لقاء كارثي
لقاء كارثي
نزل عشري بعد كده رقص مع وليد بالسيوف ضرب النار مكانش بيقف ولا الالعاب الناريه و الشماريخ البهجه و الفرحه الي كانت حاصله كانت تجنن فضلوا واقفين اكتر من ساعه الا ربع عملها زفه وفرح تاني سمع زايد كلها
واخيراً بعد ما خلصوا الفرقه مشيت و بدأ صحاب عدي يمشوا
امينه…..يلا يا ولدي خد عروستك واطلعوا كفايه كده البت تعبت
عشري….بابتسامه حاضر يا ست الكل هنطلع الوقت
و قف عدي يسلم علي الناس و يشكرهم الفرقه و الشباب اللي كانوا موجودين و بعد كده وقف مع صحابه
سلامه….بضحك عشري انا بقول نطلع معاك عشان متزعلش
عشري….بضحك انا لو لمحت حد فيكم قبل شهر هزعلكم بجد
ضحكوا كلهم عليه
عسال……ازاي يا جدع الناس تقول علينا مسالناش علي صاحبنا
عشري…..احسن ما يقولوا صاحبهم ق,تلهم لو لمحت حد فيكم بيتصل هنفخه تليفوني و تليفونها هيتقفل
ايمي…..بضحك وانت بمالك بقي بتليفونها
عشري…..هو كده سيبونا بقي
نعيمه….بضحك هنيجي نخبط و نطلع
عشري….انا هقفل الباب الوقت من جوه بجنزير شوفوا بقي هتوصلوا ازاي
ايمي…. بضحك شايفه جوزك و قلة ادبه
فضلت ليله تضحك
اميمه….بقولك ايه يا عشري انا مش رخمه و مش هضايقكم بس ابقي طمني عليها
عشري…. بضحك انتي بالذات يا ست الكل اتصلي اي وقت الكلام للعيال الرخمه دي عشان عارفهم
اميمه….بضحك ماشي لو كده تمام يلا خدها بقي و اطلعوا كففايه كده
امينه….ايوه يا ولدي البت مش قادره تقف يلا يا حبيبي اطلعوا
عشري بص لليله بابتسامه تجنن
عشري….يلا بينا
ابتسمت ليله باحراج
ليله…..يلا.
سلم عشري علي صحابه و اخواته وابوه و امه و ليله وقفت سلمت علي اخواتها و سلمت علي البنات
ايمي….بهمس بت ابقي طمنيني عليكي
ليله…. بابتسامه توتر ايمي انا حاسه ان قلبي هيقف مرعوبه
ايمي….بضحك حضنتها اوي متخافيش يابت عيب عليكي دي شكة دبوس و بعدين خلي حد غيرك يقول مرعوبه دي يخربيت عقلك انتي متلجه كده ليه
ليله…..بابتسامه شكراً عي المسرح
ايمي…..بضحك والله مش مسرح بس شكلك عسل و انتي خايفه متخافيش يابت والله الموضوع بسيط افرحي و اتبسطي غمزتلها وادلعي
ضحكت ليله و حضنتها
ليله….روحي وارتاحي انتي مقعدتيش خالص
ايمي….حاضر متقلقيش عليا انا زي الفل
ليله….هبقي اكلمك ماشي
ايمي….ماشي يا قلبي
ليله….بقولك ايه ابقي قولي لنودي تبات مع نعيمه متسيبهاش لوحدها
