولت تخرج صوتها طبيعي
ايمي…ينفع كده
بصتلها ليله و فضلت ثواني ساكته و بقت تهز راسها شمال و يمين بضعف
وبصت لايمي بوجع رهييييب و نزلت دمعه واحده تجري بسرعه علي خدها
قربت منها ايمي بسرعه ضمتها
ليله…و انهارت بصوت مكتوم في حضن ايمي امممممممممممم كانت بتأن و الاه بتاعتها مش قادره لسه تخرج حست ايمي ان جسم ليله بيسيب منها
ايمي….لا لا لا ليله متعمليش فيا كده و النبي ليله لا
نزلت ليله علي ركبها و نزلتها معاها ايمي و فضلت وخدها في حضنها و منهاره و ايمي منهاره والبنات منهارين قعدوا كلهم علي ركبهم حواليها هي و ايمي.
ليله….انننننا مووووججوووعه يا اييييمي وورحمة امييييي قلبي مااات منن الووووجع
ايمي…..بانهيار سلامه قلبك يا قلب اختك
ليله….انننا اتكسسسرت يا ايميي
ايمي….معاش ولا كان اللي يكسرك انتي اقوي حد شوفته في حياتي
ليله…..للللللا انننا عمرررري ما كنننت ققويه ككلهممم كسررروني يا ايييمي
ككل اللي حبببتهم من ققلبييي وووجعوني اوووي
نعيمه…..بدموع اهدي والنبي متتكلميش
نادبن…..بانهيار سبيهاااااا هي لازم تتكلم لياه اصرخي عيطي قومي كسري كل البيت طيب خلوها تتكلم والنبي الدكتور قال لازم تخرج اللي جواها.
ايه……طيب عيطي يا ليله عيطي قولي اللي في قلبك
ليله….ممممش عععارفه اعييييط الدموووع ممش بترريحني وووالله
سلمي….طيب صرخي قومي اصرخي اقولك تخيلينا احنا اكتر حد وجعك و اعملي اللي انتي عيزاه فينا
ليله….بابتسامه مممقدددرش انتوووو الوووحيدين الللي بتتتحبوني
ايمي….كلنا بنحبك مفيش حد مش بيحبك يا ليله انتي مينفعش متتحبيش
مسكت ليله بقوه في هدوم ايمي الوحيده اللي قدرت تنهار شويه في حضنها لان هي عارفه انها قويه زيها البنات مش هيتحملوا و جعها.
ليله….بببس كككل اللي حبببتهم كسرروني يا ايمي انتوا ببببس الللي مكسرتووونيش ايييييمي ااااانا عاااايزه ابببقي احسسسسن
ايمي….طب اصرخي عيطي خرجي اللي جواكي ليله انتي قافله موبايلك من وقت ما مشيتي لو كنتي فتحي موبايلك و فهمتي مكانش حصل معاكي كل ده عشري بيحبك يا ليله
ليله….بغضب حاولت تقوم معرررفتش الكانولا وجعتها وهي بتسند ممممتجبببيش اسسسسمه انننا ممموش عاااايزه اسمممع سيرته
نادين….لا يا ليله ده مش حل مش الدكتور قالك مينفعش نهرب من الحاجه اللي وجعتنا قالك انك بخير و كل اشارات المخ كويسه يعني انتي سليمه بس مش هترجعي غير لو خرجتي اللي جواكي ده
ليله…لووووو ممموش هتتكلم تتتانب ابددداً غيرررر علييي ايده ممموش عاايزه اننننا بكرررررهه اووووي ممحددددش في الدددنيا قدرررر يكسسرني قده
ايمي…..بدموع لو كرهتيه مكانش حصل فيكي كده
سلمي….طيب اهدي بلاش سيره عشري الوقت قوليلنا طيب كنتي فين و ايه اللي وصلك لكده و الدكتور قال ايه ؟
نادين…..انا هقولكم اللي عرفتوا منها هي كانت في اسكندريه و من يوم الثلاث بعد ما مشيت قالت انها متكلمتش خالص و حكيتلي ان حتي الشاب االي سكنها في الشقه متكلمتش خالص معاه و فضلت من يوم الثلاث لحد الخميس تقريباً في البيت لا اكل ولا شرب و اكيد هي مكلتش يوم الثلاثاء خالص لما اتجمعنا عن ايمي مكلتش بردوا يعني ليله مكلتش من الاتنين بليل من وقت ما حصل اللي حصل لحد الخميس لما حست ان هي تعبت و دايخه و مش قادره تقف نزلت السوبر ماركت اشترت قهوه و بسكوت و لما الدكتور قالها كلتي قد ايه قالت انها مكلتش غير واحد و التاني خدت منه حاجه بسيطه يعني اكتر من اسبوع ليله عايسه علي كيس ونص بسكوت بتاخد منه بس عشان تقدر تقف
نعيمه….بدموع طب لييييييه كده
سلمي….انتي عايزه تموتي نفسك يعني
ليله….ممممفيش نننفس ووالله مممكنتش جعاااانه انننا بسسس كننت بغصببب عععلي نفسيييي عشان الدووووخخه تروح
