لقاء كارثي
لقاء كارثي
و كاتبين تحت ليله و محمد..
والاغلب التزم و الشكل كان يجنن بجد..
صحاب وليد و معارفه كمان كانوا موجودين كان فرحان و مبسوط و جود كل الناس دي و وقفه عشري واخواته والشباب جمبه مدتلوش فرصه اصلا يحس انه لوحده.
وجود الكبار حماده و احمد و عادل و اجواز اخواته كانت دعم وسند ليه
كان عمال رايح جاي يرحب بالناس و مبسوط اوي .
الترابيزات بدأت تتملي و المكان يبقي زحمه ..
علي الساعه سبعه بالدقيقه البنات كلهم كانوا خلصوا اتصلت ايمي علي رشيد
ايمي…الووو
رشيد…ايه يا حبيبي
ايمي….رشيد انا والبنات خلصنا ممكن تيجوا تاخدونا
رشيد…..حالاً يا قلبي
قفل معاها و راح للشباب عرفهم
وراحوا ياخدوهم فضل و سلامه و عسال و حسان و رشيد و عمرو جوز امنيه و وليد كمان راح ياخد تقي
البنات كانوا طالعين يجننوا ولا غلطه
الميكب الشعر الدريسات ملايكه بجد
وقفوا البنات جنب بعض كلهم مستنين الشباب يوصلوا.
مدت نعيمه راسها و بصت علي ايمي و هي بتضحك.
نعيمه…..لما بشوف فستان ايمي بحس بالراحه
سلمي….بضحك والله وانا كمان
ايمي……بأبتسامه اشمعني يا واطيه منك ليها
نعيمه…….بضحك عشان فستان اوسخ فستان فينا فا لما يجوا انتي الوحيده اللي هتلفتي النظر لما يبصولنا بقي هيحسوا اننا اهون فا هيسكتوا
ايمي….بضحك اااه قولتيلي كبش فداء يعني
ايه….ياستي انتي رشيد ده سكر و فري كده و راجل مريح مبيتعصبش انما احنا هنتطرقع
ريهام….بضحك و الله حاسه ان انا هتروق من اخواتي اول واحده
نادين….بالعكس فستانك جميل
ايمي…..فستانك قمر و مش اوڤر يا بت اياك يتكلموا معاكي.
ايمي…..انا في حمايتك يا كبيره
نعيمه….بضحك كلنا في حمايتها
الشباب كانوا عارفين انهم خاربين الدنيا اكيد و كانوا بيدعوا ان الفساتين متبقاش اوڤر عشان اليوم يعدي من غير مشاكل و رغم ان الفساتين كانت عكس توقعاتهم و اتصدموا بجد الا ان شكلهم خلاهم سكتوا كانوا قمرات بمعني الكلمه واقفين كلهم جنب بعض صف
و مبتسمين و خايفين منهم في نفس الوقت اول ما الشباب شافوهم ابتسموا ورفعوا حاجبهم بس سكتوا و محبوش ينكدوا عليهم
قربوا الشباب و كان اول حد قرب رشيد اللي لف ايده علي ضهر ايمي و ضمها بحب
رشيد…..بهمس انتي العروسه ولا ليله
ايمي….بابتسامه انا اخت العروسه
رشيد….بضحكه تجنن انا هقت,لك علي اللي انتي لبساه ده بس لما نروح
