لقاء كارثي

عشري…..عارف بس دي حاجه بسيطه يا اغلي ليله

ليله….. بابتسامه ربنا يخليك ليا يا مجنون

عشري….ويخليكي ليا ياعمري يلا اقفليها بقي و البسيهم لما تلبسي فستانك

ليله….بأبتسامه حاضر

قفلت الشنطه و رجعتها تاني مكانها و بعدين قربت منه نامت علي كتفه

رفع كفه علي خدها و كمل طريقه..

الشباب طول الطريق ماشيين عاملين زفه و كانوا فرحانين من قلبهم بجد اغاني عاليه و فرحه من القلب و زفه بسيطه عالضيق استعداداً للزفه الكبيره

………………….

بعد وقت مش طويل اوي وصلوا اخيراً الهرم من اول ما وصلوا و استقبلهم الكل بترحيب و سعاده و مباركه شافت ليله المنظر بتاع المكان و التجهيزات و اتصدمت

المكان كبير اوي واسع ترابيزات كتير
مفروشه بالستان ورود في كل مكان

ديكورات تهبل كانت عارفه ان المكان مفتوح بس مكانتش متخيله كم الترابيزات اللي فتحت من عشري و عرفت انه محضرلها اكتر بكتير من الي قاله و رغم كل ده جمال المكان مكانش لسه واضح ولسه مفيش اضاءه النهر لسه طالع بس الليل اكيد هيكون سحره مختلف.

التيم خدهم فرجهم علي الاستديوهات او الكراڤانات الخاص بيهم عشان يجهزوا فيها و بعد كده راحت مع كام واحد من التيم هي و عشري يعرفوها هتعمل ايه و تدخل ازاي .

عشري عرفها علي الويدينج بلانر

عشري…..ليله ده استاذ موسي الويدينج بلانر هو اللي صمم كل حاجه و تعب معايا كتير و في وقت بسيط اوي.

ليله…. بابتسامه اهلا بحضرت

موسي….اهلا بيكي و الف مبروك يا عروسه

ليله…..الله يبارك فيك

موسي…..بصي بقي العريس بتاعنا عارف هيعمل ايه كويس بقالنا كذا يوم مع بعض و هو حفظ خلاص فاضل بقي انتي

ليله….بابتسامه بصتلهم هو في حاجه لازم اعرفها غير اني ابقي عروسه

موسي…..طبعاً اهم حاجه الداخله بتاعتك احناا الوقت هنطلع هناك شايفه المكان العالي ده المفروض انتي هتنزلي منه بس بعد ما تجهزي هناخدك من الميكب ارتيست و
هتكوني معانا احنا العريس مش هيبقي موجود تمام و هنطلع من وراء من غير ما اي حد يشوفك المفروض العريس هيكون مستني في المكان ده و طبعاً كل الناس كمان واقفين في استقبالك و التيم بتاعنا هينظم الدنا معاهم

و انا هكون معاكي فوق هتبقي واقفه وراء الباب قبل ما تدخلي طبعاً في موسيقي او اغاني معينه بتشتغل عينك هتبقي معايا هتدخلي في وقت معين لما اديكي الاشاره