لقاء كارثي
لقاء كارثي
ايمي…..متخافش يا حبيبي اكيد مش هسيبها
رشيد….فتحلها الباب طيب يلا يا روحي اركبي.
بدأ كل البنات تركب نسمه و تقي ركبوا مع عدي و سليم
ريهام ركبت مع سلامه و أيه
فتح عشري الباب لليله و بصلها بأبتسامه..
عشري…..اركبي يا عروسه
ليله…..بابتسامه ميرسي يا عريس
ابتسم عشري و قفل الباب و بص عليهم كلهم و استناهم ركبوا و بعدين راح ركب و اتحركوا.
كان حاسس ان ليله متوتره اوي
و بعدين لقاها بتبص علي الشباب و البنات و بتضحك بهدوء عمالين يضربوا كلاكسات و عاملينلهم زفه و الاغاني شغاله علي اخرها.
ليله…..يا مجانين
ابتسم عشري و فضل يضرب معاهم علي الكلاكس بصتلوا وهي بتضحك
ليله….بضحك و كسوف انت ايه اللي جرالك انت كمان بتعمل زيهم
عشري…..بزف عروستي انتي مالك انتي
مسك كفها وباسه بحب ابتسمت و شبكت صوابعها في ايده.
عشري….مبسوطه
ليله….. بابتسامه هزت راسها اوي
عشري…..طيب متوتره ليه كده
ليله…ااا انا لا خالص
عشري…لا متوتره و متلغبطه و اول مره أشوفك عامله زي الاطفال
ليله….بضحكه جميله اممم يمكن عشان عروسه مثلا وده طبيعي و لا انت شايف ايه
عشري….بضحك تصدقي ممكن
ليله….شوفت بقي
عشري…..بس شكلك حلو و بعدين حاسس انك مكسوفه شويه يا باطلطجيه ولا انا بيتهيألي
ليله….بضحك طيب هو انت هتفضل مطلعني مسرح كده كتير
عشري….اه لحد ما تفكي
ليله….بابتسامه اممم ماهو اكيد هفك اديني بس وقتي
عشري….طيب ممكن أسال سؤال
ليله….اكيد
عشري…..حاسه بأيه غير انك مبسوطه
ليله…..ابتسمت و خدت نفس عميق و هي بتهز كتفها ااا مش عارفه بس يعني حاسه اني مخضوضه متاخده متوتره اوي حاسه اني لسه فوق في البيت في اوضتي نايمه و بحلم بس معنديش دليل
عشري….بضحك طب ايه اقرصك ولا ابوسك
ليله….بضحك لا مشيها قرص و بلاش قلة ادب
عشري….. بابتسامه غمزلها اه صح نأجل البوسه لبليل
ضحكت ليله و اتوترت اكتر و ضربته في كتفه
عشري….بضحك طب خلاص خلاص هسكت والله قوليلي بقي يا ست البنات فطرتي
ليله….بابتسامه اه الحمد لله صحيت لاقيت ايمي و سلمي مجهزين فطار كتير اوي بيحتفلوا بيا بقي و بس كلنا كلنا مع بعض انت فطرت
عشري…..انا فطرت اخلي فطار مع امونه متوصيه بيا انهارده عريس بقي
ليله…. بابتسامه اممم قولتلي شكلهم كلهم متفقين علينا
