لقاء كارثي

ضحكت ليله بهدوء

امينه …يا فرحة جلبي بيكم طالعه كيف الجمر ربنا يبعد عنك العين و شر عيون الناس يا ضنايا الف مبروك يا ليله

ليله….بحب الله يبارك فيكي يا احلي امونه و يخليكي ليا

شويه وقربت زوزو و حماده و نجلاء وعادل واحمد وحنان كلهم باركوا من قلبهم بكل سعاده و اتصورا

اخواته و البنات و عمته و كل الناس و عرفها عشري علي ناس من اهله

واستمرت الفقره بتاعت التصوير و المباركات شويه..

و بعد كده رجع الفرح تاني و بدأوا اول رقصه ليهم

علي أغنيه اصاله تامر عاشور في قصر بعيد…

مدلها عشري ايده مسكته بهدوء و الاضاءه نزلت عليهم و اكل كان حواليهم و بدأت رقصتهم الاولي

لفت ليله ايده علي رقبته و هو مسك وسطها و طول الرقصه مبتسمين و باصين لبعض محدش فيهم بيتكلم بس عينهم كانت بتقول كل حاجه

خلصت الرقصه و بدأ الجنان بجد
و رقصوا مع البنات و الشباب علي اكتر من اغنيه اغنيه

ليله كانت عندها حاله غريبه و الكل كان مستغربها مكسوفه ترقض و لسه لحد الوقت متاخده و مخطوفه مبتسمه و بتتحرك بهدوء علي غير عاديه كانت في حاله جميله من الخجل و الهدوء و في نفس الوقت ضحكتها مش مفارقه وشها كانت اعقل بكتير مما الكل يتصور حتي رقصها كان برئ اوي كانت خاطفه النظر من غير اي حركه حضورها كان طاغي و طلتها كانت تخطف

عشري هو اللي كان بيرقصها وهي عماله تضحك و مش عارفه تتعامل البنات اللي كانوا قايمين معاها بالواجب و كأنهم بيردولها وقفتها معاهم في اي مناسبه المرادي هما اللي كانوا فرحانين بيها من قلبهم بجد نعيمه مش مبطله زغاريط هي و ريهام و تقي و البنات اللي عمالين يرقصوا و ايمي مشغوله بفستانها عماله بس تعدلها الطرحه الفستان تديها منديل تشربها مايه .

لحد ما فات حوالي ساعه الا ربع من الفرح و فكت ليله شويه غصب عنها لما بدأت مفاجات عشري ليها تحصل.

الاغنيه اللي كانوا بيرقصوا عليها البنات خلصت صوتهم كان عالي ضحك هزار زغاريط كلام.

و سمعوا بتاع الدي چي.

بعد اذن حضراتكم عايز العريس والعروسه علي البيست لوحدهم عايزين نعمل دايره كبيره تحت

بصت ليله حواليها و هي مبسوطه مش مخونه ولا شاكه في اي حاجه بتحصل شايفه علي المسرح فرقه كبيره و شباب عمالين يظبطوا حجات

وفجأه سمعت صوت مختلف عن بتاع الدي چي علي المسرح بس برضوا مكانتش مركزه و الصوت كان واضح بس مش باين مين اللي بيتكلم