لقاء كـ،ـ،ـارثي
لقاء كارثي
أميره أسامه
صاحبة البطل الواحد
.البارت السادس و الخمسين .
…………………….
في منزل نادين صحي ميدو بهدوء حاسس بجسمه كله مكسر من النومه اللي نامها علي الكنبه من غير ما يحس و حس بحاجه علي صدره فتح براحه لقاها نادين نايمه جوه حضنه و راحه في سابع نومه.
ابتسم بهدوء و رفع راسها اللي نازله دي شويه و رفعلها شعرها من علي وشها باسها بهدوء من خدها و فضل يمشي مناخيره بهدوء علي خدها
لحد ما قلقها فتحت عينها وابتسمت ابتسامه جميله
عسال…..بصوت هادي صباح السكر
نادين…صباح النور
عسال….هو انا بعد كده هصحي الصبح علي القمر ده
نادين….بضحكه جميله نامت علي كتفه تاني و رفعت ايدها التانيه ضمت رقبته انا زعلانه منك
عسال…..ليه بس يا قلب بابي
نادين….عشان مرضتش تدخل الاوضه التانيه تنام فيها
عسال….انا والله معرفش انا نمت ازاي وبعدين انا بصراحه كنت قلقان ليله تصحي و عشري يكون نايم و تخرج من وراه و نرجع تاني لنفس النقطه و معرفش هي فين انتي بقي ايه اللي نيمك هنا
نادين….بابتسامه رفعت وشها وبصتلوا و هي لسه سانده علي كتفه مفيش انا كمان معرفش نمت ازاي كنا بنتكلم و محستش اصلا بنفسي كنت مصدعه خالص
عسال…..بابتسامه تجنن باسها بوسه سريعه في شفايفها عشان عيطتي كتير
ابتسمت نادين باحراج
نادين…اااا اه بس بصراحه مبسوطه اوي عشان ليله رجعت يمكن كل اللي حاصل ده وتعبها تعبوني اكتر بس المهم انها معانا
عسال….الحمد لله شكلها لسه نايمه ملهاش صوت
نادين….قامت وبصتلوا بحماس تفتكر اتصالحت هي و عشري
عسال…امممم مش عارف بس مظنش يعني هي اكيد لسه نايمه بيتهيألي اصلاً لو صحيت و شافته هتمسر عليه الاوضه
نادين….بضحك ايوه صح شويه كده و هنسمع تكسير و تخبيط و ربنا يستر عشري يخرج سليم من تحت ايديها
عسال…..بضحك سليم ايه بس دي هتفتح دماغه امبارح وهي بتضربه في صدره وهو بيرجع وراء فرحت فيه اصل عشري ده نفتري و ايده تقيله اوي اخيراً شوفت حد يقدر عليه.
نادين…..بضحك فرحان فيه هقولوا علي فكره
عسال….بأبتسامه لا والله صعبان عليا اوي و هي كمان انا عايز اقولك انب لما سمعت ليله بتتكلم حسيت ان قلبي وقف ثانيه لاني كان مستحيل يخطر في بالي ان ليله يحصل فيها كده و بعدين بسرعه بصيت علي عشري وخوفت عليه نظراته حسستني انه هيقع من طوله قبل ما نطلع امبارح كان عمال يسألنا تعرفوا ايه طيب قولولي عشان متفاجئش ليله فيها ايه و بصراحه لما اتكلمت خوفت عليه اوي
نادين….تخيل بقي اني انا خدت الصدمه دي لوحدي
عسال…..بضحكه جميله وهو بيمشي ايده علي وشها و شفايفها هو بصراحه مش متخيلك خالص انتي بالذات و مش قادر افهم بصراحه دماغ ليله اللي جابتها ليكي انتي بالذات اللي اعرفوا انك بتتوتري بتخافي مش هتقدري تتصرفي
نادين….بص ليله قريبه مني جداً بس في المواقف اللي زي دي ليله من غير تفكير هتحتاج لايمي و علي فكره هي طلبت مني اجيبلها ايمي بس هي مقدرتش تروح عسان رشيد معاها هي مبقتش لوحدها وخافت كمان رشيد يقول لعشري وطبعاً هتتحرج تروح لسلمي و ايه عسان بباهم و اخوهم و نعيمه هي عرفاها كويس لو شافتها في الحاله دي هتتجنن و ممكن تبدأ تطيح في الكل بسببها واولهم فضل و برغم انها عارفه اني ممكن اموت فيها بس جاتلي انا المشكله اني في الاول من كتر ما انا مكنتش مستوعبه بقت هي اللي تهديني و ده مش جديد عليها في عز وجعها بتفكر في غيرها بس قتلتني يا ميدو لما قالتلي انا محتجالك و اهدي عشان خاطري انا حاولت اعمل اللي عليا لان مكانش في بديل و الحمد لله عدت علي خير بس بجد كنت مرعوبه و مش عارفه اتصرف
عسال…..بس اتصرفتي و طاعتي قويه اهو انا قولت بنوتي القمر دي يجي منها
نادين….بضحك بنوتك القمر دي كانت واقفه زي العيله الصغيره بتعيط و هي بتكلمك
عسال……بابتسامه انا اترعبت لما سمعت صوتك و مبقتش عارف اعمل ايه لقيت نفسي بجري بسرعه علي سلامه وحسان بقولهم هما كانوا معايا و بصراحه خوفت ان هي تغفلك و تهرب منك تاني
نادين….بضحك علي فكره انا لما نزلت اجيب العلاج من الصيدليه عيني كانت عليها لان هي كانت نايمه كنت خايفه تطلع بتضحك عليا
عسال….لا بس مظنش تختفي تاني
نادين….لا مش هتعملها هي اصلا اختفت عشان تبعد عن عشري و بما انها شافته امبارح فا مش هتختفي تاني
عسال….طيب من واقع خبرتك يعني و معرفتك بليله تفتكري هتهدأ بسرعه
نادين….هي هتهدأ بس مش من ناحيه عشري يعني هتبدأ ترجع تاني قويه عشان تثبت لعشري و للكل انها مش ضعيفه بس انا مشفقه علي عشري بصراحه لانه هيتعب معاها انت عارف ايه اللي مخوفني بجد
عسال….ايه
نادين….ان عشري يبقي نفسه قصير معاها و يمكن ده السبب الحقيقي اللي خلاني فكرت في فكره جوازهم يعني مش بس عشان عارفه ان ليله هتيجي علي نفسها و هتكابر بس خوفت عشري يتعب و يفقد الامل بس مش هكدب عليك يمكن انا واثقه جداً في حب عشري ليها بس اخر مره عند ايمي و امبارح اتأكدت اكتر اللي ليله قالته لعشري صعب اوي انا امبارح كنت بتحايل علي عشري يمشي و ميزعلش من كلامها وانها مش في وعيها بس عشري صدمني بهدوءه وتقبله لغلطها فيه قدام الكل و اهانتها في النهايه عشري راجل و من معرفتي البسيطه بعشري بيتهيألي هو ميرضاش كده علي نفسه و يمكن انا اول مره اتعامل من عرب او بدو جايز قابلتهم كتير في دهب و نويبع لما بنسافر بس معرفه عاديه و اللي اعرفه عنهم ان طبعهم صعب و كرامتهم خط احمر و عشري فاجئني
عسال….بابتسامه هو فاجئني انا اصلا لما ليله قالتله انت معندكش كرامه قولت هببدأ يتعصب و ممكن يزعق و ده يوتر الدنيا بس سكت قولت تمام لما قالتله ان مش راجل يا عشري قولت بس دي القاضيه كده خلصت بس عشري اكدلي انه راجل وراجل اوي و حب ليله حب مش عادي انه يتقبل اهانتها دي كبيره و مقدرش اقول عشان هو عارف انه غلطانه لان في رجاله لو غلطانه اكتر من كده مستحيل تقبل الاهانه من بنت
نادين….بس انا خايفه يجي عليه وقت و يفقد اعصابه عشتن كده لازم عشري يخلص و يتجوزوا و في النهايه مهما تعمل فيه وهي معاه مش مهم هيبقوا لوحدهم
عسال….صح خلبنا الاول نشوف جوز المجانين دول لما يصحوا هيعملوا ايه في بعض
نادين….بضحك الحرب العالميه الثالثه هتبدأ من بيتي
عسال…..بضحك انتي عارفه اكتر حاجه امبارح كنت خايف عليها ايه
نادين…..بابتسامه ايه
عسال….تربيزه السمك و الله لو كان حد فيهم اتهور كنت قومت قتلتهم هما الاتنين
ضحكت نادين من قلبها لحد ما عينها دمعت
عسال….بضحك والله كل ما عشري يقرب منها خطوه وهي ترجع وتقرب من التربيزه اتحرك من علي الكرسي عايز اقوله ابوس دماغك خليك مكانك
نادين….بضحك لا الحمد لله عدت علي خير و السمك بخير
عسال…..بنظره حب طب ايه مش هتقومي تفطريني انا جعان
نادين….بابتسامه ايه ده بجد
عسال….ايه غريبه
نادين….امممم لا اول مره تقولي انك جعان وانت هنا
عسال….طب يلا يا بت قومي حضري لجوزك الاكل
نادين….بضحك جوز مين ايه ده لا استني انت خدت عليا اوي انا لسه مخدتش علي الكلمه دي
عسال….بضحك طب بصي ماهو يا تاخدي عليها بسرعه بقي يا اما هتعامل اني جوزك بجد و اخليكي تصدقي بطريقتي
نادين….بضحكة كسوف لا خلاص قايمه وقفت ورجعت قعدت تاني
بقولك ايه
عسال…..بحماس للطفله اللي قدامه قولي
نادين….احنا هنفطر لوحدنا ولا نصحيهم يفطروا ولا اعملهم فطار لوحدهم وادخلوا ليهم
عسال….بضحك مسك كفها باسه تدخلي ايه بس يا عبيطه هما عرسان
نادين….بضحك متتريقش انا مش عارفه
