لقاء كارثي
لقاء كارثي
وليد….بضحك دي شهاده اني لسه صغير سجلوها بقي
سلامه….اه والله ماشاء الله عليك تقي هتكبرك خد بالك
وليد…..لا ما انا هقعدها جنبي متقلقش
وصلوا علي المكان بره و اتفاجئوا بالمنظر و الجمال و شكل الهرم اللي يرعب من جماله مع الاضاءه و لقوا الناس وصلت كانوا كتير جداً
عدي و سليم و حتي محمود لمحوا البنات محمود بكل تلقائيه ابتسم
سليم ملامحه اتغيرت و عدي كمان بص علي تقي بصدمه بس مقدرش يتكلم ولا قدر يروحلها عشان كانت في ايد وليد.
قربوا كلهم و سلموا علي اهل عشري و راحت ايمي تسلم علي حماها و حماتها و ابوها وامها و سلمي راحت مع حسان تسلم هي كمان علي حماها و حماتها.
نعيمه قربت من اهل فضل و عشري و سلمت هي و نسمه و تقي كمان راحت مع وليد تسلم عليهم ابتسمت لعشري.
عشري….بابتسامه ليله الصغيره ظهرت ايه القمر ده
تقي…بابتسامه انت اللي قمر اوي بجد
عشري…مشوفتيش ليله تفتني كده عليها و هي عروسه
تقي….توما مدخلش اي حد فينا عليها بس متستعجلش هتظهر الوقت
عشري….ايه رأيك ليله الصغيره يا امي
امينه….بابتسامه الله اكبر كيف الجمر شوفتها انا بتك يا وليد صح
وليد…بابتسامه اه بنتي
ابتسمت تقي بكسوف وسلمت عليها
بصت لعدي بهدوء بصلها وسكت
وفجأه لقت تمارا بتقرب منها
تقي….تيموووو
تمارا….يخربيت الحلاوه ايه القمر ده
حضنتها تقي و مشيت كام خطوه بعيد عنهم قرب ادهم و حدوته و اتنين كمان من زمايلها سلمت عليهم
حدوته…..بابتسامه ايه الحلاوه دي
تقي….بابتسامه هاديه كانت خايفه تنطق ااا انتوا جيتوا بقالكم كتير
تمارا….مش اوي يعني تلت ساعه مثلا او نص
تقي…..طيب انتوا قاعدين فين
تمارا….هناك تعالي
تقي…..طيب هشوف ماما و اخواتي عشان من امبارح مشوفتهمش و هجيلكم
تمارا….اوك خلصي وتعالي
تقي….اوك
راحت تقي بسرعه علي امها و عماتها و نظره عدي ليها خلتها متوتره مش عارفه هو مضايق من الفستان و لا مضايق من حدوته مع انه كان عارف انه هيجي فقررت تتلاشاه خالص و تعمل حجتها انها مش عارفه تقرب منه عشان محدش يلاحظ حاجه.
نفس الوضع كان عند نسمه و سليم
بس الفرق هنا ان نسمه مقدرتش تفسر اوي نظره الضيق اللي سليم حس بيها مكانتش عارفه دي غيره بجد و مشاعره تجاهها زي ما هي حاسه ولا مضايق عشان مش عارف يتكلم معاها في وجود اهله و اهلها
