لقاء كارثي

عسال…اه تمام متقلقش

عشري…..ماشي

راح عسال بلغهم و اقل من تلت ساعه كان الاكل وصلهم و وصل لليله الاول هي و توما كان اكلها عباره عن قطعه استيك و سلطه و طبق فاكهه و عصير

ليله….يلا يا توما كل انت بقي

توما…يلا انتي كمان كلي عشان متتعبيش

ليله…..حاضر

توما….اول ما تخلصي علي طول تقومي تجهزي هدخلك ميار المساعده تلبسك و شريف هيدخل يظبط شعرك و انا علي طول هعمل الميكب

ليله…..طيب و ايمي مش هتروحلها

توما….هروحلها شريف بيخلص شعرها بس اكل و هروح اظبط الدنيا انا معاها و هرجعلك تكوني جهزتي

ليله….طيب تمام

توما…..مش عايزك تقلقي انا عامل حسابي في الوقت علي الساعه سبعه و نص هتكوني مخلصه ان شاء الله

ليله…..انا عارفه يا توما و مش قلقانه اكيد

توما….طيب يلا كلي بسرعه

ليله….بابتسامه حاضر

ليله كانت كل ما تحس ان الوقت بيعدي تحس بتوتر اكبر مكانتش قادره تسيطر علي قلبها عمال يدق بعنف كل ما عينها تيجي علي الساعه تحس بخطفه في قلبها ثواني و ترجع تهدأ طول الوقت كانت متلجه اطرافها مش بتدفي
الجو يمكن مكنش برد اوي و بدأ يحرر بس هي مكانتش مظبوطه خالص ..

اتصلت عليها اميمه تطمن عليها.

ليله….بهدوء ايوه يا اميمه

اميمه…..عامله ايه يا نور عيني انا عارفه انك مشغوله بس قولت اطمن عليكي

ليله…. بابتسامه لا يا حبيبتي اتصلي اي وقت انا بخير اطمني

اميمه….كلتي ولا مقضياها سجاير وقهوه يا ليله

ليله…..والله انتي بنت حلال يا اميمه لسه الاكل جاي و باكل اهو

اميمه…..كلي يا نور عيني و خلصي اكلك عشان خاطري هتتعبي لو مكلتيش

ليله….حاضر هاكل والله

اميمه….وبلاش قهوه لو انا غلليه عندك هتوقف قلبك و لسه يومك جويل

ليله….بضحكه هاديه حاضر مش هشرب المهم طمنيني انتوا بخير جهزتوا ولا لسه عرفيني كده

اميمه….احنا زي الفل و خلاص قربنا نخلص نص ساعه باذن الله و نتحرك عشان نبقي موجودين قبلك و قبل الناس

ليله…..ماشي يا حبيبتي متتاخريش اوي والنبي

اميمه…..مش هتأخر يا نور عيني متخافيش المهم انتي بخير

ليله….اه انا تمام و زي الفل متقلقيش

اميمه….ماشي يا حبيبتي هسيبك تكملي اكل بالف هنا يا نور عيني

ليله….حبيبتي يا اميمه يلا سلام يا روحي

اميمه…..سلام.

قفلت معاها و دقيقه بالظبط عشري اتصل

ليله…..بهدوء الوو