لقاء كارثي

ايمي….بأبتسامه و هي عينها بتلمع بالدموع و انا واثقه فيك

توما….لا بصي هتعيطي هعيط جنبك لو العيون دي باظت انا مش عارز دموع خالص امال اما تشوفيها هتعملي ايه

ايمي…..بضحكه هاديه و هي بتهوي علي عينها لا خلاص مش هعيط

توما….طيب يلا قومي اجهزي و لو احتاجتي حاجه بعد ما تخلصي هبقي اجي اظبطلك الدنيا

ايمي…ماشي

خرج توما وراح علي ليله كانت لابسه الفستان و شكلها بخطف من قبل حتي ما تعنل الميك اب و شريف بيظبط اخر جزء في شعرها كان عاملها تسريحه هاديه شعرها من النص فيه فرق و ساحبه لوراء كله تسريحه هاديه وسيمبل بس سحبة الشعر كانت تجنن.

توما…..الله اكبر الله اكبر ايه القمر ده امال لما تحطي الميكب اب هتعملي فينا ايه

ليله…..بابتسامه تأثر و هي قلبها هلاص اعلن انه مش هيهدي تاني بجد شكلي حلو

توما….حلو بس ايه يا ليله الفستان ده ايه الشياكه والفخامه دي كلها ده انتي بقيتي ملكه بجد

شريف….بضحك شوفتي بقي لسه بقولها الفستان مع المكان ميكس رهيب

توما…..الله اكبر تجنني يخرب عقلك بقولك ايه انت فاضلك قد ايه

شريف….خلاص انا بلم لوراء و هثبت و لما تخلص هظبط الطرحه

توما….طيب و التاج

شريف…..هي قالت مش عايزه

توما…..طب ليه يا ليله ده شريف معاه كوليكش يجنن و هتلاقي كذا واحد ماشيين مع الفستان اوي

ليله….مش عارفه يا توما بس مش حاسه اني عايزه البس تاج يعني عايزه اكون بسيطه بالطرحه و بس

توما…..عشان تبقي ملكه بجد و بعدين هي الطرحه مش هتبقي وراء

شريف…لا هي هتبقي قدام شويه علي نص شعرها بس هو في العموم انا جربت الطرحه شكلها بيرفكت
يعني مش محتاجه تاج و بعدين خليما الاول نخلص و نجرب لسه في وقت

توما….طيب ماشي خلص بس انت عشان أبدأ الله اكبر ده انتي عايزه تتبخري يا ليله

ليله….بأبتسامه حمستني اشوف نفسي

توما…..لا في الاخر عشان تاخدي الصدمه

شريف…..انا خلصت يلا تعالي انت بقي و انا هروح اشوف البنات محتاجين اي حاجه ولا لا

توما….ماشي خلص وتعالي علي طول

شريف…ماشي

خرج شريف و بدأ توما معاها الميك اب و سرح بخياله ..

علي سته وربع بالظبط الشباب كلهم كانوا مخلصين و لبسوا البدل و واقفين مع عشري في الاوضه يظبطوا شكلوا فرحانين فرحه متتوصفش اللي يلبسوا الچاكت و اللي يحطلوا برفيوم و اللي يظبط الكراڤته كان زي القمر و هما كانوا يجننوا..