لقاء كارثي

عشري…..بضحكه جميله اه صحيح انتي لسه متفرجتيش اه غيرته بس هو نفس اللون عدت عليه بس عشان يرجع ينور كده

ليله….انت مجنون بجد عملت ده امته اكيد خدت وقت

عشري….ولا وقت ولا حاجه انا بدأت في البيت بعد ما رجعنا من السفر علي طول الدهان خد يوم بس لانه كان وش نضافه مش اكتر تعالي يلا افرجك عملت ايه تاني و لا تحبي ترتاحي الاول

ليله….ااا لا لا يلا خليني اشوف
بصت علي الشاشه و ضحك الشاشه موجوده بس المكتبه متغيره صح

عشري….بضحك اه متغيره والله كنت بفكر اجيب اسكرينه نحطها علي الشاشه بس مفيش

ليله….بضحك متخافش مش هكسرها

عشري….بصي بقي يا ستي المكتبه متغيره صح و حتي الديكور اللي جنبها متغير و كمان التحف و الكريستالات اللي اتكسرت جيبت غيرها

ليله….بابتسامه مش كنت سيبتها فاضيه احسن

عشري….لا ماهو فلوسك و دهبك في الخزنه احنا صحيح وقفنا عند كام عليكي 400 الف صح

ليله…. بضحك لا يا نصاب كانوا 350 الف

عشري….بضحك طيب خلاص انا هطلع جدع معاكي و مش عايزهم بس يكون في علمك الصفحه الجديده اللي اتفتحت دي مش بعملها مع اي حد يعني اي حاجه هتكسريها بعد كده هخصم علي طول

ليله….بضحك ماشي اتفقنا

عشري….فتح اضاءه المبطخ كلها ايه رايك

ليله……عشري انت مغير المبطخ

عشري….بابتسامه المطبخ و زودت اضاءه اكتر و الرفوف اللي هتستخديمها كتير خلتها تحت شويه عشان الطول وكده

ليله…..بضحك اتلم انا طويله علي فكره

عشري…..اه بس لو عملتها علي طولي انا هتبقي اوزعه و مش هتطولي

ليله…. بابتسامه ماشي

عشري….كمان المطبخ الداخلي اتغير خالص اتعمل زي المطبخ هنا يعني تقريباً بيكملوا بعض ايه رايك حبتيه
انا عارف انك بتحبي الالواني دي اكتر

ليله…..يجنن يا عشري بس علي فكره الاول برضوا كان يجنن و نفس الالوان بحبها ليه غيرت كل ده

عشري…..عشان لما ترجعي تلاقي كل حاجه جديده كنت عايز انسيكي الطريقه اللي جيبتك بيها اول مره بس لو اعرف انك هتقفي علي الباب و تفتكري و تضحكي مكنتش غيرت

ليله…. بابتسامه انت عارف اه كنت متعصبه شويه بس يعني مكنتش مضايقه

ابتسم عشري و خدها من ايدها يلفوا علي باقي الشقه طلعها الروف كان مليان زرع و ورود و اضاءه تجنن قاعده جميله وبعدين نزلوا يفرجها علي الغرف كان عامل تعديلات في كل الاماكن تقريباً مغير ديكورات و تحف البيت كله ورد في كل الڤازات كانت حاسه بتجديد و تغيير جامد.