لقاء كارثي

ليله….اوووووف مش عارفه

موسي….اهدي خالص و متتوتريش يلا تعالي معايا

ليله…..اوك توما انا هروح بقي متتأخروش ماشي

توما….وراكي علي طول هنلبس بس و قبل ما تظهري هنكون واقفين تحت مع المعازيم و متقلقيش اي حاجه هتحصل في الميكب انا طول الوقت هكون جنبك

ليله…..اوك ميرسي يا توما بجد

توما…….علي ايه يا روح قلبي يلا روحي بقي عشان متتأخريش

ليله….اوك باي

خرجت ليله بهدوء مع موسي و كام شاب من التيم وها من وراء بهدوء و كان في عربيه جولف كار مستنياها عشان متمشيش كل ده

ركبوها و ظبولها الفستان و ركب موسي قدام و باقي التيم راحوا في عربيه تانيه و اتحركوا علي الديكور الخلفي وصلوا و نزلوها كانت متلجه و مرعوبه مش شايفه اي حاجه هي في المنطقه بتاعت التجهيز لا شايفه ديكور و لا معازيم ولا اي حد هما تحت و المكان اللي متجهز عالي و هي لسه هتطلع اكتر .

وقفها موسي علي جنب كانت ماسكه ايدها في بعض و مرعوبه راح اتكلم مع باقي التيم و بعدين رفع التليفون كلم واحد من اللي شغالين معاه و قفل.

راح الشاب بسرعه علي عشري و عرفوا ان العروسه جاهزه خلاص

راح عشري هو والشباب و قفوا في مكانهم و جنب عشري كان وليد

الاضاءه بدأت تتغير والانوار تهدأ قريوا البنات كلهم وقفوا وراء الشباب و اخوات ليله و البنات اجواز اخوات عشري كل البنات اللي كانوا موجودين وقفوا و الكل مطلع موبيلاته عشري واقف في المقدمه بكل شموخ و هيبه و الشباب كلهم اخواته صحابه واقفين في ضهره بالبدل شكلهم يجنن كان عددهم كبير اوي و البنات كمان عددهم كبير

المباخر طلعت بخور اكتر و اجهزه الدخان اشتغلت و الاضاءه كلها اتوجهت علي المكان اللي ليله هتطلع منه عماله تروح وتيجي بالعرض اشعه الليزر ملت السماء الاضاءه اللي كانت متوجهه علي الهرم كانت رهيبه..

حطوا الشباب ايدهم وراء ضهرهم و رفعوا راسهم لفوق الدرج كان عالي و عيونهم من كتر ما هو عالي كانت متوجهه للهرم كانهم باصين عليه و منتظرين الملكه اللي هتخرج من وسط الهرم..

المناظر اللي كانت بتظهر علي الباب اللي هتخرج منه تجنن و فجأه

خدها الودينج بلانر بهدوء و طلعوا الدرج الخلفي براحه و فضل ماشي معاها واحده واحده لحد ما طلعت علي استيدچ كبير للكواليس بتاعت التجهيزات من فوق

و فجأه الموسيقي اتغيرت و شغل موسيقي تناسب المكان والاجواء و بدأ بمعزوفه عالميه (كارمينا بورانا)