لقاء كارثي

سليم…..بجد

نسمه….بجد حلو اوي

سليم….امممم طيب بقولك ايه ينفع اخد صوره مع القمر

نسمه….بضحكه كلها كسوف ينفع طبعاً

ابتسم سليم و طلع الموبايل و قرب منها شويه و خد معاها صوره

نسمه….حلوه اوي ابقي يعني ابعتهالي

سليم….تدفعي كام

نسمه….بضحك اللي انت عايزه

سليم…امممم طيب افكر واقولك يلا خلينا نرجع

نسمه….اوك خلينا نرجع

…………………..
الساعه ثمانيه بالظبط كان الويدينج بلانر اتحرك من مكانه رايح باتجاه ليله عشان الفرح هيبدأ..

ليله كانت مخلصه من سبعه وتلت بالدقيقه لبس ميكب اب شعر كل حاجه و بمجرد ما توما خلص و عملها اللمسات الاخيره و ظبطواها كل حاجه كان واقف هو وشريف و بنتين بيساعدوها في اللبس و مساعد لتوما و مساعد لشريف بيقرب منه الدبابيس بتاعت تثبيت الطرحه

و بمجرد ما توما خلص بصولها كلهم و ابتسموا ليله كانت في حالة صمت رهيبه مركزه بس مع دقات قلبها.

توما….بابتسامه تأثر خلصنا يا ليله ايه تحبي تشوفي شكلك طالع ازاي

ابتسمت ليله بهدوء و هزت راسها.

توما….طيب يلا قومي

شريف….بابتسامه ماشاء الله ماشاء الله زي القمر يا ليله ربنا يحفظك

توما…..الله اكبر عليكي ملكه يلا مستعده

ليله….بدقات قلب و انفاس سريعه واضحه مستعده

قربوا منها مرايه كبيره و طويله

توما….بصي يا عروسه

بصت ليله بهدوء علي نفسها و بمجرد ما شافت شكلها عينها بسرعه دمعت و ضربات قلبها زادت الضعف

توما……لا اوعي تعيطي اوعي

شريف……ايه رأيك في القمر

ليله….مش عارفه اقول حاجه غير ان كل حاجه اكبر من اللي تخيلته

توما……ايه رايك في الميكب اب

ليله……يجنن يا توما يجنن بجد كل حاجه تجنن الشعر و الميكب و الطرحه كل حاجه حاسه اني بحلم مش عارفه اقولكم ايه تسلم اديكم بجد توما انا بموت فيك انت و شريف و التيم كله بجد

توما…..واحنا بنموت فيكي يا احلي و اجمل عروسه شافتها عيني

دقايق بسيطه كانت لبست ليله في رقبتها العقد اللي عشري جابه و لبست الانسيال شكلها كان غير طبيعي .

و بعد ثواني بسيطه كان وصل الويدينج بلانر اول ما خبط بصت علي الباب بخوف و دقات قلبها كل شويه تعلي اكتر.

فتح شريف للويدينج بلانر

موشي….بابتسامه ماشاء الله ايه القمر ده يا عروسه

ليله…..بابتسامه ميرسي يا موسي بجد

موسي….طيب ايه جاهزه يلا بينا