لقاء كارثي
لقاء كارثي
عشري….حصل
ليله…..بقولك ايه يا عشري
عشري….قولي يا قلب عشري
ليله…..انت قولتلي هتاخد العربيه بتاعتي امبارح و مخدتهاش
عشري….اااا صح كويس انك فكرتيني فين المفاتيح عشان عدي و سليم هيبقواويرجعوا وانا معرفهم هروحوا ياخدوها و يركنوها هناك
ليله……لا لو هيرجعوا مخصوص خلاص خليها بكره او بعده بقي
عشري….ماهما كده كده راجعين
ليله…..انت مش قولت انكم هتحهزوا زينا هناك و لا انتوا راجعين ولا ايه
عشري…..لا يا حبيبي هما جايين معانا عشان الفوتوغرافر عايز يظبط معانا كام حاجه انا و الشباب و هنقابله هناك و بعدين هيرجعوا بسرعه يعملوا كام حاجه مهمه في زايد و بعد كده هيجوا تاني
ليله…. ابتسمت ورفعت حاجبها حاجه ايه بقي المهمه اللي هيعملوها في زايد
عشري….بابتسامه يعني انا بقالي كتير ساكت و بقولك في مفاجات كتير هقولك الوقت بعينك مش قايل
ليله….اممم قولتلي طيب ماشي يا سيدي عموما هعرف اكيد خلاص مبقاش فاضل كتير
عشري…..بالظبط استني بقي صحيح الميكب ارتيست ده راح ولا لسه
ليله…..لا لسه بس هو كلمني و قالي لما اتحرك اعرفوا وانا اتصلت بيه قبل ما ننزل عرفتوا زمانه رايح في الطريق
عشري…..ماشي اتاكدتي انك مش ناسيه اي حاجه
ليله…..اه الف مره انا و البنات متقلقش مش ناسيه اي حاجه
عشري….طيب بقولك ايه هاتي الشنطه اللي علي الكنبه
بصت ليله وراء لقت شنطه لونها أسود و عليها كتابه بالدهبي وفيها كبسوله مقفوله خدتها بهدوء و بصتلوا
عشري….بابتسامه افتحيها ؟
بصت علي الشنطه و فتحت الكبسوله بهدوء لقت جواها علبه قطيفه لونها اسود مربعه طلعتها و بصتلوا تاني
ليله…..ايه ده ؟
عشري….يلا افتحيها وانتي تعرفي
فتحت ليله العلبه بهدوء و بمجرد ما فتحتها لقت زي عقد هادي و انسيال كلهم فصوص بتلمع بشكل يجنن و هو طقم يخطف بصتلوا بصدمه
عشري….. بابتسامه يعني دي اول مفجأه كده قولت اعرفهالك
ليله….بابتسامه انت مجنون يا عشري ايه ده
عشري…..انا قولت جيبتي الفستان من غيري اختارلك بقي انا حاجه تظره اكتر و تليق بيكي المهم ذوقي عجبك
ليله…..ده يجنن يا عشري بس ليه عملت كده عشري بجد كتير اوي
عشري….بحب باس كفها الدنيا كلها قليله عليكي يا ليله و انا فرحان و حابي افرحك
ليله….اكيد فرحانه بس انت عارف ان انت فرحتي الكبيره
