لقاء كـ،ـ،ـارثي
حسان….صراحه انا عارف ان ليله قدام شويه هتبقي مبسوطه جداً و موضزع خطفها وجواز عشري منها بالطريقه دي و تصميمه هيخليها تحس هو بيحبها قد ايه بس انا اللي بفكر فيه اني مش عايزها تحس اننا جينا عليها خصوصاً انا و الشباب مش عايزها تفهمنا غلط
ايمي…..لا متقلقش زي ماقولت بالظبط ليله انا واثقه انها هتتصدم لما تعرف ممكن رد فعلها يبقي قوي هتغلب عشري معاها كل يوم كملت بضحك مش بعيد تكسر البيت علي راسه بس هي من جواها هتبقي مبسوطه.
رشيد…انتوا عارفين بقي انا حامل هم مين يرفض لما يعرف الفكره دي
حسان….مين
نعيمه….بهمس حاب كده شعري
قام فضل شويه رفعت شعرها و نام تاني لفت ايدها عليه و فضل تلعب في شعره
رشيد…..عم عشري و امونه
فضل…..تصدق صح علي فكره ممكن يعترضوا خصوصا بعد ما ليله راحتلهم و شافوها في حالتها دي علي بيقولي هو وعمر و محمود ان ليله كانت في اليوم ده منهاره مش عياط و صوت عالي لا كانت واقفه قدامهم متغيره و متبدله و حزينه
ايمي….والنبي اشكت يا فضل انا كل ما افتكر منظرها اتوجع اكتر بصراحه انا مش متعوده اشوف ليله كده.
حسان…..والله ولا احنا يا ايمي و بجد بوء كده صدقيني محدش فينا كان يتمني كل ده يحصل و بعدين خليني صريح اكتر معاكي و مع نفسي احنا اينعم مفيش ولا واحد فينا كان قاصد معاكم تسليه او تضيع وقت و اعجابنا بيكم كان حقيقي بس احنا استهترنا بالموضوع و مكناش لسه نعرفكم اوي محدش فينا لما وافقنا عشري كان يعرف ليله و يعرف ردود افعالها و لا موقفها تجاه الكدب او الخيانه مكناش لسه بنحبكم زي الوقت
فضل……حسان معاه حق يا ايمي يمكن لو الوضع متغير او كنا بنحبكم بنفس الطريقه و حصل اي موقف في كدب مكناش هنوافق
نزلت نعيمه ايدها من علي شعره وحطت كفها علي رقبته بهدوء و حركت صوابعها براحه
مال بسرعه برقبته و جسمه قشعر
فضل….بهمس بس
نعيمه….بابتسامه هاديه طيب
مسكت رقبته ومحركتش ايدها.
ايمي….عموما اللي حصل حصل خلاص احما الوقت بنحلها اهو انا مموتني من الضحك في كل ده رد فعل وليد
رشيد….بضحك بيقولك والله هتحبسني
ايمي….بضحك ليه سوابق كتير معاها
دخلت سلمي عليهم.
سلمي….الاكل شوبه وجاي يا فضل
فضل….ماشي يالومي
راحت قعدت جنب حسان
حسان….بس انا مستغرب يا ايمي حاجه يعني من كلامكم ان ليله اتخذلت كتير و من ضمن اللي خذلوها وليد اخوها و بصراحه انا مش شايف كده بحس انه بيحبها و بيعملها حساب رغم انه اكبر منها 14 سنه و مش شايف انه وحش يعني
ايمي….وليد مش وحش وغلبان اوي علي فكره و يمكن مشكله ليله الوحيده معاه ان وليد طيب و بزياده مش عارفه افهمهالك ازاي بس وليد من النوع اللي مش بيحب المشاكل بيحب ينشي جنب الحيط
حسان….طيب ودي مش حاجه وحشه يعني محدش بيحب المشاكل
ايمي…اكيد بس وليد لحد مثلاً لما كانت ليله في اعدادي كانت الدلوعه بتاعته بحكم انها الصغيره ليله كانت متعلقه بيه اوي لانها ملحقتش اصلا تعيش مع ابوها فكانت بتشوفوا ابوها واخوها و حمايتها و لما دخلت تالته اعدادي هو اللي اقنع امها انها تشتغل.
بس كمان كان ليه ردات فعل معاها مش متوقعه منه بالنسبه لليله هي اصلا طول عمرها عنيده و خد بالك ده طبع امها اوي حتي ابوها خدت منه. و طبعاً بعد حوار صاحبتها ده و المعامله اللي كانت بتشوفها من صحابها و المدرسين واولياء الامور و اتهامهم ليها انها السبب في قتلها واللي حصل معاها بقت عنيفه
وطبعاً وليد مش بيحب المشاكل فا منها بدأ خلافهم بقي يعلق علي كل حاجه يتخانق معاها يحسسها انها بتحب المشاكل و بتجيبها لحد عندهم حتي وقفته معاخا في اقناع امها في الشغل ليله ترجمتها علي انه عايز يخلص منها لانها سمعته وهو بيقنع امه و بيقولها خليها تتشغل و تلاقي حاجه تلهيها بدل ما كل شويه تعمل مشكله فا شافت انه مش بيساعدها ده بيدور علي حل يخلص بيها منه و يمكن وليد كان بيقولها بعفويه عشان يقنع امه
بس في كلام يا حسان بيفضل معلق في ذاكرتنا من واحنا اطفال
حسان….اكيد طبعاً اصلاً اصعب سن بيكون ليه سبب كبير في تكوين الشخصيه الطفوله
ايمي….بالظبط ده غير بقي لما دخلا ثانوي و اللي كان يحك بس ليله بكلمه مكانتش بتسكت فا مشاكلها كبرت فاهو مش عايز كده مكنش بيقق معاها واخر ما زهق قال لامها مليش علاقه بيها تتفصل من المدرسه بقي تعمل مشاكل هي حره غير كدبه عليها في موضوع ابوها يعني مواقف زي دي كتير خلت ليله تحس ان وليد اللي كان كل حاجه ليها بقي يخذلها باختصار مكانتش بتشوفوا دعم او سند هي البنت و الراجل لنفسها.
رشيد….بس خدي بالك ليله بتحبه نظراتها ليه جميله بجد يعني لما جه هنا و جابلها الخاتم كانت مبسوطه و حسيت ان ليله طفله لاول مره
ايمي….طبعاً الاخ ده حاجه جميله يا رشيد ليله متقدرش تتحمل الهواء عليه و هي مش من النوع انها لو زعلت منه في كل اللي قولته ده انها تنكر فضله عليها في حجات كتير
فضل…..فعلاً كانت بتقول علي كل حاجه حلوه عملها معاها وهي صغيره
ايمي….بالظبط بتحبه و بتحب اخواتها وولاد اخواتها و جوازتهم جداً و طول عمرها واقفه في ضهرهم فا وليد عندها غالي ميغركش انها مضايقه منه انا نفسي بحس براحه و محمود جنبي مع اني الفرق بيني و بين محمود كبير بس بحس اني حاسه بامان و ضهر
سلمي…..وانا كمان علي فكره تامر صغير ممكن مفيش فرق كبير بينا اوي بس وجوده بيفرحني و بحترمه جداً رغم انه اصغر
نعيمه….ملهاش علاقه بالسن والله يا سلمي هما لما بيكبروا كده و بيطولوا تحسي ان غصب عنك بتحترميهم
رشبد…ربنا يخليهم ليكم كلكم الاخوات دول نعمه زي الصحاب بالظبط
فضلوا بتكلموا و نعبمه سرحت تاني و هي بتتكلم معاهم و مشت ايدها تاني علي رقبته
فضل….بهمس طيب انا بقول كفايه لعب في رقبتي عشان انا مش مسؤول عن اللي هيحصل
نعيمه….ابتسمت و بصتلوا هيحصل ايه يا مغرور
فضل…..لا هيحصل كتير فا اتلمي و اسكتي
نعيمه….بضحك ايه مالك بتغيري يا جميله
فضل….بابتسامه جميله اظبطي يا دقاقه الموضوع اتخطي الغيره خدي بالك
نعيمه…. بضحك يعني ايه اتخطي الغيره
فضل…..لا خليني ساكت و مؤدب عشان لو قولت هتفضحيني برد فعلك
نعيمه….بابتسامه لا قول متقلقش مش هفضحك
فضل….بضحك في مشاعر و احاسيس
نعيمه….بضحك اتلم يا قليل الادب
فضل….بضحك يبقي شيلي ايدك و خليني مؤدب احسن
نعيمه….بضحك طب قولي مالك ؟
فضل….بضحك استري عليا
ضحكت نعيمه و ضمت راسه بحب و سكتت…
……………….
بعد ما خرج عسال و سلامه مع البنات راحوا سوا يتمشوا و قررت ايه تاخدهم علي المحل و يلعبوا سوا بالاسكيت و يغيروا جو.
وافق عسال و بص لنادين بحماس هزت راسها وراحوا سوا.
فتحت المحل و جابت منه الاسكيت بتاعها و بتاع سلامه و وقفزا الاتينن يتفرجوا علي سلامه اللي كانت سحلاه في الشراع صوت ضحكهم كان مسمع المكان كله.
سلامه…..قام وقف بعد ما وقع ومسكها من قفاها والمصحف انتي قاصده تخمي انا كنت اتعلمت
ايه….بضحك والله ما عملت حاجه بس تعليم الشارع اصعب انت اللي بتثع انا مالي
عسال….بضحك والله عيب علي طولك يا اهبل هتروح لامك ازاي بهدوك كده دي هتنفخك
سلامه….لا ماهو يا انا يا البتاع ده مش هخلي القرده دي تبقي اشطر مني
نادين….طيب قولي احساسك ايه
سلامه…..لا هو بصراحه لذيذ و في طاقه جنان حلوه بس هو صعب التوازن عليه بصراحه الوقعه منه بكسر
نادين….انت مشكلتك انك منشف نفسك اوي
سلامه….ما انا خايف اقع
عسال….بضحك لا وانت الشهاده لله موقعتش خالص
سلامه….بضحك واقعه عن واقعه تفرق انا لو اتحمست وسيبت نفسي هاخد واقعه تكسرني كذا شهر
نادين….ميدو ما تجرب يلا
ايه…..بضحك اه اقلع يا سلامه خلي ميدو يلبس و يجرب
عسال……عسال بضحك لا استني وضحي الكلام عشان الجمله مش حلوه في حقي انا وسلامه
سلامه….بضحك ايه صحيح اللي بتقوليه ده
نادين….ضحكت و اتكسفت
ايه…..بضحك انت ايه اللي رجالك يا ميدو كنت مؤدب والله ما اقصد قصدي يقلع انت الاسكيت عشان تلبسوا
بصولها و فطسوا من الضحك
ايه….بضحك ياعم اقصد تلبس الاسكيت
عسال….اه لو كده تمام
نادين….بضحك علي فكره هي معاها حق انت بقيت قليل الادب
سلامه….هي اللي مش بتوضح
عسال….بضحك غمزلها ده انا غلبان
نادين….بابتسامه اه اوووووي
سلامه….تعالي يابت سنديني اقعد علي الرصيف اقلع البتاع ده
ايه….يلا يا حاج سلامه
نادين….ميدو براحه ماشي خد بالك عشان متقعش
عسال……متقلقيش انا هجرب بس
سلامه…..نادين بتعرفي تلبسي البتاع ده و تتحركي بيه
نادين….اه بس ايه اشطر مني بصراحه يعني انا بعرف اقف واتحرك بيه و امشي و ممكن اجري شويه بس مش زيها بخاف
ايه….لا والله شاطره بردوا الوحيده اللي اتعلمت مني حاولت اعلم البنات معرفوش و نعيمه بقي فضيحه عامله زيك كده لبسته و قعدت بيه معرفتش تقوم
قعد عسال جنب سلامه و لبس الاسكيت منه
ايه….يلا بص قوم بهدوء متمشيش بالعجل
قام عسال وقف و فضل ثابت
سلامه….يا ابن اللاعيبه انت قومت ازاي بسؤعه كده ده انا مسحت بلاط المحل عشان اعرف اقوم بس
عسال…..بضحك مسحت البلاط ازاي
ايه…..بضحك والله يا ميدو كنت بجيبه من علي الارض بس بجد شاطر اهم حاجه علي فكره انك توزن نفسك بص يلا اعمل زيي بقي و امشي بهدوء خالص
نادين…..بسعاده شاطر يا ميدو يلا امشي زيها بس خلي بالك
اتحرك عسال بهدوء كان وازن نفسه علي قد ما يقدر بس كان خايف بردوا
ايه…..براڤو يا ميدو والله شاطر انت لعبت بيه قبل كده
عسال….لا خالص بس بحي العجل و الاسكوترات و الريسس عشان كده في توازن شويه
ايه….بس ايه رايك بجد
عسال….لا والله حلو اوي
ايه….طيب يلا تعالي ورايا سرع شويه
فضل ميدو يلعب هو وايه و راحت نادين قعدت جنب سلامه
نادين….بابتسامه ايه يا حاج سلامه
سلامه…..بضحك بت حتي انتي مش كفايه عليا المجنونه دي
نادين….بابتسامه هي مجنونه صحيح بس جميله والله
سلامه…..اوي يمكن انا زيها مجنون كده بس لما بقيت مع ايه حاسس اني بقيت مجنون اكتر
نادين….طب ودي حاجه حلوه ولت وحشه
سلامه……بالعكس حاجه جميله حلو اوي انك تلاقي حد يشبه روحك في منك انك تلاقي شخص مليان حيويه و طاقه ايجيابيه و انا مع ايه بحس اني طفل بعمل كل حاجه اتحرمت منها بحس اني حر بحس اني سعيد مبسوط طاير انك تلاقي حد روحه فيها من الاطفال بيحب الضحك واللعب و الهزار دي حلوه او يا نادين تحسي كده ان مهما سنك كبر روحك هتفضل صغيره و طفله ايه طلعت حجات حلوه من جوايا
نادين….علي فكره هي كمان بتشوفك بنفس الطريقه اقولك علي سر
سلامه….بابتسامه قولي
نادين….لما ايه حست انها معجبه بيك كانت مضايقه اوي انك شابفها او بتعاملها علي انها طفله
سلامه….بس دي حقيقه يا نادين يمكن انا اعجبت بيها و حبيتها بس مكنتس لسه فاهم شعوري بس حتي اما فهمته انا بجد.بشوف ايه طفله بحس اني بضحك و بلعب و بهزر مع بنتي اوقات لما بنقعد نتكلم جد و بعقل بحس ان عقلها كبير بس كمان مبقدرش امنع نفسي من انها بنتي و لعبتي الصغيره الجميله انا بطبعي مش عصبي اوي بس لو حصل و اتعصبت في اي موقف مبعرفش من جوايا اضغط عليها مبقدرش اشوفها بتعيط لان حتي عياطها زي الاطفال
نادين….طيب بصراحه كده بتحبها قد ايه
سلامه….بضحكه جميله يالهوي لا كتير خلاص مقدرش اعيش من غيرها اوقات اتخيل لما نتجوز هنبقي عاملين ازاي مع بعض احس اني هصحي علي مقلب مارثه مصيبه اننا مش هنواجه مشاكل كتير و ده اللي بقولك عليه روحها و الطاقه اللي عندها بيخلوني غصب عني مش هقدر علي مشكله بينا او زعل يطول
نادين…..انا بجد مبسوطه اني بسمع منك ده ايه طيبه اوي اوي فوق ما تتخيل و بجد هي بريئه وروحها طفله
سلامه….علي فكره انتي فيكي منها بردوا اوقات كتير بحس انك طفله و بصراحه يعني خصوصاً مع ميدو
نادين….بابتسامه احراج بصت غليهم و هنا بيلعبوا وميتين من الضحك ميدو حد جميل يا سلامه هو كمان روحه بريئه و يمكن علي قد ما عقاه كبير اوي و بيقدر يحتوي مواقف كتير بس بحسه طفل و يمكن ده من بعيد بس لما هو بيكون قريب مني دي حقيقه انا بحس معاه اني طفله
سلامه….طيب هسألك سؤال و تردي عليا بصراحه
نادين…..اكيد
سلامه….لسه يا نودي موضوع السن بتفكري فيه
نادين….نهائي يا سلامه و يمكن مستغربه نفسي كنت حاسه اني عندي عقده بس عسال من غير ما يحس خلاني اتخطيت العقده دي عمل معايا حجات كنير و مواقف اكتر خلتني اثق فيه اثق في اني مع راجل عاقل ناضج مسؤول بحس معاه باحتواء فظيع و ده اللي خلاك تشوفني طفله معاه هو بالذات
سلامه…..انا سالتك السؤال ده لان دي بحس انك بتتوتري معاه هو بس يعني انتي مع الكل بشوفك بطريقه مختلفه بتتكلمي بتتناقشي جد جداً بتفكري بطريقه ممكن متخكرش علي بال حد زي مثلاً موضوع ليله وجوازها زي موضوع المزرعه كنت شايفك حد.قوي سيده اعمال بجد بس مع ميدو بحس انك مش علي راحتك وانا بقولك احساسي مش اكتر كنت بتخيل انك بتتوتري كده لانك مش قادره تتخطي موضوع السن و خاسه انك اكبر فا بالتالي مكسوفه تعيشي معاه المشاعر اللي بين اي اتنين
نادين….يمكن معاك حق بس ده كان في الاول لما كنت بسمع منه كلمه حلوه او يتعامل معايا زي اي اتنين مرتبطين كنت بحس اني مش متوتره او مكشوفه منه لا ده انا مكسوفه من نفسي يعني انا الاكبر بس مع الوقت اكتشفت اني مش صح بس بجد انا مش عارفه ليه بتوتر لما يتكلم معايا يبصلي بس والله انا بحبه اوي و نسيت موضوع السن ده خالص مواقف ميدو معايا اثبتتلي انه راجل بجد
سلامه….طيب بصراحه كده تقدري الوقت تتخيلي حياتك من غيره
نادين….بابتسامه صدمه مستحيل انا عمري ما هكون مبسوطه مع حد غيره ميدو هديه ربنا ليا يا سلامه حياتي بقت مرتبطه بحياته يومي مش بيكمل غير بيه
سلامه….بضحك ايوه بقي يا عم ميدو
نادين…..بضحك فضيحه زي ايه بالظبط تصدق انا غلطانه اني بتكلم معاك بعقل
سلامه….بضحك عقل ايه وملام فاضي ايه قومي كده شدها من ايدها
ايه ايه خلي نادين تلبس الاسكيت و تلعب مع ميدو وتعالي
عسال…..بابتسامه تجنن تعالي يلا هكسرك انا بقيت محترف
ايه….خدي بالك طلع شاطر والله
نادين….بابتسامه طب يلا وريني شطارتك
لبست نادين الاسكيت و مسكت ايده و فضلوا يلعبوا مع بعض و يضحكوا
ايه…..شايف يا خيبتها خليك كده يا حاج سلامه
سلامه….يابت اتلمي و لمي لسانك ده ماهو انتي مش فالحه غير في انك تعلمي غيري انما معايا بتجرجريني
ايه….بضحك لا والله بقيت شاطر متزعلش يا قلبي هجيبلك واحد باربع رجول
سلامه…..انتي بتتريقي طب تعالي كده
جريت ايه منه وهي بتضحك و هو جري وراها و بعد وقت من اللعب و الضحك و تغيير النفسيه لمح سلامه محل بيعمل ساندوتشات راح جاب شاورما عسان كان جعان و قعدوا هما الاربعه ياكلوا في العربيه مع ميدو و نادين.
فتح عسال الاكل لنادين و اهتم بكل تفاصيلها كالعاده حتي البيبسي فتحه ليها
و ايه وسلامه وراء عمالين يضربوا في بعض و يخطفوا الاكل من بعض و ميتين من الضحك هما الاربعه
…………..
في منزل اهل عشري..
امينه….ياولدي انا مش رايده انك تعالج الغلط بغلط المره متتغصبش علي جواز
عشري الاب….بابتسامه ليله بتحبه يا امينه و اللي محمد بيسويه عين العجل
امينه….بدل ما تنصحه با عشري بتجويه ده اني جولت انك هترفض
عشري الاب…..البت جدعه و داخله دماغي و مستخسرها هي دي اللي ينفع تشيل اسم العيله يا امينه
علي…..بضحك طب والله فكره مجنونه و حلوه انت خدها من ايدها و هاتها علي هنا و هتلاقيني انا واخواتك مستنينك و فاتحين الباب طلعها و هنقفل عليكم
محمود….بابتسامه و طلباتك عليا اللي تعوزه هتلاقيه عنديك
عمر….طيب افرض رفضت يا محمد و صمتت علي الطلاق
عشري….تصمم و تشوف مين هيطلقها
ملك…..بضحك و الله صحابها دول طلعوا عسل خالص و بيحبوها و بجد الفكره حلوه اعملها يا محمد و النبي انا حبيت ليله و هي بتحبك والله مش هتطلب الطلاق بالعكس دي هتبقي فرحانه
عمر…..بابتسامه خير شايفك عاچبك الجنان
ملك….صراحه اه هي صعبانه عليا و انا واثقه ان الموضوع هيفرق معاها احنا كده عموما يعني بنحب الجنان
عمر….خلاص يا عم محمد نفذ الفكره عشان ملك تنبسط بس بجولك ايه دي مچنونه خد بالك ترمي حالها من الشباك
بصلوا عشري و سرح
عشري….يا نهار اسود تصدق ممكن تعملها
امينه…..لاه ليله متعملهاش تهددك ممكن لكن تموت حالها لاه
عشري الاب…محمد اني موافج و بما ان اخواتها موافجين هجولهالك تاني اوعاك تفرط في ليله مش هتلاجي زيها البت عينها مليانه واحده غيرها عشان تنتجم منيك مكانتش چات رمت دهبك و مفرجش معاها كل ده..
كلامها وچعني و هي بتجول انها اعتبرتني كيف ابوها أتچوزها يا عشري و مهما زعلت مسيرها تهدا
عشري….بابتسامه باس ايده بحب ربنا يخليك ليا كنت شايل همك رفضكم
امينه….بابتسامه وجت ما ترچع كل حاجه بتلاجيها چاهزه ياولدي خد دهب ليله و طلعوا في بيتها و مش هوصيك عليها حطها في عينك و اوعاك تزعلها مره تانيه
عشري…..ترچع بس يا امي و كله يهون يلا تصبحوا علي خير
عمر…..بابتسامه وانت من اهل الخير يا عريس مع وقف التنفيذ
عشري….مش وجت عراك معاك بكره اروج و بكسر عضمك
عمر….بضحك اتحشم اني اخوك الكبير
عشري…..خدي چوزك من جدامي يا ملك
نلك….بضحك سيبه بقي حرام عليك مترخمش عليه.
عشري….محمود تعال معي بريدك
محمود….يلا يا اخوي
سلم عليهم و خد حاجه ليله كلها و خرج مع محمود
محمود….خير يا خوي
عشري…..محمود اول ما ليله تظهر مش عايزك تسيب حاجه في البيت ناقصه تملأ البيت من كل حاجه عشان هيبقي في حبس انفرادي معرفش هبخلص امتي
محمود…..بضحك بس كده تظهر هي بس وليك عليا بقلب البيت سوبر ماركت
عشري…..بابتسامه قلبي بيقولي انها هترجع قريب
محمود….هترجع يا اخوي هترجع متجلجش
…………….
انتهي اليوم و بدأ يوم جديد كان يوم الاتنين و باقي يوم واحد وتبقي بقالها ثمان ايام ملهاش اثر.
اليوم كان بيجري بسرعه و علي الساعه سبعه المغرب
سمعت نادين صوت خبط علي الباب راحت بهدوء تفتح و فجأه وقفت من صدمتها لما شافت ليله قدامها
وزنها ناقص ملامحها متغيرها و شها اصفر تحت عينها غامق نظراتها كلها حزن و ضعف عمرها ما شافتها في الحاله دي قبل كده
ابتسمت ليله بهدوء و متكلمتش ولا كلمه و فجأه اترمت نادين في خضنها ضمتها بكل قوتها و هي بتعيط رفعت ليله ايدها بهدوء ضمت ضهىر نادين
نادين….كده يا ليله توجعي قلبنا عليكي كده تسيبيني كل ده وحشتيني اوي ايه اللي فيكي ليه عامله كده حصلك ايه ازاي فضلتي قافاه كل ده الموابيل قلبنا عليكي الدنيا و عشري قلب عليكي كل مكان حتي دهب يا ليله مسابش فيها شبر غير لما دور عليكي فيه لبه خسيتي كده انتي مي بتاكلي ولا ايه.
بعدت عن حضنها و بصتلها بحب
نادين…..انتي بجد رجعتي صح البنات و اخواتك و عشري و كلهم هيفرحوا اوي لما يعرفوا انك بخير ادخلي ادخلي
ليله مكانتش بتنطق و خايفه تتكلم عشان عارفه ان نادين ممكن تقع من طولها لو سمعت صوتها كده
قفلت نادين الباب بقت تضحك و تعيط و تحضنها وتسيبها كانت مبسوطه اوي.
قعدتها و قعدت علي ركبها قدامها
نادين…..محدش لسه عرف من البنات صح
هزت ليله راسها بلأ و هي لسه محافظه علي ابتسامتها البسيطه و عماله تطبطب علي ايد نادين و تمسح دموعها
باست نادين كفها بحب و هي دموعها نازله.
نادين….هيطيروا من الفرحه لما يعرفوا انتي عارفه ان ايمي مسافرتش عشانك
بصتلها ليله بتأثر و وجع اكبر وزعلت عشان ايمي
نادين….مش مهم متزعليش هي اصلا مكانتش هتقدر تروح و هي قلقانه عليكي الوقت بقي تقدر تسافر انتي و حشتيني اوي بقولك ايه انا هكلمهم عشان افرحهم ماشي و هكلم اميمه كمان اخواتك هبتجننوا عشانك
قبل ما تقوم تجري علي موبايلها ليله مسكت ايدها بقوه وهزت راسها بلأ
بصتلها نادين بهدوء
نادين…..ايه مش عايزه تعرفي حد بس حرام هيتجننوا لو علي عشري وهقولهم ميقولوش الوقت و حتي مش هيقولوا قدام الشباب عشان ميعرفهوش مع انه حرام هيموت عليكي بس مش مهم نستني كام يوم تهدي اكتر ماشي ايه اكلمهم انتي ليه ساكته صوتك وحشني يالولي .
ليله….بهدووء اااا نننادين ااانننا عنندي ممشكله ووو محتتجالك ممعايا
بصتلها نادين بصدمه و منطقش دموعها بقت تجري
ليله….بابتسامه هاديه مسحت دموع نادين عشششان خخاطري متتخافيش بسس انننا مححتجااكي جنبي اننننا غغغالباً عندددي مشككله ففي الكلام
حطت نادين ايدها علي وشها و انهارت عياط بصوت
رفعت ليله ايدها علي راسها
ليله….ننادين انننا مممحتجالك جنننبي عششان خااايفه اررروح لووحدي و مررضضتش افتح الموووبايل عشششان محدش يكلمنيي و ككمان مككنتيش هتفهمميني
نادين…بوجع فيكي ايييييييه
نزلت دموع ليله و ضحكت بهدوء
ليله….مممتخافيش اانننا ززي الفلل واللله مكنتتش عايزززه اجييلك عششان ككده بسسس مررضتش ارررروح لأميييمه هتتتخاف و ايييمي ممع رررشيد و البناااات هيييخاففوا و مممكن يتتتجننوا و يعممملوا مشكله ممع الششباب بسسبببي مفيييش غيييرك نننادين الصيدددلي بيقول اننني عندددي مشكله لااازم اروووح المستشششفي
ليله كانت بتتكلم و نادين منهاره
حكتلها ليله اللي حصل عرفت كانت فين و قالتلها انها متعرفش من امته وهي كده لانها متكلمتش مع اي حد غير لما تعبت فهمتها كل حاجه عشان هي اللي تفهم الدكتور و طلبت منها محدش يعرف اي حاطه خالص الوقت و متقولش للبنات غير لما تطمن عشان تطمنهم و ميخافوش و عدتها نادين تسمع كلامها .
نادين…..طيب يلا يلا قومي حالا هنروح المستشفي و هنشوف دكتور مخ واعصاب ماشي اااااا ليله انا مش عارفه اعمل ايه والنبي لا انتي كويسه والله صح
ليله….ااااهدددي وووحيياتي ععندك مشش ووقت خوووف وتتتور انننا مممحتجاكي يااا نووودي
نادين…طيب طيب ماشي يا عمري هلاص انا كويسه وانتي والله هتبقي كويسه اكيد بس من الزعل او عشان سكتي وقت طويل بس انتي قمر و هتبقي احسن من الاول ماشي يلا خلبنا نروح وانا مش هقول لاي حد خالص الوقت ماشي يا عمري
هزت ليله راسها و مسكت ايدها تاني بصتلها نادين..
ليله….للممااا البنااات يعرررفوا ممش عايزه الشبببباب تعرف ووو عشششري لاااااا يا نااادين
نادين….بدموع حاضر حاضر مش هيعرف يلا خلينا بس نطمن عليكي الاول انتي فين شنطتك
ليله…ففي العررربيه تتتحت
نادين….طيب يلا يا قلبي سيبي شنطتك دي و متشليش حاجه خالص يلا انا معايا فلوس وكل حاجه يلا يا قلبي تعالي
مسكتها من ايدها وخرجت ليله في ايدها زي الطفله المتدمره و راحت بيها علي المسشتفي..
و للحديث بقيه……
