لقاء كارثي

عشري….وانا قبلت زواج موكلتك الانسه ليله كامل محمد احمد المارديني زواجاً شرعياً علي كتاب الله و سنه رسوله

سمعت صوت زغاريط كتير في الميكس ..

الف الصلاة والسلام عليك ياحبيب الله محمد

الف الصلاة و السلام عليك يا حبيب الله محمد..

هز موسي راسه لليله خدت نفس و الباب اتفتح و دخلت بهدوء وهي بتتنفض قربت بهدوء و قفت في النص بين الفرقه و هي باصه لفوق و بمجرد ما دخلت ظهرت و كل الشاشات جابت شكلها دقات قلبها و شكل صدرها وهي بتاخد نفسها اقسم الكل انها هتفقد وعيها عينها كلها دموع ابتسامه هاديه تأثر مرعب

صوت زغاريط الموسيقي مع صوت زغاريط المعازيم و هي واقفه مش قادره تتحرك و لا تبص ثابته لكن نفسها مش ثابت و اشتغلت اغنيه حسين الجسمي (ادخلي عمري)

و فجأه بدأت الالعاب الناريه تملأ المكان عرض اسطوري مع عظمه و رهبه الاهرام و بطول الدرج بقت النار تطلع.

عشري اول مالمحها مقدرش يسيطر علي دقات قلبوا و ابتسامته

البنات اول ما شافوها من بعيد دموعهم بقت تجري .

اميمه بقت عماله تعيط هي و قمر ومنظرها من بعيد وهي مخطوفه خلاها مبطلش دعوات ليها.

اميمه…..بسم الله علي قلبك بسم الله علي قلبك يا نور عيني

امينه……بتأثر و ابتسامه كانت بتكلمها كأنها سمعاها بسم الله عليكي اهدي يا ضنايا اهدي يا حبيبتي

ايمي بقت عماله تمسح دموعها اللي بتجري علي وشها و قلبها هينط من الفرحه من جمال ليله ..

عشري كان حاسس ان قلبه هيقف من الخوف خليها الشاشات كلها جايبه ملتمحها و جسمها اللي بيتنفض بقي هاين عليه يبوظ كل حاجه ويطلع جري ياخدها في حضنه…

واحد من التيم هز راسه لوليد عشان يتحرك.

خد وليد نفس طويل و فرد جسمه و مشي بهدوء و بعدين بدأ يطلع الدرج و هي شيفاه بيقرب عليها من بعيد
دموعها متحجره في عينها لدرجه انها بقت شيفاه زي الخيال و هو بيقرب و بيطلع.

طلع وليد اخيراً و بصلها بحب و تأثر و بعدين قرب منها و انهار في حضن ليله و هنا ليله مقدرتش تمسك دموعها اكتر من كده ضمتوا و مسكت رقبته و سابت دموعها كانت بتترعش جوه حضنه.

الالعاب الناريه مش بتقف و الكل تحت عمال يسقف يزعرط الشباب تصفر و الكل منهار علي دموعهم اللي ظاهره في في الشاشه ليله عينها في السماء و مغمضه و حضنته مش راضيه تسيبه عماله تمشي ايدها علي ضهره و هو منهار