لقاء كارثي
لقاء كارثي
اشتغلت اغنيه عدي بيحبها اوي و بقي واقف فوق السماعات يرقص بالشماريخ
عشري كان عمال يضحك و فرحة عدي بيه دخلت في قلبه كلهم كانوا مبسوطين اوي و عمالين يضحكوا علي جنان و رقص عدي و سليم اللي كان مفجأه بالنسبه لنسمه.
عمالين يرقصوا و هما باصين لبعض
ليله…..بضحك وهي خايفه عشري اخواتك هيقعوا خليهم ينزلوا والنبي
عشري…بابتسامه متخافيش العربيه ماشيه براحه و قربنا نوصل.
ليله…..طيب براحه والنبي محدش يجري
ايمي….من الشباك اخواتك مجانين يا عشري
ليله….بضحك شوفتي الجنان
ايمي….عسل اوي
رشيد….زي ما انت يا عشري متجريش عشان العربيه متشدش
عشري…ماشي متخافش
وصلوا قدام الكافيهات و بقوا خلاص داخلين علي البيت العربيات كانت ماشيه براحه الرييسات بقوا يلفوا في الشارع و عمالين يعملوا عروض مع بعض لحد ما وصلوا علي اول الشارع لمحت ليله من بعيد شباب كتير واقفين قدام البيت انوار كتير
وخيل و ناس غريبه لابسه لبس غريب و فجأه صوت الاغاني اتقفل و قربت منهم فرقه بدويه جنب العربيه بتاعت عشري اللي بقت قدام العربيات كلها شباب و بنات لابسين لبس بدوي و فرقه معاهم عماله تعزف و تطبل و شباب راكبين خيول كتير بصت ليله لعشري و حطت ايدها علي وشها وبقت تضحك من صدمتها ركنوا العربيات كلهم و نزلوا
نزل عشري بهدوء راح فتح لليله و نزلها راحوا البنات عليها ظبطواها الفستان و وقفوا جنبها سابها عشري مع البنات و اخواتها و راح مع الشاب و اخواته ركبوا هما الخيول و بقوا يلفوا بيها في الشارع شكلهم كان يجنن فضل و عشري فضلوا يرقصوا بالخيول و وقف عشري الكبير قدامهم يضرب نار و اول ما رفع المسدس اخواته كلهم رفعوا سلاحهم و بقوا يضربوا في الجو صوت الطلق كان مسمع كل الدنيا الناس بقت تخرج علي الصوت و الاغاني و الطبل و الزغاريط يتفرجوا و يصوروا الشباب اللي شغالين معاهم بقوا يولعوا شماريخ و عدي يولع العاب ناريه حولوا الشارع لفرح تاني و بعدين بقوا يرقصوا بسيوف مع الفرقه و يرقصوا علي اغاني بدوي البنات عمالين يضحكوا و يسقفوا و مبسوطين و ليله واقفه مصدومه من اللي بيحصل حواليها و عماله تضحك علي المجنون اللي بيرقص بالسيف فوق الخيل و خايفه عليه احسن يقع
اميمه واقفه جنب ليله تزغرط و تعيط تزغرط و تعيط كانت فرحانه اوي..
