لقاء كارثي
لقاء كارثي
و بمجرد ما وصلوا كان الكافيهات بتاعتهم كلها مقفوله و متركب انوار قدام كل الكافيهات و الشارع الكبير بتاعهم كله و عند البيت بتاع عشري و ليله محطوط كشافات كبيره اوي
في الارض متوجهه علي البيت عامله اضاءه تجنن و الشباب اللي بيشتغلوا في الكافيهات كلهم واقفين معاهم بيظبطوا الدنيا و المفروض انهم كانوا هيفضلوا موجودين لاستقبالهم بليل و لاستقبال الفرقه اللي جايه اللي هتظفهم زفه عرباوي بالخيل و دي كانت من ضمن مفاجات عشري
لما وصل عدي و سليم كانوا اخواته تقريبا خلصوا كل حاجه خاصه بالشارع و تجهيزاته و اتفقوا مع الفرقه.
ركن سليم عربيه ليله
عدي…..علي خلصت التصريح مع القسم ولا اروح بسرعه
علي….خلصت كل حاجه متقلقش
عدي….طيب عرفتهم اللي هيحصل ولا التصريح ده بس عشان النور
علي…..لا متقلقش كل التصريحات خالصه و رشينا رشه حلوه يعني فرقع و اضرب براحتك متقلقش
روح انت بس لصحابك و للركيبه
اتفق معاهم و اكد عليهم
عدي…..طيب يكونوا موجودين في الهرم امته
علي…..12 بالدقيقه هيكون الفرح خلصان يعني من قبل 12 يكونوا موجودين بره
سليم…طيب محمد قال مع الركيبه في زفه عربيات
علي…..دي مع الشباب بقي هو واصحابه متفقين عليها و اكيد عارف
عدي….يطب اتاكدوا منه كده الاول
علي…..استني اتصل عليه.
عدي…..بس هو تقريبا قال ان عسال و سلامه و رشيد ظبطوا الدنيا خلاص
علي…..ايوه يا اخوي بقولك
عشري…..ايه يا علي قول
علي…انت مخلص اتفاق مع زفه العربيات
عشري…اه خلاص كاه تمام بس عدي و سليم المفروض يتفقوا مع الركيبه
علي…..عدي رايح الوقت يأكد عليهم بس بنتأكد منك انت علي العربيات
عشري….لا خلاص تمام متقلقش اكد بس علي الشباب يكونوا موجودين قبل 12
علي….قولتلهم خلاص
عشري…طيب قولي خدتوا التصريح و اكدت علي الفرقه
علي…..كل تمام متقلقش و النور اتعلق و الفراشه خلصت شغلها
عشري…طيب تمام متي بتيجوا
علي….شويه في حبه شغل نخلصهم و نقفل الدنيا و نبدا نتحرك
عشري….طيب قول لعدي و سليم ميتأخروش
علي…..هيمشوا علي طول الوقت هيروحوا بس يأكدوا علي الركيبه و يرجعولك
عشري….طيب تمام يلا متتأخروش انتوا كمان
علي……متقلقش يلا بالسلامه انت
عشري….سلام.
عدي…..متفق معاهم صح
علي…اه اتحرك انت وسليم يلا
